Мирослав Шиповиќ, член на СДСМ и поранешен претседател на Советот на Општина Центар во 2013 година во периодот кога Андреј Жерновски бил градоначалник, јавно реагираше на состојбите во сениорскиот дел на Извршниот одбор на партијата.

Во својот статус тој изрази незадоволство од однесувањето на дел од раководството, кое според него, наместо чесна работа и визија, се фокусирало на лични интереси и позиции.

„Длабоко потресен и емотивно вознемирен од сениорскиот дел на ИО партија. Сè мој до мојега, загубар до загубар. Еден нема што чесно работел за партијата и има чесни намери. А ги има барем половина што се омрсиле кога биле на власт. Само ги интересира да се први на листа на следните парламентарни, јер еден влегува сигурно. Најголем бранител онаа несреќа од бивш …… претседател, и после Српче ја продал, абе овие ја УКРАДОА од нас партијата – банда криминалци“, објави Шиповиќ.

The post СÈ MOJ ДО МОЕГА, КРИМИНАЛЦИ ЗАГУБАРИ ГО ПРЕЗЕДОА СДСМ Се јави Шиповиќ, длабоко потресен од новите сениори на Филипче appeared first on plusinfo.mk.

Политичарите во Европската Унија сериозно размислуваат да им отворат врата на полицијата до најинтимните дигитални простории – шифрираните пораки, јави бриселски „Политико“.

Стравувањата се дека терористи и криминалци ги користат платформите како Ватсап за комуникација која не може да се следи. Бартјан Вегтер, координатор за борба против тероризмот во ЕУ, вели дека се работи за „внимателен, но неопходен пристап“.

– Се соочуваме со ситуација која станува неодржлива, каде нашите истражители ја губат способноста да вршат истраги – рече Вегтер.

Тој смета дека органите на прогонот треба да имаат дозвола за пристап до пораките и нивните метаподатоци, но само во строго регулирани, поединечни случаи. Не станува збор за масовен надзор, туку за контролиран пристап, сличен на класичен прислушкувачки налог.

Целосна контрола или поединечни интервенци

Во заднината на овој притисок стои предлогот познат како „Chat Control“, кој предвидува алгоритамско скенирање на содржини пред да бидат шифрирани. Тоа значи дека вашата порака, дури и пред да ја испратите преку Ватсап, би можела да биде анализирана од машински систем ако се процени дека е сомнителна – на пример, во случаи на злоупотреба на деца.

Германската и луксембуршката влада остро се спротивставија на овој предлог. Велат дека тоа ќе значи крај на довербата во дигиталните комуникации. Од друга страна, Европската комисија работи на „патна карта“ што би овозможила легален пристап до податоци, но со почит кон фундаменталните човекови права.

Европскиот парламент, пак, даде поумерена позиција. Според нив, „end‑to‑end “шифрирањето мора да остане недопирливо, а секоја интервенција – исклучок, не правило.

Од каде ќе знае скенерот дали се работи за закана или за обична порака?

Експерти и невладини организации во ЕУ веќе остро реагираат на овие најави. Тие предупредуваат дека технологијата што овозможува скенирање пред шифрирање, наречена „client-side scanning“, може лесно да биде злоупотребена и од хакери и од авторитарни влади.

Иако целта на иницијативата е легитимна, борба против тероризам и сексуална злоупотреба, ризикот лежи во можната злоупотреба на алатките кои нема да знаат да направат разлика помеѓу закана и обичен разговор.

Ќе ни читаат сè или ништо? 

Владите нема автоматски да добијат пристап до сите пораки. Предлогот не предвидува масовно читање, туку алгоритамска анализа пред испраќање, но линијата е тенка.

Секој пристап ќе мора да биде законски санкциониран, со судска дозвола или друг надзорен механизам. Сепак, останува стравот дека „еден клуч за сите брави“ на крајот ќе ги отвори и вратите за лошите момци, не само за полицијата.

Но, дали тој клуч ќе го чуваат само „добрите“?

The post УДАР ЗА ПРИВАТНОСТА ВО ЕУ, ЌЕ СЕ ЧИТААТ СИТЕ ПОРАКИ ОД ВАТСАП? Следењето криминалци по социјалните мрежи е комплицирано appeared first on plusinfo.mk.

Министерството за внатрешни работи преку Секторот за компјутерски криминал алармира за зачестени обиди за интернет измами кои се шират преку фишинг-пораки испратени по електронска пошта, а во кои се злоупотребуваат имињата на познати македонски компании.

Според полицијата, пораките лажно ве убедуваат дека сте сториле повреда на авторски права, при што содржат опасни фишинг-линкови кои наводно водат до документација или барања за преземање на некаква акција. Сето тоа е замка, целта е едноставна, крадење на лични податоци, податоци од компании или финансиски детали.

„Важно и значајно е граѓаните односно компаниите да знаат дека пораката не е испратена од вистинската компанија, да не кликнуваат на линковите или прилози во пораката, да не одговараат на пораката, да не споделуваат лични информации и веднаш да ја избришат пораката“, предупредуваат од Министерството за внатрешни работи.

Секторот за компјутерски криминал веќе презема активности и води постапки за откривање на сторителите на ваквите измами. Од МВР повикуваат: доколку сте примиле ваква порака или, уште полошо, сте станале жртва на интернет измама, веднаш пријавете го случајот во најблиската полициска станица.

Фишинг измамите најчесто доаѓаат преку електронска пошта, но полицијата предупредува дека измамниците користат и други канали како социјални мрежи, СМС-пораки или дури и телефонски повици.

Министерството апелира до сите граѓани и компании да бидат особено внимателни при добивање сомнителни пораки.

„Да не наседнуваат на измами од ваков тип и нивните лични податоци да не ги споделуваат и разменуваат со непознати лица, како и со лица на кои не може да им се утврди вистинскиот идентитет“, стои во апелот на МВР.

Целта е јасна, велат од МВР, а тоа е спречување на понатамошна злоупотреба на лични податоци и заштита на граѓаните од опасни интернет криминалци.

The post МВР СО ИТНО ПРЕДУПРЕДУВАЊЕ Лажни мејлови од познати компании ве мамат да дадете лични податоци appeared first on plusinfo.mk.

Лидерот на СДСМ Венко Филипче е опкружен со криминалци и уживатели на дрога, тврди Валентин Манасиевски од ВМРО-ДПМН. Манасиевски од партиската говорница објави фотографии од Филипче и екс-лидерот на СДСМ Зоран Заев заедно со Андон Стојков, екс-лидерот на младината на СДСМ во Струмица кој неодамна беше фатен со дрога во Штип.

„Венко Филипче е опкружен со криминалци и уживатели на дрога. Ова е Андон Стојков, кој пред два дена во Штип е фатен од страна на полицијата со дрога. Андон Стојков е поранешен претседател на СДММ Струмица и важи за близок човек до Зоран Заев и Венко Филипче.

Ова е Андон Стојков во друштво на Венко Филипче. Од фотографијата се гледа дека истата не е случајна, ниту пак дел од некој масовен настан, па да се рече дека Филипче не знаел со кого се фотографира.

Ова е фотографија на Андон Стојков со Зоран Заев, во пријателска атмосфера на заедничка забава.

Почитувани, со вакви луѓе е опкружен Венко Филипче, луѓе на Заев, криминалци и уживатели на дрога. Е, ова е СДСМ. Го прашуваме Венко Филипче со уште колку криминалци е опкружен? И што тој има заедничко со нив?“, обвини Манасиевски.

The post 📷 ШТО БАРА ЛИДЕРОТ НА СДСМ ВО ДРУШТВО СО УЖИВАТЕЛИ НА ДРОГА? Манасиевски објави слики од Филипче и Андон Стојков appeared first on plusinfo.mk.

Партиски луѓе не треба да има во судството, рече премиерот Христијан Мицкоски одговарајќи на новинарско прашање поврзано со интерпелација на членови на Судскиот совет и барањето  оставка од државниот обвинител, Љупчо Коцевски.

– Последниот браник и цврст штит на поранешната влада на СДСМ и ДУИ се дел од судиите и дел од обвинителите, меѓу кои е именуваното лице за коешто вие сега зборувате. Најголемиот дел, би рекол 95% од обвинителите и од судиите се луѓе коишто чесно си ја работат својата работа, коишто обвинуваат и судат според законите и Уставот. Но, за жал, има и такви коишто останаа да бидат партиски измеќари. Кога ќе ја облечат тогата наместо да заборават на партиските привилегии, тие сè уште се верни слуги на истите коишто на времето, ете, бидејќи такви се законите и процедурите, ги предложиле да бидат таму каде што се – одговори Мицкоски.

Премиерот го потенцираше однесувањето на еден обвинител, кого не го именуваше.

– Посебно би го потенцирал однесувањето на еден обвинител од пред неколку дена, којшто, наместо да биде обвинител и заштитник на владеењето на правото и правдата, одлучи да биде верен слуга и измеќар на една партија што беше долги години на власт и дел од коалицијата во поранешната влада – рече Мицкоски.

The post ЗА ПАРТИСКИ ЛУЃЕ НЕМА МЕСТО ВО СУДСТВОТО Најголем дел од судиите и обвинителите се чесни, 5% се партиски измеќари appeared first on plusinfo.mk.

Дали Сокол работел по насока на СДСМ, па затоа молчи Венко Филипче и не смее да се огради, праша денеска пратеникот од ВМРО-ДПМНЕ, Бране Петрушевски.

– Се плашат ли СДСМ и Венко Филипче од Филип Андов Сокол, и тоа што тој може да каже пред органите на прогонот? Молчат ли СДСМ и Венко Филипче за криминалот на Сокол затоа што знаеле како партија и затоа што и сами му давале насоки кого да пушти од затвор и кои привилегии да ги ужива на слобода, наместо да лежи во ќелија? – рече Петрушевски.

Дали молкот во СДСМ, додава Петрушевски, е всушност страв, што сè може да каже Сокол?

– И дали затоа судството под контрола на СДСМ грчевите се бореше Сокол да не добие притвор, туку да се брани од слобода? Што знае Сокол, што СДСМ и Филипче толку ги плаши? Чии насоки спроведувал Сокол кога шетал криминалци низ Скопје, наместо да ги затвори во ќелија? СДСМ да излезе и да каже или да се огради од Сокол веднаш – повика Петрушевски.

The post МУ ДАВАЛ ЛИ СДСМ НАСОКИ НА СОКОЛ КОГО ДА ПУШТИ ОД ЗАТВОР Петрушевски бара Филипче да се огради од ексдиректорот на „Шутка“ appeared first on plusinfo.mk.

Полициските акции за борба против корупцијата и организираниот криминал се доказ дека борбата против криминализираните лица ќе биде безкомпромисна и дека од сега па натаму ќе има нулта толеранција, без разлика на етничката припадност или позиција, соопшти коалицијата Вреди.

„Партијата нон грата ДУИ го завршува својот режим на најлош можен начин! Сенката на Али Ахмети, Артан Груби и кликата на ДУИ секој ден од овие две децении го искористија за збогатување на нивните џебови, крадење и злоупотреба на власта, станувајќи синоним за криминал и корупција. Денес, последиците се јасни, илјадници Албанци беа принудени да ја напуштат својата татковина во потрага по подобар живот“, соопшти коалицијата.

Вреди, се додава во соопштението, ја поддржува бескомпромисната борба против криминалот и корупцијата, придонесувајќи за градење фер и чесен систем кој го запира егзодусот и обезбедува подобра иднина за секој Албанец.

„Од моментот кога станавме дел од Владата наидовме на сериозни прекршувања и неправилности на секое поле и институција. И покрај овие предизвици, Вреди работи со целосна посветеност на трансформирање на овој неуспешен систем во функционален и ефективен систем кој им служи на граѓаните, а не на интересните групи. Го поздравуваме будењето на Обвинителството, кое конечно изгледа дека започнува да ја врши својата работа во согласност со законот и со очекувањата на граѓаните. Бегството од правдата на лидерите на коцкањето, сенката на Али Ахмети, Артан Груби и Прпарим Бајрами, кои се претставуваа како чисти како солза, е уште една потврда колку многу тие ја злоупотребиле власта“, соопшти владејачката коалиција.

На сите граѓани им гарантираме дека оние кои чесно и професионално ја вршеле својата должност немаат од што да се плашат, времето на политички монтирање и елиминации завршидодава Вреди.

The post ПАРТИЈАТА НОН ГРАТА, ДУИ, ГО ЗАВРШИ РЕЖИМОТ НА НАЈЛОШ НАЧИН Крадеа секој ден, ги избркаа младите Албанци од земјата, сега ќе одговараат appeared first on plusinfo.mk.

Според Петрушевски, оваа партија „20 години краде и ги злоупотребува и Албанците и Македонците“, додека секогаш се повикува на етничката припадност кога се соочува со обвинувања.

– ДУИ 20 години бира судии, точно ги знаат правните процедури, и како одлучува Уставниот суд, но и покрај тоа одбраа да приредуваат политички циркус, за да го одвлечат вниманието од јавноста од тоа што 20 години ја крадеа државата – изјави Петрушевски.

Петрушевски додаде дека ДУИ ги „краде Албанците и Македонците“, но се „повикуваат на Албанците кога треба да крадат или кога се спречени во тоа, како сега“. Според него, стравот на ДУИ произлегува од фактот што доаѓа времето за одговорност за нивните криминални функционери.

– Стравот на ДУИ е затоа што доаѓа време за одговорност на нивните криминални функционери, кои додека продаваа патриотизам, дебело се нафатирале, а граѓаните, било Албанци или Македонци, се иселиле – додаде пратеникот на ВМРО-ДПМНЕ.

„ДУИ се демаскирани,“ рече Петрушевски. „Сите гледаат дека нивното политичко делување последните неколку месеци е само во насока на заштита на политичките криминалци кои ја ограбија државата.“

На крајот, тој им предложи на раководството на ДУИ да се реформираат, посочувајќи дека локалните избори се блиски, а ако не се адаптираат, може да се соочат со уште поголемо изненадување.

– Наместо да седат на ладно, подобро ќе биде да се реформираат како партија, зошто бргу од денес доаѓаат локални избори, да не им се случи уште поголемо изненадување – заклучи Петрушевски.

The post ПОЛИТИЧКИ ЦИРКУС ЗА ЗАШТИТА НА КРИМИНАЛОТ Петрушевски ја обвинува ДУИ за 20 години крадење на Албанците и на Македонците appeared first on plusinfo.mk.

Исто така, денеска (08.09.2024) полициски службеници од Оперативен тим потраги при СВР Скопје околу 6 часот и 50 минути во Скопје, на територија на општина Гази Баба, го лишија од слобода В.Д. (33) од Скопје, кој бил баран по централна потерница од МВР по наредба од Основен кривичен суд Скопје, за затворска казна од една година, за сторено кривично дело „тешка кражба”.

Лицата ќе бидат предадени на надлежната казнено поправна установа.

The post ГИ БАРАЛЕ СО ПОТЕРНИЦА ЗА ТЕШКА КРАЖБА Уапсени криминалци во Скопје appeared first on plusinfo.mk.

Исто така, денеска околу 13.25 часот во Скопје, полициски службеници од Оперативен тим потраги при СВР Скопје го лишиле од слобода Д.Г.(27) од Скопје. Тој бил осуден на казна затвор од една година за сторено кривично дело по член 215 од Кривичниот законик, а бил баран по централна потерница врз основа на судска наредба поради бегство од казнено – поправна установа.

Полицијата денеска ја лишиле од слобода И.Ц.(59) од Скопје. Таа била барана по централна потерница врз основа на судска наредба за издржување затворска казна од една година, за сторени кривични дела по член 292 и член 288 од Кривичниот законик.

Како што стои во соопштението од МВР, лицата ќе бидат спровeдени во надлежната казнено – поправна установа за издржување на казната.

The post Ѝ БЕГАЛЕ НА ПОЛИЦИЈАТА НО НЕУСПЕШНО Приведени тројца криминалци, еве зошто биле барани со потерница appeared first on plusinfo.mk.