Во обраќањето до јавноста, Стоилковски додава:

Радмила Шекеринска е фатена на камера со осудените извршители на грозоморниот рекет, Зоран Заев е снимен како признава за криминали на Шилегов, а до ЈО се поднесени кривични пријави за 40 лица сите од СДСМ вклучително и за Заев, брат му Вице, братучедот Трајче, па Оливер Спасовски, па Мила Царовска, Кирацовски, Горан Сугаревски, Петре Шилегов, Костадин Костадинов и други.

Радмила Шекеринска, повеќе пати лажеше дека не била во домот на Боки 13 и дека немала средби со сега осудените за „Рекет“! Сега лаже дека не била прашана за средбите! Соочена со скандалозното видео од домот на Боки 13, прво претпоставува дека е таа, па не демантира дека е снимена, па лаже дека не знае кога би била направена снимката, па лаже дека не била прашана за средбите, а потоа нафрла невистини за содржината на разговорот!

Почитувани,

Радмила Шекеринска потврдува дека била во домот на Боки 13, дека била во друштво со сопственик на како велат провладина телевизија, била во друштво со специјалната јавна обвинителка и дека таму имале средби и разговарале, кроеле планови, какви планови се гледа од приложеното она што ја тресе јавноста, а тоа е случајот „Рекет“. Значи Радмила Шекеринска потврдува дека е снимена во домот на Боки 13, а претходно лажеше дека воопшто не била во домот на Боки 13 и дека немала средби со сега осудените извршители на „Рекет“.

Почитувани,

Останува да виси прашањето што бара потпретседател на Влада во друштво на Јавен Обвинител и осуден за „Рекет“, уште колку вакви јавни признанија и видеа се потребни за Јавното Обвинителство конечно да почне да работи?

Почитувани,

До ЈО се поднесени кривични пријави до 40 лица, сето раководство на СДСМ! Кривични пријави од осудениот извршител на „Рекет“ Бојан Јовановски! А, напоменав претходно дека тука се споменати и Зоран Заев, и брат му Вице, и братучед му Трајче, Оливер Спасовски, Мила Царовска, Кирацовски, Сугарески, Шилегов, Костадин Костадинов и многу други од раководство на СДСМ. Радмила Шекеринска потврдува дека имала средби со осудените, и ЈО се уште молчи!

ЈО со Јовески и Рускоска молчат и ќе молчат за скандалите со второстепената комисија, кога со неа раководеше Петре Шилегов, а фирмите на кланот Заеви добиваат тендери? И тоа вчера повторно јавноста беше скандализирана од сознанијата кои што ги доби од тајните снимки објавени на социјалните мрежи.

Почитувани,

Слушнавте како Зоран Заев признава дека Петре Шилегов, додека бил претседател на второстепена комисија, „трпал пари“. На Заев тоа му било јасно, но дека „тоа било тоа“. Тоа се зборовите на Зоран Заев, на Петре Шилегов кој што признава за злоупотребите и за криминалот на Петре Шилегов додека бил претседател на второстепената комисија, зашто ВМРО-ДПМНЕ повеќе пати алармираше и имаше прес конференции изнесувајќи докази. Но Зоран Заев вели „трпал пари“ и тоа било тоа.

Почитувани,

Цело СДСМ на чело со Зоран Заев и со Радмила Шекеринска се криминално здружение кое што мора да понесе одговорност! СДСМ е синоним за рекет и за криминал! Македонија повеќе не може да издржи компромиси со криминал! Доаѓа 15-ти јули, заокружете број 14. Исправи се Македонијо, одбери обнова! – порача Стоилковски.

The post Стоилковски: Цело СДСМ, на чело со Заев и со Шекеринска, се криминално здружение коешто мора да понесе одговорност! appeared first on plusinfo.mk.

– Тоа е истиот оној разговор што веќе беше објавен. Претпоставувам дека има уште еден дел што не верувам дека им одговара да го објават. Уште ова е тоа што излезе. Таму нема ништо криминално, нема ништо инкриминирачки. Ете ниски страсти, еден приватен разговор. Да, сум бил во болницата, и деновиве одам во болница, да не се мачат да пуштат разговори бидејќи таму е мојата мајка, ја посетувам, така што нека снимаат тие, нека следат – изјави денеска Мицкоски во интервју за МИА што ќе биде објавено во недела.

Мицкоски тврди дека е цел на следење, на снимање, и за себе вели дека е „трофеј“ за поедини структури.

– Сето она кое што е инкриминирачки и криминално, противзаконско владеење, како што можевме да видиме во некои други разговори и видеоснимки, мислам дека треба да се охрабрат обвинителите и судиите да постапуваат по тоа каде што има основани индиции за сторен криминал – посочува Мицкоски.

За лидерот на опозицијата е чудно што објавувањето на дел од овој разговор доаѓа по заканата што ја добил адвокатот на Бојан Јовановски.

– Чудно, ова доаѓа еден ден после онаа закана која што ја доби еден адвокат за неговиот клиент… Дуковски кој јавно кажа дека му се заканиле дека ќе го ликвидираат неговиот клиент ако премногу зборува. Она коешто струи во кулоарите во обвинителствоото е дека неговиот клиент Бојан Јовановски поднел неколку десетици кривични пријави против структурите на власта и приложил докази кои што се основани сомневања за сериозен сторен криминал од најгоре па се надолу по вертикала, -рече Мицкоски.

The post Мицкоски: Нема ништо криминално во објавениот приватен разговор, ете ниски страсти appeared first on plusinfo.mk.