Во ноември е забележан двоцифрен раст на депозитите и кредитите на граѓаните и компаниите. Вкупните депозити забележаа годишен раст од 11%, додека вкупните кредити пораснаа за 12,7%, покажуваат податоците на Народна банка.

Во бројки граѓаните и фирмите во банките чуваат вкупно 10,2 милијарди евра, а должат 8,8 милијарди евра.

Растот на вкупните депозити во ноември во поголем дел се должи на растот на депозитите на секторот „домаќинства” од 12,4%, при помал раст и на депозитите на корпоративниот сектор кој изнесува 9,3%.

Растот на депозитите кај домаќинствата се должи на повисоките депозитни пари, долгорочните депозити во денари и краткорочните депозити во странска валута, а кај корпоративниот сектор растот на депозитите е резултат на зголемените депозитни пари и краткорочните депозити во странска валута и во денари.

На годишна основа, вкупните кредити бележат раст од 12,7%, како резултат на зголеменото кредитирање на двата сектора, при малку поизразен придонес кон растот на кредитите на корпоративниот сектор. На годишна основа, кредитите на корпоративниот сектор се повисоки за 14,5%, во целост поради зголеменото кредитирање во денари, додека кај домаќинствата растот изнесува 11,1%.

Во ноември, граѓаните најмногу се задолжувале преку станбени кредити  кои забележаа раст од 16,5% и потрошувачките кредити кои што пораснаа за 10,5%. Долгот на граѓаните од потрошувачки кредити сега изнесува околу 2,3 милијарди евра, а од станбени кредит порасна на 1,74 милијарди евра.

Автомобилските кредити, во ноември, забележаа годишно зголемување од 0,4%, додека кредитите одобрени на кредитните картички се намалени за 6,4% .

Овој месец, негативните салда на тековните сметки бележат годишен раст од 0,9%, додека, пак, кредитите одобрени врз други на годишно ниво се намалени за 10%.

The post ГРАЃАНИТЕ И ФИРМИТЕ ВО БАНКИТЕ ЧУВААТ 10,2, А ДОЛЖАТ 8,8 МИЛИЈАРДИ ЕВРА Потрошувачките кредити заземаат највисока ставка во долгот на граѓаните appeared first on plusinfo.mk.

Годишен раст на просечната каматна стапка на вкупните депозити од 0,23 п.п., при што во август таа изнесува 2,19%. Просечната каматна стапка на вкупните кредити бележи годишен пад од 0,54 п.п. и изнесува 4,90%.

Ова го покажуваат најновите податоци на Народната банка.

Ако се анализираат, пак, просечната каматна стапка на новоодобрените кредити таа во август бележи зголемување од 0,06 процентни поени на месечна основа и изнесува 4,48%, додека на годишна основа е намалена за 0,56 п.п.

Просечната каматна стапка на новопримените депозити, пак, бележи месечен и годишен пат од о,29 и 0,37 процентни поени и  изнесува 2,06%.

The post ПАЃААТ КАМАТИТЕ НА КРЕДИТИТЕ Просечната каматна стапка во август изнесувала 4,90% appeared first on plusinfo.mk.

НЛБ Банка ја заокружи првата половина од 2025 година со рекордни финансиски резултати и силен раст на сите клучни индикатори. Според неревидираните податоци за периодот од 01.01 до 30.06.2025, Банката остварила нето добивка од дури 1.610.020 илјади МКД (над 26 милиони евра).

– Овој резултат е одраз на внимателно спроведената деловна стратегија, посветеноста на тимот и довербата која секојдневно ја добиваме од нашите клиенти. Силниот раст е резултат и на стабилната поддршка на реалната економија и одговорниот пристап кон ризиците – велат од НЛБ Банка.

Според анализата вкупната актива на Банката е зголемена за 18,5% на годишно ниво, вкупните кредити на небанкарскиот сектор пораснале за 18,9%, а вкупните депозити пораснале за 17,6%.

Овие бројки, според Банката, го потврдуваат нејзиниот активен придонес кон економскиот развој и ја рефлектираат довербата која граѓаните и компаниите ја имаат кон неа.

– Нашата цел отсекогаш била да бидеме повеќе од банка, да бидеме партнер во растот на клиентите и економијата. Овие резултати се доказ дека сме на вистинскиот пат – додаваат од НЛБ Банка.

Покрај финансиските резултати, НЛБ Банка и во првата половина од 2025 продолжила со силен фокус на општествена одговорност, поддржувајќи проекти од културата, спортот, образованието и низа хуманитарни иницијативи.

– Одржливоста и општествената одговорност се клучни делови од нашата стратегија. Преку конкретни дела – не само зборови, инвестираме во заедницата и иднината – велат од Банката.

НЛБ најавува дека и во втората половина од годината ќе продолжи со фокус на иновативни дигитални решенија, подобрување на корисничкото искуство и зајакнување на односите со клиентите.

The post СИЛЕН РАСТ, ОДГОВОРНО И ОДРЖЛИВО РАБОТЕЊЕ Успешно прво полугодие за НЛБ Банка appeared first on plusinfo.mk.