Според Коџабашев, јасно е дека станува збор за оттргнување на вниманието на јавноста од борбата на Бугарите за права во Северна Македонија.

– Физичко лице, кое се претставува како дел од непостоечка невладина организација, изнајмил приватен простор од друго физичко лице. Семејството на Никола Вапцаров е револтирано од употребата на името на поетот во ваквите провокации, не дало дозвола и го нагласува бугарското самоопределување на поетот – нагласи Коџабашев.

На отворањето на културниот клуб ќе присуствуваат две македонски партии – ВМРО-ДПМНЕ и Левица. Од друга страна, партијата ВМРО-Бугарско национално движење подготвува протест. Заменик министерот Коџабашев го повика народот во Благоевград да реагира мирно и „да не подлегнува на провокации“.

The post МАКЕДОНСКАТА ОПОЗИЦИЈА ПОДГРЕВА ТЕНЗИИ Официјална Софија за отворањето на клубот „Никола Вапцаров“ appeared first on plusinfo.mk.

– Во таа насока, принудени сме да ја потсетиме земјата која е кандидат за членство во Европската Унија дека европската практика и законодавните иницијативи кои се однесуваат на правото на здружување, се водени од желбата да се олесни, а не да се попречи создавањето и функционирањето на граѓански организации и здруженија – истакна Коџабашев.

Тој нагласи дека согласно одлуката на бугарското Народно собрание од 24 јуни 2022 година, Бугарија ќе ја поддржи европската интеграција на Северна Македонија само под услов доколку се гарантираат правата на Бугарите во земјата, додавајќи дека „последните законски измени во Скопје противречат на тој услов“.

Според него, крајно е неприфатливо да се користи наратив, вклучително и законодавни иницијативи со кои непринципиелно се искористуваат теми поврзани со фашизмот, антисемитизмот и тероризмот со цел да се ограничат основните права и да се влошат добрососедските односи.

– Категорично ги отфрламе обидите за наметнување селективни, еднострани историски толкувања – додаде Коџабашев.

Тој потсети дека согласно Договорот за добрососедство создадена е посебна Комисија за „надминување на историските противречности“ и нејзините активности „не може да се заменат со ниту една новоформирана структура“.

The post ЗАКОНСКИТЕ ИЗМЕНИ ЌЕ ГИ ЗАГРОЗАТ ПРАВАТА НА БУГАРИТЕ Софија го обвинува Скопје дека ги влошува соседските односи appeared first on plusinfo.mk.