кпд идризово Archives - plusinfo.mk

РАЗРЕШЕН ДИРЕКТОРОТ НА КПД ЗАТВОР СКОПЈЕ Владата усвои повеќе кадровски промени

плусинфо — Wed, 24 Jul 2024 15:19:02 +0000

По констатираните неправилности од Управата за извршување на санкции во работењето на КПУ Затвор Скопје – Скопје, разрешен е директорот на затворот, Филип Андов. На негово назначен е Бобан Утковски за в.д. директор на КПД Затвор – Скопје.

На денешната владина седница беа донесени повеќе кадровски одлуки.

Фадил Асани е именува за в.д. заменик на директорот на Агенција за храна и вeтеринарство.

Зоран Крстаноски е назначен за директор на Управата за имотно-правни работи.

Илија Стоилев е именуван за в.д. директор на Агенцијата за финансиска поддршка во земјоделството и руралниот развој.

Фадиљ Асани е именуван за в.д. заменик на директорот на Агенцијата за финансиска поддршка во земјоделството и руралниот развој.

Христина Смилевска е именувана за в.д. заменик на директорот на Агенција за стоковни резерви.

Ибрахим Ељези на предлог на директорот на Управата за извршување на санкции е именуван за в.д. заменик на директорот на КПД Идризово со отворено одделение во Велес.

Дејанчо Здравков на предлог на директорот на Управата за извршување на санкции е именуван за в.д. директор на КПУ Затвор Штип.

Ѓорги Хубрев на предлог на директорот на Управата за извршување на санкции е именуван за в.д. заменик на директорот на КПУ Затвор Штип.

Емил Јанески на предлог на директорот на Управата за извршување на санкции е именуван за в.д. директор на КПД Прилеп.

Диме Наумчески на предлог на директорот на Управата за извршување на санкции е именуван за в.д. заменик на директорот на КПД Прилеп.

Ардит Мустафаи на предлог на директорот на Управата за извршување на санкции е именуван за в.д. директор на КПД од отворен вид Струга.

Александар Мојсов на предлог на директорот на Управата за извршување на санкции е именуван за в.д. заменик на директорот на КПД од отворен вид Струга.

Александар Јовковски на предлог на директорот на Управата за извршување на санкции е именуван за в.д. директор на КПД Затвор Битола.

Слаѓана Стаменковска на предлог на директорот на Управата за извршување на санкции е именувана за в.д. директор на КПД Затвор Гевгелија.

Оливер Цветковски на предлог на директорот на Управата за извршување на санкции е именувана за в.д. директор на КПУ Затвор Куманово со отворено одделение во Крива Паланка.

Хамид Алитовиќ на предлог на директорот на Управата за извршување на санкции е именуван за в.д. заменик на директорот на КПУ Затвор Куманово со отворено одделение во Крива Паланка.

Климент Софковски на предлог на директорот на Управата за извршување на санкции е именуван за в.д. директор на КПД Затвор Охрид.

Мите Костески на предлог на директорот на Управата за извршување на санкции е именуван за в.д. заменик на директорот на КПД Затвор Охрид.

Зоран Ристов на предлог на директорот на Управата за извршување на санкции е именуван за в.д. директор на КПД Затвор Струмица.

Игор Додевски е именуван за в.д. заменик на директорот на Казнено поправна установа Затвор Тетово.

Бране Стојчески на предлог на директорот на Управата за извршување на санкции е именуван за в.д. директор на ВПУ Воспитно – поправен дом Тетово.

Од должноста претседател и членови на Управниот одбор на Фонд за иновации и технолошки развој, Владата ги разреши: од претседател Моника Младеновиќ, од членови: Фатљуме Реџа-Лусњанин, Наташа Гешоска, Шерефедин Ибиши, Љубомир Поповски, Дардан Селмани и Адријан Фазлија, а за нови членови да ги именува: Иво Николов, Благоја Денковски, Кирил Ковчегарски и Бојана Наумоска за период од три години, Нада Цветкоска, Маријана Ѓорѓиевска и Благојче Лазороски за период од две години.

Владата му препорача на Управниот одбор на ЈП за одржување и заштита на магистралните и регионалните патишта – Скопје од должноста директор на ЈП за одржување и заштита на магистралните и регионалните патишта – Скопје, да го разреши Костадин Ацевски, а за в.д. директор да го избере Нуредин Фетаи.

Владата му препорача на Управниот одбор на Јавно претпријатие за Државни патишта за в.д. заменик директор на Јавно претпријатие за Државни патишта да го избере Назим Таипи.

The post РАЗРЕШЕН ДИРЕКТОРОТ НА КПД ЗАТВОР СКОПЈЕ Владата усвои повеќе кадровски промени appeared first on plusinfo.mk.

СПРЕЧЕНО „ФИЛМСКО“ БЕГСТВО ОД ЗАТВОРОТ ИДРИЗОВО Пронајдени два тунели низ кои затворениците се подготвувале да избегаат

плусинфо — Thu, 11 Apr 2024 19:41:49 +0000

Филмско бекство се подговувало во најголемиот македонски затвор КПД Идризово. Во затворот се откриени два тунела кои требало да бидат употребени за бегство на непознат број затвореници. Бекството е спречено, а полицијата денеска вршела претрес во затворот, пренесува „360 степени“.

Во единственото официјално соопштение од Обвинителството што е објавено досега, потврдено е дека имало претрес во КПД Идризово со цел, како што е наведено „за обезбедување доказен материјал“.

„Во акција координирана од Основното јавно обвинителство Скопје, поради сомневања за кривично-правни дејствија, утрово се извршени претреси во КПУ ’Идризово’ – Скопје со цел обезбедување доказен материјал“ – соопштија од Обвинителството.
Претресот во повеќе простории на затворот Идризово потврден е и од МВР.

„Министерството за внатрешни работи ја известува јавноста дека денеска (11.4.2024 г.) под координација на ОЈО Скопје и по барање на КПУ ’Идризово’, даде асистенција на затворот во вршење на претреси на повеќе простории со цел обезбедување доказен материјал поради сомневања за кривичноправни дејствија. Претресите се завршени и сите активности поминаа без никакви проблеми“ – соопштија од МВР.

The post СПРЕЧЕНО „ФИЛМСКО“ БЕГСТВО ОД ЗАТВОРОТ ИДРИЗОВО Пронајдени два тунели низ кои затворениците се подготвувале да избегаат appeared first on plusinfo.mk.

КОМАНДИРОТ ОД „ИДРИЗОВО“ ШТО УЧЕСТВУВАЛ ВО ФИЛМСКОТО БЕГСТВО НА ОСУДЕНИК ЌЕ ЛЕЖИ 3 ГОДИНИ Затворски казни и за тројца полицајци

плусинфо — Fri, 01 Sep 2023 10:37:07 +0000

Полицискиот командир Срѓан Димитриевски, поради филмското бегство од затвор на осуденикот Беким Мемети, доби затворска казна од 3 години.

Мемети беше осуден на казна затвор над 20 години затвор, но избега со помош на командирот и тројца полицајци од КПД „Идризово“, кои признаа вина.

Затворскиот полицаец Трајче Ацковски исто така доби 3 години затвор, додека И.А., кој учествувал во планот за бегство, добил казна затвор од 1 година и шест месеци.

На вработениот во „Идризово“, Т.П., му е досудена условна казна.

После инцидентот во „Идризово“, партијата Левица објави дека суспендираниот командир Срѓан Димитриевски бил дел од параполицијата која учествуваше на инцидентите за Илинденската прослава. ОБјавена е и фотографија на Димитриевски со претседателот Стево Пендаровски.

Тогаѓниот шеф на Димитриевски, Марјан Спасовски, изјави дека знаел за командирот Срѓан Димитриевски претходно бил избркан поради примање мито. Во еден друг инцидент, Срѓан Димитриевски бил на смена кога бил претепан млад затвореник од ромска припадност, за што постои сомнеж дека и самиот тој бил инволвиран.

КОМАНДИРОТ СРЃАН СО БОГАТО ДОСИЕ НА ИНЦИДЕНТИ Жесток фраер под заштита на Марјан Спасовски, директорот на Управата за извршување на санкциите, обвинува Левица

The post КОМАНДИРОТ ОД „ИДРИЗОВО“ ШТО УЧЕСТВУВАЛ ВО ФИЛМСКОТО БЕГСТВО НА ОСУДЕНИК ЌЕ ЛЕЖИ 3 ГОДИНИ Затворски казни и за тројца полицајци appeared first on plusinfo.mk.