Во раните утрински часови на 10 јуни 2026 година, полициски службеници од СВР Велес привеле 43-годишен маж од велешко, откако бил затекнат при обид за кражба во црква.

Инцидентот се случил околу 02:30 часот на подрачјето кај наплатната станица Сопот на автопатот Скопје–Велес, на место викано „Ветерско“.

Според информациите од полицијата, лицето Д.М. (43) од село Бузалково, со живеалиште во Скопје, било забележано како излегува од патничко возило „фолксваген туран“ со скопски регистарски ознаки. Потоа, со метален предмет се обидел насилно да влезе во црковен објект.

Во моментот кога ги забележал полициските службеници, тој се оддалечил од местото, но по брза реакција на полицијата, возилото било запрено, а лицето било приведено во полициска станица.

При извршен службен разговор, Д.М. го признал делото, а при преглед кај него биле пронајдени пари и предмети за кои постои сомневање дека биле користени при обидот за кражба.

За настанот е известен јавен обвинител, а по целосно документирање на случајот ќе биде поднесена соодветна кривична пријава.

The post САКАЛ ДА ОГРАБИ ЦРКВА, НО ПОЛИЦИЈАТА ГО ЗАБЕЛЕЖАЛА Спречена кражба во верски објект кај Ветерско appeared first on plusinfo.mk.

Полициски службеници од Тетово лишија од слобода 16-годишен малолетник од градот, кој се сомничи дека во изминатите две недели извршил повеќе кражби во џамии.

Според информациите, последниот случај се случил во џамија на улица 176 во Тетово, каде што малолетникот со сила ја оштетил металната каса за донации и одзел пари.

Од полицијата велат дека постојат сомневања дека истиот бил поврзан со слични кражби и во други верски објекти во градот во претходниот период.

Малолетникот е задржан во полициска станица, а за случајот е известен и надлежен јавен обвинител. По целосно документирање на настанот ќе биде поднесена соодветна пријава.

The post МАЛОЛЕТНИК ОГРАБУВАЛ ЏАМИИ ВО ТЕТОВСКО Полицијата фати 16-годишно момче кое одзело пари од верски објекти appeared first on plusinfo.mk.

Три одделни инциденти со малолетници беа пријавени во Скопје во текот на изминатите два дена – два поврзани со ученици од основни училишта, а еден заврши и со тешко повреден ученик.

Во најсериозниот случај, вчера попладне во училиште во општина Гази Баба, полицијата привела 15-годишник откако, според пријавата, влегол во училиштето и со остар предмет нападнал друг 15-годишен ученик. Нападнатиот добил тешки телесни повреди. Полицијата го одзела предметот со кој бил извршен нападот, а по расчистување на случајот ќе следува и пријава.

Само неколку часа претходно, во парк-шумата Гази Баба, дошло до напад врз ученици кои биле на еднодневна училишна екскурзија. Според пријавите, неколку малолетници нападнале група други ученици, а на едно дете му бил одземен и личен накит.

Инцидентот прво бил пријавен од училиштето околу 11 часот претпладне, а подоцна и татко на 13-годишен ученик пријавил дека неговиот син и уште двајца соученици биле нападнати додека биле на екскурзијата. Полицијата трага по напаѓачите и работи на расчистување на случајот.

Нов случај на насилство меѓу малолетници бил пријавен и завчера вечерта во Аеродром. Според пријавата, околу 19:15 часот во училишен двор, малолетничка физички нападнала друга девојка, која ја познавала. И за овој случај се најавува соодветен поднесок по завршување на постапката.

The post УЧИЛИШТАТА КАКО БОЈНИ ПОЛИЊА Групни тепачки, напад со нож, тепачки меѓу ученици, меѓу ученички… appeared first on plusinfo.mk.

Случај на наводно физичко малтретирање на малолетници се истражува во Охрид, по пријава поднесена до СВР.

Според полициските информации, во саботата вечерта во СВР Охрид, три лица на возраст од 45, 45 и 35 години, сите од Охрид, пријавиле дека околу 17:00 часот истиот ден нивните малолетни деца биле физички малтретирани, откако наводно биле фатени во обид да украдат чоколадно млеко од маркет во градот.

Во пријавата се наведува дека по настанот, сопственикот на маркетот и едно женско лице физички ги нападнале и малтретирале децата.

Полицијата соопшти дека се преземаат мерки за целосно расчистување на случајот и утврдување на сите околности околу инцидентот.

The post ГИ ФАТИЛЕ ВО КРАЖБА НА ЧОКОЛАДНО МЛЕКО И ГИ ТЕПАЛЕ? Газда на маркет и вработена пријавени за малтретирање деца appeared first on plusinfo.mk.

83-годишна скопјанка била измамена во сопствениот дом, откако лажен продавач успеал да ѝ земе пари и златен накит вреден околу 300.000 денари.

Инцидентот се случил во населбата Ѓорче Петров, каде 35-годишен државјанин на Романија се појавил на врата претставувајќи се како продавач на луксузни производи за домаќинство. Со измама ја убедил жената да му предаде 300 евра и вреден накит.

По пријавата, полицијата брзо реагирала и ги привела осомничениот и уште еден малолетник, исто така од Романија, на подрачјето на Чаир.

Се работи на целосно расчистување на случајот, по што против осомничените ќе следуваат соодветни пријави.

The post Ѝ ЗЕЛ 300 ЕВРА И НАКИТ ОД 5.000 ЕВРА Лажен продавач од Романија измамил повозрасна жена од Скопје appeared first on plusinfo.mk.

Физичка пресметка меѓу две жени се случила на подрачјето на Бит Пазар во Скопје, откако претходно била извршена кражба во продажен објект.

Според информациите од полицијата, на 20 април 2026 година околу 13 часот било пријавено дека по кражбата во продавницата, каде што работела 56-годишната Д.З., дошло до расправија која прераснала во физичка пресметка меѓу неа и 64-годишната С.С., двете од Скопје.

Инцидентот го нарушил јавниот ред и мир, по што случајот бил пријавен во полиција. Се преземаат мерки за негово целосно расчистување, а по документирањето ќе следува соодветен поднесок.

The post СКОПЈАНКА КРАДЕЛА, ПА СЕ СТЕПАЛА СО ПРОДАВАЧКАТА Тепачка во продавница на Бит Пазар appeared first on plusinfo.mk.

Невообичаена кражба се случи во Германија, откако цел контејнер со дури 15 тони гумени бомбони бил украден од камион паркиран на автопат.

Според информациите од полицијата, камионот бил оставен на бензинска пумпа во близина на градот Нојштат-Глеве во утринските часови. Возачот го паркирал возилото околу 7:45 часот, но кога се вратил еден час подоцна – контејнерот веќе го немало.

Заедно со него исчезнала и целата пратка гумени бомбони со овошје, чија вредност се проценува на околу 250.000 евра.

Она што ја прави кражбата уште помистериозна е фактот што засега не е познато како сторителите успеале да го отстранат контејнерот сред бел ден, без да бидат забележани.

Полицијата веќе започна истрага и трага по сторителите, додека случајот предизвика големо внимание во јавноста поради необичната „слатка“ мета.

The post ИСЧЕЗНАА 15 ТОНИ ГУМЕНИ БОМБОНИ Несекојдневна кражба во Германија appeared first on plusinfo.mk.

Македонската православна црква – Охридска архиепископија вчера во 17:25 часот пријавила во полиција дека во периодот од февруари 2026 година до пријавувањето, од црквата „Свети Великомаченик Ѓорѓи“ на подрачјето на Чаир во Скопје, одземен бил бакарен лим од кровот на црквата, соопштија денеска од Министерството за внатрешни работи.

Притоа, според пријавеното, сторителите се стекнале со противправна имотна корист од над 150.000 денари.

The post УКРАДЕН БАКАРЕН ПОКРИВ ОД ЦРКВА ВО ЧАИР Во отпад вреди околу 150.000 денари appeared first on plusinfo.mk.

ОВР Кочани поднесе кривична пријава против С.З.(40) од Кочани поради постоење основи на сомнение за сторено кривично дело „оштетување и неовластено навлегување во компјутерски систем”.

Пријавениот противправно присвоил платежната картичка во сопственост на лице од Кочани и во периодот од јули 2025 до ноември 2025 во седум наврати неовластено навлегол во компјутерски систем и се стекнал со противправна имотна корист во вкупен износ од 161.800 денари.

The post УКРАЛ ПЛАТЕЖНА КАРТИЧКА И ПОТРОШИЛ 161.800 ДЕНАРИ Kартичката пет месеци била активна appeared first on plusinfo.mk.

Oдговорното лице на манастирскиот комплекс „Св. Наум Охридски“ на Попова Шапка во СВР Тетово пријави дека во манастирот затекнал малолетници кои со употреба на сила се обидувале да ја отворат металната каса за доброволни прилози.

– Утврдено е дека станува збор за четворица малолетници од скопско село, кои биле на организирана екскурзија. Тие заедно со нивниот одговорен наставник бea задржани на лице место и се преземаат мерки за целосно расчистување на случајот, велат од МВР.

The post МАЛОЛЕТНИЦИ СЕ ОБИДЕЛЕ ДА ОГРАБАТ МАНАСТИР Фатени се додека обивале каса appeared first on plusinfo.mk.