Претседателката на Европската централна банка (ЕЦБ), Кристин Лагард, ги повика европските челници  итно да развијат домашна инфраструктура за дигитални плаќања, предупредувајќи дека практично секоја трансакција со картичка или мобилен телефон на европските граѓани денес поминува низ системи контролирани од американски или кинески компании.

Неколку дена по нејзината порака, на 2 февруари, Европската иницијатива за плаќања (EPI) и алијансата EuroPA потпишаа договор за изградба на паневропска интероперабилна мрежа за плаќање што ќе опфати околу 130 милиони корисници во 13 земји. Срцето на системот е дигиталниот паричник Wero, дизајниран како европска алтернатива на Visa, Mastercard и PayPal.

Во интервју за ирското радио, Лагард отворено рече дека Европа мора да има „дигитални плаќања под своја контрола“.

-Важно е за нас да го имаме дигитално плаќање под наша контрола. Без разлика дали користите картичка или телефон, обично тоа оди преку Visa, Mastercard, PayPal, Alipay. Од каде доаѓаат сите тие? Па, или од САД или од Кина- изјави Лагард.

Плаќањата со картички сочинуваат околу 56% од сите безготовински трансакции во ЕУ, додека Visa и Mastercard заедно годишно обработуваат околу 24 милијарди долари трансакции низ целиот свет.

Во геополитичка средина во која ЕУ се стреми да ја намали својата зависност од САД во областите на енергетиката, одбраната и трговијата, платните системи останаа речиси незабележана стратешка ранливост.

Европа учи од искуството на Русија каде што  по западните санкции во 2022 година и исклучувањето од системите на Visa и Mastercard, домашните плаќања беа сериозно нарушени. Прашањето што сега се поставува во Брисел е: што ако еден ден ЕУ биде изложена на сличен притисок?

Европската иницијатива за плаќања, конзорциум од 16 големи банки и процесори за плаќања, вклучувајќи ги BNP Paribas, Deutsche Bank и Worldline, го лансираше Wero во јули 2024 година како европски одговор. Изграден врз основа на SEPA инстант кредитни трансфери, Wero им овозможува на корисниците да испраќаат пари користејќи само телефонски број – без IBAN, без картичка, без посредник.

Бројките досега се охрабрувачки. Wero веќе има над 47 милиони регистрирани корисници во Белгија, Франција и Германија, обработи над 7,5 милијарди евра во трансфери и брои повеќе од 1.100 институции-членки. Малопродажните плаќања беа воведени во Германија на крајот на 2025 година, а трговци, вклучувајќи ги Lidl, Decathlon, Rossmann и Air Europa, веќе го прифаќаат Wero преку интернет. Франција и Белгија следат во 2026 година.

Но, вистинскиот пробив се случи на 2 февруари, кога EPI потпиша меморандум за разбирање со EuroPA Alliance – коалиција на национални платни системи, вклучувајќи го италијанскиот Bancomat, шпанскиот Bizum, португалскиот MB WAY и нордискиот Vipps MobilePay. Договорот веднаш поврзува приближно 130 милиони корисници во 13 земји, покривајќи приближно 72% од населението на ЕУ и Норвешка.

Прекуграничните плаќања од човек до човек ќе започнат оваа година, додека е-трговијата и плаќањата на местата на продажба се очекуваат во 2027 година.

Во исто време, под покровителство на ЕЦБ, се развива проектот за дигитално евро, кој би ја претставувал дигиталната валута на централната банка достапна низ целата еврозона. Иако законската рамка сè уште не е целосно усвоена, се проценува дека, откако ќе биде одобрена, имплементацијата би траела дополнителни две до три години.

Веро е приватна иницијатива, додека дигиталното евро е јавни пари. Формално, тие се комплементарни, но амбицијата е иста – суверенитет на плаќање на Европа.

Скептицизмот е оправдан. Според проценките на EPI, потребни се милијарди евра инвестиции за да се изгради одржлив конкурент на американските гиганти. Ниските разменски такси во ЕУ дополнително ја попречуваат профитабилноста. Потрошувачките навики се длабоко вкоренети, а Visa и Mastercard нема пасивно да го гледаат губењето на пазарот.

Сепак, политичкиот моментум никогаш не бил посилен. Регулативата на ЕУ за моментални плаќања, амбицијата за зајакнување на Унијата на пазарите на капитал и пошироката стратегија за европска стратешка автономија се движат во иста насока.

The post ЕВРОПА СОЗДАВА АЛТЕРНАТИВА ЗА ВИЗА И МАСТЕРКАРД Лагард повика Европа да изгради сопствена инфраструктура на дигитално плаќање appeared first on plusinfo.mk.

Сегашниот светски поредок се менува, но неговата трансформација не значи целосен прекин со постојниот, изјави денеска претседателката на Европската централна банка, Кристин Лагард, отфрлајќи го тврдењето на канадскиот премиер Марк Карни дека „се наоѓаме во крах“.

-Не се согласувам целосно со Марк – изјави Лагард на Светскиот економски форум во Давос, пренесена од британските медиуми.

Таа верува дека креаторите на политиките стигнале до точката каде што мора да размислат за „план Б“, но дека дури и со таков план, не е сигурна дека треба да се зборува за прекин со постојниот поредок.

– Според мене, треба да разгледаме алтернативи – истакна Лагард.

Канадскиот премиер Марк Карни во текот на говорот на Светскиот економски форум во Давос предупреди дека светскиот поредок се соочува со сериозен крах,  и тоа не само заради бавните промени.

Карни рече дека постојниот меѓународен систем заснован на правила и соработка повеќе не функционира како некогаш и го опиша како „фиктивна приказна“ која се распаѓа под влијание на соперништвото меѓу големите сили.

Според него, сè повеќе големи држави ги користат трговијата, финансиите и синџирите на снабдување како средство за притисок, наместо овие врски да ја зајакнат глобалната соработка.

– Ние сме кот на крах, а не на транзиција – рече Карни, истакнувајќи дека старите претпоставки за глобалната стабилност повеќе не се валидни.

The post ДАЛИ НА СВЕТСКИОТ ПОРЕДОК МУ ТРЕБА „ПЛАН Б“? Лагард смета дека тој се менува без да ги раскине врските со сегашниот appeared first on plusinfo.mk.

Дипломатски инцидент ја одбележа елитната вечера на Светскиот економски форум во Давос, откако американскиот секретар за трговија Хауард Лутник упати остри критики кон Европа, по што претседателката на Европската централна банка, Кристин Лагард, демонстративно ја напушти салата, пренесуваат „Фајненшл тајмс“ и „Волстрит џурнал“.

Настанот се случил на затворена вечера организирана од извршниот директор на „Блекрок“, Лари Финк, каде што Лутник одржал говор во кој директно ја нападнал европската економска и енергетска политика, оценувајќи ја како причина за губење на глобалната конкурентност на континентот.

Лагард си заминала среде говорот

Според извори присутни на вечерата, Лутник во остар тон ги споредувал економските капацитети на Европа и САД, при што, како што наведуваат сведоци, дошло до негодување, довикувања, а дел од гостите ја напуштиле салата.

Во тој момент, Кристин Лагард станала и ја напуштила вечерата, што било сфатено како јасен дипломатски сигнал.

Од Европската централна банка официјално не коментираат, додека портпаролот на Лутник тврди дека „никој не си заминал предвреме“. Неофицијално, од ЕЦБ сугерираат дека Лагард била заморена, но дел од присутните го негираат тоа објаснување.

„Глобализацијата е пропадната политика“

На маргините на Форумот, Лутник дополнително ја засили реториката, оценувајќи дека глобализацијата е „промашен проект“ кој ги оштетил западните економии, а особено американските работници.

Глобализацијата ја поткопа домашната индустриска база и ги ослабе националните економии. Моделот „Америка на прво место“ ги става сопствените работници во центарот и ги охрабрува и другите земји да го разгледаат овој пристап – изјави Лутник.

Тој остро ги критикуваше и европските цели за јаглеродна неутралност до 2030 година, оценувајќи дека ориентацијата кон соларна и ветерна енергија без сопствено производство на батерии ја прави Европа зависна од Кина.

Обвинувања за протекционизам и реакција од Индија

Лутник повторно ги обвини европските земји за трговски протекционизам кон американски производи, наведувајќи примери со пилешко месо, јастози и говедско месо, додека тој самиот важи за силен поборник за воведување царини.

На неговите настапи реагираше поранешниот индиски секретар за надворешни работи, Канвал Сибал, кој на социјалната мрежа „Икс“ оцени дека Лутник се служи со „пригодни измами“.

Сибал потсети дека токму САД биле главниот архитект на глобализацијата по распадот на Советскиот Сојуз, користејќи ја за зацврстување на својата економска и финансиска доминација.

Тензии пред говорот на Трамп

Инцидентот во Давос се случува во чувствителен момент, кога европските лидери се обидуваат да формулираат заеднички одговор на најавите на американскиот претседател Доналд Трамп за нови царини, поврзани со неговите барања САД да преземат контрола врз Гренланд – барања кои европските официјални лица ги опишуваат како форма на уцена.

На 56-тиот Светски економски форум во Давос, кој трае до 23 јануари, учествуваат околу 3.000 лидери од повеќе од 130 земји, а денеска се очекува и обраќањето на претседателот Трамп пред глобалната елита.

The post ЖЕСТОК НАПАД ВРЗ ЕВРОПА ВО ДАВОС Лагард ја напушти вечерата по остар говор на американскиот секретар за трговија appeared first on plusinfo.mk.

Европа треба јасно да покаже какви инструменти има на располагање, да демонстрира колективна решителност и да дејствува обединето, бидејќи само така може да ги заштити своите интереси во новиот меѓународен поредок, изјави денес претседателката на Европската централна банка (ЕЦБ) Кристин Лагард.

Во интервју за француското радио RTL, таа оцени дека американскиот претседател Доналд Трамп „често применува трансакциски пристап“, како и дека „ја поставува летвата многу високо, на нивоа што понекогаш се целосно нереални, со цел да изнуди отстапки“, додека Европа треба да дејствува на координиран и силен начин на ваквите потези.

Според неа, неизвесноста предизвикана од американската трговска политика е поголем проблем од инфлаторниот ефект на царините.

Лагард очекува дека инфлациското влијание на американските царини врз Европа ќе биде благо, при што негативните последици ќе бидат поизразени во Германија отколку во Франција.

Таа забележа дека европските земји би биле многу поотпорни на вакви шокови доколку ги отстранат нетарифните трговски бариери во рамките на Европската Унија.

Во саботата, Трамп објави воведување на 10% царини за стоки од Данска, Норвешка, Шведска, Франција, Германија, Велика Британија, Холандија и Финска, почнувајќи од 1 февруари, со можност за зголемување на 25% почнувајќи од 1 јуни.

Како што изјави, новите царини ќе бидат во сила сè додека Соединетите Американски Држави не добијат дозвола за купување на данската територија Гренланд.

Главните членки на Европската Унија го оценија овој потег како политичка уцена и најавија одмазднички мерки, вклучително и воведување царини за американски стоки во вредност до 93 милијарди долари.

The post НЕИЗВЕСНОСТА ОД ТРГОВСКАТА ПОЛИТИКА НА ТРАМП Е ПОГОЛЕМА ОД САМИТЕ ЦАРИНИ Лагард очекува новите царини благо да ја зголемат инфлацијата appeared first on plusinfo.mk.

Потребно е да се почитува меѓународното право при разгледување на употребата на замрзнатите руски средства за помош на Украина, порача претседателката на Европската централна банка, Кристин Лагард.

– Секоја предложена шема мора да биде во согласност со меѓународните правила, да се обезбеди почитување на принципите на законитост на финансиската и геополитичката сцена – рече Лагард за време на состанокот со европските пратеници во Стразбур, коментирајќи ги континуираните напори на ЕУ да пронајде механизми за користење на 210 милијарди евра руски суверени пари замрзнати во западните земји по нападот врз Украина.

Лагард нагласи дека ЕУ мора да ја искористи „единствената можност“ да ја замени доминацијата на американскиот долар и да ја зајакне улогата на еврото на глобалната сцена.

– Сегашната геополитичка нестабилност им дава на креаторите на политиките на ЕУ единствена можност да ја зајакнат улогата на еврото на глобалната сцена. Светот е во транзиција. Геополитичките промени и зголемената политичка неизвесност нè потсетуваат дека глобалната позиција на која било валута не е загарантирана. Таа мора да се заработи – нагласи претседателката на ЕЦБ.

Поглобално евро би им овозможило на бизнисите, домаќинствата и на владите во зоната на единствена валута од 20 земји да уживаат во пониски трошоци за задолжување, рече таа.

– Исто како што глобалната побарувачка за средства во долари му даде на Вашингтон непотребна привилегија на постојано ниски каматни стапки и покрај годините на растечки буџетски дефицити. За да се постигне ова Европа мора да си ја заврши домашната задача и да ги зајакне своите темели преку интегрирање на пазарите на капитал, зачувување на независноста на централните банки, продлабочување на трговските врски со трети земји, развивање на „дигитално евро“ кое не зависи од американската инфраструктура за плаќање и за издавање на безбеден и ликвиден фонд за јавен долг на ЕУ – рече таа.

Еврото може да биде повеќе од валута на континентот и симбол на единство, може да стане глобално сидро на доверба, истакна Лагард и додаде дека креаторите на политиките на блокот треба да помогнат „да се претвори таа визија, тој сон во реалност“.

The post ЕВРОТО МОЖЕ ДА СТАНЕ ГЛОБАЛНА ВАЛУТА Да се искористи можноста и да се замени доминацијата на доларот, повика Лагард appeared first on plusinfo.mk.

Трговската војна, што ја иницираше претседателот на САД, Доналд Трамп, треба да предизвика „од кон независност“ на Европа, изјави денеска претседателката на Европска централна банка (ЕЦБ), Кристин Лагард.

– Тој (Трамп) го нарекува тоа во САД „Ден на ослободувањето“, но мислам дека тоа е момент кога заедно треба да одлучиме да ја земеме нашата судбина повеќе во свои раце и мислам дека тоа е од кон независност – истакна Лагард за радиото „Франс Интер“, опишувајќи ја ситуацијата како „егзистенцијален момент за Европа“.

Трамп вчера најави дека на 2 април, како што го нарече „Ден на ослободување“, ќе го претстави сеопфатниот план за воведување на царини, со кој ќе бидат опфатени сите земји, а не само група од 10 до 15 држави.

– За да бидеме во добра преговарачка позиција, мораме да покажеме оти не сме подготвени да се откажеме – посочи Лагард додека Европска Унија подготвува одговор на американските царини.

Според ЕЦБ, еврозоната би можела да забележи пад на бруто-домашен производ (БДП) за 0,3% поради трговската војна на Трамп и за 0,5% во случај на европски одговор, во првата година од спроведувањето на овие мерки.

– Трговската војна создава само губитници – наведе Лагард.

ЦЕЛ СВЕТ ЌЕ БИДЕ ОПФАТЕН ОД ЦАРИНСКИТЕ МЕРКИ НА САД Наближува денот кога Трамп ќе го претстави „Денот на ослободувањето“

The post ТРАМП ГО НАРЕКУВА „ДЕН НА ОСЛОБОДУВАЊЕТО“, ЕУ ВЕЛИ – ГУБИТНИЦИ НА СИТЕ СТРАНИ Европската централна банка предвидува пад на БДП во еврозоната appeared first on plusinfo.mk.

– Не можам да ви дадам датум. Ако ја добиеме битката со инфлацијата и ако сме сигурни дека инфлацијата ќе биде на 2%, тогаш стапките ќе почнат да се намалуваат – рече Лагард.

По рапидното зголемување на инфлацијата во Еврозоната, иницирано од растот цените на енергенсите предизвикан од руската инвазија врз Украина во 2022 година, ЕЦБ презеде строги мерки за нејзино зауздување со драстично зголемување на својата основна каматна стапка, која е на рекордно ниво од 4%.

Откако инфлацијата достигна двоцифрени вредности кон крајот на 2022 година, како резултат на мерките на ЕЦБ и забавеното темпо на раст на потрошувачките цени, во текот на изминатата година инфлациската стапка се намали и минатиот месец беше сведена на 2,9%, што и натаму е над поставената цел на Централната банка од 2%.

The post ЌЕ ПАЃААТ КАМАТНИТЕ СТАПКИ ВО ЕВРОЗОНАТА Лагард очекува прво да се спушти инфлацијата на 2% appeared first on plusinfo.mk.

Лагард, исто така, им соопшти на европратениците дека ЕЦБ не завршила со зголемувањето на каматните стапки со цел да се ублажат ефектите од растот на цените.

Според неа, има преголема неизвесност за да се знае дали инфлацијата, која во октомври изнесуваше 10,6 отсто, наскоро ќе падне во 19 земји кои го користат еврото.

Кога ќе се погледне што ги зголемува цените, „без разлика дали се работи за храна или производи за широка потрошувачка или енергенси, не ги гледаме компонентите или насоката што би ме натерала да верувам дека го достигнавме врвот на инфлаторните движења и дека инфлацијата наскоро ќе се намали”, рече Лагард.

Тоа, според неа, значи дека ЕЦБ „ќе продолжи да ја скротува инфлацијата со сите алатки со кои располага”, пред се преку зголемување на каматната стапка, додаде таа во обраќањето пред Комитетот за економски и монетарни прашања при Европскиот Парламент.

По третото големо зголемување на каматните стапки во октомври, што беше најбрзиот досега забележан ритам на зголемување, ЕЦБ, рече Лагард, очекува „понатамошно да ги зголеми стапките, до нивото неопходно за да се осигура дека инфлацијата ќе се врати во догледно време на среднорочно проектираниот процент. од два отсто”.

ЕЦБ им се придружи на Федералните резерви на САД и другите централни банки низ светот во брзото зголемување на каматните стапки за да ја ограничи инфлацијата што дивее додека глобалната економија прво закрепнуваше од пандемијата на  ковид-19, а потоа се влоши од руската инвазија на Украина.

Централните банки ризикуваат да ги втурнат националните економии во рецесија додека светот се бори со енергетска криза, зголемување на цените на храната и слабеење на валутите во однос на доларот.

The post ИНФЛАЦИЈАТА ВО ЕУ УШТЕ НЕ ГО ДОСТИГНА ВРВОТ Лагард најавува ново зголемување на каматите appeared first on plusinfo.mk.

– Мојата многу скромна проценка е дека не вредат ништо. Тоа не се заснова на ништо. Нема основно средство кое ќе делува како сидро на безбедноста – рече Лагард за криптовалутите во интервју за холандското ток-шоу „College Tour“ што се емитуваше во неделата.

Лагард ги повика глобалните креатори на политики да воспостават правила за да ги заштитат неискусните инвеститори кои прават големи облози на дигитални средства. Криптовалутите паднаа на големо оваа година, при што биткоинот, најголемата таква валута во светот, загуби повеќе од половина од својата вредност од највисоките нивоа во ноември на сите времиња.

– Загрижена сум за оние луѓе кои мислат дека тоа ќе биде награда, кои немаат разбирање за ризиците, кои ќе изгубат сѐ и кои ќе бидат страшно разочарани, поради што верувам дека тоа треба да се регулира – кажа Лагард.

Еден член од публиката на серијата рече дека изгубиле 7.000 евра откако го купиле коинот кардано, на што Лагард одговори:

– Тоа боли.

Таа откри дека никогаш не инвестирала во крипто средства, но нејзиниот син го сторил тоа – со мала среќа.

Дигиталното евро, сепак, би било сосема поинаква игра со топка, објасни Лагард. Неколку централни банки работат на сопствени виртуелни алтернативи за готовина како одговор на брзиот раст на дигиталните валути, а Европската централна банка е една од нив. Дигиталното евро би било „многу различно“ од приватните криптовалути.

– Денот кога ќе ја имаме дигиталната валута на централната банка, јас ќе бидам гарант над секое дигитално евро. Значи, централната банка ќе стои зад тоа. Мислам дека тоа е многу различно од која било од тие работи – рече таа.

The post КРИПТОВАЛУТИТЕ НЕ ВРЕДАТ НИ ПАРА Лагард вели дека и нејзиниот син се изгорел со нив appeared first on plusinfo.mk.

Тоа го најави денеска во Љубљана претседателката на ЕЦБ Кристин Лагард каде што присустввуаше на прославата на 30-годишнината од независната словенечка централна банка.

Лагард рече дека нејзините очекувања се програмата за стимулирање на купување обврзници на ЕЦБ да заврши на почетокот на следниот квартал, по што со текот на времето треба да следи зголемување на каматната стапка.

– Првото зголемување на каматната стапка ќе следи некое време по завршувањето на нето откупот на обврзниците, што може да значи во рок од неколку недели после тоа –  рече Легард.

По првото зголемување на каматната стапка, процесот на нормализирање ќе се одвива постепено.

Таа, исто така, предупреди на зголемената инфлација, нагласувајќи дека војната во Украина предизвикува „структурни промени“, кои според неа може да доведат до „понатамошни негативни шокови во понудата“ и да го засилат притисокот врз трошоците и цените.

The post СЕ УКИНУВА ПРОГРАМАТА ЗА ОТКУП НА ОБВРЗНИЦИ Европската централна банка планира да ја зголеми каматната стапка appeared first on plusinfo.mk.