Премиерот Христијан Мицкоски  вели дека сè може се да очекува, и дека ништо не би го изненадило во врска со најавените спорни амандмани од бугарски европратеници за Извештајот за Македонија во кои се бара пред македонскиот јазик да стои зборот „модерен“.

– Очекувам секаков инженеринг во Европскиот парламент (ЕП) и, јас би бил многу, многу повнимателен, бидејќи се водам од максимата не ги слушај што зборат, гледај ги што прават – рече премиерот Христијан Мицкоски.

Во репликата на изјавата на заедничката прес – конференција со еврокомесарката Марта Кос, која изјави дека „никој не може да ни ги одземе специјалитетите како тавче гравче, пинџур и полнети пиперки“, премиерот посочи дека за него македонскиот идентитет не се само македонските специјалитети туку и Гоце Делчев и Даме Груев и Сандански.

– За мене мојот идентитет не е само прекрасната македонска кујна, туку е и Гоце Делчев и Шапкарев, и Миладиновци и Илинденското востание и Дамјан Груев и Јане Сандански… Не знам дали ќе го споделат истото мислење и колегите од исток, но тоа се луѓето кои се дел од нашиот идентитет, македонски идентитет – рече Мицкоски.

Тој потенцира дека е секогаш малку повнимателен кога станува збор за идентитетот, поради досегашното тридецениско искуство на земјата.

– Да тоа, е така дека ние го носиме со нас, длабоко во нас. Но, морам да признам дека овие повеќе од три децении ние изгубивме голем дел од нашиот идентитет менувајќи знаме, менувајќи име, неколку пати менувајќи Устав. И во услови кога немаме гаранција дека ова ќе биде последна идентитетска отстапка која ние треба да ја направиме, јас би бил многу, многу повнимателен, бидејќи се водам од максимата не ги слушај што зборат, гледај ги што прават. А тоа што го направија и сè уште прават дел од пратениците во ЕП од нашиот источен сосед, нема никаква врска со европските вредности – потенцира Мицкоски.

The post НЕ ГИ СЛУШАЈ ШТО ЗБОРУВААТ, ТУКУ ШТО ПРАВАТ ВО ЕВРОПАРЛАМЕНТОТ Мицкоски ги коментира амандманите за извештајот за Македонија appeared first on plusinfo.mk.

Никој не може да ѝ даде гаранции на Северна Македонија ако сега го смени Уставот, дека повеќе нема да има пречки на европскиот пат, изјави еврокомесарката за проширување Марта Кос во интервју за Европската новинска редакција (ЕНР) во одговор на прашање на МИА дали ЕУ и земјите членки можат да гарантираат дека по спроведување на уставните измени не би имало нови блокади поради билатерални прашања поврзани со идентитетот, јазикот или историјата.

– Разбираме дека ова не е лесно прашање. Промена на Устав. Сфаќаме и тоа е многу човечки и разбирливо што вашата земја сака да има гаранции по сѐ она што го помина. Гаранции не може да има, но она што го очекувам од сите земји членки кога има билатерални прашања, е разговорите да се водат со добра волја и со визија да се дојде до компромис – рече Кос.

Таа нагласи дека ова не значи дека ЕК не работи на тоа да ѝ помогне на земјава да ги започне преговорите по кластери, потенцирајќи дека лично е ангажирана околу билатералното прашање со Бугарија и дека денеска заминува за Софија на средби со сите бугарски политичари, а потоа ќе контактира и со политичарите во земјава.

– Најдобро би било билатералните прашања да не се мешаат во пристапниот процес. Тоа не значи дека билатералните прашања не се важни. Знаете, можам да разберам дека Унгарија се бори за своето малцинство (во Украина). Можам да разберам дека и Бугарија го прави истото, но лошо е кога ова навистина се меша со процесот на пристапување – рече Кос.

Таа изрази надеж дека наскоро ќе се најде решение за деблокада на пристапниот процес на земјава и дека откако ќе се случи тоа ќе може без никакви нови услови да започнат преговорите по кластери.

– Затоа ние порачуваме, ве молиме направете ги реформите и бидете подготвени да го отвориме првиот кластер – рече еврокомесарката за проширување.

Кос нагласи дека во сегашните услови целосно ја разбира фрустрацијата на луѓето во земјава.

– Знаете, кога се распадна Југославија, Македонија, во тоа време, беше втора најразвиена република во поранешна Југославија. За споредба, да речеме ако Украина треба да чека да ги започне преговорите колку што чека вашата земја, нив ќе можеме да ги почнеме во 2045 година – додаде Кос.

Таа потенцира дека иако има нова динамика во процесот на проширување, сепак тој останува заснован на заслуги, но она што сега позитивно влијае врз него е тоа што има нова визија на Европската Унија за забрзување на пристапувањето.

– Од друга страна, ние исто така, особено преку Планот за раст, се соочуваме со еден вид притисок од колегите, особено во Западниот Балкан. И тогаш имаме разлики. На пример, знаете Албанија беше заедно со Северна Македонија. Сега, по раздвојувањето, Албанија направи навистина добар напредок. Но, зад себе нема да оставиме ниту една земја. Ние сме силно посветени сите да ги внесеме во Европската Унија. Но, секако, ќе се држиме до заслугите и ќе видиме. Ние навистина сме силно вклучени во билатералните прашања, кои таму (на Западниот Балкан) ги има доста – потенцира Кос во интервјуто за ЕНР од која дел е и МИА.

The post НЕ ВИ ГАРАНТИРАМЕ ДЕКА ПО УСТАВНИТЕ ИЗМЕНИ НЕМА ДА СЕ ЈАВАТ ДРУГИ ПРЕЧКИ Кос се залага билатералните прашања да не се мешаат во пристапниот процес appeared first on plusinfo.mk.

Премиерот Христијан Мицкоски кој денеска престојува во Брисел каде вечерва ќе присуствува на неформална работна вечера што за лидерите од земјите од регионот на Западниот Балкан ја организира новиот претседател на Европскиот совет, Антонио Кошта, попладнево имаше средба со новата еврокомесарка за проширување Марта Кос.

Како што објави премиерот Мицкоски на Фејсбук на средбата се разговарало за „стратешките интереси на Македонија во однос на проширувањето на ЕУ и подготвеноста  на државата да успее на патот кон Европската Унија“.

„Ние сме подготвени да разговараме за се што ќе биде принципиелно и во полза на нашата држава и во интерес на сите граѓани“, наведе Мицкоски во објавата.

Покрај Мицкоски, како што соопшти Советот на ЕУ, на вечерата со Кошта се поканети и косовската претседателка Вјоса Османи, претседателите на Србија и на Црна Гора, Александар Вучиќ и Јаков Милатовиќ, претседавачката на Претседателството на Босна и Херцеговина, Жељка Цијановиќ и премиерите на Албанија и на Косово, Еди Рама и Албин Курти.

The post ПОДГОТВЕНИ СМЕ ДА РАЗГОВАРАМЕ ЗА СЀ ВО ПОЛЗА НА ДРЖАВАТА Мицкоски се сретна со Кос appeared first on plusinfo.mk.

Тежок инцидент го потресе ракометниот клуб Загреб по натпреварот од Лигата на шампионите против Нант. Во соблекувалната на хрватскиот шампион дојде до физичка пресметка меѓу ракометарите Милош Кос и Звонимир Срна, што резултираше со суспензија на двајцата играчи на неопределено време.

Раководството на клубот реагираше веднаш и преку соопштение потврди дека Кос и Срна се отстранети од тимот до понатамошно известување, додека деталите за инцидентот продолжуваат да се истражуваат.

Според извори од хрватските медиуми, конфликтот започнал по натпреварот кога дел од соиграчите на Кос му упатиле критики за неговата игра. Напнатоста кулминирала откако хрватскиот голман и репрезентативец Матеј Мандиќ му дал забелешка, по што Кос физички го нападнал и го удрил со тупаница во лицето.

Повредите на Мандиќ, според медиумите, би можеле да го оддалечат од терените за период од четири до шест недели, што го става под знак прашање неговиот настап на претстојниот Светски шампионат.

Во обид да го смири инцидентот, Звонимир Срна интервенирал, но наместо да ја деескалира ситуацијата, наводно неколку пати го удрил Кос, што дополнително ја влошило состојбата.

Срна, кој не настапуваше на овој натпревар поради повреда, исто како и неговите соиграчи Павловиќ и Фаљиќ, сега се соочува со потенцијални санкции од клубот.

Тренерот на Загреб, Велимир Петрковиќ, по натпреварот даде изјава за формата на Кос, која можеби ја навестила фрустрацијата што кулминирала во соблекувалната.

– Кос? Имаме проблем. Тој го има, јас го имам, сите го имаме. Каков е неговиот проблем, не знам, тоа е нешто длабоко. Не успеав да го разбудам, и тоа е мојот минус. Сите играчи ми рекоа дека ја има нивната поддршка, но му се потребни два-три гола, а од таа позиција имаме нула – изјави Петрковиќ, алудирајќи на слабата реализација на Кос, кој на последните два натпревара постигнал само три гола од 17 обиди.

Инцидентот ја отслика кризата во тимот, кој покрај спортските резултати сега се соочува и со внатрешни тензии кои ќе бараат итно решение.

The post ИСПЛИВАА ДЕТАЛИ ЗА ТЕПАЧКАТА ВО СОБЛЕКУВАЛНАТА НА ЗАГРЕБ Србинот со еден удар го „нокаутирал“ Хрватот appeared first on plusinfo.mk.

Таа повтори дека во потрага по вин-вин ситуација од наша страна „велиме дека еве ќе го сториме и тој чекор, но со одложено правно дејство“ и нагласи дека ако се дозволи ветото да опстои, дури и најуспешните во чекорењето пред крајот можат да се соочат со него.

– Обично ретко давам коментари на коментари и особено не надвор. Паметам кога г. Хелмут Кол рече за домашни прашања одговарам дома, но ќе ви одговорам. Искрено имам забелешка на дикцијата на новата еврокомесарка, бидејќи кога рече – велите: ништо помалку и ништо повеќе, тоа ми личи како на, тоа не е филозофија, како на нешто што е познато земи го или остави го. Тоа мене ми личи на софистицирано евромандаринство, тоа мене ме плаши од дикција која значи директно мешање во внатрешните работи – истакна шефица на државата одговарајќи на новинарско прашање на заедничката прес-конференција со нејзиниот црнороски колега, Јаков Милатовиќ, јави специјалниот известувач на МИА од Подгорица.

Сиљановска Давкова истакна дека една од одредбите во Договорот за ЕУ е почитување на уставните и политичките структури.

– Би разбрала дикција дека препорачуваме или укажуваме итн., меѓутоа да речете мора тоа да го сторите, тоа значи дека имате пристап од страна на ЕУ, што јас го нарекувам бирократски. ЕУ не е бирократска машинерија, повеќе е од тоа, така вели г. Макрон, дека е филозофија заснована на принципи и вредности, значи еве и јас малку да бидам прагматична. Зошто велам дека имам забелешка, од истата причина заради која јас сум овде по 50 години заедно. Јас очекувам и на оние кои веќе се во ЕУ, а до вчера биле со нас со умереност и респект да се однесуваат кон сите. Значи, тоа е првото – рече претседателката.

Како второ таа додаде дека земјава отсекогаш била кооперативна на патот кон ЕУ и правела компромиси на сопствена штета.

– Прво, во Договорот за пријателство и добрососедство со Бугарија, оти нели секој ден слушам „Пакта сунт серванда“, нема ниту еден збор за уставни измени. Тие се споменати во протоколот број 2, во членот 3 или сега во Преговарачката рамка и во заклучоците веќе не се употребува изразот протокол, се употребува изразот записник. Тврдам дека протокол не може да биде извор на уставно право, ниту на право, исто така и записниците, но еве во потрагата по вин-вин ние велиме дека еве ќе го сториме и тој чекор, но реков со одложено правно дејство. Причината да ги градиме мировните односи со нашиот сосед, бидејќи во Преамбулата на Договорот пишува дека Бугарија ќе ја поддржува и ќе ја поттикнува Македонија на патот кон ЕУ. Еве, да дадеме шанси на ова зошто тврдам ако дозволиме ветото да опстои дури и најуспешните во чекорењето пред крајот можат да се соочат со вето. Тоа навистина ја обезвреднува филозофијата на евроинтеграцијата. Да повторам, ако госпоѓата во говорот требаше да собере гласови па со слична дикција го кажа ова, тогаш кога веќе е избрана, мислам дека е добро да се сети на регионот и да ги мери зборовите, да се однесува поинаку од другите членки на ЕУ, бидејќи подобро ги знае работите од нив – нагласи Сиљановска Давкова.

Новата еврокомесарка за проширување Марта Кос вчера во изјава за медиуми веднаш по одобрувањето на новиот состав на Европската комисија рече дека очекува Северна Македонија да го промени Уставот, бидејќи, како што истакна, тоа е нешто на коешто смета Европската Унија, јави специјалниот известувач на МИА од Стразбур.

– Тоа е нешто на коешто сметаме. Ништо помалку, ништо повеќе. Верувам дека тоа е можно, и после тоа навистина да го забрзаме процесот – нагласи Кос.

На прашањето дали после тоа може да се дадaт гаранции дека нема да има други блокади, Кос рече дека таа не е онаа којашто може да даде одговор на тоа прашање.

Во однос на тоа како може да се реши проблемот со Бугарија, Кос рече дека треба да се разговара што е можно повеќе.

– Да се зборува, што е можно повеќе, и со Северна Македонија и со Бугарија. Мора да покажеме дека тоа е во наши раце, како да го решиме овој билатерален пролем. Без ова, а следејќи ги европските вредности, нема да можеме да го направиме она што е најдобро за ЕУ, и секако што е најдобро за Северна Македонија – рече Кос.

The post ВО ПОТРАГА СМЕ ПО ВИН-ВИН СИТУАЦИЈА Ако дозволиме ветото да опстои, дури и најуспешните можат да се соочат со него appeared first on plusinfo.mk.

Се навршуваат 29 години од мистериозниот обид за увиство.

Бомбата била поставена во „цитроен АМИ-8“ на улицата Македонија кај хотелот Бристол во Скопје, покрај кој минувал службениот „мерцедес С-500“ со кој Глигоров од претседателската резиденција одел на работа во Собранието. Пред Ситроенот возело „фиќо“, кое му го забавило патот на автомобилот токму во моментот кога експлодирала бомбата, за кое сè уште не е јасно кој го возел и зошто. Било изутрина, 9 часот и 50 минути, 1995 година.

Во експлозијата „цитроенот“ е целосно распарчен, а видна штета е направена и врз Мерцедесот. Фотографијата од Мерцедесот, покај кој има насобрани луѓе тогаш осамна во медиумите. Таа беше една од ретките фотографии од настанот. Години подоцна беа објавени фотографии од тоа како денес изледа „мерцедесот“.

Во атентатот загинуваат возачот Александар Спировски, а бил повреден телохранителот Илчо Теовски. На повредите подоцна им подлегнал и Ристо Хаџиманов, пензионер, кој бил случаен минувач покрај местото на настанот. Глигоров бил итно пренесен во болница со тешки повреди на главата. Кога го посетил тогашниот претседател на Собранието Стојан Андов, Глигоров можел да ги мрда капаците на очите, но не можел да ги отвори.

По тешката, но успешна операција од неврохирургот Јовица Угриновски, македонскиот претседател успеа да се појави во јавноста една година подоцна 14 јануари, на годишната средба со шефовите на странските дипломатски мисии во Македонија.

Вклучена е една „финансиско-економска групација“

Тогашниот министер за внатрешни работи Љубомир Фрчкоски изјавил дека во организацијата на атентатот е вклучена една финансиско-економска групација, практично мултинационална, со седиште во една соседна земја.

– Тој на 28 септември 1995 година е дојден во Македонија и во објект на периферијата на Скопје ја формирал експлозивната направа што е користена во атентатот на претседателот Глигоров. Во тоа му помагале извршители од Македонија. Врз основа на извршениот профил, тоа може да бидат политички фанатици, делови од криминално подземје, или резидентура на странски разузнавачки служби – изјави Фрчкоски, кој подоцна понуди оставка која не му беше прифатена.

„Мултигруп“ директно го посетиле Глигоров

Потоа, тогашниот министер за внатрешни работи како нарачатели ги посочил бугарската озлогласена бизнис-групација „Мултигруп“, југословенската тајна служба „КОС“, а беше спомната и т.н. „Братиславска врска“, но не се пронајдени тврди докази околу нивната вмешеност во атентатот.

Подоцна, високи претставници на бугарската организација „Мултигруп“ лично дошло во посета кај Глигоров за да ги отфрли тие шпекулации.

Експлозивот бил југословенски

Експлозивната направа била производство на ЈНА, а содржела еден килограм пластичен експлозив, со стотици челични топчиња кои имаат смртоносно дејство во радиус од околу 50 метри. Автомобилот „ами-8“ бил намерно избран за поставување на бомбата затоа што има тенок лим, кој од експлозијата лесно се распрснува во повеќе смртоносни шрапнели. Еден таков шрапнел и го убил возачот на претседателот.

Што било договорено со Милошевиќ?

Нападот дошол по само еден ден откако во Скопје претстојувал претседателот на Србија Слободан Милошевиќ, при што претседателите на двете земји постигнале договор за меѓусебно признавање.

Една друга непотврдена теза, која останува само во рамки на шпекулациите, е за вмешаноста на Белград во атентатот. Во септември 1995 се официјализира најавата дека Македонија ќе го потпише договорот Партнерството за мир со НАТО и Спогодбата за соработка и трговија со ЕУ, со што се отворија вратите на евроинтеграциските процеси. Македонија тргна кон Брисел и Вашингтон неповратно.

Ова битно геополитичко поместување на југот на Балканот, наводно, го вознемирило „вождот“ во Белград, кој според претпоставките се почувствувал предаден од Глигоров. Хипотезата наведува на тоа дека Милошевиќ сака да слушне потврда за одлуката на македонското раководство за евроатланската ориентација лично од устата на Глигоров. Милошевиќ го кани Глигоров во Белград.

Средбата трае кратко и од неа нема никакви информации за јавноста за тоа што се зборувало. Според истата теорија, Глигоров наводно му го потврдува тоа на Милошевиќ, по што тој се решава да го активира веќе разработениот план за атентатот.

Ослободителната војска на Македонија

Иако по атентатот била отворена обемна истрага од страна на МВР, под името „Автомобил“, а се вклучиле и безбедносните служби на САД, Германија и Британија, ниту нарачателите ниту извршителите на атентатот врз Глигоров сѐ уште не се познати. Во 1995 година, по неколку месеци од атентатот, како еден од можните атентатори, разузнавачката служба ја посочила „Ослободителната војска на Македонија“ со седиште во Австралија.

Претресени повеќе од 30.000 возила, легитимирани 188.000 лица

За обидот за атентат врз него, Глигоров напишал и автобиографска книга „Атентат – ден потоа“, што ја промовирал во 2002 година. Во истрагата се претресени 30.850 возила и прегледани повеќе од 15.000 објекти, легитимирани биле повеќе од 188.000 лица, од кои 19.000 биле претресени. МВР извршило и повеќе информативни разговори со луѓе за кои сметало дека се можни сторители на атентатот, но сите тие биле пуштени по испрашувањата.

Глигоров почина од природна смрт на 94 годишна возраст на 1 јануари 2012 година.

Луѓето кои давале исказ и телохранителот се „самоубиле“?

Вработен во МВР, кој дал исказ во врска со истражните дејства за атентатот врз поранешниот претседател, следниот ден сопругата го нашла мртов во нивниот дом, тврди МКД. На оваа листа е и наводното самоубиство на инспектор во МВР, кој му бил телохранител на Киро Глигоров. Тој утрото на 5 август 1997 година бил прегазен од патничкиот воз што сообраќал на линијата Кичево-Скопје на мостот на реката Лепенец во населбата Ѓорче Петров. Според тогашните изјави на неговото семејство, две лица дошле во домот на Д.Г. вечерта на 3 август и го одвеле.

На 20 февруари 1998 година на падините на Водно во близина на кругот на МВР била најдена мртва вработена во Управата за оперативна техника, која била дел од екипата која го истражувала атентатот. Таа имала една огнострелна рана во челото. Било утврдено дека раната била предизвикана од истрел со пиштол од непосредна близина, а потоа било кажано дека станува збор за самоубиство.

The post 📽 И ПО 29 ГОДИНИ НЕРАЗРЕШЕН АТЕНТАТОТ ВРЗ ГЛИГОРОВ Мултигруп, КОС, братиславска или домашна местенка? appeared first on plusinfo.mk.

Речиси секоја година Грција е опфатена од пожари, но оваа година се очекува ситуацијата да биде поалармантна поради поблагата зима, но и високите температури што ја зафатија оваа земја.

Во текот на вчерашниот ден два шумски пожара избувнаа во регионот Атика каде што се наоѓа Атина. Поради големиот интезитет на пожарот, на населението од најмалку 8 области во близина на главниот град, му било кажано да се евакурира.

Но драматична е состојбата и на грчките острови Хиос, Кос и Крит, пишува РТС.

Огромен шумски пожар избувна во шумските предели на островот Хиос при што мало селце морало да биде евакуирано. Од фотографиите може да се забележи како дел од турисите и локалното население се евакурираат на локалниот стадион.

Драматична е ситуацијата и на островот Кос каде пожарот поттикнат од локалните ветрови почнува забрзано да се шири.

Поради високите температури во последните години, шумските пожари стануваат вообичаени за Грција, а од година во година стануваат се поразорни поради високите температури, сушата и ветерот.

The post 📷 ГРЦИЈА ВО ПЛАМЕН Населението околу Атина се евакуира поради пожари, а горат и Крит, Хиос и Кос appeared first on plusinfo.mk.

На видеото кое е објавено, се гледа како маж од Бангладеш и Анастасија се возат на неговиот мотор во понеделникот вечерта на 12 јуни, денот кога исчезна несреќната девојка, објави грчкиот портал „Прототема“.

Инаку, токму мажот од Бангладеш (32), со кого наводно била снимена ноќта кога исчезнала, го признал убиството. Наводно и пред тоа тие биле кај него дома, што го потврдил и неговиот цимер, но тој истакнал дека девојката претходно не ја видел. Како што соопштија од полицијата, таа вечерта му испратила неколку пораки на своето момче Михаил, кој прв почнал со потрагата.

Часовникот на камерата покажува 00:08:16 во вторник, но според сопственикот на куќата, часовникот се движи нанапред еден час и девет минути, што значи дека вистинското време кога ја напуштиле куќата на мажот од Бангалдеш е 22:59 часот во понеделникот навечер.

Исто така, на друга снимка, два дена по злосторството, се гледа како 32-годишен маж поминува покрај истата камера, оди кон местото каде што наводно била убиена 27-годишната жена и се враќа по 11 минути. Тој е во притвор како главен осомничен, а семејството на Анастасија нагласи дека нема сомнеж дека нејзиното момче е вмешано во убиството.

Да потсетиме, телото на несреќната Анастасија било во напредно распаѓање и било пронајдено завиткано во чаршаф и две кеси за ѓубре и „скриено“ под гранки и трева зад грмушка. Оштетената била со лисици на рацете, нејзиното голо тело имало набиеници и повреда на главата, додека судскиот вештак Панајотис Котрекоспо утврдил дека се работи за гушење и насилна смрт од задушување, за кое сѐ уште не се знае дали е предизвикана од јаже или со рака.

Мобилниот телефон на Анастасија бил испратен во форензички лаборатории за дополнителна анализа која покажала дека мажот од Бангладеш ги избришал фотографиите и сите повици што ги упатувал ноќта на убиството. Сепак, и покрај признанието на осомничениот, мотивот за убиството сѐ уште е нејасен.

ИСЧЕЗНАТАТА ДЕВОЈКА ПРОНАЈДЕНА РАСПАРЧЕНА ВО ЦРНИ ВРЕЌИ! Морбидно злосторство на грчкиот остров Кос

The post (ВИДЕО) ПОСЛЕДНА СНИМКА ОД БРУТАЛНО УБИЕНАТА АНАСТАСИЈА Кобната ноќ Полјачката снимена на мотор со главниот осомничен appeared first on plusinfo.mk.

Епицентарот бил на 60,8 километри југозападно од островот Кос во Егејското Море, каде живеат околу 19.000 луѓе, на длабочина од 11 километри.

Засега нема информации за повредени и евентуална материјална штета.

The post Силен земјотрес во Грција appeared first on plusinfo.mk.