Принцот Хари повторно покажа дека, и покрај неговата оддалеченост од кралското семејство, не ја заборавил својата баба, покојната кралица Елизабета II.

Војводата од Сасекс тајно испрати венец на нејзиниот гроб во замокот Виндзор, одбележувајќи го нејзиниот 100-ти роденден.

Според списанието People, Хари организирал цвеќето да се положи на нејзиното последно почивалиште. Кралицата која почина во 2022 година е погребана покрај нејзиниот сопруг принцот Филип, во меморијалната капела на кралот Џорџ VI, каде што исто така лежат нејзините родители и сестрата, принцезата Маргарет.

Додека Хари остана во Калифорнија, во Лондон во Бакингемската палата се одржа церемонијален прием. Кралот Чарлс и кралицата Камила предводеа собир на високи членови на кралското семејство, вклучувајќи ги принцот Вилијам и принцезата Катерина, принцезата Ана и многу други, во чест на раѓањето и наследството на покојната кралица.

Ова не е прв пат Хари да му оддаде почит на своето семејство на дискретен начин. Минатата година, тој тајно остави писмо и венец од црвени афиони во чест на својот дедо, принцот Филип, на годишнината од Денот на победата над Јапонија. Овој потег, исто така, предизвика критики од некои во јавноста, со оглед на затегнатите односи во семејството во последните години.

Во 2020 година, откако се повлече од кралските должности, Хари остана без воени покровителства и уште тогаш почнаа да се продлабочуваат разликите меѓу него и остатокот од семејството.

И покрај сè, изгледа дека војводата сè уште одржува лична врска со минатото на своето семејство. Од смртта на кралицата во 2022 година, Хари веќе неколку пати го посети нејзиниот гроб, вклучително и на првата годишнина од нејзината смрт.

Во меѓувреме, Хари и Меган неодамна се вратија во Монтесито по четиридневната посета на Австралија, каде што предизвикаа мешани реакции – од голем јавен интерес до критики за наводно искористување на нивниот кралски статус за деловни цели.

The post ЕМОТИВЕН И ТИВОК ГЕСТ НА ПРИНЦОТ ХАРИ Војводата од Сасекс тајно испратил венец на гробот на неговата баба, кралицата Елизабета II appeared first on plusinfo.mk.

Денес, многумина ги сметаат за симбол на стабилност и модерна монархија, но врската на принцот Вилијам и Кејт Мидлтон била поблиску до раскинување отколку што јавноста некогаш знаела.

Новата книга „William and Catherine: The Monarchy’s New Era – The Inside Story“ од Расел Мајерс открива детали за драматичниот период во 2007 година кога нивната љубов висела на конец.

По неколку години врска, на Кејт ѝ било сè потешко да се справи со притисокот од медиумите и очекувањата на јавноста. На нејзиниот 25-ти роденден во 2007 година, десетици фотографи ја пречекале пред нејзиниот стан во Лондон, а инцидентот длабоко ја потресол. Таа му се јавила на Вилијам во солзи и признала дека повеќе не може да издржи таков живот.

Набрзо следеле тензии, а двојката почнала да се оддалечува. Во март истата година, тие се појавиле заедно на трките во Челтнам, но сведоците забележале заладување меѓу нив. Кејт потоа му дала ултиматум – таа не барала свршувачка, но сакала јасно ветување за иднината. Ако Вилијам не може да го даде, била подготвена да си замине.

Идниот британски крал, соочен со сопствените стравови и несигурности, признал дека не може да гарантира брак. Следело раскинување, и двајцата се повлекле. Според книгата, Вилијам во тоа време бил „целосно скршен“, свесен дека може да ја изгуби најважната личност во својот живот.

Во клучен момент, кралицата Елизабета интервенирала, но не како монарх, туку како баба. За време на приватен разговор, кралицата која во тоа време била во брак со принцот Филип цели шест децении, го охрабрила својот внук да им верува на сопствените чувства и да донесе одлука водена од своето срце.

Неколку месеци подоцна, Вилијам го направил првиот чекор и повторно ја контактирал Кејт. Нивната средба на забава покажала дека љубовта не исчезнала. Тие поминале часови зборувајќи за стравовите, притисоците и иднината, и сфатиле дека се подготвени да се борат за својата врска.

Помирувањето го отвори патот за свршувачка во 2010 година и спектакуларна кралска свадба една година подоцна. Денес, тие се родители на три деца – принцот Џорџ, принцезата Шарлот и принцот Луис – и ги носат титулите Принц и Принцеза од Велс.

Од преземањето поголеми кралски должности по смртта на кралицата Елизабета, преку семејните тензии со принцот Хари, па сè до дијагнозата за рак на Кејт во 2024 година, Вилијам и Кејт покажаа силно партнерство.

Според авторот на книгата, нивната најголема сила е комуникацијата и меѓусебната поддршка. Нивната љубовна приказна се смета за еден од најсилните темели на модерната британска монархија.

The post ДОДЕКА БИЛЕ МОМЧЕ И ДЕВОЈКА, ВИЛИЈАМ И КЕЈТ БИЛЕ НА РАБОТ НА РАСКИНУВАЊЕ Која е личноста што ја спасила љубовта на принцот и принцезата од Велс appeared first on plusinfo.mk.

Принцот Вилијам и принцезата од Велс, Кетрин вчера ги предводеа кралските почести во Лондон по повод третата годишнина од смртта на кралицата Елизабета Втора.

Елизабета, најдолговечниот монарх во Велика Британија, почина на 96 години на 8.9.2022 година, во замокот Балморал кој беше нејзиното летно одморалиште во Шкотска.

За одбележувањето на годишнината, принцот Вилијам и принцезата Кејт го посетија Женскиот институт (ЖИ), којшто ѝ бил „близок до срцето“ на покојната кралица, објавија британските медиуми.

Кралицата, инаку, беше член на Женскиот институт 80 години и претседателка на огранокот близу нејзиниот дом во Сандрингам, во источна Англија од 2003 година до својата смрт.

Во истовреме, отуѓениот брат на Вилијам, принцот Хари пристигна во долгоочекуваната посета на Велика Британија, оддавајќи ѝ почит на својата баба на нејзиното последно почивалиште.

Не се очекува средба меѓу Хари и престолонаследникот Вилијам за време на неговата посета на Велика Британија оваа недела. Според гласините, тој би можел да се сретне со својот татко, кралот Чарлс, првпат по 20 месеци.

„Икс“ профилот на кралското семејство објави слика од покојниот монарх со придружна порака: „Сеќавање на кралицата Елизабета Втора, 1926 – 2022“.

Кралот Чарлс моментно престојува во Балморал со својата сопруга, кралицата Камила, и не е најавено нивно јавно одбележување на годишнината од смртта на кралицата Елизабета.

The post НИТУ ГОДИШНИНАТА ОД СМРТТА НА ЕЛИЗАБЕТА НЕМА ДА ГИ ЗБЛИЖИ ВИЛИЈАМ И ХАРИ Принцот и принцезата Кејт со почести за тригодишнината од смртта на кралицата appeared first on plusinfo.mk.

– Мал, изолиран пожар на „ХМС Кралицата Елизабета“ беше ставен под контрола за кратко време, а потоа изгаснат – изјави портпаролот.

Пожарот избувнал додека се симнувала муниција од бродот, а предводникот на британската морнарица требало да замине од Гленмол до Росит, каде било планирано да се поправи оската на пропелерот, поради што овој брод вреден 3 милијарди фунти не можел учествуваат во најголемата вежба на НАТО во последните неколку децении – „Непоколеблив бранител“.

BREAKING

There was a fire on board HMS Queen Elizabeth today. She is currently alongside at Glen Mallan.

Few details are available other than no fatalities.

(Library photo) pic.twitter.com/H3e5ov3i3G

— Navy Lookout (@NavyLookout) March 9, 2024

Оштетувањето на една од клучните компоненти беше откриено минатиот месец, па беше одлучено на вежбата наместо „Кралицата Елизабета“ да се испрати „ХМС Принцот од Велс“. Меѓутоа, поради истекување гориво, пловидбата и на вториот британски носач на авиони е одложена.

Сепак, ова не е ништо невообичаено, бидејќи од воведувањето во оперативна употреба во 2017 и 2019 година, и двата превозници имаа голем број проблеми, па „Кралицата Елизабета“ во 2019 година од непозната причина остана без погон, а неколку дена потоа таму пукнале цевки, што довело до поплавување на неколку ката од овој брод.

Од друга страна, „Принцот од Велс“ двапати беше поплавен само во 2020 година, во 2022 година имаше сличен проблем со вратилото на пропелерот, а при деветмесечната поправка беше откриена и штета на левата оска.

Двата носачи имаат зафатнина од 65.000 тони и од нив може да полетаат палубни варијанти на повеќенаменскиот борбени авион од петтата генерација Ф-35Б. Проблемот е што Велика Британија нема доволен број од овие авиони способни за полетување на кратки писти и вертикално слетување, за да пополни барем еден носач.

Исто така, ниту еден од овие бродови никогаш не пловел со полн екипаж, ниту пак биле опремени со катапулт за „лансирање“ на постари, но поевтини авиони.

– Да имаш ​​расипан носач на авиони од 3 милијарди фунти е несреќа, но да имаш два расипани носачи е немарност. Тоа е срам за морнарицата. Замислете што ќе се случи овој носач на авиони навистина да заплови во војна!? – изјави поранешниот британски секретар за одбрана Марк Франсоа за Дејли Меил.

The post СЕ ЗАПАЛИ „КРАЛИЦАТА ЕЛИЗАБЕТА“ Пожарот на бродот на британската морнарица избил додека симнувале муниција appeared first on plusinfo.mk.

Кралот Чарлс имал повеќе работни денови и повеќе ангажмани во неговата прва година како крал отколку неговата мајка Елизабета во истиот период.

Кралот седна на тронот на 8 септември, по смртта на кралицата Елизабета Втора, и ја презеде функцијата 161 ден откако стана крал. По преземањето на функцијата кралот Чарлс патувал во сите четири земји од Велика Британија и присуствувал на десетици церемонии. Тој извршил вкупно 550 кралски должности, додека Елизабета во првата година од нејзиниот мандат извршила вкупно 400, пишува британски Индипендент.

Инаку, Чарлс дури на 7 ноември ќе го одржи својот прв говор како монарх, во кој во Парламентот ќе ги изнесе приоритетите на британската влада.

Тој во мај 2022 година, одржа ваков говор заменувајќи ја неговата мајка Елизабета Втора која во тоа време беше болна. Но, тогаш тој сè уште беше само наследник на тронот, а сега прв пат ќе зборува пред Парламентот како крал на Велика Британија.

The post КРАЛОТ ЧАРЛС РАБОТИ И ПРЕКУВРЕМЕНО Во првата година како монарх имал 150 кралски должности повеќе од кралицата Елизабета appeared first on plusinfo.mk.

Според документите на ФБИ, заканата доаѓала од Ирската републиканска армија (ИРА).

Полицаец од Сан Франциско ги предупредил агентите на ФБИ дека маж сака да се освети за неговата ќерка, која загинала во Северна Ирска од гумен куршум.

Заканата била упатена на 4 февруари 1983 година, околу еден месец пред посетата на кралицата Елизабета и нејзиниот сопруг принцот Филип на Калифорнија.

Заканувачат планирал да ѝ наштети на кралицата Елизабета со фрлање предмет од мостот Голден гејт врз „Кралската јахта Британија“ или да ја елиминира кралицата за време на нејзината посета на националниот парк Јосемит, се наведува во документот на ФБИ.

Како одговор на заканата, Тајната служба планирала да го затвори мостот Голден гејт за пешаци додека се приближува јахтата, но, не е познато какви мерки биле преземени во Јосемит.

ФБИ не соопшти дали некој бил уапсен.

The post КРАЛИЦАТА ЕЛИЗАБЕТА ИЗБЕГНАЛА АТЕНТАТ КОГА БИЛА ВО АМЕРИКА Сакал да ја одмазди ќерка си која загинала од гумен куршум appeared first on plusinfo.mk.

„На почетокот на оваа година, Британската амбасада во Скопје покрена иницијатива ‘Засади дрво за јубилејот’ за да се одбележи 70-от Платинест јубилеј на Нејзиното величество кралицата Елизабета Втора. Беа поканети сите, од поединци, градови, училишта и компании да дадат свој придонес во збогатувањето на животната средина со засадување на дрво и Британската амбасада во Скопје ја започна иницијативата за засадување дрвја во Северна Македонија. Засадивме повеќе од 70 дрва во дворот на Кабинетот на Претседателот, во дворовите на училишта, градинки и општини. Локалните бизнис компании кои ја поддржаа оваа иницијатива донираа повеќе од половина милион денари за процесот на пошумување“, се вели во соопштението.

Амбасадорот Метју Лосон изјави:

– Бизнис заедницата има клучна улога во справувањето со предизвиците што ги носат климатските промени. Ми претставува задоволство да им се придружувам на претставниците од ЈП Национални шуми, како и на бизнис заедницата од Северна Македонија во Велес, да го помогнеме пошумувањето на оние подрачја во Северна Македонија каде е најмногу потребно. Шумите имаат клучно значење за ограничување на глобалното затоплување на 1.5 степени и прилагодување на климатските влијанија. Би сакал да се заблагодарам на Алкалоид, Kuehne Nagel, Шпаркасе Банка, НЛБ Банка, Универзал груп, Британската детска академија, Квенбергер Логистик и Дени Интернационал за нивната поддршка на иницијативата и за нивниот придонес.

The post БРИТАНСКАТА АМБАСАДА ГО ОДБЕЛЕЖА ПЛАТИНЕСТИОТ ЈУБИЛЕЈ НА КРАЛИЦАТА ЕЛИЗАБЕТА „Акалоид“ е дел од иницијативата „Засади дрво“ (ФОТО) appeared first on plusinfo.mk.

Подготвувајќи се за погребот на кралицата Елизабета Втора, кој започна денеска во 12 часот, Британија се најде пред голема задача

Денеска напладне почна државниот погреб на кралицата Елизабета Втора, британскиот монарх кој на тронот беше 70 години.

Нејзиниот ковчег претходните денови беше во Вестминстерската сала, каде илјадници луѓе со часови чекаа во ред за да и оддадат почит на својата кралица.

Несомнено, смртта на Елизабета Втора, која почина на 8 септември на 96-годишна возраст, погоди многу Британци и добар дел од светот, но… Не можеме да го игнорираме фактот дека Британија се соочи со овој немил настан среде економски колапс, кога фунтата е на најниско ниво во последните 37 години.

Трошоците за погребот на кралицата секако не се мали и ќе се одразат на и онака ранливиот државен буџет. Економски гледано, колку ќе ги чини Британците да ја погребаат својата сакана кралица?

Според порталот albawaba.com, трошоците за цели 10 дена од 11 дена жалост ги покрива кралското семејство, додека тековниот еднодневен државен погреб ќе го покрие владата на Обединетото Кралство.

Проценка е дека само погребот ќе ја чини владата повеќе од 9 милиони фунти, доколку се верува на тврдењата на поранешниот службеник на кралското обезбедување.

Иако оваа бројка ги покрива подготовките за самиот погреб, ковчегот на кралицата, како и трошоците поврзани со пристигнувањето на локални и меѓународни лидери да присуствуваат на погребот, бројката сепак претставува еден од најголемите еднодневни трошоци во историјата на Британија.

Медиумски извори, исто така, истакнаа дека државниот погреб ќе биде една од најголемите полициски операции во Велика Британија, бидејќи разузнавачките агенции ќе соработуваат со лондонската Метрополитен полиција и Тајната служба за да обезбедат целосна безбедност.

И додека цената на погребот покренува многу прашања за способноста на британската економија да преживее толку големи трошоци, во време кога страда од најлошата инфлација во последните 40 години (надминува 10% во август), многумина забележуваат дека 12-дневната жалост имаше уште попогубно влијание врз Обединетото Кралство и граѓаните.

Како што пренесува AJ+, смртта на кралицата ќе ја чини британската економија 6 милијарди фунти, што ги покрива не само трошоците за погреб, туку и крунисувањето на кралот Чарлс III, како и трошоците за сите промени што се очекуваат во земјата за време на новата ера на монархијата, вклучувајќи патни документи, монети и многу повеќе.

Исто така, пресметано е дека станува збор за 90 фунти по човек, ако се земе предвид 65-милионската популација.

Се стравува и дека прекинот на економските активности што се претпоставува денеска, на денот на државниот погреб, ќе има негативно влијание врз економијата на Велика Британија. Потсетуваме дека Хитроу ги суспендираше сите летови за 19 септември.

Експертите укажаа на пад од 0,6% на БДП на Обединетото Кралство во минатиот јуни, поврзан со националните прослави на платинестиот јубилеј на кралицата и други јубилејни церемонии одржани во текот на месецот.

Сегашните проценки, пренесени од „Fox Business“, велат дека денешното „затворање“ на економијата ќе ја чини Британија околу 2,6 милијарди долари. Иако, се очекува пораст на туризмот, но можеби нема да биде доволно профитабилен  и да ги надомести загубите.

Потсетуваме дека само два дена пред смртта на Елизабета Втора, Британија доби нова премиерка Лиз Трас, која ќе продолжи да се бори со економскиот колапс и енергетската криза. Се стравува дека кризата ќе погоди речиси 70 милиони луѓе низ Велика Британија оваа зима.

Во текот на зимата 2021/22, цените на енергијата се зголемија за 27% во Обединетото Кралство, што значи дека зимата 2022/23 ќе бидат уште построги, имајќи ги предвид промените во достапноста на гас за европските земји. Минатиот мај, британските медиуми објавија дека повеќе од 2 милиони луѓе ширум земјата „не можат да си дозволат храна секој ден“.

The post КОЛКУ ЌЕ ГО ЧИНИ ПРОСЕЧНИОТ БРИТАНЕЦ ПОГРЕБОТ НА КРАЛИЦАТА? Економијата на земјата е веќе уништена appeared first on plusinfo.mk.

Стотици илјади луѓе се собраа во Лондон на рутата низ главниот град на Британија за да го кажат своето последно збогум, додека милиони ширум светот го гледаа државниот погреб на телевизија.

Кралот Чарлс Трети и неговите браќа и сестри одеа зад ковчегот додека заминуваше од Вестминстерската опатија по државниот погреб, додека другите членови на кралското семејство патуваа со автомобил.

За време на богослужбата, кралот Чарлс беше видно трогнат и неколку пати за малку ќе заплачеше особено додека се пееше националната химна во Опатијата. Тој во венецот на ковчегот, кој е направен со цвеќиња кои лично ги избрал, стави рачно напишана порака до неговата мајка.

– Во љубов и посветено сеќавање, пишуваше во пораката.

По поворката од Вестминистерската опатија до Велингтон Арх во Хајд Парк ковчегот со возило се пренесува до капелата Свети Џорџ во замокот Виндзор.

Во капелата 15 часот по Гринич ќе се одржи церемонија, по што ќе следи приватна погребна служба на која ќе присуствуваат високи членови на најтесното кралско семејство.

На погребот на кралицата во Вестминстерската опатија присуствуваа околу 2.000 луѓе, меѓу кои и членови на кралски семејства од цела Европа, политичари од сите страни на политичкиот спектар и светски лидери, вклучително и американскиот претседател Џо Бајден и францускиот претседател Емануел Макрон.

Кралот Чарлс и кралицата сопруга Камила одеа веднаш зад ковчегот додека влегуваа во готската црква за богослужбата, по што следеа принцезата Ана и нејзиниот сопруг вицеадмиралот Тим Лоренс, потоа принцот Ендрју, а зад него и принцот Едвард и неговата сопруга Софи.

Принцот Џорџ и принцезата Шарлот беа со своите родители Вилијам и Кејт, а беа следени од принцот Хари и неговата сопруга Меган и други членови на кралското семејство.

За време на својата проповед, надбискупот од Кентербери Џастин Велби рече дека изливот на емоции за кралицата „произлегува од нејзиниот изобилен живот и служба со љубов, која сега ја нема”.

Велби ја опиша кралицата дека допрела „мноштво животи” и оти била „радост” за многумина.

– Луѓето кои служат со љубов се ретки во која било област од животот. Водачите кои служат со љубов сè уште се поретки. Но во сите случаи оние кои служат ќе бидат сакани и запаметени кога ќе се заборават оние кои се држат до власта и привилегиите, рече тој.

– Тагата на овој ден – што ја чувствува не само семејството на покојната кралица, туку и целата нација, Комонвелтот и светот – произлегува од нејзиниот изобилен живот и служба со љубов, кои сега ги нема, додаде.

Велби, стоејќи во црквата каде што кралеви и кралици се крунисани од 1066 година, исто така рече дека кралицата на својот 21-ви роденден изјавила „дека целиот нејзин живот ќе биде посветен на служење на нацијата и Комонвелтот”.

Тој додаде: „Ретко кога такво ветување е толку добро одржано. Малкумина лидери го добиваат изливот на љубов што го видовме”.

Помеѓу химните испеани на богослужбата, беше изведена и „Господ е мојот пастир” која се пееше и на свадбата на кралицата со војводата од Единбург во опатијата во 1947 година.

Последен од кралицата во Вестминистерската опатија се прости кралскиот гајдаџија, полицаец од прва класа, Пол Брнс кој ја отсвире традиционалната тажалка „Спиј, мила, спиј”. Беа отсвирени и The Last Post, Reveille и националната химна.

Вечерва во Виндзор ќе се одржи приватен погреб со високи членови на кралското семејство, каде што кралицата повторно ќе се соедини со нејзиниот сопруг, војводата од Единбург.

Последното почивалиште на кралицата ќе биде меморијалната капела на кралот Џорџ Шести, анекс на главната капела каде што биле погребани нејзината мајка и татко, заедно со пепелта на нејзината сестра, принцезата Маргарет.

Ковчегот на Филип ќе се премести од кралскиот свод во меморијалната капела за да биде до ковчегот на кралицата.

Денешниот државен погреб на кралицата Елизабета Втора се смета за најголемата безбедносна операција во истортијата на Велика Британија, надминувајќи ја операцијата за платинестиот јубилеен викенд и Олимпијадата во Лондон 2012 година.

The post ЗАВРШИ ДРЖАВНИЧКИОТ ПОГРЕБ Кралицата за последен пат патува до замокот Виндзор (ВО ЖИВО) appeared first on plusinfo.mk.

Поранешниот англиски репрезентативец, Дејвид Бекам (47) беше забележан од страна на новинарите меѓу илјадниците Британци кои со часови чекаат пред Вестминстер хол да и оддадат последна почит на Кралицата Елизабета.

Бекам откри дека чекал 13 часа, тој ги придоби симпатиите од останатите бидејќи не ја искористил својата популарност за да помине преку ред.

„Мислев дека ако дојдам во 2 часот по полноќ редот ќе биде помал, ама се излажав“, се пошегува тој за Скај њуз, а подоцна додаде: „Посебно е да се биде овде“.

– Пораснав во благородничко семејство и така сум воспитан. Да беа денес живи моите баба и дедо, знам дека би сакале да бидат тука. Значи, јас сум тука во нивно име и во име на моето семејство и очигледно со сите други овде – објасни Бекам.

Светски познатиот фудбалер знаел дека денот кога ќе умре кралицата ќе биде мачен.

– Тешко е за нацијата, тешко е за сите во светот затоа што мислам дека сите го чувствуваат тоа. Нашите мисли се со семејството и очигледно со сите овде дене – рече тој.

‘I was so lucky I was able to have a few moments in my life to be around Her Majesty

‘A sad day but it’s a day to remember the incredible legacy she left’

David Beckham told ITV News’ @neilconneryitv he’s queued 12 hours to see the Queen Lying in Statehttps://t.co/tMtgIn9Bst pic.twitter.com/vPYR8SObXB

— ITV News (@itvnews) September 16, 2022

Додека чекал во редот Бекам уживал во приказните што луѓето ги раскажувале за кралицата Елизабета Втора.

Поранешниот капитен на Англија изјави дека имал голема среќа што ја запознал кралицата и ја сретнал многу пати во неговата кариера.

Во 2003 година Бекам ја доби наградата „OBE“ за неговиот придонес во фудбалот, OBE е кратенка за Офицер на Редот на Британската Империја.

Тој изјави дека тоа бил неговиот најпосебен момент со кралицата. „Ги земав баба ми и дедо ми со мене, кои навистина ме воспитаа да бидам голем ројалист и обожавател на кралското семејство, па сакав да бидат таму, а таму беше и мојата сопруга. Ѝ поставував прашања и разговарав со неа, бев многу среќен што имав неколку такви моменти во животот, што бев покрај нејзиното височество“.

– Ова е тажен ден, но и ден да се потсетиме на неверојатното наследство што таа го остави зад себе. Сите сакаат да бидат тука за да бидат дел од овој историски момент и да го слават она што Нејзиното Височество го направи за нас – додаде тој.

После 13 часа, Бекам конечно го видел ковчегот на кралицата Елизабета Втора. Скај њуз објави дека тој бил во солзи после тој посебен момент.

Редот граѓани кои чекаат да ѝ оддадат чест на починатата кралица Елизабета Втора во Вестминстер во Лондон и понатаму е близу вкупниот капацитет со очекувано време на чекање од 24 часа, според владината програма за следење на редовите во живо.

На граѓаните им се советува да не патуваат за да се придружат во редот.

Лондонските служби за итна помош апелираа луѓето да понесат лекови доколку примаат одредена терапија и соодветна облека додека чекаат во редот. Исто така, службата вели дека е важно да се обезбедат редовни оброци и течности во доволни количини.

David Beckham has been queuing for 12 hours to pay his respects to the late Queen Elizabeth II

(via @BBCVickiYoung)pic.twitter.com/xTvpJxB4kz

— ESPN FC (@ESPNFC) September 16, 2022

The post БЕКАМ ПОВТОРНО ГИ ВООДУШЕВИ АНГЛИЧАНИТЕ Дејвид чекаше 13 часа во ред за да се поклони пред ковчегот на Кралицата (ВИДЕО) appeared first on plusinfo.mk.