Kрвава пресметка со нож во Скопје завршила со тешко повреден 38-годишен маж. Полицијата го уапсила осомничениот само 25 минути по нападот. Подоцна судија му одредил притвор од 30 дена.

Според СВР Скопје, на нападот му претходела расправија. Потоа Д.В. (37) со нож го нападнал А.К. (38) од Скопје. Нападот се случил на 7 август околу 21.10 часот. Повредениот бил пренесен во болницата „Св. Наум Охридски“.

Лекарите му констатирале тешки телесни повреди. Полицијата го уапсила 37-годишникот во 21.35 часот. Бил пронајден и ножот со кој, според сомнението, бил извршен нападот.

Скопската полиција расчистила и одделен случај на семејно насилство. С.Р. (57) е осомничен дека во повеќе наврати го напаѓал своето семејство. Според полицијата, жртви биле неговата 47-годишна сопруга, нивните 2 ќерки и синот.

Последниот напад се случил на 7 август во семејниот дом во Скопско. Осомничениот со тврд предмет ги нападнал сопругата и една од ќерките.

На сопругата ѝ нанел тешка телесна повреда. Ќерката добила телесна повреда.

Полицијата го уапсила следното утро, во 9.40 часот. Во координација со Основното јавно обвинителство Скопје, против него била поднесена кривична пријава по брза постапка.

Тој се сомничи за тешка телесна повреда и за телесна повреда. Судија на претходна постапка му определил притвор од 8 дена.

The post КРВАВА ПРЕСМЕТКА СО НОЖ ВО СКОПЈЕ Полицијата расчисти два случаи на насилство appeared first on plusinfo.mk.