Во првиот исказ пред судот, Пендиков кажа дека обвинетите му нанале тешки телесни повреди и го навредувале на национална основа дека се чуствувал како Бугарин.

Адвокатот на обвинетиот Димитрија Цобоски по завршување на рочиштето уште еднаш повтори дека во целиот случај е вмешана политика и оти Пендиков непосредно го признал постоењето на македонскиот јазик, на кој говорел во судницата.

Тој тврди дека не се работи за напад поради национално чувство, за што се товари неговиот клиент, бидејќи неговото семејство добило орден од бугарски министер за надворешни работи за укажана помош при спасување на бугарските државјани во бродската несреќа во Охрид.

– Денеска конечно го сослушавме оштетениот и мило ми е што и тој на непосреден начин го призна постоењето на македонскиот јазик бидејќи зборува на македонски јазик. Сфативте дека во целата работа е замешана политиката, бидејќи со претседателски авион на Република Бугарија некој да се земе од една држава и да се носи во друга држава е нон сенс, не е забележано. Но, ако добро ме следевте најверојатно ако имало, а не е спорно дека имало некој напад, кој го направил тоа. По мене мотивот е сосема друг, а не припадност на нација, признавање на статус на народи и така натаму – изјави Цобоски.

Тој најави дека ќе приложи дополнителни докази за, како што рече, работите да станат многу појасни.

На новинарско прашање дали во полицискиот записник биле наведени сосема други лица, Цобоски потенцира дека во записникот за извршено обезбедување при увидот на лице место стоеле уште две лица, кои немаат врска со второобвинетиот.

– Друга работа е многу поинтересна во целиот овој настан. На сведок му се предочува пред да биде сослушан и тоа сметам од страна на медиуми или неговиот полномошник, запис кој во никој случај не смеел да се изведе како прв доказ. Со тој доказ на тој што покасно треба да сведочи за тие факти му се отвараат картите и му се дава како на тацна целиот настан. Тој може да манипулира со тоа што рекол или не рекол. И ако ја гледате неговата изјава за овој настан даден на бугарска телевија ќе видите дека тој воопшто не знае ни што било ни како било, бидејќи бил удрен одзади ништо незнае, а сега буквално се му е познато – рече Цобоски.

Застапникот на оштетениот, адвокатот Стефан Камишевски кажа дека судењето почнало одново поради подолг проток на време. Тој смета дека исказот на Пендиков ги опфатил сите аспекти од критичната вечер.

– Сметам дека неговиот исказ ги опфати сите факти и сите аспекти кои се случиле на критичната вечер при случување на кривично правниот настан. Сега останува да видиме какви искази ќе дадат и сведоците, обвинетите и како одбраната ќе постапува понатаму и на крај судот е тој што треба да одлучи – изјави Камишевски.

Тој ги демантира наодите на одбраната дека не се работи за напад поради национални чувства, бидејќи не биле поткрепени со докази.

Пендиков беше нападнат на 19 јануари во угостителски објект на Кејот на Охридското Езеро. Случајот предизвика тензии во односите меѓу Софија и Скопје. По неговото лекување во Бугарија, Пендиков доби и бугарско државјанство.

The post „ШТОТУКУ ГО ПРИЗНА ПОСТОЕЊЕТО НА МАКЕДОНСКИОТ ЈАЗИК“ Пендиков ја даде првата изјавa во Основниот суд во Охрид appeared first on plusinfo.mk.

Пакетите ги испраќа Фондација Бугарска меморија, а тие денеска пристигнале во просториите на бугарскиот културен центар „Цар Борис Трети“ во Охрид.

Кутиите, односно храната, е подарок од бугарскиот бизнисмен Милен Врабевски, кој е финансиер на бугарските клубови во Битола и во Охрид.

„Голема благодарност за докторот Милен Врабевски и Фондацијата Бугарска меморија, кои константно помагаат за вистината и за братскиот народ во Македонија. Бог да му дава здравје на Христијан Пендиков и побргу да оздрави“, порачаа од клубот во Охрид, и објавија фотографии од подароците кои Врабевски му ги испратил на Пендиков.

Од тоа што може да се види од објавените фотографии, Врабевски го почестил Христијан со млеко, леќа, портокали, зејтин, оцет, кафе, конзерва со сардини, шеќер, макарони…

The post БУГАРИТЕ НЕ ГО ОСТАВААТ ГЛАДЕН ОХРИЃАНЕЦОТ ПЕНДИКОВ Пристигнаа пакети со зејтин, млеко, макарони, леќа, оцет… (ФОТО) appeared first on plusinfo.mk.

Официјална Софија со нетрпение го чекаше новиот ден за да ни се закани со ново спуштање на рампата и со нова блокада на патот на Македонија кон зачленување во европското семејство, а беше повлечен и бугарскиот амбасадор од Скопје.

Ваквите потези, несомнено, можат да се сметаат за искористување на дел од европските механизми што ги најави бугарскиот претседател, но тоа што во моментов најмногу ја интересира македонската јавност е што сѐ се подготвени соседите да направат и што уште можат да сторат за да ни наштетат во процесот на преговори со ЕУ?!

Дали навистина постои бугарска „црна листа“ за македонски новинари, политичари и професори на кои ќе им биде забранет влезот во Бугарија оти „работат против бугарските интереси“?

„Новинари, људи, незнани и знани“

Политичкиот аналитичар Синиша Пекевски во разговор за Плусинфо вели дека дефинитивно постои бугарската „црна листа“ и дека ние допрва ќе се соочиме со бугарската суровост.

– Вазалската политика на нашите неспособни политичари си го зема данокот. Постојано ја веднат главата, никогаш немаат став, секогаш се правдаат и на крајот, кога некој ќе намириса дека може да оди до крај, тогаш тој без проблем оди до крај. И ова беше нормален редослед на бугарските барања. Во ниеден момент не покажавме јасен став до каде може да се оди, туку постојано им попуштавме на соседите. Јас веќе наслушнав, па имам целосно право да верувам дека постои бугарска „црна листа“ на која се наоѓаат имиња и презимиња од Македонија. Новинари, професори, политичари од Македонија, за кои Бугарија смета дека работат против бугарските интереси, нема да можат да стапнат на бугарска територија. На проблемите им нема крај. Прво, ова е еден силен притисок за да се внесат Бугарите во македонскиот Устав, а кога ќе се случи тоа, тогаш ќе ни испорачаат нови барања – ќе бараат раководни позиции, поголеми права и сл. Инфилтрирањето преку маргинални типови како лидерот на ГДУ и истепаниот охриѓанец Кристијан Пендиков, кои, всушност, се тотално нереализирани личности, ќе го има сѐ почесто и почесто, оти луѓето го прават тоа од економски причини, а не од љубов кон Бугарија – посочува Пекевски.

Тој вели дека големо изненадување претставува молкот од европската заедница.

– Изненаден сум од молкот на Европа за сето она што ни го приредува Бугарија. Но, веројатно и тука постои некаков договор во стилот: „решете си го вие билатералниот проблем, па подоцна ние ќе се вклучиме“. Како и да е, за нас сега веќе е премногу доцна за решение. Кога ние толку долго време ја ведневме главата и дававме, дававме и само дававме, сега веќе се соочуваме со некој кој е навикнат само да зема, зема и само да зема. Сѐ додека немаме национална стратегија и сѐ додека не ги исцртаме црвените линии, сѐ до тогаш нема да можеме да знаеме кои се следните чекори – објаснува Пекевски.

Провидни, жални и смешни

Политичкиот аналитичар Благојче Атанасоски смета дека сите механизми се во игра, вклучително и ставање ново вето, но како што објаснува, таквиот потег на Бугарите би претставувал минирање на т.н. француски предлог, кој беше поддржан од целата Европска Унија, но и од високата надворешана американска дипломатија.

– Уште тогаш велев дека Бугарија за ветото ќе плати висока политичка цена, бидејќи беше вето на практика на американските интереси на Балканот, а во корист на руските. И ете, денеска Хрватска стана членка на шенген и евро-зоната, а Бугарија која 6 години пред Хрватска влезе во Унијата, не ја пуштија во шенген слободниот простор поради „неисполнети” критериуми. Односно, Бугарија доби вето од Холандија и од Австрија. Политичката криза и петтите парламентарни избори по ред напролет кои треба да се одржат во Бугарија се исто така „американски подарок” за ветото, но тоа ретко кој има интелектуален капацитет и свест да го сфати, исто како што беше тешката финансиска криза во Грција после ветото во Букурешт од Дора Бакојани и Костас Караманлис кон Џорџ Буш помладиот. Американците секогаш го наплаќаат долгот, Бугарите сега го плаќаат на рати, несвесно, а со овие „политики” изгледа ќе го мултиплицираат својот долг кон Американците. Непоимливо е земја-членка на НАТО и ЕУ, во очите на Американците да игра за руските интереси, особено смешна земја како Бугарија. Затоа сметам дека ново вето ќе биде многу тешко да стават во моментов, но не ја исклучувам и таа можност, бидејќи одамна нема грам разум во политиката на Бугарија кон Македонија и нејзината евроинтеграција – објаснува Атанасоски за Плусинфо.

На прашањето колку далеку може да оди Бугарија и на што сѐ е спремна да направи контра Македонија, Атанасоски вели дека треба да очекуваме постојани провокации, изјави против националниот идентитет на Македонците, историскиот легитимитет и посебноста на јазикот.

– Отворањето на т. н бугарски културни клубови од „македонски Бугари”, со најконтроверзни имиња, кои имаат за цел да ја хистеризираат овдешната јавност, да предизвикаат реакции на насилство од наши граѓани, кои потоа ќе бидат претставени како генерално јавно мислење и поведение пред телата на ЕУ дека Македонија е протофашистичка земја, која не ги почитува елементарните човекови права на бугарското малцинство, дека тоа е под репресии и прогонувано и дека таква земја не смее да влезе во ЕУ. Претерано се провидни, жални и смешни, кога веќе го одбрале тој пат, барем малку стил да покажеа, а не вака на очиглед на сите, јавно да се посрамотуваат плаќајки несреќници кои порано биле антички Македонци, сега да ја играат улогата на професионални репресирани Бугари. Во поглед на бугарската „црна листа“, искрено се надевам и ќе ми биде чест и задоволство доколку и моето име и презиме бидат впишани во неа. Едноставно, Бугарија сама го одбра патот на мултиплицирање на омразата во Македонија, нашиот територијален интегритет, суверенитет и национален бит, и оваа политика, кон нас, може само да нѐ хомогенизира уште повеќе како нација, а за жал ќе ја направи омразата од Македонците кон Бугарите за век и векови. Тоа се должи на налудничавата, антиевропска и антицивилизациска политика на една земја-членка на ЕУ кон нејзиниот помал сосед-аспирант за членство. Едноставно, со ова Бугарија ги лечи своите историски комплекси и фрустрации за воените порази низ историјата во однос на обидите за припојување на македонските земји во националниот и државниот состав на Бугарија. Што е најинтересно, вината не ја бараат во себе и за тие порази, туку нам ни наметнуваат чувство на вина, дека ние сме виновни што сме „одродени Бугари” и што денеска не ги „обичаме“. Во тотална научна, историска, општествена, политичка и социолошка шизофренија се наоѓааат кон т. н. македонско национално прашање – објаснува Атанасоски.

The post ЦРНО МОРЕ ЌЕ ГО ГЛЕДАМЕ САМО НА РАЗГЛЕДНИЦА? Бугарија испишува „црна листа“, а во неа македонски новинари, политичари, професори… appeared first on plusinfo.mk.