Во главниот град на Белгија се случиле две престрелки во кои загинале две лица, од кои едното е полицаец.

Во близина на зградата на Европскиот парламент во Брисел денеска дошло до престрелка во која загинало едно лице.

Во белгискиот град се случила и друга престрелка, околу еден час по полноќ, кога полицаец бил застрелан во главата додека се обидувал да запре украдено возило во предградието Жет.

Осомничениот подоцна бил уапсен од специјалната полиција, а кај него биле пронајдени три парчиња оружје. Засега не е утврдено дали двата инцидента се поврзани.

Белгискиот министер за внатрешни работи, Бернар Кентен, објави на социјалната мрежа Икс дека е длабоко потресен од трагичната смрт на бриселскиот полицаец. Тој посочи дека обвинителството спроведува истрага и дека одговорните ќе се соочат со „целата сила на законот“.

Белгија во последно време се соочува со чести пресметки и престрелки на улиците.

The post ПОЛИЦАЕЦ ЗАСТРЕЛАН ВО ГЛАВА ДОДЕКА ЗАПИРАЛ УКРАДЕНО ВОЗИЛО Двајца загинати во Брисел во две престрелки appeared first on plusinfo.mk.