Георгина Родригез ја напушти Венеција по неколкудневното присуство на 83. Филмски фестивал, каде што привлече големо внимание со своите модни изданија. На заминување, сопругата на Кристијано Роналдо беше забележана во лежерна комбинација, далеку од гламурот со кој се појави на црвениот тепих.

За заминувањето од Венеција Георгина избра едноставна и опуштена комбинација, со која покажа поинаква страна од својот стил. Претходно на фестивалот носеше Gucci, а на премиерата на „Mr. Nelson, Did You Kill People?“ се појави во темносин костум со длабоко деколте, надополнет со впечатлив накит од Chopard.

Нејзиното појавување на фестивалот беше особено следено бидејќи ова беше нејзино прво големо јавно појавување по свадбата со Роналдо. Двојката се венча на 11 август во Португалија, на приватна церемонија на која присуствуваа нивните пет деца.

 

View this post on Instagram

 

A post shared by FOErm (@fashion_oerm)

Во Венеција, сепак, најголемо внимание привлече нејзиниот накит. На црвениот тепих Георгина носеше парчиња од Chopard, меѓу кои впечатлива огрлица со 50-каратен дијамант, а вкупната вредност на накитот што го носеше се проценува на десетици милиони долари.

Нејзиното пристигнување во Венеција, пак, беше одбележано со комбинација која ги привлече љубителите на модата: кафена сатенска кошула, бели панталони со широки ногавици, високи потпетици и ретка Hermès Birkin Himalayan чанта. Според InStyle, станува збор за модел чија вредност се проценува на околу 200.000 долари.

The post ОД ГЛАМУР ДО ТРЕНЕРКИ Георгина Родригез прошета по црвениот тепих во Венеција со милионски накит, а си замина во лежерно издание appeared first on plusinfo.mk.

Само неколку дена по интимната свадба со Кристијано Роналдо, Георгина Родригез направи уште еден голем чекор во нивниот семеен живот. Според португалски и шпански медиуми, таа официјално ги посвоила трите постари деца на славниот фудбалер – Кристијано Роналдо Џуниор и близнаците Ева Марија и Матео.

Според информациите, правната постапка била спроведена дискретно, далеку од очите на јавноста. Со неа Георгина добила родителски права над децата кои со години ги воспитува заедно со Роналдо. Шпанскиот „Марка“ пишува дека во регистарот сега таа официјално е наведена како мајка на трите деца.

Кристијано Џуниор е роден во 2010 година, а идентитетот на неговата биолошка мајка никогаш не бил јавно откриен. Близнаците Ева и Матео се родени во јуни 2017 година со помош на сурогат-мајка. Роналдо низ годините внимателно го чувал приватниот живот на своите три најстари деца.

Георгина, пак, уште од почетокот на врската со Роналдо ги третирала неговите деца како свои. Таа во интервју за „Ел Паис“ уште во 2022 година зборува за тоа дека не ја доживува само Алана како своја ќерка, туку дека сите деца ја нарекуваат „мама“.

Двојката има и две заеднички биолошки ќерки – Алана Мартина, родена во 2017 година, и Бела Есмералда, родена во 2022 година. Бела имала брат близнак, Анхел, кој починал при породувањето. Георгина денес на социјалните мрежи се опишува како мајка на „шест благослови“, имајќи го предвид и синот кој го загубија.

Овој семеен чекор доаѓа веднаш по свадбата на Георгина и Роналдо, која се одржа на 11 август во нивниот дом во Кашкаиш, Португалија. Двојката избра интимна граѓанска церемонија, на која присуствуваа нивните пет деца и четворица сведоци. Подоцна отпатуваа во Фатима, каде што присуствуваа на миса.

Интересно е што датумот на свадбата имал посебно значење – на истиот ден се навршиле десет години откако Георгина и Роналдо првпат се сретнале во продавница на „Гучи“ во Мадрид, каде што таа работела како продавачка. По свадбата тие најавија дека во иднина планираат и поголема прослава со семејството и пријателите.

The post РОНАЛДО И ГЕОРГИНА НАПРАВИЈА УШТЕ ЕДЕН ГОЛЕМ ЧЕКОР По свадбата моделката ги посвоила трите постари деца на фудбалерот appeared first on plusinfo.mk.

Кристијано Роналдо и Георгина Родригез официјално станаа сопружници, и тоа на начин кој малкумина го очекуваа. Двојката се венча на 11 август во својот дом во Кашкаиш, Португалија, на интимна граѓанска церемонија на која присуствувале само тие и нивните пет деца. Првите фотографии од свадбата ексклузивно ги објави „Vogue“, откривајќи атмосфера далеку од раскошните прослави што јавноста можеше да ги очекува од еден од најпознатите парови во светот.

Церемонијата се одржала во дневната соба на нивниот дом, а изборот на датумот имал посебно значење. Токму на 11 август 2016 година, Роналдо и Георгина првпат се сретнале во продавница на „Gucci“ во Мадрид, каде што таа работела како продавачка.

– Одлучивме да го направиме тоа во дневната соба на нашата куќа, каде што појадуваме, ручаме и вечераме и каде што ја живееме нашата реалност. За 30 години, сакам децата да мислат: Нешто прекрасно се случи на оваа маса, брачните завети на нашите родители – вели Георгина во интервјуто за „Вог“.

Роналдо, типично во свој стил, веднаш се пошегувал: Веројатно нема да биде истата маса. Можеби ќе го смениме декорот.

 

View this post on Instagram

 

A post shared by Vogue (@voguemagazine)

– Беше токму како што си замислував – изјавила Георгина за „Vogue“, додавајќи дека било интимно, полно со љубов и дека семејството ја имало најважната улога.

Особено внимание привлекоа нивните свадбени комбинации. Георгина избрала бел костум од свила со здолниште и сатенски чевли, додека младоженецот носел светлобеж памучен костум со специјално изработени мокасини. И нивните деца биле усогласени со неутрални беж и бели тонови. Интересно е што облеката била инспирирана од местото каде што започнала нивната љубовна приказна – „Gucci“, брендот во чија продавница се запознале пред една деценија.

Двојката се присети на нивната прва средба во август 2016 година кога Кристијано кој тогаш имаше 31 година и беше на врвот на својата фудбалска кариера, влегол во продавницата на Гучи со својот шестгодишен син Кристијан Џуниор.

Георгина, тогаш 22-годишна, работела како продавачка и тој ден ја менувала својата колешка.

– Тоа е судбина – вели таа.

– Јас бев свртен со грб кон неа, а потоа се свртев и ја видов. Нашите погледи се сретнаа и од тој момент беше… – почна Кристијано.

– Беше сон – додаде Георгина.

– Да, сон – потврди Кристијано, додавајќи: Знам дека таа е љубовта на мојот живот, и мислам дека сум…, односно, мислам дека и таа мисли дека сум љубовта на нејзиниот живот.

Иако нивната венчавка била интимна, тоа не значи дека целосно се откажале од голема прослава. Георгина за „Vogue“ открила дека во иднина планираат „голема свадба“ на која ќе го прослават бракот со семејството и пријателите. Но, оваа година била премногу напорна – „работни обврски, натпревари, деца“ – а не сакале да ја пропуштат 10-годишнината.

– Замоците, куќите, островите, коњите, автомобилите: сето тоа го имаме на дофат секој ден. Но нешто интимно – тоа е понеобично за нас – објаснила таа.

По граѓанската церемонија семејството отпатувало во Фатима, каде што свештеник им дал благослов во малото светилиште.

Георгина и Роналдо се родители на Алана Мартина и на Бела Есмералда, а заедно се грижат и за трите деца на фудбалерот – Кристијано Џуниор и близнаците Ева и Матео. Во 2022 година семејството доживеа трагична загуба кога нивниот син близнак почина при породувањето. И покрај огромната болка, Роналдо и Георгина продолжија да го градат своето семејство, а нивната поврзаност со текот на годините стануваше сè посилна.

Иако интимната церемонија во Португалија веќе е зад нив, свадбената приказна очигледно нема да заврши тука. Според информациите што ги споделија, двојката планира и поголема прослава со семејството и пријателите во иднина. Засега, сепак, најважниот чекор го направија во својот дом, со своите деца покрај нив – токму онака како што сакале.

The post 🎥 СЕ ВЕНЧАЛЕ ВО СВОЈАТА ДНЕВНА СОБА, СИМБОЛИЧНО, НА ДЕНОТ КОГА ПРВПАТ СЕ СРЕТНАЛЕ Првите фотографии од венчавката на Роналдо и Георгина ги објави „Вог“ appeared first on plusinfo.mk.

Само два дена по интимната венчавка со Георгина Родригез, Кристијано Роналдо (41) им се врати на тренинзите на Ал Наср со целосно нова боја на косата, која веднаш ги привлече погледите на фановите. Наместо вообичаената темна коса, Роналдо сега има впечатлива бакарно-златна нијанса.

Роналдо промената ја покажа и самиот на социјалните мрежи, објавувајќи фотографии од тренингот во опремата на клубот. До фотографиите напиша само „Back“ и додаде жолто и сино срце, во боите на Ал Наср. Новиот изглед веднаш предизвика реакции кај неговите следбеници, а дел од фановите го споредуваа со Еминем, но и со други фудбалери кои во последно време експериментирале со светла коса.

Интересно е што на фотографиите се забележува и венчалниот прстен, само неколку дена откако Роналдо и Георгина ја потврдија својата венчавка. Двајцата се венчаа на 11 август во интимна граѓанска церемонија во Каскаиш, Португалија, по речиси десет години врска. Веста ја објавија со фотографија од своите споени раце и кратката порака „CG“.

По враќањето во клубот, Роналдо доби и посебен пречек од новиот тренер на Ал Наср, Анге Постекоглу. Тренерот му честиташе за венчавката, по што соиграчите го поздравија со аплауз. На видеото од тренингот фудбалерот делуваше малку засрамено од вниманието, што предизвика дополнителни симпатии кај навивачите.

 

View this post on Instagram

 

A post shared by نادي النصر السعودي (@alnassr)

Новиот изглед доаѓа во интересен момент за Роналдо, кој по летната пауза повторно се подготвува за клупските обврски. Ал Наср ја освои титулата во Саудиската Про лига минатата сезона, а португалската ѕвезда беше еден од клучните играчи. Сега тимот се подготвува за почетокот на новата сезона, а првиот натпревар е против Ал Фатех.

The post 🎥 РОНАЛДО СО НОВ ИЗГЛЕД ПО СВАДБАТА Фудбалската ѕвезда се врати на тренинзите на Ал Наср со драстично посветла коса и венчален прстен appeared first on plusinfo.mk.

Според информациите што ги објави „Дејли мејл“, Кристијано Роналдо и Георгина Родригез кои се венчаа на 11 август во Каскаиш, кај Лисабон, на интимната церемонија во нивниот нов дом, вреден околу 30 милиони фунти, не присуствувале мајката на Роналдо, Долорес Авеира, ниту неговите две сестри Елма и Катја и братот Хуго.

На свадбата имало само четворица сведоци и децата на парот. Меѓу сведоците била сестрата на Георгина, Ивана, долгогодишниот пријател на Роналдо, Мигел Пешао, како и шпанскиот брачен пар Хозе Родригез Сангил и Моника Гонзалес Мартинез. Според португалските медиуми, матичарот специјално допатувал од Порто за да ја изврши церемонијата. Така, наместо голема семејна прослава, парот избрал круг од само неколку најблиски луѓе.

Особено интересни се тврдењата за тоа кога семејството на Роналдо дознало дека тој ќе се ожени. Португалската ТВ-водителка Кристина Ферејра изјавила дека Долорес и братот и сестрите на фудбалерот наводно биле известени само околу 30 секунди пред венчавката. Нејзиниот колега Клаудио Рамос, сепак, повикал на внимателност и нагласил дека ваквите информации не треба да се толкуваат како доказ за семејна караница. Тврдењето засега не е потврдено од Роналдо или неговите блиски.

Отсуството на Долорес е особено забележливо бидејќи таа со години има многу блиска врска со својот син. Дополнителен интерес предизвикува фактот што, и покрај тоа што не била на свадбата, Долорес оставила срце под објавата со која Роналдо ја потврди венчавката. Слична реакција на социјалните мрежи имала и една од неговите сестри, Катја, која во моментот била во Португалија. Тоа покажува дека нивното отсуство од церемонијата не мора нужно да значи дека семејните односи се нарушени.

Во меѓувреме, откриени се и други детали од венчавката. Роналдо и Георгина наводно потпишале предбрачен договор само еден ден пред свадбата, со кој го задржале одделното управување со својот имот. Иако се заедно од 2016 година, а свршувачката ја објавија во август 2025 година, тие успеаја да ја скријат точната локација на церемонијата. Претходно илјадници фанови дури се собраа пред катедралата во Фуншал, мислејќи дека токму таму ќе се венчаат.

По свадбата, Роналдо и Георгина објавија само фотографија од своите раце со венчалните прстени и кратката порака „CG“. Фудбалерот потоа се врати на тренинзите на Ал-Наср во Саудиска Арабија, каде соиграчите и тренерот Анге Постекоглу му честитаа за бракот.

The post РОНАЛДО НЕ ГО ПОКАНИ НА СВАДБА НИТУ СВОЕТО СЕМЕЈСТВО Мајката, двете сестри и братот на фудбалската ѕвезда не присуствувале на церемонијата appeared first on plusinfo.mk.

Кристијано Роналдо и Георгина Родригез конечно го направија чекорот што нивните фанови го очекуваа со години. Двојката на 11 август 2026 година стапила во брак на интимна граѓанска церемонија во Каскаиш, Португалија, далеку од очите на јавноста. Веста ја потврдија самите тие со фотографија на која ги покажуваат своите венчални прстени, а покрај објавата стојат само иницијалите „CG“.

 

View this post on Instagram

 

A post shared by Cristiano Ronaldo (@cristiano)

Според информациите објавени од повеќе медиуми, церемонијата била исклучително мала и приватна. На неа наводно присуствувале само нивните пет деца – Кристијано Џуниор, близнаците Ева и Матео, Алана Мартина и Бела Есмералда. Со тоа, парот наместо голема гламурозна свадба, каква што многумина очекуваа, избрал семејна атмосфера и најблиските да бидат единствените сведоци на нивниот голем ден.

Венчавката доаѓа точно една година откако Георгина го објави нивното свршување. Во август 2025 година, таа на Инстаграм објави фотографија на која го покажа огромниот дијамантски прстен и напиша: „Sí, quiero. En esta y en todas mis vidas“ – „Да, сакам. Во овој и во сите мои животи“. Токму тој прстен тогаш предизвика огромно внимание, а проценките за неговата вредност се движеа од неколку милиони евра до многу повисоки суми, зависно од проценката на големината и квалитетот на дијамантот.

Роналдо и Георгина се заедно речиси една деценија. Тие се запознале во Мадрид, каде што Георгина работела како продавачка во продавница на „Гучи“, а нивната врска започнала во 2016 година. Со текот на годините станаа еден од најпознатите парови во светот, а Георгина покрај својот партнер ја изгради и сопствената кариера како модел, инфлуенсерка и претприемачка. Нивната љубов и семејниот живот беа во центарот и на нејзиниот документарен серијал „I Am Georgina“.

Двојката заедно има две биолошки ќерки, Алана и Бела, додека Георгина ги одгледува и останатите деца на Роналдо како дел од семејството. Во 2022 година тие доживеаја тешка семејна трагедија кога нивниот син близнак почина при раѓањето, додека Бела преживеа. Токму затоа, нивното семејство во изминатите години помина низ исклучително емотивни моменти, кои Георгина често ги споделуваше со јавноста.

Интересно е што непосредно пред официјалната потврда се ширеа гласини дека венчавката ќе се одржи во Мадеира, па дури и дека илјадници луѓе се собрале пред катедралата во Фуншал очекувајќи да го видат познатиот пар. На крајот, Роналдо и Георгина сепак успеаја да ги задржат вистинскиот датум и локацијата во тајност и наместо спектакл пред публика, да станат сопруг и сопруга во кругот на семејството.

The post РОНАЛДО И ГЕОРГИНА СЕ ВЕНЧАА Португалската ѕвезда се ожени со инфлуенсерката на „интимна и приватна“ граѓанска церемонија на која присуствуваа нивните пет деца appeared first on plusinfo.mk.

Лионел Меси бил главната мета на терористички закани за време на Светското првенство, покажуваат доверливи безбедносни извештаи на Федералното биро за истраги (ФБИ), до кои ексклузивно дошол шпанскиот медиум „Пренса Иберика“.

Според извештаите, за време на Мундијалот ФБИ го координирал Меѓународниот центар за полициска соработка, во кој учествувале американски безбедносни служби и претставници од земјите учеснички. Центарот ги следел сите потенцијални закани – од можни терористички напади и агресивни навивачи до закани упатени кон фудбалери и судии.

Најсериозната закана против аргентинската ѕвезда пристигнала пред натпреварот меѓу Аргентина и Јордан во Далас. Непознат маж телефонски пријавил дека заедно со уште две лица се движат кон стадионот вооружени со импровизирани експлозивни направи и полуавтоматска пушка АР-15, најавувајќи напад врз полицајци и фудбалери. Во заканата Меси бил посебно споменат како цел.

Само неколку дена подоцна, пред дуелот Аргентина – Египет во Атланта, на социјалната мрежа „Икс“ била објавена порака во која корисник тврдел дека ќе влезе на стадионот со четири бомби прикачени на телото за да го убие аргентинскиот капитен. За време на истиот натпревар бил пријавен и сомнителен повик за поставени три бомби на стадионот, по што специјални полициски единици со кучиња трагачи извршиле детална проверка на објектот.

Извештаите покажуваат дека, додека Меси бил најчеста цел на закани, Кристијано Роналдо бил најчесто прогонуваниот фудбалер. Во Хјустон бил уапсен маж кој се распрашувал каде е сместен португалскиот ас, а во Торонто навивач се обидел да влезе во лифтот со него за да направи селфи. Дополнителни инциденти биле регистрирани и во Мајами, како и за време на натпреварот Португалија – Хрватска, кога навивач втрчал на теренот.

Безбедносните служби регистрирале закани и кон други фудбалски ѕвезди. Килијан Мбапе бил изложен на ксенофобски навреди, а во Парагвај дури била запалена кукла со негов лик. Норвешкиот репрезентативец Александер Серлот и неговата сопруга добиле сериозни закани поради промашена гол-шанса, додека колумбискиот фудбалер Хаминтон Кампас од безбедносни причини не се вратил дома со репрезентацијата. Закани добил и францускиот дефанзивец Лука Дињ.

Особено драматична била ситуацијата со селекторот Хон Мјонг-Бо и репрезентацијата на Јужна Кореја, кои по елиминацијата биле под силно полициско обезбедување поради смртни закани.

Најтежок случај, според документите, бил оној на францускиот судија Франсоа Летексие по контроверзниот натпревар меѓу Аргентина и Египет. Тој добил околу 6.000 заканувачки пораки преку „Вотсап“, најголемиот дел испратени од египетски државјани.

Закани биле упатени и кон ВАР-судијата Вили Делажо, по што француската полиција морала да обезбеди дополнителна заштита за нивните домови и семејства, откако нивните адреси биле објавени на социјалните мрежи.

The post МЕСИ БИЛ ГЛАВНА ЦЕЛ, РОНАЛДО ПРОГОНУВАН НА МУНДИЈАЛОТ Откриени морничави детали од ФБИ, хаос зад кулисите на СП appeared first on plusinfo.mk.

Кристијано Роналдо повторно ги воодушеви своите обожаватели со поглед во својата приватна гаража. Португалската ѕвезда на Инстаграм објави фотографии од дел од својата импресивна колекција автомобили, а снимките за кратко време го обиколија светот.

Покрај фотографиите, Роналдо напиша само: „Моите играчки“, но вредноста на возилата што се гледаат зад него се проценува на десетици милиони евра.

Меѓу автомобилите може да се забележат некои од најексклузивните модели во светот, како Ferrari Purosangue, Ferrari 599 GTO, Ferrari Daytona SP3 и реткиот Ferrari Monza SP1, чија цена на аукции достигнува повеќе од два милиони евра. Особено внимание привлекоа и двата Bugatti – Veyron и исклучително реткиот Centodieci, модел произведен во само десет примероци и еден од најскапите автомобили во светот.

Роналдо покажа и McLaren Speedtail, како и Mercedes-AMG One – хиперавтомобил инспириран од болидите во Формула 1. Но, тоа е само дел од неговата колекција. Со текот на годините тој набавил и Lamborghini Aventador, Bentley Flying Spur, Bentley Continental GT, Aston Martin DBS Superleggera, Mercedes G-Wagon Brabus, Lamborghini Urus, како и дури три модели на Rolls-Royce.

 

View this post on Instagram

 

A post shared by Cristiano Ronaldo (@cristiano)

Во интервју за Пирс Морган минатата година, Роналдо призна дека повеќе ни самиот не знае колку автомобили има.

– Ако треба да погодувам, би рекол околу 40 или 41. Искрено, ни самиот не сум сигурен. Ги обожавам Bugatti, тие се посебна класа автомобили – изјави тој.

Португалецот откри и дека еден од неговите најскапи автомобили – Bugatti Tourbillon – го купил пред сè како инвестиција, а не само од љубов кон возењето. Токму вложувањето во ретки и лимитирани модели е една од причините поради кои неговата гаража денес важи за една од највредните меѓу спортистите.

Иако располага со возен парк за кој повеќето можат само да сонуваат, Роналдо призна дека поради густиот сообраќај во Саудиска Арабија ретко седнува зад воланот. Најчесто патува како совозач, додека неговите луксузни автомобили остануваат безбедно паркирани во гаражата.

The post РОНАЛДО СИ ГИ ПОКАЖА ИГРАЧКИТЕ Фудбалерот откри дел од својата неверојатна колекција автомобили вредна десетици милиони евра appeared first on plusinfo.mk.

Откако нејзините фотографии во костим за капење предизвикаа бројни коментари на социјалните мрежи, Георгина Родригез реши да им одговори на сите кои го критикуваа нејзиниот изглед.

На Инстаграм таа објави нови фотографии од одморот, но и подолга порака во која порача дека не се срами од своето тело и дека го прифаќа во секоја животна фаза.

– Моето тело ќе се менува, како што се менува телото на секоја жена. Се надевам дека ќе се менува уште многу години, бидејќи тоа ќе значи дека сè уште сум жива – напиша Георгина, додавајќи дека сака нејзините три ќерки да растат со верување дека вредноста на човекот никогаш не зависи од физичкиот изглед или од мислењето на целосни странци.

Таа призна дека негативните коментари сепак ја погодиле, па за сè разговарала со својот партнер Кристијано Роналдо.

– Му кажав дека ме загрижува тоа што ме нарекуваат дебела, бидејќи јас живеам од мојот имиџ. Тој ми одговори дека не живеам од изгледот, туку од тоа која сум: добра личност, мајка, успешна жена која живее со љубов. Ми рече и дека е нормално секогаш да има луѓе кои завидуваат – откри Георгина.

 

View this post on Instagram

 

A post shared by Georgina Rodríguez (@georginagio)

Георгина истакна дека секое лето нејзиното тело повторно станува тема во јавноста, поради што се запрашала кој воопшто одредува што е „идеално“ женско тело и зошто среќата сè уште се поврзува со бројката на вагата.

Георгина нагласи дека вежба затоа што тоа ја прави среќна и ѝ носи мир, дисциплина и здравје, а не затоа што сака да ги исполни туѓите очекувања.

– Ги сакам своите облини. Ја сакам слободата да живеам во телото што го избрав. Вистинскиот успех не е да се вклопиш во стандард за кој никој не знае кој го измислил. Вистинскиот успех е да живееш во мир, да бидеш опкружен со луѓето што ги сакаш, да се грижиш за своето здравје и да уживаш во животот – напиша Георгина.

 

View this post on Instagram

 

A post shared by Georgina Rodríguez (@georginagio)

The post РОНАЛДО ЗАСТАНА ЗАД ГЕОРГИНА ПО КРИТИКИТЕ ЗА НЕЈЗИНИОТ ИЗГЛЕД „Не живееш од изгледот, туку од тоа која си“ appeared first on plusinfo.mk.

Кристијано Роналдо сподели фотографија на која позира со Георгина Родригез и својот најстар син Кристијано Џуниор, а описот што го додаде веднаш предизвика лавина реакции.

Покрај фотографиите, Роналдо напиша само: „Not yet“ („Уште не“). Кратката порака многумина ја протолкуваа како духовит одговор на сѐ погласните шпекулации дека тој и Георгина наскоро ќе стапат во брак. Во последните денови дел од медиумите пишуваа дека двојката би можела да организира свадба уште овој викенд, но фудбалерот очигледно реши да внесе малку мистерија во целата приказна.

 

View this post on Instagram

 

A post shared by Cristiano Ronaldo (@cristiano)

Роналдо и Георгина се заедно речиси една деценија. Се запознаа во 2016 година во Мадрид, кога таа работеше во луксузен бутик, а оттогаш изградија едно од најпознатите семејства во светот на славните. Иако често се зборува за нивна венчавка, двајцата никогаш не откриле конкретни планови кога тоа би можело да се случи.

На фотографијата посебно внимание привлече и најстариот син на фудбалерот, Кристијано Роналдо Џуниор, кој денес има 16 години. Тој е роден во 2010 година, шест години пред Роналдо да ја започне врската со Георгина. Идентитетот на неговата биолошка мајка никогаш не е јавно откриен, но Георгина со години има важна улога во неговото воспитување и често зборува за силната врска што ја имаат.

Освен Џуниор, Роналдо е татко и на близнаците Ева и Матео, како и на ќерките Алана Мартина и Бела Есмералда. Алана и Бела се негови деца со Георгина, додека Ева и Матео се родени преку сурогат-мајка. Семејството редовно споделува моменти од заедничките патувања, прослави и спортски активности на децата.

Иако обожавателите со години го чекаат денот кога Роналдо и Георгина ќе кажат „да“, засега изгледа дека тоа нема да се случи толку брзо. Или барем така сугерира пораката што ја остави фудбалерот.

The post РОНАЛДО ВЕЛИ: УШТЕ НЕ… Фудбалерот се пошегува со шпекулациите дека наскоро ќе се ожени со Георгина Родригез appeared first on plusinfo.mk.