На презентацијата присуствуваа главниот извршен директор на Развојната банка Кире Наумов и главниот оперативен директор Фарук Исмаили.

– Презентирањето на актуелните кредитни линии и производи од страна на стручните служби на Развојна банка беше проследено со голем интерес од страна на компаниите. Тие беа детално запознаени со можностите за искористување на производите на банката, кои би им овозможиле полесен пристап за финансирање – информираа денеска од Развојната банка.

Наумов посочи дека основната цел на Развојната банка е понуда на кредити коишто се со пониски камати од тие на деловните банки.

– По својата дефиниција работиме за да им помогнеме на малите и средни претпријатија. Ги следиме барањата на стопанството, го поддржуваме нивниот развој, но во овие услови на криза, претходно ковид пандемијата, сега енергетската криза, помагаме во задржување на нивната ликвидност – истакна Наумов.

Тој посочи дека активата на банката бележи раст во изминатиот период, односно е зголемена од 168 милиони евра на крајот на 2019 година на 267 милиони евра во првата половина од 2022 година.

Развојната банка, како што се посочува во соопштението, континуирано го зголемува своето учество во вкупните бруто кредити пласирани кон нефинансиските друштва од страна на банкарскиот сектор, така што заклучно со 30 септември годинава, 7,3 проценти од бруто кредитите се од средства на РБСМ.

Развојната банка во периодот 2020-2022 година воведе бескаматните ковид-кредити за поддршка на компаниите преку кои се поддржани 4.134 компании со 45 милиони евра, кредитни линии за поддршка на компаниите за справување со енергетската криза во износ од 25 милиони евра, субвенционирање на камата по кредити дадени од деловните банки кои ја реинвестирале добивката, во износ од 2 милиони евра, средствата од ЕИБ 5 и ЕИБ 6 кредитните линии во износ од 150 милиони евра за поддршка на 458 проекти….

The post ЗА МАЛИТЕ И СРЕДНИТЕ КОМПАНИИ КРЕДИТИ СО ПОНИСКИ КАМАТИ Развојната банка ги презентираше своите кредитните линии пред членките на Стопанската комора appeared first on plusinfo.mk.

Станува збор за три кредитни линии дизајнирани за поддршка на приватниот сектор, соопшти Министерството за финансии.

Првата – Бескаматна кредитна линија за обртни средства за компании директно погодени од енергетската и економската криза преку директно кредитирање од РБСМ во износ од 5 милиони евра, Втората – Бескаматна кредитна линија за обртни средства за зголемени цени на енергенси преку банки учеснички во вредност од 10 милиони евра и Третата Кредитна линија за енергетска ефикасност (ЕЕ) и обновливи извори на енергија (ОИЕ) преку банки учеснички во износ од 10 милиони евра.

Интенцијата и начинот на кој се креирани кредитните линии, е покрај овие 25 милиони евра буџетски средства да генерираат дополнителни двојно повеќе средства и тоа над 40 милиони евра и со тоа да се даде позитивен импакт во економијата.

– Кредитната линија за обртни средства за компании погодени од енергетската и економската криза преку директно кредитирање од РБСМ, е наменета за микро, мали и средни трговски друштва, трговци поединци, занаетчии кои се од секторот производство на храна согласно шифрата на дејност. Важно да се напомене дека крајните корисници ќе ги добијат средствата без камата, односно камата е 0 отсто, со 6 месеци грејс период за отплата, притоа во зависност од времетрањето на отплатата предвидена e и грант компонента од 10 или 20 отсто – велат од МФ.

Преку бескаматна кредитна линија за обртни средства за зголемени цени на енергенси се обезбедуваат 10 милиони евра, за микро, мали и средни трговски друштва како и трговци поединци и занаетчии.

– Средствата ќе се пласираат преку комерцијалните банки кои ќе изразат интерес за учество, а кои ќе треба да учествуваат со 50 отсто, односно вкупниот ефект во стопанството да биде 20 милиони евра. Предвидено е банките да пресметуваат каматна стапка до 3,5 отсто годишно за својот дел од кредитот (или просечно до 1,75 отсто на вкупниот кредит), притоа истата кон деловните банки ќе биде целосно субвенционирана со што крајната каматна стапка за крајните корисници, односно компаниите, ќе изнесува 0 отсто – појаснуваат од Министерството за финансии.

Третата кредитна линија наменета за инвестиции во основни средства, односно енергетска ефикасност (ЕЕ) и обновливи извори на енергија (ОИЕ) во износ од 10 милиони евра е наменета за микро, мали и средни трговски друштва, како и трговци поединци и занаетчии и приватни здравствени установи.

– Ќе се пласира, исто така, преку комерцијалните банки при што 60 отсто од проектот ќе се кредитира преку оваа кредитна линија, додека 40 % од сопствени средства на инвеститорот или кредит од банката учесник. Услови под кои ќе се пласира кредитот кон крајниот корисник е отплата до 8 години со грејс период до 12 месеци за енергетска ефикасност и 12 години отплата со грејс период до 24 месеци за проекти за обновливи извори на енергија. Каматна стапка која банките учеснички ќе ја наплатуваат од крајните корисници е 1,6 отсто годишно – велат од МФ.

Трите кредитни линии се дел од пакетот мерки на Владата кој се конципирани во три насоки: да влијаат на цените на прехранбените производи, да влијаат на цените на енергeнсите и поддршка на ликвидноста на стопанството.

The post ТРИ КРЕДИТНИ ЛИНИИ ЗА КОМПАНИИТЕ Владата издвои 25 милиони евра буџетски пари appeared first on plusinfo.mk.