Имотот се наоѓа на околу 40 километри од Париз. Замокот има површина од 2.500 квадратни метри и во него има 100 соби.

French Chateau, Once Owned by the Rothschild Family and the King of Morocco, Selling for €425 Million https://t.co/mQP9eFRola

— Mansion Global (@MansionGlobal) April 17, 2024

Луксузниот објект кој во својот склоп има и приватно езеро, е изграден врз темелите на замокот од 12 век. Семејството Ротшилд го купило кон крајот на 19 век, а потоа го купил кралот Хасан Втори од Мароко во 80-тите години од минатиот век. Тој го реновирал замокот и направил повеќе промени, вклучувајќи изградба на бања, козметички и фризерски салон и целосно опремени медицински и стоматолошки ординации. Исто така, тука сега се наоѓаат и марокански мозаици и ѕидни плочки, како и штала за 50 коњи.

Во склоп на замокот изградено е и подрумско ниво каде што се наоѓа огромна мрежа на тунели, кујни, складишта и соби за персоналот.

Кралското семејство во 2008 година ја продало куќата за 200 милиони евра на анонимен купувач од Блискиот Исток, а тој сега одново ја става на продажба луксузната куќа. Француските експерти за недвижности сметаат дека цената е превисока.

-Тешко дека недвижности од овој тип може да се продаваат за 20-25, или за дури 30 милиони евра ако навистина му се допаднат на купувачот. Но 420 милиони евра навистина е нереална цена – истакнува француски агент за недвижности.

The post 📷 СЕ ПРОДАВА НАЈСКАПАТА КУЌА ВО СВЕТОТ Замокот во кој живеел кралот на Мароко е проценет на 420 милиони евра! appeared first on plusinfo.mk.