Вселенското летало „Шенжоу-20“ е прогласено за несоодветно за безбедно враќање на астронаутите, така што ќе остане во Вселената и ќе продолжи со научни експерименти, соопшти Кинеската вселенска агенција за летање со човечка посада (КМСА).

Враќањето, првично закажано за 5 ноември, беше одложено поради сомневање за мал удар од вселенски отпадоци (остатоци од други летала) врз вселенското летало „Шенжоу-20“.

На прозорецот од капсулата, имено, се пронајдени мали пукнатини, најверојатно предизвикани од удар од вселенски отпад. Затоа, екипажот на „Шенжоу-20“ ќе се врати на Земјата со вселенското летало „Шенжоу-21“. Астронаутите Чен Донг, Чен Жонгруи и Ванг Џие се во добра состојба, а сите системи за враќање на посадата се целосно подготвени, соопшти КМСА.

Кинеските власти претходно соопштија дека нивната вселенска станица „Тијангонг“ работи нормално и може да ги прими двата тима од Кина во Земјината Орбита. Новата можност за враќање е в петок, на местото за слетување „Донгфенг“ во Внатрешна Монголија.

The post КИНЕСКИТЕ КОСМОНАУТИ ЌЕ ГО НАПУШТАТ НЕБЕЗБЕДНОТО ЛЕТАЛО Ќе бидат преземени од вселенската станица „Тијангонг“ appeared first on plusinfo.mk.

Руската вселенска корпорација Роскосмос денеска соопшти дека ќе лансира вселенско летало што ќе врати тројца членови од екипажот на Меѓународната вселенска станица (МВС) на Земјата бидејќи капсулата во која летале била оштетена од удар на микрометеорит поради што од неа истекува течност за ладење.

Руските космонаути Сергеј Прокопјев и Дмитриј Петелин и астронаутот на НАСА Френк Рубио пристигнаа на МВС што орбитира околу Земјата во септември со вселенското летало Сојуз МС-22 и требаше да се вратат кога ќе ја завршат својата мисија.

Меѓутоа, минатиот месец на капсулата имаше дефект кога по удар на микрометеорит од една од коморите почна да истекува течноста за ладење, што доведе до повисока температура во кабината.

По анализата на ситуацијата и разговорот со НАСА, Роскосмос одлучи на 20 февруари да ја лансира капсулата Сојуз МС-23 без екипаж, со која тројцата астронаути ќе се вратат, изјави шефот на Роскосмос, Јуриј Борисов.

Мисијата на Прокопјев, Петелин и Рубио ќе биде продолжена, рече Борисов, но не даде информации за колку.

Сојуз МС-23 првично требаше да биде лансиран во март од космодромот Бајконур во Казахстан со нов тричлен екипаж.

Борисов рече дека Сојуз МС-23 ќе ја снабдува и Меѓународната вселенска станица.

Во случај на вонредна ситуација на МВС што ќе бара евакуација на целиот екипаж пред да пристигне капсулата, официјалните лица ќе размислат дали Сојуз МС-22 сè уште може безбедно да ги врати космонаутите на Земјата, рече Борисов.

Екипажот на МВС на 18 декември ја сними надворешноста на капсулата Сојуз МС-22 со камера на роботска рака од канадско производство како откако беше оштетена од удар на микрометеорит.

Руските медиуми јавија дека температурата во капсулата се зголемила, но оти контролорите на земјата успеале да ја намалат на нормала.

Борисов денеска изјави дека анализата потврдила дека истекувањето било предизвикано од микрометеороит и оти Сојуз МС-22 на крајот ќе биде вратен на Земјата без екипаж.

The post МИКРОМЕТЕОРИТ ЈА ПОГОДИЛ КАПСУЛАТА Русија ги враќа космонаутите дома appeared first on plusinfo.mk.

Русија ќе престане да ја користи Меѓународната вселенска станица по 2024 година, соопшти денеска шефот на руската вселенска агенција Роскосмос, Јуриј Борисов.

– Без сомнение ќе ги исполниме сите наши обврски кон нашите партнери во Меѓународната вселенска станица – рече Борисов на средба со рускиот претседател Владимир Путин.

– Сепак, донесена е одлука да се напушти таа станица по 2024 година – нагласи тој.

Тој рече дека мисли дека дотогаш ќе започне формирањето на руската орбитална станица, која ќе биде „главен приоритет“ на руската национална вселенска програма.

– Иднината на руските летови со екипаж треба пред сè да се заснова на систематска и избалансирана научна програма, со цел секој лет да нè збогатува со знаење во вселенската сфера – рече тој.

Борисов беше назначен за шеф на Роскосмос во средината на јули, на местото на Дмитриј Рогозин. До тогаш 65-годишниот Борисов беше вицепремиер задолжен за рускиот воено индустриски комплекс, кој го вклучува и секторот што се занимава со вселената.

– Вселенскиот сектор е во тешка ситуација и мислам дека мојата главна задача не е да го спуштам нивото, туку да го подигнам повисоко, пред сè обезбедувајќи ги потребните вселенски услуги за руската економија – рече Борисов пред Путин, наведувајќи ги навигацијата, комуникациите и преносот на податоци.

The post „ЌЕ НАПРАВИМЕ НАША“ Русија се повлекува во Меѓународната вселенска станица appeared first on plusinfo.mk.

Тековните планови на НАСА вклучуваат испраќање на вселенското летало „Орион“ на врвот на ракетата – кон Месечината. Џиновската ракета ќе биде поставена на лансирната рампа на 18 август, а потоа има три можни датуми за лансирање – 29 август, 2. или 5 септември.

За да се изврши лансирањето на 29 август, односно во првиот можен термин, потребно е сите подготовки да се одвиваат без проблеми, а важен фактор се и поволните временски услови.

Вселенското летало треба да полета на 29 август, а да се врати на Земјата на 10 октомври. Доколку лансирањето се случи на 2 септември, слетувањето е предвидено за 11 октомври, а во случај на 5 септември, враќањето ќе се очекува на 17 октомври.

Мисијата „Артемис 1“ почнува нова ера на истражување на Вселената. Леталото „Орион“ ќе ја обиколи Месечината, без слетување и ќе се врати на Земјата со спуштање во Тихиот Океан.

Мисијата „Артемис 2“ ќе го изврши истиот маневар, но овој пат ќе има и астронаути во вселенското летало. Што се однесува до „Артемис 3“ – таа ќе биде изведена со помош на „Старшип“ ракета на „Спејс-Икс“ и предвидено е слетување на луѓе на Месечината, официјално – првпат по 1972 година. Овие две мисии се планирани за 2025 година.

Ако НАСА го пропушти „прозорецот“ од 5 септември, ракетата „СЛС“ може да биде лансирана во октомври.

The post ПОСЛЕДНИ ПОДГОТОВКИ ПРЕД МИСИЈАТА АРТЕМИС-1 Од НАСА најавуваат повторно враќање на Месечината appeared first on plusinfo.mk.

НАСА преку соопштение го осуди искористувањето на Меѓународната вселенска станица од страна на Русија за политички цели односно за „поддршка на специјалната воена операција на Русија во Украина“.

Тоа е во целосна спротивност со основната цел на станицата – поттикнување на науката и заедно уште 15 држави да развива технологии за мирни цели, се наведува во соопштението на НАСА.

Но, не е прецизирано на што реагира НАСА, додека според американските медиуми најверојатно реакцијата е поради тоа што претходно руските космонаути на Меѓународната вселенска станица ги истакнаа знамињата на самопрогласените народните републики Доњецк и Луганск. На тој начин, тие го одбележале ослободувањето на Луганската народна република.

The post РУСИЈА ВО ВОЕНИ ЦЕЛИ ГИ КОРИСТИ И КОСМОНАУТИТЕ Руската вселенска програма доби предупредување од НАСА appeared first on plusinfo.mk.

Олег Артемјев, Денис Матвејев и Сергеј Корсаков се екипажот на руската ракета „Сојуз МС-21“ кои ќе отпатуваат за МВС. Тоа е прв пат после многу години екипаж составен само од Руси да полета кон МВС каде во моментов се наоѓаат седум космонаути, од кои двајца Руси, Германец и четворица Американци.

Вселенската соработката меѓу САД и Русија е речиси целосно прекината поради санкциите што беа воведени против Москва заради воената интервенција во Украина.

Русија како одговор на казнените мерки престана да испорачува ракетни мотори за САД, а ја прекина и соработката со германскиот Национален центар за аеронаутика.

Руската вселенска агенција „Роскосмос“ ја доведе во прашање иднината на Меѓународната вселенска станица после истекот на договорот во 2024 година. Плановите на НАСА беа станицата да биде оперативна најмалку до 2030 година.

The post ЌЕ ПРОДОЛЖИ ЛИ ВСЕЛЕНСКАТА СОРАБОТКА МЕЃУ РУСИЈА И САД? Од Бајконур денеска ќе полетаат руските космонаути appeared first on plusinfo.mk.

Астронаутите од екипажот „Кру-3“, Раџа Чари, Кајла Барон и Том Маршбурн од САД, и Матијас Маурер од Германија полетаа со капсула „Кру драгон“ прикачена на ракета „Фалкон 9“, синоќа во 21:03 часот по локално време, од вселенскиот центар „Кенеди“ на Флорида.

Мисијата е дел од партнерството на НАСА со „Спејс-Икс“ на Илон Маск, чија цел е да се обнови капацитетот на САД за вселенски летови со луѓе. Летот првично беше закажан за 31 октомври, но беше одложен, прво поради временските услови, а потоа и поради „ситни медицински проблеми“ поврзани со посадата. НАСА соопшти дека овие причини немаат врска со ковид-19.

Астронаутите ќе минат шест месеци на МВС и ќе спроведат различни истражувања кои треба да дадат потребни податоци за идните проучувања на подалечното вселенско пространство.

The post ПОСАДАТА НА „КРУ ДРАГОН“ ПОЛЕТА КОН ОРБИТАТА Меѓународната вселенска станица ќе добие четири нови космонаути appeared first on plusinfo.mk.

– Не знам јас тоа кои космонаути гледаат од Месечината и како тоа ќе се случува, но јас тврдам дека вонредни парламентарни избори нема да има, заради тоа што не носат ништо добро на државата. Впрочем и да има, тие нема ништо да променат, туку само можат да ги закочат развојните проекти – рече Заев, според кого избори треба, мора и ќе се случат во периодот 2024 кога доаѓаат редовните парламентарни избори.

Одговарајќи на новинарско прашање во врска со повторните барањата за предвремени избори од опозицијата, премиерот рече дека веќе го кажал својот став.

– Ќе го повторам одговорот. Земјата наша помина неколкукратно низ фази на вонредни парламентарни избори и само изгубивме од тоа, односно кога се случуваат вонредните избори застанува буквално сè во државата, а најмногу економијата. Се случија огромни работи во државата со сериозни историски одлуки и сето тоа е заради убавата економска иднина која сакаме да ја доживеат нашите граѓани. Повисок економски стандард, повисоки плати, нови работни места, кревање на севкупниот бруто домашен производ во државата, нови инвестиции и буквално еден нов квалитет на живот. Ова мораме сите заедно да го изработиме за да го постигнеме. А може и да го прекинеме со вонредни парламентарни избори. Зошто? – праша Заев на прес-конфренцијата во Владата.

The post Заев: Не знам кои космонаути гледаат од Месечината, ама предвремени избори нема да има appeared first on plusinfo.mk.

Тест пилотите на НАСА, Даг Харли и Бен Бенкен е планирано да полетаат в среда кон Меѓународната вселенска станица, во првото лансирање на човек во вселената од територија на САД по речиси една деценија.

НАСА ја затвори програмата за испраќање луѓе во орбитата со последниот лет на вселенскиот шатл „Атлантис“ во jули 2011 година и досега ги користеше услугите на руската вселенска програма. Двајцата космонаути ќе полетаат од истата платформа од која полета шатлот пред девет години.

Во меѓувреме, програмата на НАСА ја презедоа приватни оператори како СпејсИкс и Боинг. Боинг се очекува да ги лансира своите први космонаути во 2021 година.

The post Двајца космонаути на САД во среда ќе полетаат во вселената appeared first on plusinfo.mk.

Тендерот за избор на компании е во рамки на програмата „Артемида“, контракт е склучен со компаниите Blue Origin, SpaceX и Dynetics.

SpaceX е компанија на Илон Маск која развива повеќенаменски вселенски брод Starship со способност да се спушти на Месечината и да полета од нејзината површина. Blue Origin е во сопственост на Џеф Безос и развива лунарна сонда за достава на луѓе, залихи и транспортни средства. Dynetics создаде двоетапен систем за спуштање и качување на луѓе на Месечината.

Во НАСА планираат една од избраните компаниите до 2024 година да испрати на Месечината неколку космонаути, меѓу кои ќе биде и првата жена во историјата.

Раководителот на НАСА, Џим Брајденстајн, за Вашингтон пост изјави дека е убеден дека агенцијата ќе успее со реализација на мисијата во предвидениот рок, и покрај тоа што првиот лет во вселената на ракетата Space Launch System на Boeing што треба да испрати космонаути на Месечината, повторно е одложен, овој пат до 2021 година.

Според него, спуштањето на Месечината „започнува да изгледа се пореално“.

The post НАСА избра три компании за испраќање на човек на Месечината appeared first on plusinfo.mk.