Реагираше и Здружението на новинари на Македонија. Тоа побара Владата да ги почитува здравствените протоколи за медиумско покривање на настани во затворен простор.

– По добиени поплаки од страна на членови на секцијата на сниматели при ЗНМ, апелираме дека Владата треба да ги почитува здравствените протоколи за медиумско покривање на настани во затворен простор. Имено, на фотографиите од денешниот настан може да се забележи дека снимателите немаат безбедни услови за работа поради несоодветниот простор во кој нема речиси никаква дистанца помеѓу медиумските работници, а со тоа директно се изложени на здравствен ризик по нивното здравје – наведува ЗНМ.

Здружението бара од Владата кога има ваков тип настани за медиумите во иднина да се обезбедат соодветни услови за нивна работа и строго да ги почитуваат здравствените протоколи предвидени за јавни настани.

The post ЗНМ СО БАРАЊЕ ДО ВЛАДАТА Да се почитуваат ковид-протоколите, загрижени сме за здравјето на медиумските работници appeared first on plusinfo.mk.

Од ЈСП „Скопје“ информираат дека по речиси година и половина неработење од следната недела ќе започне да функционира Жичницата која пренесува патници до врвот на Водно.

Имено, како што велат од ова јавно претпријатие, завршени се сите неопходни процедури за пуштање на објектот во функција од технички и безбедносен аспект, а одобрен е и Протоколот за работа на Жичарницата во услови на ковид-19.

– Согласно протоколот за користење на Жичарницата во услови на ковид-19, меѓудругото, предвидено е: во кабина да се дозволи превоз на максимум 4 лица, односно искористеност на 50 отсто од вкупниот капацитет на кабината, патниците да носат заштитна маска, три пати во текот на денот да се врши дезинфекција на подот и внатрешноста на кабините – објаснуваат од ЈСП „Скопје“.

Инаку, жичницата престана да работи на 15.03.2020 година, како една од мерките за заштита од ковид-19.

The post СО МАСКА И ПО ЧЕТВОРИЦА ВО КАБИНА Следната недела во функција се враќа Жичарницата на Водно appeared first on plusinfo.mk.

Министерството за транспорт и врски претходно соопшти дека „Беса Транс БТБ“ со адреса на улица 1 број 1 во село Рашче, Скопје, имала важечка лиценца до 8 август следната година.

– Кон барањето е доставена целокупната документација согласно член 8 од Законот за превоз во патниот сообраќај, со што превозникот ги исполнил условите предвидени во Законот и му е издадена лиценца за вршење на меѓународен слободен превоз на патници. Со барањето за добивање на лиценца за вршење на меѓународен слободен превоз на патници, превозникот ги исполнил условите за добивање на лиценца и издадена му е лиценца за вршење на меѓународен слободен превоз на патници со сериски број 007017 со важност од 08.08.2018 година до 08.08.2022 година. Од тој момент превозникот се нема обратено до Министерството за транспорт и врски, Сектор за патен сообраќај, со поднесено барање за добивање на извод од лиценца за ново набавено возило, соопшти Министерството за транспорт и врски.

Компанијата досега немала сообраќајни незгоди, но како што изјави шефицата на ОЈО Вилма Рускоска, мора да се провери соодветната документација за техничката состојба на автобусите. Според првичните информации, автобус бил нов и во функција е само три години.

Автобусот со македонска регистрација влегол во Бугарија од Турција преку граничниот премин „Капитан Андреево“ нешто по 21 часот, а несреќата се случила околу 2 часот по македонско време на магистралниот пат „Струма“ на потегот Софија – Благоевград

The post АВТОБУСОТ БИЛ ВО ФУНКЦИЈА САМО 3 ГОДИНИ „Беса транс“ годинава со 4 кривични за непочитување на ковид-протоколите appeared first on plusinfo.mk.

Ова го забрзува целиот процес, што значи дека до крајот на годинава, најдоцна во јануари 2022 треба да бидат објавени податоците – ќе добиеме точна бројка колку не има во државата и каде сме точно распоредени, ќе се добие прецизна слика за половата, старосната, образовната, економската структура на населението, бројот на објекти и слика на условите за живеење на населението.

Директорот на Државниот завод за статистика Апостол Симовски вели дека по успешно спроведениот попис овој септември, нашата држава, во наредниот циклус на пописи околу 2030 година, ќе може да спроведе попис целосно базиран на регистри.

– Протоколот што е подготвен за спроведување на Попис во време на пандемија со ковид-19 е многу строг и прецизен. Нашите попишувачи се запознаени со Протоколот, веќе им се распределени заштитени маски КН95 и средства за дезинфекција и точно знаат како треба да се однесуваат и што треба да направат при влегување во едно домаќинство. А тоа е:

– правилно да ја носат маската, да побараат од домаќинот, доколку не носи маска, да стави маска, да ги дезинфицираат рацете пред да влезат во домот како и лаптопот со кој ќе го вршат попишувањето и доколку попишувањето се врши во затворен простор, да замолат да се отворат прозорците и распоредот на седење да биде со задолжителна дистанца од најмалку 2 метра.

– Секаде каде што дозволуваат условите се препорачува попишувањето да се спроведува на отворен простор и мислам дека временските прилики ќе ни го дозволат тоа – вели Симовски.

Тој објасни дека комбинираниот модел на попишување подразбира одење на терен, односно попишување лице в лице и користење на податоци од бази.

– Тоа подразбира прибирање на податоци директно од населението на терен и користење на податоци од таканаречената Претпописна база на податоци која е компилирана од повеќе бази кои постојат во државата и чијшто квалитет е анализиран и проверен. Со внесувањето на матичниот број на граѓанинот во пописната апликација, автоматски се повлекуваат сите податоци што за тоа лице постојат во базите во државата.

Секако остануваат прашања на кои лицето ќе мора да даде одговор бидејќи за тоа не постојат записи во базите, а ова особено се однесува на чувствителните прашања за етничка припадност, вероисповед, мајчин јазик и јазик кој вообичаено се зборува во домаќинството. Ова се прашања со кои се искажува лично чувство и затоа се внесуваат одговори онака како што ќе се изјасни лицето – објаснува Симовски.

Пописот ќе трае од 5 до 30 септември, а според Законот за Попис, Заводот има обврска да ги објави податоците 6 месеци по  завршувањето на теренските активности. Сепак, тој верува дека ќе успеат да ги завршат обработките многу порано и до крајот на годинава, најдоцна во јануари 2022 да ги објават податоците.

Согласно Законот за попис, граѓаните кои се во странство може да се самопопишат на веб страницата на ДЗС до 30 септември. Досега се самопопишаа приближно 191 000 македонски државјани во странство.

The post ЗА ЧЕТИРИ МЕСЕЦИ ЌЕ ДОЗНАЕМЕ КОЛКУ СМЕ НА БРОЈ Пописот почнува утре appeared first on plusinfo.mk.

Станува збор за најсовремениот и најмодерно опремен центар за здрав живот во земјава кој на едно место нуди комплетна интегрирана грижа за здрав живот – физикална медицина и рехабилитација, нутриција и диетологија, функционален фитнес, мат, реформер и кадилак пилатес, аеробик и кик-фит аеробик, јога, сите видови масажи, парна бања и финска сауна и во него работи докажан тим на доктори, физиотерапевти, доктор по спортска медицина, нутриционисти, професионални тренери и сертифицирани инструктори со долгогодишно искуство зад себе. Цените за сите услуги кои се нудат во Premium центарот од физикална терапија, нутриција па сè до пакетите за вежбање во најмодерно опремената фитнес сала се достапни и конкурентни, а клиентите добиваат врвни и професионални услуги од стручен и искусен тим.

Covid – safe според сите безбедносни протоколи

Premium Physical Therapy & Sport Center работи според строги ковид-протоколи. Сместен на приземје располага со природна вентилација, целосно е одвоен од болницата и се врши редовна дезинфекција на целиот објект и на справите за вежбање, кои се поставени на безбедно растојание, а бројот на посетители во салите за вежбање е ограничен на максимум 15 лица.

– Нашите заложби за здрав живот ги препознаа голем број истакнати спортисти кои оставиле траен белег во македонскиот спорт – најдобриот ракометар на сите времиња и селектор на машката ракометната репрезентација, Кире Лазаров, актуелниот претседател на Кошаркарската федерација на Македонија и поранешен истакнат кошаркар, Перо Антиќ, еден од најдобрите македонски фудбалери и актуелен капитен на фудбалската федерација на Македонија, Горан Пандев, поранешниот капитен на женската ракометна репрезентација, голманката Гордана Нацева, како и поранешниот борач во слободен стил и олимпски шампион Шабан Трстена. За нас е огромна чест што токму вакви врвни спортисти кои повеќепати ја направиле нашата земја горда се наши бренд-амбасадори. За нивните достигнувања во спортот ќе бидат одликувани со свои портрети во Premium Physical Therapy & Sport Center – велат од компанијата.

Центар за физикална терапија со единствена хидролента во земјава

Центарот за физикална терапија и рехабилитација, сместен на површина од околу 300 метри кавадратни, е опремен со најсовремена апаратура, простории за рехабилитациска терапија и нуди можност за превенција и третман на сите спортски повреди, патолошки состојби и болести, вклучувајќи индивидуален планови за третман и вежби. Единствен во Македонија располага со подводна хидролента за изведување хидротерапија. Хидролентата е одлична при започнувањето со физичка активност кај лица кои сакаат да ја намалат телесната тежина или имаат болки во грбот и зглобовите, ‘рбетот и при третман на скршеници и други травматски повреди. Предноста на подводната хидролента е елиминирање на земјината тежа, намалување на притисокот врз зглобовите и јакнење на мускулатурата. Хидролентата наоѓа примена при рехабилитација на скршеници и хируршки интервенции на дискус хернија, но сè почесто се користи и како подготовка во тренинг-процесите на професионалните и аматерските спортисти. Токму во центарот за физикална терапија и рехабилитација голем број спортисти, меѓу кои и ракометниот репрезентативец Стојанче Стоилов, години наназад успешно се рехабилитираат и подготвуваат за враќање на терените.

Физикалната терапија и рехабилитација дава можност и за лекување пациенти кои од кои било причини не смеат да примаат лекови или да подлежат на хируршки третман, пациенти со хронични заболувања или пациенти со ограничени, односно изгубени моторни функции. Истата се применува и по извршена операција заради враќање на нормалните функции на телото или кога постои ризик од прогресирање на болеста. Физикалната терапија се користи при третман на дисфункционалности при ревматолошки заболувања, постоперативна рана кардиорехабилитација, рехабилитација при невролошки заболувања и при третман при дегенеративни заболувања на целиот мускулно-скелетен систем. Центарот за физикална терапија содржи и две најмодерно опремени ВИП-соби за масажа и нуди спортска, медицинска и релаксациска масажа и нив ги изведуваат врвни физиотерапевти. Дополнително Premium центарот за здрав живот располага со парна бања и финска сауна, а за посетителите на располагање се и интегративни медицински услуги – миофасцијална релаксациска масажа, електроакупунктура, ласерска акупунктура, киропрактика, dry needling, sujok терапија, како и  trigger points третман.

Врвно опремена фитнес-сала

На површина од над 500 метри квадратни, во еден од најголемите фитнес-центри во земјава на располагање се над 40 справи за вежбање од светски познат бренд Technogym – technogym excite кардиосправи (ленти за трчање, елиптични справи, степери, вариосправи, велосипеди – Skill Bike,  Skill Row, Skill Mill), Technogym Skill tools (над 20 справи и реквизити за функционален тренинг), целосно опремен дел за функционален фитнес и тренинзи за сила и кондиција (monkey bars, trx  suspension trainer, battle ropes, Bulgarian bags, power bag, slam ball, medicine ball, wall ball, kettlebell, jump box), како и симулатор на нордиско скијање (Concept 2 Ski erg). Секој посетител пред да започне со вежбање прави физикален преглед и InBody scan (детален приказ на целото тело) со што се одредува степенот на моментална подготвеност на телото за почеток на тренажен процес и понатаму овозможува евалуација на резултатите од физичката активност. Дополнително, секој клиент поминува основен кардиолошки преглед и прави лабораториска анализа на крвта. Кондициските и сите останати тренинзи ги изведуваат искусни и сертифицирани тренери со над 10-годишно искуство зад себе. Центарот располага и со специјални справи за реформер и кадилак пилатес, како и кик-фит аеробик. Во центарот се нуди можност како за индивидуални тренинзи, така и за тренинзи со свој личен тренер. Тренинзите можат да се одвиваат под мониторинг на физиотерапевтите, физијатрите и нутриционистите, благодарение на комплетно интегрираниот пристап што го нуди Premium Physical Therapy & Sport центарот.

Центарот за здрав живот за своите клиенти нуди и Healthy living пакети, кои вклучуваат користење на спортскиот центар, парната бања и сауната, а цената се одредува врз основа на периодот од денот кога клиентот ќе го посетува центарот, односно дали тоа ќе биде во пик периодот од 6 до 10 часот и од 16 до 22 часот, или во периодот од 10 до 16 часот. Gold годишен пакет со вклучени 150 тренинзи во спортскиот центар во пик периодите и 150 посети на парната бања и финска сауна, нутриционистички и кардиолошки преглед, лабораториски испитувања, InBody скрининг на месечно ниво и месечен план за исхрана чини 1.200 евра, а полугодишниот пакет со истите услуги 75 тренинзи и исто толку посети на парната бања и финската сауна е 700 евра. Цените на Silver годишен и полугодишен пакет кои се однесуваат на тренирање надвор од пик периодите, односно од 10 до 16 часот, изнесуваат 800 и 450 евра и во ваквите пакети не се вклучени лабораториски испитувања и кардиолошки преглед. Секој посетител на Premium Sport Center добива VIP Golden или VIP Silver картичка и се стекнува со низа дополнителни бенефиции. Golden картичката вклучува 10% попуст при користење на здравствени услуги во „Аџибадем Систина“, еднокреветна соба за хоспитални услуги, 10% попуст во ресторан SushiCo, до 10% попуст на сите масажи, кик-фит, групни тренизни и физикални терапии во центарот. Додека со Silver картичката се добива 5% попуст при користење на здравствени услуги во „Аџибадем Систина“, 5% попуст во ресторан SushiCo и 5% попуст на сите масажи, кик-фит, групни тренизни и физикални терапии во центарот. Како можност за покривање на полугодишниот или годишниот пакет во Premium Physical Therapy & Sport Center може да се искористи и Медиплус кредитот на Стопанска банка а.д. Битола, кој покрај тоа што е наменет за бескаматно кредитирање на сите медицински услуги во КБ „Аџибадем Систина“, може да биде целосно наменет и за услугите кои ги нуди Premium Physical Therapy & Sport Center. Доколку намената на средствата е конкретно за услугите на Premium Physical Therapy & Sport Center, максималниот износ на кредит кој може да се подигне е до 1.200 евра со 0% камата.

Во насока на заштита на здравјето и превенција од ширење на ковид-19, освен што бројот на посетители е ограничен на 15 лица со препорачана дистанца помеѓу нив, постојано проветрување на просториите (на секои 90 минути) и дезинфекција на целиот објект, исто така сите професионални тренери и вработени во центарот постојано на себе носат заштитни маски. Посетителите на Premium Physical Therapy & Sport Center при „Аџибадем Систина“, согласно правилникот, исто така треба да носат медицински заштитни маски. За сите корисници на услугите кои ги нуди Premium центарот е обезбеден
бесплатен паркинг-простор непосредно пред самиот влез.

Најсовремена нутриција и диетологија

Во склоп на Premium центарот функционира и Одделот за диетологија и нутриција, којшто нуди интегриран пристап во превенцијата и лекувањето на сите здравствени состојби и болести кај кои промените на животниот стил и начинот на исхрана се дел од терапијата. Кабинетите за диетологија се опремени со најсовремена дијагностичка апаратура и во нив можат да се направат сите неопходни антропометриски, биохемиски и физиолошки анализи и мерења со цел да се утврди здравствената состојба и нутритивниот статус. Со стандардниот преглед и добиените резултати од анализите се врши соодветна корекција на исхраната, адаптација на суплементација (додатоци на исхрана) и се укажува на потребата од промена на животниот стил. Во центарот за здрав живот работат високостручни и искусни нутриционисти кои нудат индивидуални планови за исхрана при прекумерна телесна тежина, исхрана кај спортисти, исхрана во бременост и доење, исхрана во менопауза и андропауза, исхрана кај стари лица, исхрана при интолеранција на глутен и лактоза и исхрана во пубертет и адолесценција.

The post „Аџибадем Систина“ отвора Premium Physical therapy&Sport Center – интегрирана приказна за здрав живот (ГАЛЕРИЈА) appeared first on plusinfo.mk.