По серијата украински напади во Русија, ноќеска избувнаа големи пожари во неколку градови на југот на земјата.

Во цел Крим нема електрична енергија. Според извештаи од социјалните мрежи, украински беспилотни летала погодиле две трафостаници, во Масандра и во Јалта.

На југот на Русија, во Краснодар се погодени магацини на онлајн трговецот „Вајлдбери“, кој го нарекуваат и „руски Амазон.

IT’S MARSHMALLOW TIME FELLAS!

Krasnodar, Russia, Wildberries logistics hub pic.twitter.com/fwCmu51kS5

— Kate from Kharkiv (@BohuslavskaKate) July 22, 2026

Друг логистички центар на компанијата „Вајлдбери“ е погоден во Невиномиск во Ставрополската област, каде што по нападот избувна голем пожар.

Five out of top ten now, with reports of another Wildberries warehouse on fire in Nevinnomysk in southern Russia. https://t.co/DXqkuaUxmF pic.twitter.com/UtEj8h0SQb

— Yaroslav Trofimov (@yarotrof) July 22, 2026

Од Русија сè уште нема официјална потврда за најновите украински напади.

Овие напади се дел од пошироката украинска стратегија за напад врз воената инфраструктура длабоко на руска територија и окупираните територии, чија цел е да се ослабат руските воени капацитети.

Со нападите во Краснодар и во Невиномиск  бројот на напади врз инфраструктурата на компанијата „Вајлдбери“ во изминатите неколку дена се зголеми на четири.

Во ноќта на 18 јули, Украина изврши два напада врз објектите на компанијата, во Електростал во Московскиот регион и во Котовск во Тамбовската област. Во ноќта на 19 јули, украинските сили нападнаа складиште за нафта во Ставрополската област и неколку други цели. Командантот на украинските сили за беспилотни системи, Роберт Бровди, изјави дека ноќта на 20 јули погодиле 7 бродови на руската „флота во сенка“, седум енергетски објекти на Крим и други воени цели.

The post ГОРАТ СКЛАДИШТА НА „РУСКИОТ АМАЗОН“ Крим е без струја по украинските напади appeared first on plusinfo.mk.

Властите на Крим и на градот Севастопол денеска донесоа одлука за прогласување регионална вонредна состојба со цел побрзо решавање на насобраните економски проблеми, соопшти гувернерот на Крим, Сергеј Аксјонов, пренесува агенцијата ТАСС.

– Заедно со гувернерот на Севастопол, Михаил Владимирович Развожаев, донесена е одлука за потпишување указ за прогласување регионална вонредна состојба во Република Крим и во градот Севастопол. Оваа одлука е донесена првенствено заради решавање на економските прашања – напиша Аксјонов на својот канал на Телеграм.

Вонредната состојба стапи во сила денеска во 13 часот по московско време. Гувернерот објасни дека правната рамка што ја носи вонредната ситуација овозможува најефикасно решавање на прашањата поврзани со стабилното функционирање на сите области од кои зависи егзистенцијата на населението.

Аксјонов претходно апелираше до граѓаните да користат „здрав разум“, да не подлегнуваат на гласини и да не шират лажни информации за недостигот на гориво во регионот. Тој напомена дека дефицитот на нафта на Крим и понатаму е акутен, но нагласи дека сојузните и регионалните власти интензивно работат на негово решавање, иако голем дел од преземените мерки не се јавно објавени.

– Ги повикувам жителите на Крим да не веруваат во гласини и да не ги шират, да не им се препуштаат на емоциите, туку да користат здрав разум. Ве потсетувам дека главната цел на непријателот е застрашување и ширење паника, вклучително и преку лажни вести и протекување информации – се наведува во пораката на Аксјонов. Тој исто така им се заблагодари на граѓаните за единството и меѓусебната помош, додавајќи дека локалните власти веќе ги презеле неопходните мерки за да осигураат целосна безбедност.

Поради новонастанатата ситуација, сообраќајот за патнички возила на Кримскиот мост беше целосно затворен од синоќа во 23:50 часот до утрово во 06:14 часот по московско време. Околу 9 часот наутро во ред чекале 2.800 возила, а подоцна бројката се намалила на 2.100. Сепак, колоната на приодот кон Кримскиот мост од правец на Керч достигнала 2.450 возила, а времето на чекање изнесувало повеќе од пет часа, објави информативниот канал „Макс“.

Прекините во снабдувањето со електрична енергија продолжуваат да го мачат Севастопол, најголемиот град на Крим под руска контрола, по повторените и засилени украински напади врз полуостровот.

Гувернерот на градот назначен од Кремљ, Михаил Развожаев, вчера изјави дека се воведени рестрикции низ целиот град и ги повика жителите да го намалат оптоварувањето на електродистрибутивната мрежа. Командант на украинските сили за беспилотни летала, Роберт Бровди, изјави дека Киев ја нападнал главната трафостаница во Севастопол седум пати во раните часови во средата.

According to the Russian-installed administration in occupied Crimea, there is currently no queue to enter Crimea from Russia via the Taman side of the Kerch Bridge.

Meanwhile, on the Kerch side, 2,450 vehicles are waiting to leave occupied Crimea for Russia https://t.co/uttKzIvaGK pic.twitter.com/W7vwluDtEZ

— Special Kherson Cat (@bayraktar_1love) June 26, 2026

Во последните недели, Украина ги засили воените операции во регионот, што, како што се наведува, довело до значително нарушување на секојдневниот живот на жителите, со чести напади со дронови, ограничувања на гориво и откажување на дел од јавните активности.

Руската регионална власт на Крим во неделата соопшти дека горивото ќе биде достапно само за државните институции, а не и за обичните граѓани и бизниси. Жителка на Севастопол, која побарала анонимност од безбедносни причини, изјавила за Си-Ен-Ен дека на бензинските пумпи нема гориво, но дека јавниот превоз сè уште функционира.

The post ВОНРЕДНА СОСТОЈБА НА КРИМ И ВО СЕВАСТОПОЛ Илјадници возила заглавени со часови appeared first on plusinfo.mk.

Експлозии одекнуваа низ Крим во текот на целата ноќ, додека пожари гореа во близина на Керч, нафтени терминали и во близина на позиции на руската противвоздушна одбрана. Поради нападите, мостот Керч беше затворен повеќе од пет часа, а сообраќајот беше обновен дури во раните утрински часови.

Според украински и според руски извори цитирани од медиумите, удари биле регистрирани на повеќе локации низ окупираниот полуостров.

Гореше терминалот во Керч

Телеграм-каналот „Кримски ветер“ објави дека нови жаришта се појавиле на нафтениот терминал во Керч, кој бил погоден и во претходните напади.

Пожари биле забележани и во близина на Бахерово, каде се распоредени руски системи С-300 и С-400. Сателитски снимки регистрирале огнени жаришта и во пристаништето Кавказ, како и во близина на железничката станица Пивдена во Керч.

Каналот „Супернова+“ објави дека бил погоден и комплексот за складирање и за претовар на гориво „ТЕС Терминал“.

Russia’s fuel route to Crimea is still under pressure.

Ukrainian forces struck both sides of the Crimean Bridge on June 21: the oil terminal in occupied Kerch and maritime oil logistics at Port Kavkaz in Russia’s Krasnodar region. President Zelenskyy confirmed strikes on both… pic.twitter.com/sT1AFf8XDq

— Meanwhile in Ukraine (@MeanwhileInUA) June 23, 2026

Мостот беше затворен

Според информациите објавени на каналот што ја следи состојбата на мостот Керч, сообраќајот бил прекинат во 23:24 часот.

Блокадата траела повеќе од пет ипол часа. Возилата повторно почнале да го користат мостот во 05:10 часот наутро.

Руските власти на Крим засега не ги коментираа пожарите и нападите.

Half of Crimea left without power after overnight attack

Residents across multiple cities on the occupied peninsula are reporting widespread power outages.

Officials claim the blackout was caused by an “electrical grid failure,” but locals are sharing footage of a major fire… pic.twitter.com/cpABuXHMU1

— NEXTA (@nexta_tv) June 23, 2026

Руски удари врз Украина

Додека траеја нападите врз Крим, Русија изврши нов бран воздушни удари врз Украина.

Во нападите врз Харков, Запорожје и врз Сумската област биле повредени шест лица. Утрово жителите на Киев биле повикани да се упатат кон засолништата поради опасност од нов масовен напад.

Од друга страна, руските власти соопштија дека во украински напади со дронови врз Доњецк биле повредени 18 лица.

The post 📽️ КРИМ ПОД ОГАН, МОСТОТ КЕРЧ ЗАТВОРЕН Русите возвратија со напади врз Киев appeared first on plusinfo.mk.

Руските власти ја прекинаа продажбата на гориво на поединци и на бизниси на Крим.

Одлуката доаѓа во услови на сериозен недостиг на гориво и слаба туристичка сезона, бидејќи украинските напади со беспилотни летала сè повеќе ја нарушуваат нафтената и транспортната инфраструктура на Русија.

Сергеј Аксјонов, гувернер на полуостровот Крим, објави дека почнувајќи од 21 јуни, бензинските пумпи повеќе нема да продаваат гориво на никој освен на државните агенции.

– Горивото ќе се испорачува исклучиво на државните служби одговорни за одржување на основните услуги и обезбедување безбедност – рече Аксјонов во кратка видеопорака на Телеграм, без да прецизира кога продажбата на гориво би можела да продолжи.

Во последните месеци украинската војска ги засили нападите со беспилотни летала со среден дострел врз камиони за гориво што го снабдуваат Крим. Полуостровот е поврзан со континентална Русија само преку Кримскиот мост и коридор широк околу 100 километри.

По последните украински напади, на социјалните медиуми циркулираат снимки од огромни редици автомобили кои се обидуваат да го напуштат Крим.

Right now there’s a massive cue of cars forming to cross the bridge from Crimea. The Ukrainian peninsula temporarily occupied by russia has been feeling the heat all night and it seems to have made many of the occupiers understand that this is not their home. #CrimeaIsUkraine pic.twitter.com/lXTn3y6gLT

— Їne Back Їversen (@IneBackIversen) June 21, 2026

Според информациите, цел на украинските напади била и термоцентралата Тавријска во Крим. Напаѓани се и бродовите од Русија кои ореку воден пат носат залихи од разни производи во Крим.

Insane footage:
Ukraine is now systematically hitting ferries with drones attempting to ship supply trucks to Crimea from the Russian mainland. pic.twitter.com/yxAptQqS59

— WarMonitor (@WarMonitor3) June 21, 2026

Освен Крим, широката украинска кампања со беспилотни летала ги таргетираше и клучните руски рафинерии за нафта, цевководите и сродна инфраструктура, со што придонесе за недостиг на гориво во повеќе руски региони.

Украинскиот претседател Володимир Зеленски ги опиша нападите како „долгорочни санкции“ против Русија, која своите воени операции во голема мера ги финансира со приходите од нафта.

Во својот последен извештај од 21 јуни, Зеленски рече дека украинските сили погодиле морска логистика што се користи за транспорт на нафта во регионот Краснодар и складиште за нафта во Крим.

„Покрај тоа, успешно беа погодени воени логистички објекти, заедно со четири радарски станици што припаѓаат на системи за воздушна одбрана… Русија разбира само сила, а нашите сили со долг дострел сигурно работат за мир“, порача Зеленски.

Last night, our long-range sanctions targeted the occupiers’ military logistics, oil industry, and air defense. All of this is a just response to Russia’s brutal attacks against our people. I thank the warriors of the Security Service of Ukraine, the Unmanned Systems Forces, the… pic.twitter.com/90APquETQT

— Volodymyr Zelenskyy / Володимир Зеленський (@ZelenskyyUa) June 21, 2026

Гувернерот Аксјонов потврди дека нападите биле насочени кон кримското пристаниште Керч. Тој рече дека 4 лица се убиени, а 28 се повредени во украинскиот напад.

Руските и украинските канали на Телеграм објавија снимки од густи столбови црн чад што се издигаат од областа.

Ukrainian drones are attacking Russia’s Bryansk region last night.

Ukrainian drones have attacked Berdiansk in Russian-controlled Zaporizhzhia region.

Railway infrastructure has most likely been targeted. pic.twitter.com/gAOyVqQI6c

— War Flash (@WarFlash_2630) June 22, 2026

Освен врз Крим, Украина изврши серија напади со дронови во Доњецк и во Запорожје, како и во близина на Москва, каде повторно цел на нападите беше московската рафинерија за нафта, но и други локации.

Москва соопшти дека се соборени десетици дронови.

„Скоро 60 дронови испратени кон Москва беа соборени“, објави градоначалникот на Москва, Сергеј Собјанин на Телеграм.

Тој додаде дека службите за итни случаи се распоредени во областите каде што беа соборени дроновите.

Аеродромите Шереметјево, Домодедово и Внуково, како и Жуковски во близина на главниот град, ги прекинаа летовите, а летовите подоцна беа продолжени, соопшти телото за контрола на воздушниот сообраќај.

Министерството за одбрана на Русија информира дека во текот на ноќта се соборени 301 дрон.

Во меѓувреме траат и руските напади со беспилотни летала и со ракети низ цела Украина. Во централниот регион Полтава, најмалку 2 лица беа убиени, а 14 беа ранети.

Дипломатските напори предводени од администрацијата на американскиот претседател Доналд Трамп за мир во Украина се во застој во последните месеци, откако Вашингтон се фокусираше на војната против Иран и немирите на Блискиот Исток.

The post 🎥МАСОВЕН УКРАИНСКИ НАПАД ВРЗ КРИМ, ТУРИСТИТЕ И ЖИТЕЛИТЕ СЕ ЕВАКУИРААТ Прекината продажбата на нафта на полуостровот appeared first on plusinfo.mk.

Експлозии рано наутро во понеделникот одекнале во повеќе делови на окупиран Крим и во јужните региони под руска контрола, пренесоа западите медиуми. Активност на противвоздушната одбрана била забележана и во близина на Москва, по новиот бран украински напади со дронови.

Засега нема официјална потврда за евентуални директни погодоци, ниту за обемот на штетите.

Цел била и електрана на Крим

Според проукраинскиот Телеграм-канал „Кримски ветер“, мета на нападите била термоцентралата Тавријска на Крим.

Нападот предизвикал реакција на руската противвоздушна одбрана, која дејствувала во повеќе делови на полуостровот.

Во исто време, според каналот Ексиленова Плус, експлозии биле пријавени и во окупираните делови на Доњецката и на Запорошката област.

Ukrainian drones are attacking Russia’s Bryansk region last night.

Ukrainian drones have attacked Berdiansk in Russian-controlled Zaporizhzhia region.

Railway infrastructure has most likely been targeted. pic.twitter.com/gAOyVqQI6c

— War Flash (@WarFlash_2630) June 22, 2026

Пожар во Берѓанск

Истиот извор наведува дека голем пожар избувнал во окупираниот Бердјанск, во Запорошката област.

Во моментот нема независна потврда за причините за пожарот, ниту за евентуалните последици врз инфраструктурата.

Воздушна одбрана активна и кај Москва

Руската противвоздушна одбрана интервенирала и во Московската област.

Според локални извештаи, пресретнати биле беспилотни летала во близина на московската рафинерија за нафта, како и на други локации околу главниот град.

Официјалните руски власти засега не соопштиле дали некоја од целите била погодена.

Продолжува притисокот врз енергетската инфраструктура

Ноќните напади се дел од пошироката украинска кампања насочена кон руската нафтена и енергетска инфраструктура.

Според украински и руски извори, претходните напади веќе предизвикале проблеми во снабдувањето со гориво во одредени делови на Русија и на окупираните територии.

Крим е меѓу најпогодените региони. Таму, според медиумските извештаи, дел од бензинските пумпи добиле наредба да ја ограничат продажбата на гориво за цивилите поради зачестените напади врз енергетските капацитети.

The post 📽️ НОЌ НА ЕКСПЛОЗИИ НА КРИМ И ВО МОСКОВСКАТА ОБЛАСТ Украина изврши нов силен напад appeared first on plusinfo.mk.

Украинскиот министер за одбрана Михајло Федоров изјави дека Киев има јасна цел, преку напади со беспилотни летала да ги пресече руските линии за снабдување и да го изолира Крим.

– Изгледа дека наскоро Крим ќе се претвори во остров – рече Федоров во интервју за јутјуб-каналот „Пресинг“.

Според него, нападите врз транспортната и логистичката инфраструктура отвориле нов „прозорец на можности“ за Украина.

– За Русите започнува пекол со кој многу тешко ќе можат да се справат – изјави министерот.

Тој оцени дека нарушувањето на снабдувањето веќе влијае врз интензитетот на руските операции на фронтот.

Осврнувајќи се на летната туристичка сезона, Федоров саркастично порача дека годинава на Крим ќе пристигнуваат „нашите дронови“.

Министерот додаде дека украинските власти во првите четири месеци од годината набавиле повеќе беспилотни летала отколку во текот на целата мината година.

Русија го анектираше Крим во 2014 година, потег што Украина и поголемиот дел од меѓународната заедница не го признаваат.

The post „КРИМ ЌЕ СТАНЕ ОСТРОВ“ Украински министер најави нова фаза од војната? appeared first on plusinfo.mk.

The post МИСТЕРИОЗЕН НАПАД ВРЗ ТУРСКИ БРОД, ЕДЕН МОРНАР ЗАГИНА, ЧЕТВОРИЦА СЕ ПОВРЕДЕНИ Никој не ја презеде одговорноста appeared first on plusinfo.mk.

Украина изведе еден од најмасовните и најсмелите напади врз руска територија од почетокот на војната, таргетирајќи нафтени постројки, воени цели и клучна инфраструктура во Московската област и на окупираниот Крим. Според украински извори, нападот бил координиран од Службата за безбедност на Украина (СБУ) во соработка со украинските одбранбени сили, а биле употребени голем број беспилотни летала.

Рафинерија во Москва меѓу главните цели

Украинските медиуми, повикувајќи се на СБУ, објавија дека биле погодени: московската нафтена рафинерија, пумпните станици „Солнечногорскаја“ и „Володарскаја“ и фабриката „Ангстрем“, која произведува полупроводници за рускиот воено-индустриски комплекс.

Дроновите го погодиле и истражувачко-производствениот комплекс „Елма“ во градот Зеленоград, околу 30 километри северозападно од центарот на Москва, по што избувнале пожари.

Според непотврдени информации, ова би можело да биде првпат украински сили успешно да погодат нафтена рафинерија во самиот главен град на Русија. На социјалните мрежи се појавија драматични снимки од пожари и интервенции на пожарникари во Москва.

Нападната и воената база Белбек на Крим

Паралелно со нападите во Русија, украинските сили извршиле удари и врз воената воздухопловна база Белбек на окупираниот Крим.

Според СБУ, погодени биле системот за противвоздушна одбрана „Панцир-С2“, радарската опрема за системот С-400, системите за управување со дронови „Орион“ и „Форпост“ и контролна кула и хангар на аеродромот.

Русија тврди дека соборила 556 дронови

Од руската страна пристигнаа тврдења дека станува збор за масовен напад со дронови, при што руското Министерство за одбрана соопшти дека биле соборени 556 беспилотни летала. Руските власти потврдија најмалку три жртви и повеќе повредени лица во различни региони на земјата.

Гувернерот на Московската област, Андреј Воробјов, соопшти дека една жена загинала во градот Химки и двајца мажи загинале во селото Погорелки. Најмалку 12 лица биле повредени, повеќето од нив во близина на влезот на московската рафинерија за нафта. Во нападите биле оштетени и станбени згради и објекти од критична инфраструктура.

Зеленски: Русија мора да сфати дека мора да ја прекине војната

„Украинските возвратни удари, што стигнаа до Московскиот регион – на 500 километри од границата, јасно покажуваат дека Русија мора да ја заврши војната што ја започна“, изјави денеска претседателот на Украина Володимир Зеленски.

„Нашиот одговор на долготрајната војна и на руските нападите врз нашите градови и заедници, е целосно оправдан. Овој пат, украинските возвратни мерки стигнаа до Московскиот регион и ние испраќаме јасна порака до Русите: нивната земја мора да ја заврши својата војна“, нагласи украинскиот претседател на Фејсбук.

„Концентрацијата на руската против-воздушна одбрана во Московскиот регион е највисока, но ние ја пробивме“ – нагласи Зеленски.

Енергетската инфраструктура станува главна мета

Последните напади покажуваат дека Украина сè повеќе се насочува кон руската енергетска и логистичка инфраструктура, со цел да го ослаби снабдувањето на руската воена машинерија. Нафтените постројки, складиштата за гориво и транспортните јазли во последните месеци стануваат редовна цел на украинските дронови.

Воедно, ваквите операции носат и силен психолошки ефект, бидејќи ја демонстрираат способноста на Украина да погодува цели длабоко во руската територија, вклучително и во близина на Москва.

Аналитичарите предупредуваат дека ваквите напади дополнително го зголемуваат ризикот од ескалација на конфликтот меѓу Русија и Украина.

A very large fire in the Eastern part of Moscow.

Locals report hearing an explosion before the fire. pic.twitter.com/VWEV6sdypX

— Anton Gerashchenko (@Gerashchenko_en) May 17, 2026

pic.twitter.com/zPGLyWAuOf

— MilitaryNewsUA (@front_ukrainian) May 17, 2026

The post 🎥 УКРАИНА ИЗВЕДЕ ДОСЕГА НАЈЖЕСТОКИ НАПАДИ ВРЗ МОСКВА И ВРЗ КРИМ Горат рафинерија, воена фабрика, воздухопловна база… appeared first on plusinfo.mk.

Москва соопшти дека 29 лица загинале кога руски воен авион се урна над црноморскиот полуостров Крим, кој е анектиран од Русија, пренесе ДПА.

Тим за пребарување и спасување го пронашол местото на несреќата и известил за шест загинати членови на екипажот и 23 патници, јавија државните новински агенции, цитирајќи го руското Министерство за одбрана рано утрово.

Според извештаите, се верува дека технички дефект ја предизвикал несреќата и оти немало надворешно влијание врз авионот.

Претходно, Министерството за одбрана соопшти дека го изгубило контактот со авионот Ан-26 околу 18 часот (15:00 GMT) во вторникот. Министерството не даде детали за летот. Војската ги користи турбопропелерските авиони „Антонов“ и како транспортни авиони.

The post РУСКИ ВОЕН АВИОН ПАДНА НА ПОЛУОСТРОВОТ КРИМ Загинаа 29 луѓе appeared first on plusinfo.mk.

Еден кадар од надзорна камера стана симбол на новата европска трагедија. Утринската тишина на 24 февруари 2022 година ја пресекоа ракети, а првите сцени од нападот не стигнаа преку телевизија, туку преку социјалните мрежи.

Една од првите фотографии што се прошири на тогашниот Твитер(сегашен Икс) се однесуваше на граничниот пункт Каланчак, на југот од земјата. Надзорни камери фатиле граничар како бега од контролниот пункт.

Според подоцнежните информации, тој и уште тројца граничари биле убиени набргу потоа.

The picture that Forever changed Europe… pic.twitter.com/eOAWRS1rDU

— OSINTdefender (@sentdefender) February 23, 2023

„Нападнатиот пункт Каланчак е нападнат. Украинските војници и цивили бегаат“, пишуваше во објавата што се појави веднаш по почетокот на инвазијата.

Неколку часа подоцна, украинската државна гранична служба објави видео од конвој руски воени возила. Снимката беше геолоцирана токму кај преминот Каланчак, помеѓу Украина и Крим.

Взори, руските сили лансираа ракети кон воени цели, командни центри и инфраструктура низ Украина. Колони се движеа од Белорусија кон Киев, од Русија кон Харков и Донбас и од Крим кон југот.

Тоа беше една од првите визуелни потврди дека започнала инвазија од големи размери. Многумина во Европа не веруваа дека војна од големи размери е можна во 21 век.

Војната во Европа влезе во својата петта година и крајот не се наѕира.

The post 📷 ФОТКАТА ШТО ГИ ПРОМЕНИ ЕВРОПА И СВЕТОТ Кадарот од Каланчак е сведоштво за војната во Украина appeared first on plusinfo.mk.