Двајца млади охриѓани се приведени по драматичен инцидент на регионалниот пат Охрид–Струга, откако возач на автомобил со кој се движеле се обидел да избега и директно да налета на полициски службеници.

Инцидентот се случил вчера околу 16 часот, кога криминалистичката полиција при СВР Охрид запрела патничко возило „поло“ со охридски регистарски таблички. Автомобилот го управувал Е.О. од Охрид, а во него како сопатници биле А.А. (20) и Ј.Ј. (24).

Наместо да застане, возачот ја зголемил брзината и со возилото се упатил директно кон полициските службеници, по што избегал од местото на настанот. По кратко време, полициските екипи ги лоцирале двајцата сопатници во селото Требеништа, општина Дебрца, каде што биле лишени од слобода.

Драмата не завршила тука. По извесно време, на местото пристигнал и возачот Е.О., овојпат со возило „фолксваген туран“. И повторно, со голема брзина го насочил автомобилот кон полициските службеници и избегал.

Од полицијата информираат дека се преземаат интензивни мерки за пронаоѓање на возачот, а по целосно расчистување на случајот, против инволвираните ќе бидат поднесени кривични пријави за дела предвидени во членовите 215 и 383 од Кривичниот законик.

The post ДВАПАТИ СЕ ОБИДЕЛ ДА ПРЕГАЗИ ПОЛИЦАЈЦИ, НО ИЗБЕГАЛ Драма на патот Охрид–Струга, приведени двајца млади appeared first on plusinfo.mk.

Истражителите ги откриваат најморничавите детали од убиството што ја потресе штипската и македонската јавност: 74-годишниот Д.А. е осомничен дека од љубомора и љубовни недоразбирања ја усмртил 79-годишната Б.Н., ја држел против нејзина волја во својот дом, а потоа ја заклал, ја распарчил и го закопал трупот во дворот. Главата и рацете сè уште не се пронајдени.

Случајот почнал да се разоткрива на 24 октомври, кога сестрата на исчезнатата, 84-годишната Д.О., пријавила дека Б.Н. исчезнала од својот дом. Полицијата брзо дошла до сомнеж дека Б.Н. можеби е затворена кај Д.А., по што на 10 ноември, со судска наредба, бил извршен претрес. Во куќата биле откриени траги од крв и предмети клучни за истрагата. Д.А. бил приведен и задржан во притвор.

Форензичките резултати го потврдиле најцрното сценарио. По повторното сослушување, осомничениот признал дека ја убил жената и дека по убиството ги сечел деловите од телото за да ги сокрие трагите од злосторството. Во дворот бил пронајден трупот, со фрактури на ребрата, но без убоди од нож. Од обвинителството потврдуваат дека вештачењето на крвните траги несомнено укажува дека станува збор за Б.Н.

Истрагата наведува дека зад монструозниот чин стоеле длабоки љубовни недоразбирања и патолошка љубомора. Според сведочењата собрани од истражителите, односот меѓу Д.А. и Б.Н. одамна бил оптоварен со конфликти и сомнежи. Обвинетиот, како што произлегува од неговиот исказ, бил убеден дека жената го изневерува и дека „го манипулира“, а таа љубоморна опсесија постепено прераснала во насилство. Токму тоа, според обвинителството, го поттикнало да посегне по свирепо насилство и да се обиде да ги сокрие трагите на злосторството на најморничав можен начин.

Истрагата продолжува – деловите од телото што недостасуваат, меѓу кои и главата, сè уште се бараат. Д.А. веќе е изведен пред судија на претходна постапка, кој му одредил 30-дневен притвор, а обвинителството го товари за убиство и противправно лишување од слобода.

ЈА ЗАКЛАЛ, ПА ЈА ЗАКОПАЛ ВО СВОЈОТ ДВОР!? Расчистено свирепо убиство во Штип

The post ЈА УБИЛ ОД ЉУБОМОРА, ЈА КАСАПЕЛ, ГЛАВАТА Ѝ ЈА НЕМА! Грозоморни детали за свирепото убиство во Штип appeared first on plusinfo.mk.

Во СВР Струмица биле приведени Ш.М.(32), С.М.(18), двајцата од село Иловица и 17 – годишен малолетник од с.Свидовица. Во врска со кражбите, на разговор во СВР Струмица бил повикан и Ш.М.(18 ) од с.Иловица.

Расчистени се тешки кражби кои ги извршиле во куќи во с.Колешино и с.Куклиш и пронајдени се и одземени повеќе предмети кои им припаѓаат на оштетените. Исто така, извршено е и препознавање на Ш.М.(32) од страна на оштетените.

По целосно документирање и расчистување на случаите, против лицата ќе бидат поднесени соодветни кривични пријави, посочуваат од МВР

The post Полицијата ги фати крадците што правеле ‘ршум во струмичко appeared first on plusinfo.mk.