Премиерот Христијан Мицкоски денеска изјави дека со законот, што утре ќе биде на владина седница, се укинуваат организациските места или т.н. економски директори во здравствените установи, односно дека „владата става точка на дуализмот“.

– Мора да имаме едно лице коешто ќе биде одговорно и едно лице коешто ќе има обврски, права, но и одговорности пред граѓаните. Вака бевме сведоци на префрлање на обврските и на одговорностите и практично не можевме да локализираме јасно каде е одговорноста. Сега, со овој потег, јасно ќе знаеме каде е локализирана одговорноста – рече Мицкоски, нагласувајќи дека во државава ќе има над стотина функционери, „коишто се на товар на граѓаните“, помалку.

Тој соопшти дека „многу набргу од денеска ќе биде ребалансот на буџетот во Парламентот“, до крајот на оваа недела ќе бидат познати замениците министри, а на прашањето да открие нови именувања на директори, одговори дека „неколку часа од денеска ќе имаме нови именувања“. Исто така, на дневен ред на Владата ќе дојде и Законот за локална самоуправа.

Премиерот информираше и дека се подготвува и законско решение за игрите на среќа, кое рече, најпрвин ќе подразбира ревидирање на сите согласности дадени од претходната Влада.

– Бидејќи ние сме длабоко убедени дека тука законите се прекршени и некој треба да има одговорност за тоа што ги прекршил законите затоа што мора неказнивоста да ја оставиме во минатото. Секој оној, којшто ги прекршил законите и Уставот, мора да одговара и тука не треба да имаме никакви дилеми… Второ, треба да го ревидираме пристапот, односно начинот на оданочување, начинот на услови, местоположба итн. Така што, тоа ќе биде едно поопфатно законско решение, кое ќе биде секако поправично – додаде Мицкоски.

The post ПОВЕЌЕ ОД 100 ФУНКЦИОНЕРИ ВЕЌЕ НЕМА БИДАТ НА ДРЖАВЕН ТРОШОК Владата утре ќе ги укине економските директори на клиниките appeared first on plusinfo.mk.

Тој потсети на аферите со Еуростандард банка и мрежата од 29 фирми поврзани со семејството Заеви и од која , како што рече ,заработиле 13 милиони евра  преку не исплаќање на ратите од земените кредити од Еуростандард банка, како и на 200 милиони евра во соработка со мистериозниот Дака.

– Наместо остварување на ветените проекти и подобрување на животот на граѓаните на Република Македонија, подобрување на здравството во оваа пандемија или стабилизирање на економијата, Зоран Заев се посвети единствено на криминал, корупција и матни зделки по кои самиот тој е доволно познат во јавноста – рече Мицкоски.

Според лидерот на ВМРО-ДПМНЕ,  Заев не е единствениот од криминалната врхушка на власт, туку заедно со него се и неговите блиски соработници.

– Тие на најразлични начини ја опустошија земјата и ги оставија граѓаните да трпат за леб додека поранешната министерка за финансии Нина Ангеловска „магично” дознала во каков правец се движи Еуростандард банка, па навреме ги извадила средствата кои ги имала. Со ова само се докажува на каков начин работи СДСМ изминатите години и колку само граѓани се жртви на криминалната власт. Кога граѓаните очекуваа дека нешто можеби ќе се придвижи на подобро, дека барем нешто ќе се оствари од ветеното од страна на СДСМ и Зоран Заев, единствено нешто што со сигурност видоа е како функционира една мафија која царува во државата, без при тоа да одговара за било каков криминал – рече Мицкоски.

Како пример, тој ја спомена и аферата со Дака тешка 200 милиони евра.

– Се потврдија разговорите кои што беа стекнати на нелегален начин дека се точни, и во првите 100 дена контроверзниот бизнисмен анти-НАТО и анти-ЕУ направи бизнис со земјиштето на ШИК „Јелак“ вреден над 200 милиони евра, за нови над 2000 станови. Ова е се што македонските граѓани треба да знаат за Зоран Заев и неговите соработници од криминалната влада. Затоа граѓаните треба што поскоро да застанат на патот на оваа лакрдија која се случува и Македонија да почне да чекори на вистинскиот пат – рече Мицкоски.

The post Мицкоски: Заеви за 100 дена заработија 213 милиони евра од аферите „Еуростандард“ и „Дака“ appeared first on plusinfo.mk.