По предлог на јавен обвинител од Основното јавно обвинителство за гонење организиран криминал и корупција, вчера на две лица, кои претходно беа сослушани во својство на осомничени во врска со запленетиот канабис во Србија, судијата на претходна постапка при Основниот кривичен суд Скопје им определи мерка краткотраен притвор во траење од 48 часа, соопшти денеска ОЈО ГОКК.

„Како резултат на преземените дејствија и анализата на прибраните информации и докази, постојат основи на сомнение дека лицата преземале активности поврзани со запленетите 5 тони марихуана во Република Србија, поради што јавниот обвинител достави образложен предлог за определување краткотраен притвор. Барањето за определување краткотраен притвор е со цел да се обезбедат лицата и да се овозможи доволно време на јавниот обвинител за преземање на неопходните процесни дејствија и донесување соодветна одлука за понатамошно постапување. Во вакви случаи, особено кога се работи за предмети со поголема сложеност, како и предмети со меѓународен карактер, временските рокови често се ограничени, што ја оправдува примената на оваа мерка“, се вели во информацијата од ОЈО ГОКК.

Основното јавно обвинителство за гонење на организиран криминал и корупција продолжува со интензивно постапување во предметот и јавноста ќе биде навремено информирана за понатамошниот тек, согласно законските можности, додава ОЈО за гонење организиран криминал и корупција.

Кривичниот суд потврди дека на две лица им е определен краткотраен притвор.

„За две лица, А.И. и Д.С., осомничени по член 215 став 3 од Кривичниот законик, за делото Неовластено производство и пуштање во промет на наркотични дроги, прифатен е предлогот за краткотраен притвор од 48 часа, поради постоење на основите за притвор, односно, опасност од бегатво, влијание врз сведоци и повторување, односно довршување на делото“, информира Кривичниот суд.

The post ПРИТВОР ЗА ДВАЈЦА ОСОМНИЧЕНИ ВО ВРСКА СО КАНАБИСОТ ЗАПЛЕНЕТ ВО СРБИЈА Ќе бидат зад решетки 48 часа appeared first on plusinfo.mk.

– Судот во Кочани го прифати барањето на обвинителството по предлогот за определување мерка краткотраен притвор за сите 14 осомничени лица. Изречена е мерката краткотраен притвор во траење од 48 часа – информираа утрово за МИА од Основниот суд Кочани.

Како што дополнуваат, Судот постапува по предлозите на Обвинителството, во врска со пожарот во „Пулс“ во Кочани, во кој животот го загубија 59 лица, а 155 се повредени.

Државниот јавен обвинител Љупчо Коцевски вчера на прес-конференција соопшти дека во врска со несреќата во ноќниот клуб „Пулс“ во Кочани се работи на итно процесуирање на 14 осомничени.  Тој информираше дека се сомничат за „тешки дела против општа сигурност“ по член 292 од Кривичниот законик со казна затвор од најмалку три години без горна граница на казнување, што може да се движи до 20 години. Воедно, рече дека се испитуваат дејствија на примање и давање поткуп како и незаконска набавка на пиротехнички средства.

-Вкупно до овој момент се работи на итно процесуирање на 14 лица обезбедени од нашето постапување до овој момент. По однос на увидот можам да кажам дека сите важни релевантни факти и докази на местото се обезбедени и следат дополнителни анализи и вештачења од соодветна област, рече тој, дополнувајќи дека во текот на оваа недела има можност да се поведе истражна постапка – изјави Коцевски.

На сослушување во ОЈО Кочани во врска со трагедијата синоќа беа спроведени поранешниот министер за економија Крешник Бектеши, поранешниот директор на Државниот пазарен инспекторат Горан Трајковски и уште едно лице. Претходно на распит беше и градоначалникот на Кочани, Љупчо Папазов,  и како што соопшти Обвинителството   дополнително ќе биде донесена одлука за неговиот натамошен статус во постапката.

– Извршен е распит на градоначалникот кој даде определени појаснувања и сознанија. Таквиот исказ се споредува со доказниот материјал и надлежностите на општината, по што ќе биде донесена одлука за неговиот натамошен статус во постапката – информираа од Обвинителството.

Според досегашната истрага на институциите, во дискотеката немало хидрантска мрежа и доволно ПП апарати, во неа противзаконски биле користени пиротехнички материјали, немала ниту легална лиценца за работа и не бил склучен писмен договор меѓу организаторот и групата што настапувала.

The post КРАТКОТРАЕН ПРИТВОР ЗА БЕКТЕШИ И ЗА ТРАЈКОВСКИ Обвинителите дополнително ќе одлучуваат за статусот на Папазов appeared first on plusinfo.mk.

„Оваа мерка, предвидена согласно член 170 од Законот за кривичната постапка, може да се определи најмногу два пати по 48 часа, без да биде донесена формална наредба за спроведување истражна постапка. Тоа му овозможува на јавниот обвинител да го задржи лицето за кое постои сомнение подолго од основните 24-часа полициско задржување. Смислата на оваа законска одредба е да му овозможи на јавниот обвинител да има доволно време, особено во тешки и сложени предмети, да ги преземе сите активности и да ги утврди фактите и околностите, како и конкретните својства и дејствија на лицето кои ќе ги испитува понатаму во истражната постапка. По формалното отворање на истрагата, јавниот обвинител предлага нови мерки за обезбедување на осомничениот, односно краткотрајниот притвор се укинува и најчесто се определува редовен притвор“, објасни Обвинителството.

• ОБЈЕКТОТ БИЛ ОБЛОЖЕН СО ЗАПАЛИВИ МАТЕРИЈАЛИ, НЕМАЛ ПРОТИВПОЖАРНА ЗАШТИТА Обвинителството бара притвор за 10 лица, увидот ќе продолжи утре

Обвинителството синоќа извести дека до тој момент повело постапка на проверки за 11 лица, во врска со трагичниот пожар во дискотеката „Пулс“ во Кочани, во кој загинаа 59 млади луѓе, а над 150 се повредени. Од нив, до Основниот суд Кочани е поднесен предлог за краткотраен притвор за 8 лица, а останатите 3 лица се хоспитализирани, во потешка здравствена состојба.

Државниот обвинител Љупчо Коцевски синоќа објасни дека увидот сè уште е во тек, а кога ќе заврши увидот, ќе биде донесена наредба за истрага, по што ќе поднесат предлози за редовни притвори на идните осомничени.

Од Основниот суд Кочани сè уште нема информација какви одлуки донеле во врска со барањата за краткотрајни притвори до 48 часа за 8-те лица што ги побара ЈО.

The post ШТО Е КРАТКОТРАЕН 48-ЧАСОВЕН ПРИТВОР И КОГА СЕ ОДРЕДУВА? Кога ЈО ќе ја отвори истрагата за пожарот во Кочани, притворите ќе бидат од по 30-дена appeared first on plusinfo.mk.