Над 22.000 евра штета од украдена електрична енергија открија екипите на Електродистрибуција при контрола во деловен комплекс на Попова Шапка. Акцијата била спроведена во координација со полицијата од СВР Тетово.

Контролата покажала дека електричната енергија се користела незаконски, преку кабловски разводен ормар, а бил поставен и директен приклучок со нисконапонски кабел. Со ваквиот начин, струјата се користела без да се евидентира потрошувачката.

Од Електродистрибуција информираат дека веднаш биле преземени мерки.

– При контролата констатиравме противправно користење на електрична енергија преку кабловски разводен ормар, како и директно неовластено приклучување со нисконапонски кабел. Составен е записник за неовластено користење, поднесена е пријава до МВР, а изготвена е и фактура за надомест на штета во износ од 1.361.599 денари – велат од Електродистрибуција.

Случајот е пријавен во полиција, а против сторителите ќе се постапува согласно член 235-а од Кривичниот законик.

The post УКРАДЕНА СТРУЈА ВРЕДНА НАД 22.000 ЕВРА Електродистрибуција откри нелегален приклучок на Попова Шапка appeared first on plusinfo.mk.

Полициски службеници од ЕВР Карпош вчера вечер во 20:00 часот уапсиле 36-годишниот С.Н. од Косово, кој се сомничи за кражба на електрична енергија и нелегален престој во државата.

Од Министерството за внатрешни работи информираат дека случајот бил откриен по пријава од ЕВН Македонија, поднесена на 1 јули оваа година, за неовластено преземање на електрична енергија. По преземените мерки, било утврдено дека пријавениот, кој бил сопственик на продажен објект што претходно го изнајмил, ја извршил кражбата.

При службениот разговор со осомничениот, дополнително било констатирано дека неговиот престој во државата не е регулиран и дека истекол уште на 15 септември годинава.

Против С.Н. е поднесена кривична пријава по брза постапка до Основното јавно обвинителство во Скопје.

The post УАПСЕН КОСОВЕЦ ВО КАРПОШ Крадел струја и престојувал нелегално во Македонија appeared first on plusinfo.mk.