Агенцијата за кредитен рејтинг „Стандард и Пур“ го потврди кредитниот рејтинг на земјава на ББ- со стабилен изглед, при што посочува дека банкарскиот сектор е стабилен, а инфлацијата на среден рок ќе се стабилизира и ќе се движи околу историските нивоа. Соопшти Народна банка на Република Северна Македонија.

Во извештајот се наведува дека, пред конфликтот на Блискиот Исток и растот на светските цени на енергијата, инфлацијата бележеше значително намалување и изнесуваше 2,9% во февруари. Се очекува дека инфлацијата ќе се зголеми во наредните месеци, но на среден рок, инфлацијата кај храната и услугите би се нормализирала, при што вкупната инфлација би се движела од 2,0% до 2,5%, во просек.

Во вакви услови, се оценува дека Народната банка ќе води претпазливa монетарна политика, заснована на податоците за блискиот период, со приоритет на ценовната стабилност и стабилноста на девизниот курс на денарот. Се посочува дека евентуалното олабавување на монетарната политика би било постепено и би зависело од одржливото намалување на инфлацијата, додека зголемените инфлациски или надворешни притисоци би довеле до задржување или затегнување на политиката.

Покрај ова, се наведува дека Народната банка ја приспособила оперативната рамка на монетарната политика заради подобрување на управувањето со ликвидноста и за зајакнување на преносот на монетарната политика.

Во однос на банкарскиот сектор, се наведува дека тој и натаму е стабилен, со висока стапка на адекватност на капиталот (19,5%), како и солиден раст на депозитите и кредитната активност.

The post КРЕДИТНИОТ РЕЈТИНГ НА МАКЕДОНИЈА СТАБИЛЕН „ББ-“ Инфлацијата 2,9% во февруари appeared first on plusinfo.mk.

 Агенциите за кредитен рејтинг „Стандард и Пурс” и „Фич” го потврдија стабилниот кредитен профил на земјата во полугодишните прегледи, информира Министерството за финансии (МФ).

Во рамки на последните објавени извештаи, „Стандард и Пурс” го задржа кредитниот рејтинг на државата на нивото „BB-” со стабилни изгледи, додека „Фич” го потврди кредитниот рејтинг на „BB+” со стабилен изглед.

– Со тоа, двете кредитни агенции го потврдуваат стабилниот кредитен профил на Република Македонија, при непроменети клучни фактори што влијаат врз рејтингот – велат од Министерството за финансии.

„Стандард и Пурс” изврши редовен полугодишен преглед на кредитниот рејтинг на РС Македонија, во рамки на календарот за суверени рејтинзи за ЕМЕА (Европа, Блискиот Исток и Африка) регионот.

– Станува збор за стандардна процедура согласно европската регулатива, при што се врши оценка на тековните економски и фискални показатели, како и на пазарните движења. Во рамки на овој полугодишен преглед не е објавено ново истражувачко ажурирање, што укажува дека клучните фактори кои влијаат врз кредитниот рејтинг на државата остануваат непроменети – велат од МФ.

Минатиот месец агенцијата  „Фич” спроведе редовна ревизија на кредитниот рејтинг на државата, при што исходот од разгледувањето е „Review – No Action”, односно нема промена на постојниот кредитен рејтинг и нема да биде објавен посебен извештај.

– Потврдата на кредитните рејтинзи претставува јасен сигнал за стабилноста на макроекономските политики, умереното ниво на јавниот долг и способноста на државата редовно и навремено да ги сервисира своите финансиски обврски. Воедно, таа укажува на континуитет во спроведувањето на економските политики и отпорноста на економијата во услови на зголемена глобална неизвесност – велат од Министерството за финансии.

Според оценките на кредитните агенции, економскиот раст е поддржан од засилените јавни инвестиции, особено во инфраструктурни проекти, како и од растот на потрошувачката на населението.

Кредитниот рејтинг претставува важен индикатор за инвеститорите и меѓународните финансиски пазари, бидејќи го одразува нивото на ризик и довербата во економските политики на државата.

-Потврдата на рејтинзите од страна на двете водечки меѓународни кредитни агенции претставува значаен сигнал за доверба во економските политики и охрабрување за продолжување на реформите, со цел обезбедување одржлив економски раст и подобар животен стандард за граѓаните – изјави министерката за финансии Гордана Димитриеска-Кочоска.

The post „СТАНДАР И ПУРС“ И „ФИЧ“ ГО ПОТВРДИЈА КРЕДИТНИОТ РЕЈТИНГ НА ЗЕМЈАВА Стабилни изгледи и континуитет на економските политики appeared first on plusinfo.mk.

Кредитната агенција „Стандард и пурс“ во најновиот извештај го потврди кредитниот рејтин на земјата ББ- со стабилен изглед, што воедно е потврда и за политиките на Владата, а претставува и значаен сигнал за инвеститорите при носење на нивните одлуки за инвестирање, соопшти денеска Министерството за финансии (МФ).

Кредитната агенција посочува дека растот на економијата се забрзува и останува приоритет на Владата.

Во извештајот се наведува дека растот на економијата во оваа година се очекува да биде поддржан главно од потрошувачката на домаќинствата, движен од растот на платите и пензиите, како и од зголемена инвестициска активност, особено во инфраструктурата. При тоа Агенцијата упатува на ризици поради неизвесноста во европската економија како главен трговски партнер на земјата. До 2028 година, Агенцијата проектира дека растот ќе се стабилизира на околу 3%, поддржан од постепено закрепнување на надворешната побарувачка и засилување на инвестициите.

Владата, како што стои во извештајот, продолжува со напорите за спроведување институционални реформи, борба против корупцијата и владеење на правото, коишто се и клучни предуслови за интеграција во ЕУ. „Стандард и пурс“ истакнува дека економскиот раст за Владата останува главен приоритет, со цел остварување раст до 5% на среден рок, поттикнат од реализација на амбициозни инфраструктурни проекти како што се Коридорот 8 и 10д и зголемени инвестиции во приватниот сектор. Потоа поефикасна наплата на даноци, како и понатамошно зголемување на пензиите и платите во јавниот сектор за поддршка на домашната побарувачка. Посочува дека јавната потрошувачка останува експанзивна и упатува на спроведување фискална консолидација, при што потенцира дека со усвоениот ребаланс е потврдена целта за буџетски дефицит во 2025  на 4% од БДП. Според Агенцијата со Фискалната стратегија е утврдена постепена фискална консолидација, но Агенцијата очекува одредени ризици со остварување на проекциите. Приходите од почетокот на годината до мај бележат раст од 9% на годишно ниво, водени од поголема наплата на данокот на личен доход, зголемени приходи од акцизи, како и раст на неданочните приходи. На страната на расходите, потрошувачката во истиот период бележи раст за 5%, како резултат на растот на платите во јавниот сектор, тековните расходи и социјалните трансфери. Во однос на долгот посочуваат дека и покрај затегнатите глобални финансиски услови, сервисирањето на долгот останува релативно контролирано.

Според „Стандард и пурс“, Владата и понатаму е посветена на евроинтеграцијата, процес којшто Агенцијата го истакнува како важен столб за напредок во структурните реформи на среден рок.

Кредитниот рејтинг на земјата „Стандард и пурс“ го оценува два пати во годината.

The post „СТАНДАРД И ПУРС“ ГО ПОТВРДИ КРЕДИТНИОТ РЕЈТИНГ НА МАКЕДОНИЈА Растот на економијата се забрзува и останува приоритет на Владата appeared first on plusinfo.mk.

Ова го констатира кредитната агенција „Фич” во последниот извештај со кој земјата го задржа кредитниот рејтинг ББ+ со стабилен изглед, соопштија Министерството за финансии и Народната банка.

Агенцијата нотира дека  во 2024 година реалниот раст на БДП достигна 2,8% и покрај надворешните потешкотии и дека е повисок од проекциите поради силната јавна потрошувачка и инвестициите.

Фич очекува растот  на економијата во 2026 година да достигне 4% како резултат на реализација на инвестициите на коридорот 8 и 10д.

Во извештајот се посочува дека инвестициите остануваат силни, но дека слабиот раст на продуктивноста и неповолните демографски движења претставуваат ограничувачки фактори на растот на среден рок.

Агенијата забележува и силни приливи на странски директни инвестиции. Странските нето директни инвестиции, како што наведуваат од агенцијата, се највисоки во последните 17 години и се искачија на 7,1% од БДП во 2024 година како резултат на високи  инвестиции во слободните економски зони.

Невработеноста според „Фич”, останува структурно висока поради недостаток на вештини и нерамномерен регионален економски развој. Растот на платите е силен и во периодот 2022-2024 година изнесува во просек 13% годишно и немаше негативен ефект врз конкурентноста.

Во извештајот „Фич” наведува дека во 2024 година е остварен буџетски дефицит од 4,6% што е помалку од ревидираниот со Ребалансот на ниво од 4,9%,  како резултат на повисоките приходи и недоволното извршување на капиталните расходи.

Во 2025 година „Фич” не очекува промени кај буџетскиот дефицит поради проектираниот повисок износ на капитални расходи и нормализирање на расходите за пензиите и социјалните фондови. Позитивно влијание врз приходната страна очекува од воспоставувањето на е-фактурата.

Агенцијата смета дека грантовите од Планот за раст на Западен Балкан ќе придонесат за намалување на дефицитот на 4%  до 2026 година. Долгот според „Фич” на среден рок ќе надмине ниво од 58% од БДП.

Инфлацијата во 2024 година просечно е на ниво од 4,2% и според „Фич” главни двигатели се силниот раст на платите, зголемената домашна побарувачка, заедно со силниот кредитен раст на приватниот сектор.

Во извештајот се посочува дека курсот на домашната валута и натаму е стабилен.

Според проекциите на агенцијата, девизните резерви покриваат 4,3 месеци од увозот проектиран за 2025 − 2026 година, што ја поддржува стабилноста на фиксниот курс на денарот во однос на еврото.

Дефицитот на тековната сметка е во согласност со десетгодишниот просек, додека приливите на странските директни инвестиции се на највисоко ниво во изминатите седумнаесет години. „Фич” оценува дека овој извор на финансирање и во следниот период ќе биде соодветен за понатамошно покривање на дефицитот на тековната сметка.

Во однос на банкарскиот сектор, „Фич” оценува дека тој и натаму е стабилен и профитабилен. Банкарскиот систем е добро капитализиран, високо ликвиден и со квалитетно кредитно портфолио, при што нефункционалните кредити изнесуваат само 2,9%.

Кредитниот рејтинг се изготвува врз основа на анализи на политиките што ги спроведува земјата. Тој  го покажува степенот на ризик од инвестирање и е еден од клучните индикатори коишто потенцијалните инвеститори ги земаат предвид при носењето на нивните одлуки.

Кредитен рејтинг за земјата изготвуваат кредитните агенции „Фич” и Стандард и пурс”, два пати во годината.

The post АГЕНЦИЈАТА „ФИЧ“ ГО ПОТВРДИ КРЕДИТНИОТ РЕЈТИНГ НА ЗЕМЈАВА ББ+ СО СТАБИЛЕН ИЗГЛЕД Доследните политики го поддржуваат стабилниот курс на денарот appeared first on plusinfo.mk.

Ова го констатира Агенцијата за кредитен рејтинг „Стандар и пурс” во најновиот извештај со кој земјата го задржа кредитниот рејтинг ББ- со стабилни изгледи.

Агенцијата во извештајот наведува дека земјата забележа стапка на раст од 1,3% во 2023 година, продолжувајќи го ваквиот тренд од последните 2 години, поради слабата надворешна побарувачка и инвестиции.

„Во првиот квартал од 2024 година, економијата забележа раст од 1,3% на годишно ниво, што е доминантно поттикнат од инвестициите, особено јавните инфраструктурни проекти што ќе биде двигател на растот и во наредниот период” се наведува во извештајот.

Според Агенцијата, ризиците кои може да влијаат на намалување на растот се поврзани со неизвесното економско окружување во ЕУ и потенцијалот за зголемување на цените на суровините поттикнати од глобалните геополитички тензии.

Сепак, очекувањата на Aгенцијата се растот да закрепне и да достигне 3% до 2027 година поттикнат од очекуваното зголемување на надворешната побарувачка и зајакнување на кредитната активност.

И покрај слабиот  економски раст, „Стандард и пурс” нотира дека постигнато е значително намалување на стапката на невработеност, која е намалена на ниво од 12,9% во првиот квартал од 2024 година и дека таквиот тренд ќе продолжи и во иднина поддржан од приливот на странски директни инвестиции. Ризик на кој се посочува е високото ниво на емиграција, значителниот неформален сектор и недостигот на квалификувана работна сила.

Исто така, во извештајот се нотира дека послабите изгледи за економскиот раст за оваа година се пресликуваат и во ревидираниот буџет кој се фокусира на пораст на пензиите, платите и сервисирање на долговите, и намалување на другите расходи, а воедно буџетскиот дефицит за 2024 година е ревидиран на ниво од 4,9%.

Притоа, според агенцијата е значајно, да се почитува Законот за буџети и понатамошна фискална консолидација.

Во периодот 2024-2027 буџетскиот дефицит во просек е проектиран на 3,5% од БДП. При тоа клучни предизвици на кои се упатува во извештајот се неформалниот сектор и зголемени трошоци за инфраструктурните проекти.

Клучно според „Стандард и пурс” е да се продолжи со обезбедување силен економски раст и спроведување на структурните реформи.

Примарна агенда на Владата, забележува Агенцијата, се сеопфатни реформи насочени кон ревитализација на институциите, борба со корупцијата и почитување на владеењето на правото. Клучна цел е економскиот раст, поставен на 5%, поттикнат од големите инфраструктурни проекти, привлекување нови инвестиции, зајканување на наплатата на даноците и зголемување на приходите, зголемување на пензиите и платите.

Кредитниот рејтинг, кој го изготвуваат Агенциите за кредитен рејтинг го покажува степенот на ризик од инвестирање и е еден од клучните индикатори коишто потенцијалните инвеститори ги земаат предвид при носење на нивните одлуки.

Кредитниот рејтинг на земјата го оценуваат „Стандард и пурс” и „Фич” двапати во годината.

The post „СТАНДАРД И ПУРС“ ГО ЗАДРЖА КРЕДИТНИОТ РЕЈТИНГ ББ- НА ЗЕМЈАВА Се очекува забрзан раст, намалување на дефицитот и стабилизирање на јавниот долг на 57% од БДП appeared first on plusinfo.mk.

Во најновиот извештај „Стандард и пурс” очекува растот на БДП да забрза во 2024 година на 2,9% (2% во 2023), поттикнат од посилната лична потрошувачка, поддржана од реалниот раст на платите, тековните инфраструктурни проекти, вклучително коридорите 8 и 10д, како и растот на извозот.

Според Агенцијата, потенцијалите за раст во земјата ги неутрализираат неповолните влијание од случувањата кај главните трговски партнери, пред се Германија. Јавниот долг се нотира во Извештаот дека ќе остане на умерено  ниво и ќе се стабилизира на ниво од околу 53% од БДП  во периодот 2024-2027 година. Агенцијата оценува дека се преземени активности за соодветно управување и со каматните плаќања и дека тие се пониски во однос на многу други земји со сличен кредитен рејтинг.

Агенцијата посочува и на напорите за фискална консолидација. Со усвоениот Буџет за 2024 година буџетскиот дефицит кој е проектиран на 3,4% покажува намалување во однос на дефицитот од 2023 година од 4,6% од БДП. Се очекува тој тренд на буџетска консолидација да продолжи со фокусот на Владата врз економскиот раст и реализација на инфраструктурните проекти. Клучно за фискалната консолидација, според „Стандард и Пурс” е строго придржување до правилата од новиот Закон за буџети.

Од Агенцијата забележуваат дека во декември 2023 година инфлацијата значително забавила сведувајќи се на 3,6%, во споредба со истиот месец претходната година кога изнесувала 18,7%.

Според нив, ова се должи на поставеноста на монетарна политика, забавувањето на растот на цените на храната и енергијата, како и високата споредбена основа.

Како резултат на истите фактори, од Агенцијата очекуваат дека годинава инфлацијата ќе изнесува во просек 4%, односно во рамките и на последните очекувања на Народната банка.Сепак, Агенцијата оценува и одредени ризици за идната динамика на цените, поврзани со состојбите на пазарот на труд и евентуален неповолен развој на геополитичките случувања.

Во извештајот се потврдува и високиот раст на девизните резерви коишто на крајот на 2023 година се зголемени за 17,5% во однос на минатата година и достигнаа 4,5 милијарди евра. Од „Стандард и Пурс“ очекуваат дека девизните резерви и натаму ќе се задржат на стабилно ниво, поддржани од странските инвестиции и финансирањето на државата на меѓународниот пазар.

Членството во ЕУ, од Агенцијата  го посочуваат како клучен фактор за долгорочен структурен и институционален развој, поддршка на економскиот раст и справување со емиграциските предизвици. Клучно е спроведувањето на структурните реформи, а меѓу ризик факторите е нотирано надворешното влијание, изборниот циклус и условите на финансиските пазари. Во однос на инфлацијата посочуваат на наглото забавување во декември 2023 година и очекуваат нејзино стабилизирање.

Од страна на „Стандард и пурс” е посочена и важноста на добиената потврда од ММФ за првиот преглед на ПЛЛ програмата и достапноста на средства од оваа Програма, како и до други извори на финансирање.

Политиките на земјата, покрај со потврдениот кредитен рејтинг од оваа Агенција, од почетокот на годината добија потврда и од ММФ и од Светска банка со новопотпишаната Рамка за партнерство.

Кредитниот рејтинг на една земја го покажува степенот на ризик од инвестирање во неа, и е еден од клучните индикатори коишто потенцијалните инвеститори ги земаат предвид при носење на нивните одлуки.

The post РЕАЛНИОТ ПОРАСТ НА ПЛАТИТЕ ЈА „ГУШИ“ ИНФЛАЦИЈАТА „Стандард и Пурс“ го задржа кредитниот рејтинг ББ- со стабилни изгледи appeared first on plusinfo.mk.

Во својот последен извештај, агенцијата за рејтинг соопшти дека рејтингот на САД „ААА“ стана негативен поради опаѓањето на фискалната сила на земјата.

„Во контекст на повисоки каматни стапки, без ефективни мерки на фискалната политика за намалување на владините трошења или зголемување на приходите се очекува дека американскиот фискален дефицит ќе остане многу голем, што значително ќе ја ослабне достапноста на долгот“, наведе агенцијата.

Агенцијата смета дека и превирањата во Вашингтон се фактор што придонесува за тоа намалување на рејтингот.

„Континуираната политичка поларизација во американскиот Конгрес го зголемува ризикот следните администрации да не можат да постигнат консензус за фискален план што ќе го забави падот на достапноста на долгот“, соопшти рејтинг агенцијата.

Што се однесува до задржувањето на рејтингот „ААА“ на земјата, Агенцијата очекува САД „да ја задржат својата исклучителна економска сила“.

„Понатамошните позитивни изненадувања за раст на среден рок би можеле барем да го забават влошувањето на достапноста на долгот“, исто така верува агенцијата.

Американската администеација изјави дека не се согласува со одлуката на „Мудис“

-Иако „Мудис“ го одржува рејтингот „ААА“ на Соединетите држави, ние не се согласуваме со потегот кон негативна перспектива. Економијата на САД останува силна, а државните трезори се најбезбедното и најликвидното средство во светот – изајви заменик-секретарот за финансии на САД, Воли Адејемо.

Намалувањето на рејтингот доаѓа кога Конгресот повторно се соочува со заканата од затворање на владата. Во моментов тој се финансира до 17 ноември, но пратениците во Вашингтон и понатаму се расправаат околу нацрт-законот пред крајниот рок.

Кредитниот рејтинг на САД  претходно го намалија и агенциите „Фич“ и „Стандард и Пурс“.

„Стандард и Пурс“ првпат го намали рејтингот на САД во 2011 година, откако беше достигната границата на долгот. Во август годинава „Фич“ го намали кредитниот рејтинг на САД по последната дебата за „плафонот“ на долгот.

The post „МУДИС“ ГО НАМАЛИ КРЕДИТНИОТ РЕЈТИНГ НА САД Агенцијата оценува дека опаѓа фискалната сила на земјата  appeared first on plusinfo.mk.

Според Смотрич, дневните трошоци за војната на Израел во Газа изнесуваат една милијарда шекели (246 милиони долари), не вклучувајќи ги индиректните штети поврзани со забавувањето на економската активност и деловната парализа поради мобилизацијата на стотици илјади резервисти и секојдневното гранатирање.

Израелскиот министер за финансии посочи дека намалувањето на кредитниот рејтинг на земјата од страна на агенцијата Стандард и Пурс (Standard & Poor’s) од „стабилен“ на „негативен“ нема да има значително влијание. Смотрич, сепак, изјави дека тоа треба да се земе предвид и додаде дека не очекува земјата да акумулира голем дефицит поради војната.

Тој го пофали гувернерот на израелската централна банка, Амир Јарон, кој требаше да се повлече, но поради кризата го продолжи својот мандат „за колку што е потребно“.

Конфликтот во Израел изби по изненадниот напад на Хамас на 7 октомври и досега однесе илјадници жртви на двете страни, уништени јавни и станбени објекти и огромна материјална штета.

The post ЕДЕН ДЕН ВОЈНА ИЗРАЕЛ ГО ЧИНИ 246 МИЛИОНИ ДОЛАРИ Конфликтот со Хамас ја празни државната каса appeared first on plusinfo.mk.

Во извештајот се наведува дека земјата ќе продолжи со фискалната консолдација, намалувањето на инфлацијата и заштитата на финансиската стабилност, како и со структурните реформи, а долгот ќе се одржува на стабилно ниво.

Кредитниот рејтинг ББ- со стабилен изглед, како што посочува Министерството за финансии, земјава го има во континуитет од 2013 година и е задржан и покрај здравствено-економската криза и ценовната и енергетската криза.

– Агенцијата нотира дека e значајно да продолжат напорите за структурни реформи, зајакнување на институционалните капацитети при истовремена консолидација на одржливите фискални политики, што може да придонесе и за зголемување на рејтингот. Кризата во 2023 година ќе има се уште влијание, но сепак буџетскиот дефицит очекува да биде понизок во однос на 2022 година на ниво од 4,4 проценти, кое е пониско од владините проекции (4,6 проценти). Донесениот Закон за буџети, сметаат од Агенцијата, ќе помогне во забрзување на фискалната консолидација. Владата е насочена кон намалување на трошоците, а даночната реформа се очекува да ги зајакне приходите. Државниот долг на среден рок се очекува да се стабилизира, информираат од Министерството за финансии.

Во извештајот се посочува дека Владата е посветена на одржување на атрактивноста на земјата за странски директни инвестиции. – Кредитниот рејтинг на една земја го покажува степенот на ризик од инвестирање во неа, и е еден од клучните индикатори коишто потенцијалните инвеститори ги земаат предвид при носење на нивните одлуки, се вели во соопштението од Министерството за финансии.

Претходно, земјава доби потврда и од Агенцијата „Фич“ која го ревидираше изгледот на кредитниот рејтинг на земјава од негативен во стабилен.

The post МАКЕДОНСКАТА ЕКОНОМИЈА ЌЕ СЕ СТАБИЛИЗИРА „Стандард и Пурс“ го потврди кредитниот рејтинг на земјава, долгот ќе се одржува на стабилно ниво appeared first on plusinfo.mk.

И покрај притисоците од увозните цени на енергентите врз трговскиот дефицит, во 2022 година девизните резерви забележаа раст од 270 милиони евра. Со тоа девизните резерви и понатаму остануваат на ниво коешто според меѓународните стандарди е адекватно за поддршка на стратегијата на стабилен девизен курс. Банкарскиот сектор е стабилен и не беше зафатен од скорешните глобални стресови. Стапката на инфлацијата започна да се намалува од ноември наваму и се очекува тој тренд да продолжи оваа година. Ова се заклучоците за монетарниот дел во извештајот на агенцијата за кредитен рејтинг „Фич“, во кој се подобрува изгледот на кредитниот рејтинг на земјава, на ББ+ со стабилен изглед, информираат од НБРМ.

Од „Фич“ наведуваат дека растот на инфлацијата го достигна своето највисоко ниво во октомври 2022 година и забележуваат дека трендот е надолен, како и дека се очекува опаѓање во тек на 2023 година. Ова се должи на олеснувањето на ценовните притисоци кај храната и енергентите, како и затегнувањето на монетарната политика, се наведува во извештајот.

Банкарскиот сектор, според информациите од таму, остана стабилен и не беше зафатен од скорешните глобални стресови, се оценува во извештајот за кредитниот рејтинг. Адекватноста на капиталот минатата година зајакна на 17,7%. Нефункционалните кредити на крајот на 2022 година останаа на историски најниско ниво од 2,9%, додека стрес-тестовите на централната банка покажуваат отпорност на шокови при раст на каматните стапки и цените на енергија. Во извештајот се забележува и дека штедењето во девизи постепено се намалува меѓу другото и како резултат на мерките на Народната банка за повисока стапка на задолжителна резерва на девизната компонента во билансите на банките, што го поттикнува штедењето во денари.

Во извештајот на агенцијата „Фич“ се наведува дека надворешниот сектор остана отпорен и покрај проширувањето на трговскиот дефицит, предизвикан од повисоките цени на храната и енергентите на светските берзи. Иако, ова влијаеше на продлабочување на дефицитот на тековната сметка на околу 6% од БДП, високите приливи на странски директни инвестиции, како и странските извори на финансирање, придонесоа за раст на девизните резерви за 270 милиони евра.

The post „ФИЧ“ НИ ГО ПОДОБРИ КРЕДИТНИОТ РЕЈТИНГ Девизните резерви повисоки за 270 милиони евра, банкарскиот сектор е стабилен appeared first on plusinfo.mk.