Принцот и принцезата од Велс, Вилијам и Кејт на Инстаграм споделија серија фотографии и видеа од изминатите неколку месеци, откривајќи дел од семејниот живот, но и од своите јавни ангажмани.

Објавата започнува со топла семејна фотографија на која Вилијам и Кејт лежат на тревата заедно со нивните три деца – принцот Џорџ (13), принцезата Шарлот (11) и принцот Луис (8).

– The Summer Rewind – стои во описот на објавата, проследено со благодарност до сите што им ги направиле изминатите месеци посебни.

 

View this post on Instagram

 

A post shared by The Prince and Princess of Wales (@princeandprincessofwales)

Меѓу објавените видеа е и средбата на принцот Вилијам со познатиот природонаучник и документарист Дејвид Атенборо, кој годинава го прослави својот 100-ти роденден со свечен настан во лондонскиот Ројал Алберт Хол.

Во објавата е прикажана и неодамнешната самостојна посета на Кејт Мидлтон на Италија. Насмеана и расположена, принцезата учествува во подготовка на традиционална италијанска паста во Парма.

Ова беше нејзино прво официјално патување во странство откако минатата година соопшти дека е во ремисија по лекувањето од рак.

Посетата беше поврзана со работата на нејзиниот Центар за рано детско развивање при Кралската фондација, чија цел е подигнување на свеста за важноста на раното детство.

Друг емотивен момент прикажува посета на Кејт на онколошки пациенти во болницата „Кристи“ во Манчестер. Таму таа разговарала со пациенти и ја истакнала важноста на холистичкиот пристап кон физичкото и емоционалното здравје.

Особено трогателна била средбата со Клер Лоренте, која токму тој ден го завршувала лекувањето од рак на дојка.

Во објавата има и фотографија од насмеаната принцеза по завршувањето на напорниот хуманитарен предизвик долг 23 милји, организиран за собирање средства за борба против ракот. Предизвикот вклучуваше искачување на највисоките врвови во Шкотска, Англија и Велс.

Не беше изоставена ниту хуманитарната работа на принцот Вилијам. Една од фотографиите го прикажува во друштво на актерот Бенедикт Камбербач и актерката Ема Ватсон за време на форумот „United for Wildlife Business Forum“ во Лондон, одржан во рамки на Неделата за климатска акција.

На друга фотографија е со австралискиот природонаучник Роберт Ирвин. Двајцата се возат со електричен двокатен автобус со нулта емисија на штетни гасови на пат кон собир организиран од иницијативата Earthshot Prize.

Сепак, најголемо внимание привлекоа семејните фотографии и роденденските моменти со нивните деца, кои ретко се појавуваат во јавноста, а овојпат им овозможија на обожавателите редок поглед во приватниот живот на кралското семејство.

The post ЛЕТО ИСПОЛНЕТО СО СЕМЕЈНИ МОМЕНТИ Вилијам и Кејт објавија досега невидени фотографии со децата appeared first on plusinfo.mk.

Принцот Џорџ повторно се најде во центарот на вниманието на Вимблдон, но овојпат не поради елегантниот изглед, туку поради еден симпатичен момент што не им избега на фотографите.

Вториот во редот за наследување на британскиот престол, кој наскоро ќе наполни 13 години, на машкото финале пристигна во друштво на родителите, принцот Вилијам и принцезата Кетрин, како и на помладата сестра, принцезата Шарлот.

Кралското семејство го следеше натпреварот од Кралската ложа на Централниот терен, каде што Италијанецот Јаник Синер го совлада Германецот Александер Зверев и ја освои својата втора титула на Вимблдон.

Додека Кетрин привлекуваше погледи во елегантен маслинесто-зелен фустан со препознатлив брош во боите на Вимблдон, а Шарлот во сина креација воодушеви со својот стајлинг, Џорџ покажа дека сепак е обичен тинејџер.

Имено, фотографите во еден момент го уловија како широко се проѕева за време на долгиот финален меч, а токму таа фотографија брзо стана една од најкоментираните од трибините.

Високите температури во Лондон, кои достигнуваа речиси 30 степени Целзиусови, очигледно си го направиле своето, па младиот принц во еден момент посегна и по пренослив вентилатор за да се разлади.

Сепак, поголемиот дел од натпреварот Џорџ внимателно ги следеше случувањата на теренот, разговараше со родителите и сестрата и со аплауз ги поздравуваше најатрактивните поени.

Одамна е познато дека ја дели љубовта кон тенисот со своето семејство, а во последните години е редовен гостин на завршницата на најпрестижниот тениски турнир во светот.

По завршувањето на мечот, принцезата Кетрин, која традиционално е покровителка на Ол Ингланд Клубот, му го врачи победничкиот пехар на Јаник Синер, додека кралското семејство уште еднаш покажа дека Вимблдон е еден од најважните настани во нивниот летен календар.

 

View this post on Instagram

 

A post shared by The Prince and Princess of Wales (@princeandprincessofwales)

The post И ПРИНЦОВИТЕ СЕ ПРОЅЕВААТ БЕЗ РАКА НА УСТА Принцот Џорџ заборави дека го снимаат камерите и стана ѕвезда на Вимблдон appeared first on plusinfo.mk.

Четириесет и едногодишниот војвода од Сасекс допатува во Велика Британија без сопругата Меган Маркл и нивните деца Арчи и Лилибет, потврди неговиот портпарол. Според британските медиуми, кралот Чарлс му понудил сместување во кралската резиденција, но Хари не дал навремен одговор.

Неговото пристигнување следува само два дена откако бил известен дека престојот во палатата не може да се реализира. Во меѓувреме, кралот Чарлс се појави на настан со британската армија во Дорсет, каде што се качи во борбен тенк, избегнувајќи јавно да ги коментира контроверзите околу својот син.

Според извори блиски до палатата, кралот побарал одговор од Хари до минатиот петок, но војводата сè уште се двоумел во текот на викендот. Наводно, првично ја одбил понудата, а потоа се обидел да ја прифати само неколку часа подоцна.

Хари се врати во Британија поради серија обврски во Лондон и Бирмингем, меѓу кои и одбележувањето на една година до почетокот на Игрите „Инвиктус“ во 2027 година.

Кралските службеници во саботата вечерта му соопштиле дека сместувањето повеќе не е можно бидејќи потребните организациски и логистички подготовки веќе не можеле да се реализираат. Сепак, во понеделникот настана дополнителна забуна кога тимот на Хари информирал дел од медиумите дека тој сепак ќе престојува во Бакингемската палата, повикувајќи се на директни разговори со кралот.

Од палатата возвратиле дека Хари едноставно не одговорил навреме, иако имал неколку недели за да донесе одлука.

Портпаролот на војводата потоа изразил разочараност и ја обвинил Бакингемската палата дека ја повлекла понудата во последен момент. Тој тврди дека Хари минатата недела работел на алтернативни безбедносни аранжмани, откако британските власти одлучиле неговото семејство да не добие дополнителна заштита, и дека штом тие биле обезбедени, формално ја прифатил понудата за сместување.

Од друга страна, извори од палатата наведуваат дека до истекот на рокот не било добиено официјално прифаќање на понудата. Тие додаваат дека за подготовка на кралска резиденција е потребно доволно време за организација на персоналот и сите протоколарни обврски.

И покрај актуелниот спор, палатата нагласува дека во иднина на Хари и неговото семејство повторно ќе им биде понудено сместување во кралска резиденција при некоја следна посета.

Се очекува Хари и кралот Чарлс да се сретнат за време на посетата, иако деталите веројатно ќе останат приватни.

 

View this post on Instagram

 

A post shared by Meghan, Duchess of Sussex (@meghan)

Засега не е познато дали Меган, Арчи и Лилибет ќе му се придружат подоцна во текот на неделата. Децата последен пат го виделе својот дедо, кралот Чарлс, во 2022 година.

Според извори блиски до двојката, тие моментално престојуваат во Европа, а не е исклучено подоцна да отпатуваат во Британија. Меган треба да му се придружи на Хари во Бирмингем на настан посветен на Игрите „Инвиктус“.

Во меѓувреме, Хари и понатаму е незадоволен од безбедносните мерки што ги добива за време на посетите на Велика Британија. Тој бара постојана полициска заштита, додека британските власти секоја негова посета ја разгледуваат поединечно.

Извори тврдат дека Хари сака своите деца подобро да ги запознаат британските корени и да ги однесе во Алторп, семејниот имот на принцезата Дијана, каде што таа е погребана.

Новата расправија дополнително ги истакна затегнатите односи меѓу војводата од Сасекс и кралското семејство, кои траат уште од неговото повлекување од кралските должности во 2020 година и преселбата во Соединетите Американски Држави.

The post ПРИНЦОТ ХАРИ ПРИСТИГНА ВО ВЕЛИКА БРИТАНИЈА САМ Бакингемската палата му го откажала сместувањето бидејќи предоцна одговорил appeared first on plusinfo.mk.

Да беше жива, денес, на 1 јули, принцезата Дијана ќе го прославеше својот 65-ти роденден.

Наместо роденденски честитки, светот повторно се потсетува на жената која остана една од најсаканите личности на 20 век. И речиси три децении по нејзината трагична смрт, Лејди Ди продолжува да биде симбол на човечност, сочувство и бунт против строгите правила на британската монархија.

Дијана Френсис Спенсер е родена на 1 јули 1961 година во благородничко семејство. Во 1981 година се омажи за тогашниот принц Чарлс, денешниот крал Чарлс Трети, а нивната свадба ја следеа повеќе од 750 милиони луѓе ширум светот. Со венчавката стана принцеза од Велс и една од најпрепознатливите личности на планетата. Иако формално никогаш не ја носеше титулата „принцеза Дијана“, јавноста токму така ја памети.

По разводот со Чарлс во 1996 година го загуби статусиѕ „Нејзиното кралско височество“ (Her Royal Highness), но го задржа називот Дијана, принцеза од Велс. И покрај формалното дистанцирање од кралското семејство, таа остана мајка на идниот британски крал, принцот Вилијам, и на принцот Хари.

Она што ја направи исклучителна не беше само нејзината титула, туку начинот на кој им пристапуваше на луѓето. Таа се ракуваше со болни од СИДА во време кога многумина стравуваа од обичен допир, ги посетуваше бездомниците, децата во болници и жртвите на војни и сиромаштија. Со тоа испрати силна порака дека достоинството и сочувството се поважни од кралскиот протокол. Дијана беше и модна икона, но никогаш не дозволи облеката да ја засени нејзината хуманитарна работа.

Особено силен впечаток остави нејзината кампања против противпешадиските мини. Во 1997 година, само неколку месеци пред смртта, прошета низ минирано поле во Ангола, фотографија што стана една од најпознатите во поновата историја и помогна светската јавност да обрне поголемо внимание на овој проблем.

Нејзиниот приватен живот, пак, беше исполнет со турбуленции. Несреќниот брак со Чарлс, неговата долгогодишна врска со Камила Паркер Боулс, постојаниот притисок од таблоидите и непрекинатото медиумско следење ја претворија во една од најфотографираните личности во светот.

Во познатото телевизиско интервју за Би-Би-Си во 1995 година таа изјави: „Во овој брак бевме тројца“, реченица која остана запаметена како еден од најсилните моменти во историјата на британската монархија. На 31 август 1997 година светот беше шокиран од веста дека Дијана загина во сообраќајна несреќа во парискиот тунел „Понт де л’Алма“.

Во автомобилот беа и нејзиниот партнер Доди ал Фајед, кој исто така почина, како и возачот Анри Пол. Единствено телохранителот Тревор Рис-Џонс ја преживеа несреќата. Официјалните истраги во Франција и во Велика Британија заклучија дека несреќата била предизвикана од пребрзо возење, алкохолизиран возач и од опасното следење од страна на папараците.

Но, тоа не ги запре бројните теории на заговор што се појавија веднаш по трагедијата. Најпознатата теорија, која ја промовираше Мохамед ал Фајед, таткото на Доди, тврдеше дека британските тајни служби намерно ја организирале несреќата за да спречат евентуален брак меѓу Дијана и Доди или можна бременост.

Со текот на годините се појавија и други шпекулации – за мистериозен бел автомобил, за наводно исчезнати докази и за вмешаност на различни државни структури. Сепак, ниту една од тие теории никогаш не беше потврдена со веродостојни докази. Смртта на Дијана предизвика незапаметена тага во Велика Британија. Милиони луѓе оставаа цвеќе пред Кенсингтонската палата, а јавноста остро го критикуваше кралското семејство поради првичната воздржаност.

Под силен притисок на јавноста, кралицата Елизабета Втора се обрати со телевизиско обраќање, а погребот на Дијана го следеа околу 2,5 милијарди луѓе низ светот. И денес, речиси триесет години подоцна, Лејди Ди останува повеќе од историска личност. За едни е најголемата хуманитарка што ја имало британското кралско семејство, за други трагична жртва на славата и медиумската опсесија.

Но, за милиони луѓе ширум светот таа останува „народната принцеза“ – жена која покажа дека вистинската величина не произлегува од круната, туку од човечноста.

The post ЛЕЈДИ ДИ ДЕНЕСКА ЌЕ ГО СЛАВЕШЕ СВОЈОТ 65. РОДЕНДЕН Принцезата што го освои светот, а чија смрт и денес е обвиена со сомнежи appeared first on plusinfo.mk.

Мариус Борг Хоиби, синот на норвешката принцеза Мете-Марит, е осуден на 4 години затвор откако судот во Осло го прогласи за виновен за 2 силувања.

Хоиби, кој има 29 години, не присуствувал лично на изрекувањето на пресудата. Во судницата се вклучил преку видео врска.

Трочлен судски совет го прогласил за виновен по 2 точки од обвинението. Истовремено бил ослободен од уште 2 обвиненија за силување.

Обвинителството за време на судењето побарало казна од 7 години и 7 месеци затвор. Неговите адвокати, пак, барале значително поблага казна од 18 месеци и најавиле можност за жалба.

Обвинувањата се однесуваат на периодот од 2018 до ноември 2024 година. Еден од случаите, според обвинението, се случил во официјалната резиденција на кралското семејство на имотот Скаугум.

Единствената жртва која јавно може да биде именувана е инфлуенсерката Нора Хаукланд, неговата поранешна девојка. Нејзините обвинувања за физичко насилство биле дел од судската постапка.

The post КРУНАТА НЕ ГО СПАСИ СИНОТ НА НОРВЕШКАТА ПРИНЦЕЗА Доби 4 години затвор по обвиненијата за силувања appeared first on plusinfo.mk.

Престолонаследникот на Мароко, 22-годишниот Мулеј Ел Хасан, станува централна фигура на дебата за модернизацијата на една од најстарите монархии во светот, откако на социјалните мрежи се појавија вирални видеа кои прикажуваат необично однесување за кралскиот протокол – одбивање на традиционалното бакнување на рака и инсистирање на директен контакт и ракување.

Според објавите што масовно се споделуваат на платформи како „X“ и „TikTok“, идниот крал на Мароко не дозволува соговорниците да му ја бакнуваат раката, туку во последен момент ја повлекува и преферира цврсто ракување, проследено со разговор „очи во очи“.

Иако дел од овие описи се проширени во вирален контекст и добиваат драматична интерпретација, снимките кои кружат во јавноста навистина покажуваат поинаков стил на кралско однесување од оној што со децении е дел од мароканската традиција.

لا ينظر ولي عهد المغرب البالغ من العمر 22 عاماً حتى إلى أولئك الذين يحاولون تقبيل يده، بل ينخرط في محادثات طويلة مع أولئك الذين يكتفون بمصافحته. pic.twitter.com/qtp90H5kWS

— نواف (@ah___74) June 1, 2026

Во Мароко, бакнувањето на рака на кралот и престолонаследникот претставува длабоко вкоренет ритуал на почит и лојалност. Но младиот Ел Хасан, кој е образуван по современи стандарди и често се појавува на официјални настани, очигледно промовира поинаков пристап.

Аналитичарите на кралските протоколи ваквото однесување го толкуваат низ неколку аспекти. Според нив, станува збор за обид за приближување до јавноста и намалување на дистанцата меѓу власта и граѓаните, како и за генерациска промена во стилот на дипломатски бонтон. Дел од експертите сметаат дека ваквиот гест испраќа порака за скромност и еднаквост во комуникацијата, додека други го гледаат како јасно влијание на западниот модел на однесување.

Иако официјална реакција од кралската палата нема, видеата предизвикаа бурни реакции на социјалните мрежи, каде јавноста е поделена.

Еден дел од коментаторите го поздравуваат потегот, оценувајќи го како знак на модерност и уривање на „старите бариери“.

„Ова е вистинска понизност, наместо дистанца, добиваме човек што разговара со тебе како рамноправен“, гласи еден од коментарите.

Други, пак, сметаат дека станува збор за непочитување на традицијата и симболиката на кралскиот протокол.

„Бакнувањето на рака е највисок чин на почит. Со неговото избегнување, се губи суштината на културата“, пишуваат критичарите.

Скептиците одат и чекор понатаму, тврдејќи дека целиот „вирален феномен“ можеби е дел од внимателно изграден јавен имиџ и современа ПР-стратегија, а не вистинска револуција во кралското однесување.

Без разлика на толкувањата, едно е јасно – престолонаследникот на Мароко веќе го привлекува глобалното внимание и отвора прашање дали традицијата и модерноста можат да коегзистираат во највисоките симболи на власта.

The post 📽️ РАКУВАЊЕ И ГЛЕДАЊЕ ВО ОЧИ НАМЕСТО БАКНУВАЊЕ РАКА Принцот на Мароко ја менува вековната традиција appeared first on plusinfo.mk.

Во британското кралско семејство владее голема возбуда. Имено, принцезата Јуџин и нејзиниот сопруг Џек Бруксбенк очекуваат ново бебе.

Таа ја сподели добрата вест на Инстаграм, каде што објави емотивна фотографија од своите синови, Август и Ернест, кои гледаат ултразвучен преглед и на тој начин го „запознаваат“ идниот член на семејството.

Таа кратко напиша со објавата: „Бебето Бруксбенк доаѓа во 2026 година!“, јасно ставајќи до знаење дека наскоро доаѓа уште едно дете.

 

View this post on Instagram

 

A post shared by Princess Eugenie (@princesseugenie)

Ова ќе биде нивното трето дете. Тие веќе се родители на две момчиња родени во 2021 и 2023 година. Интересно е што објавата дојде веднаш по 40-тиот роденден на Џек, што ја направи причината за прослава уште поголема.

 

View this post on Instagram

 

A post shared by Princess Eugenie (@princesseugenie)

Објавата брзо доби бројни честитки, вклучително и пораки.

Веста беше потврдена од Бакингемската палата, со порака дека кралот Чарлс III е воодушевен од доаѓањето на приновата.

Иако споделуваат среќни моменти со јавноста, Јуџин и Џек стојат зад одлуката нивните деца да растат без кралски титули за да им се овозможи потивок и поприватен живот.

The post ПРИНЦЕЗАТА Е БРЕМЕНА! Палатата ги потврди прекрасните вести на кралското семејство appeared first on plusinfo.mk.

Принцезата Шарлот го прослави својот 11-ти роденден, а по тој повод објавена е нова фотографија која ги воодушеви кралските обожаватели ширум светот.

Портретот, споделен на официјалните профили на социјалните мрежи на принцот и принцезата од Велс, нуди редок поглед во секојдневниот живот на младата принцеза.

На фотографијата, Шарлот позира насмеана, облечена во црно-црвен џемпер во риги и фармерки, опкружена со природа – мотив што ја одразува нејзината голема љубов кон престојувањето на отворено.

Фотографијата е направена од семејниот фотограф Мет Портеус за време на нивниот велигденски одмор во Корнвол.

 

View this post on Instagram

 

A post shared by The Prince and Princess of Wales (@princeandprincessofwales)

Многумина забележаа дека Шарлот сè повеќе личи на својот татко, принцот Вилијам, додека нејзината долга, распуштена коса потсетува на онаа на нејзината мајка, Кејт. Токму оваа комбинација на родителските особини дополнително го привлече вниманието на јавноста.

Покрај новата фотографија, кралското семејство неодамна сподели топло семејно сеќавање по повод 15-годишнината од бракот на принцот Вилијам и Кејт, на кое Шарлот позира со нејзината мајка и брат Луис, уживајќи во сонцето за време на престојот во Корнвол.

Трета во редот за британскиот престол, Шарлот е веќе еден од најомилените членови на кралското семејство.

Благодарение на промената во правилата за наследување во 2013 година, таа стана првата британска принцеза која има предност пред својот помлад брат во редот за наследување.

 

View this post on Instagram

 

A post shared by The Prince and Princess of Wales (@princeandprincessofwales)

Иако води претежно мирен и заштитен живот, Шарлот веќе ги освои срцата на јавноста со своето однесување и самодоверба на јавни настани. Таа е позната и по тоа што често ја презема водечката улога меѓу своите браќа, а нејзината енергична и независна личност не останува незабележана.

Надвор од кралските должности, 11-годишната принцеза ужива во танцување, особено балет, ја слуша Тејлор Свифт и прави нараквици за пријателство, како онаа што му ја даде на својот татко со натпис „Папа“.

Нејзиното последно јавно појавување беше на Велигден, кога таа и нејзината мајка Катерина привлекоа внимание со координирани модни комбинации и нежни гестови, како што е држењето за раце.

Со нов портрет за роденденот, принцезата Шарлот уште еднаш покажа зошто е една од најомилените млади членови на кралското семејство – природна, насмеана и веќе многу своја.

The post БРИТАНСКОТО КРАЛСКО СЕМЕЈСТВО ГО ОДБЕЛЕЖА РОДЕНДЕНОТ НА ШАРЛОТ Новата фотографија на принцезата покажа на кого почнува да личи сè повеќе appeared first on plusinfo.mk.

Американскиот претседател Доналд Трамп го пречека британското кралско семејство во Белата куќа, каде што во говорот ја нагласи „вековната врска“ меѓу САД и Велика Британија, но и сподели лична анегдота која го привлече вниманието на јавноста.

Обраќањето го започна со зборовите „Каков прекрасен британски ден“, осврнувајќи се на историските врски меѓу двете земји – од Магна Карта до Американската војна за независност.

– Пред да имаме нација или устав, имавме култура, карактер и вера. Тоа доаѓа од мало, но моќно кралство преку морето – рече Трамп, додавајќи дека Американците „немаат поблиски пријатели од Британците“.

The President and First Lady host a State Arrival Ceremony on the South Lawn of the White House, drawing upon a tradition that dates back to the 18th century. pic.twitter.com/kJCWRkT5XY

— The White House (@WhiteHouse) April 28, 2026

„Мајка ми беше вљубена во Чарлс“

Во поопуштен дел од говорот, Трамп зборуваше за Крал Чарлс III, пофалувајќи го неговиот акцент и нарекувајќи го „сладок“.

– Мојата мајка беше вљубена во Чарлс. Можете ли да верувате во тоа? Таа го обожаваше кралското семејство – рече Трамп, додавајќи дека како дете често ја слушал како со воодушевување ги следи на телевизија.

Тој се присети дека секогаш кога Кралица Елизабета II се појавувала во јавноста, неговата мајка стоела покрај телевизорот и со восхит коментирала.

A powerful and beautiful speech by President Trump

“Our ancestors would surely be filled with awe and pride that the Anglo-American revolution in human freedom was never, ever extinguished but carried forward across centuries, across oceans and across history until it… pic.twitter.com/insOxCAsLT

— Alex Armstrong (@Alexarmstrong) April 28, 2026

Почит за кралицата Елизабета II

Американскиот претседател ѝ оддаде почит и на покојната кралица Елизабета II, потсетувајќи на дрвото што таа го засадила во Белата куќа во 1991 година.

= Тоа беше мало дрво тогаш, а погледнете го денес. Како и САД – засадено од британски раце на американска почва – рече Трамп.

Средба зад затворени врати

По церемонијалниот дел, Трамп и кралот Чарлс заедно излегоа на балконот на Белата куќа, каде што го следеа воениот протокол и им мавтаа на присутните.

Подоцна, според најавите, двајцата лидери одржаа билатерална средба зад затворени врати, на која се очекуваше да разговараат за клучни прашања од заеднички интерес.

The post 📽️ „ПОГЛЕДНИ ГО КОЛКУ Е УБАВ!“ Трамп откри што му велела мајка му за Чарлс appeared first on plusinfo.mk.

Принцот Хари повторно покажа дека, и покрај неговата оддалеченост од кралското семејство, не ја заборавил својата баба, покојната кралица Елизабета II.

Војводата од Сасекс тајно испрати венец на нејзиниот гроб во замокот Виндзор, одбележувајќи го нејзиниот 100-ти роденден.

Според списанието People, Хари организирал цвеќето да се положи на нејзиното последно почивалиште. Кралицата која почина во 2022 година е погребана покрај нејзиниот сопруг принцот Филип, во меморијалната капела на кралот Џорџ VI, каде што исто така лежат нејзините родители и сестрата, принцезата Маргарет.

Додека Хари остана во Калифорнија, во Лондон во Бакингемската палата се одржа церемонијален прием. Кралот Чарлс и кралицата Камила предводеа собир на високи членови на кралското семејство, вклучувајќи ги принцот Вилијам и принцезата Катерина, принцезата Ана и многу други, во чест на раѓањето и наследството на покојната кралица.

Ова не е прв пат Хари да му оддаде почит на своето семејство на дискретен начин. Минатата година, тој тајно остави писмо и венец од црвени афиони во чест на својот дедо, принцот Филип, на годишнината од Денот на победата над Јапонија. Овој потег, исто така, предизвика критики од некои во јавноста, со оглед на затегнатите односи во семејството во последните години.

Во 2020 година, откако се повлече од кралските должности, Хари остана без воени покровителства и уште тогаш почнаа да се продлабочуваат разликите меѓу него и остатокот од семејството.

И покрај сè, изгледа дека војводата сè уште одржува лична врска со минатото на своето семејство. Од смртта на кралицата во 2022 година, Хари веќе неколку пати го посети нејзиниот гроб, вклучително и на првата годишнина од нејзината смрт.

Во меѓувреме, Хари и Меган неодамна се вратија во Монтесито по четиридневната посета на Австралија, каде што предизвикаа мешани реакции – од голем јавен интерес до критики за наводно искористување на нивниот кралски статус за деловни цели.

The post ЕМОТИВЕН И ТИВОК ГЕСТ НА ПРИНЦОТ ХАРИ Војводата од Сасекс тајно испратил венец на гробот на неговата баба, кралицата Елизабета II appeared first on plusinfo.mk.