СДСМ да одговори, дали еден ипол милион евра од аферата „Рекет” завршиле кај нивниот нов ПР шеф Башановиќ, бара Валентин Манасиевски од ВМРО-ДПМНЕ на партиска прес-конференција.

Според Манасиевски освен овие еден и пол милион евра, постојат сведоштва за тоа дека рекетираните пари завршиле кај Зоран и Вице Заеви, нешто што, како што вели, правосудните органи кои ги штитат Заеви ова никогаш не го истражиле.

„За куќниот пријател на Зоран Заев и негов личен советник, Зоран Башановиќ, кој сега е шеф на центарот за лаги и манипулации на СДСМ, според извори од неговата матична држава, се вели дека еден ипол милион евра од аферата ‘Рекет’ завршиле токму кај него.

Српските медиуми, освен Заев, го поврзуваа и Башановиќ како еден од учесниците во аферата ‘Рекет’, а како што се вели во еден српски портал, во снимен инкриминирачки разговор, Башановиќ вели дека сега е време сè да се наплати, и дека конечно е дојдено времето да биде полн како брод.

Од СДСМ треба и да одговорат зошто секогаш кога некој ќе биде ‘истеран’ од сопствената држава, како што беше случајот со Онишченко и овој со Башановиќ, а истите се сомничат за криминали и коруптивни случаи, Заев и Филипче ги вдомуваа во државата или во нивната партија?

Почитувани граѓани,

Ете кој го води СДСМ, и ете кој го води нивниот ПР тим. Луѓе кои се синоним за криминал и корупција се секогаш во врвот на СДСМ.

Во СДСМ се потребни реформи и чистење на криминалците и корумпираните функционери. Во спротивно, на следните избори СДСМ ќе го достигне дното и би се нашле под 100.000 гласови“,

The post ДАЛИ МИЛИОН ИПОЛ ЕВРА ОД „РЕКЕТ“ ЗАВРШИЛЕ КАЈ БАШАНОВИЌ? Maнасиевски бара да се истражат наводите во српските медиуми appeared first on plusinfo.mk.

Поранешниот вицепремиер Артан Груби останува во домашен притвор, додека истрагата за случајот што го опфаќа и натаму трае, потврдија од Кривичен суд Скопје.

Според достапните информации, Груби бил изведен пред судот и поминал повеќечасовни процесни дејствија, но не се произнел за сомнежите што се предмет на истрагата пред јавен обвинител.

Во меѓувреме, надлежните институции продолжуваат со собирање докази за предметот, кој се однесува на сериозни сомневања за злоупотреби во Државна лотарија, при што штетата се проценува на повеќе милиони евра.

Груби, кој повеќе од една година беше недостапен за органите на прогонот, по враќањето во земјава беше приведен, по што постапките против него повторно беа активирани.

Случајот веќе предизвикува силни реакции во јавноста, особено поради одлуката за домашен притвор, имајќи предвид дека станува збор за поранешен висок државен функционер.

Истрагата сè уште не е завршена, а обвинителството најавува дека по нејзиното целосно расчистување ќе следуваат натамошни одлуки и можни обвиненија.

The post ГРУБИ ОСТАНУВА ВО ДОМАШЕН ПРИТВОР Истрагата за милионскиот скандал продолжува appeared first on plusinfo.mk.

Венко Филипче и СДСМ се единствените кои се исплашени заради корупцијата и криминалот на структурите блиски до СДСМ, велат од ВМРО-ДПМНЕ. Од партијата порачуваат Филипче да не шири паника и страв и да не ја префрла вината кај граѓаните, туку институциите да профункционираат.

„Заврши времето на политички нарачани пресуди од судиите и обвинителите избрани во Зајас и Струмица. Нема скандал, криминал и корупција, а таму да не се вмешани имињата на Заев и Филипче. СДСМ со денови растура пердуви во јавноста околу скандалот со запленетата марихуана, а сега и со случајот со Артан Груби сами се заплеткаа во сопствените лаги. Зошто СДСМ се во паника и хистерија, имаат ли страв од исказот на Груби? Затоа ли вртеа по телефони интересирајќи се за неговиот исказ? Кого може Груби да повлече со него, дали со него ќе ги повлече и неговите ортаци по криминал Заев, Филипче, Спасовски, Зечевиќ и други? Лагите на СДСМ и Филипче траат кратко, но последиците се трајни и штетни за граѓаните“, велат од владејачката партија.

Од ВМРО-ДПМНЕ порачуваат дека „на Филипче му пропадна и обидот да ја скрие блискоста на структурите на СДСМ и кланот Заеви со сопственикот на запленетата марихуана, но вистината излезе на виделина“.

„Венко Филипче лажеше дека не ги познава лицата. Дури и во телевизиско интервју кажа дека нема никаква врска со вистинскиот сопственик на фирмата „ЦБД Медплант“ и поранешен функционер на СДСМ, Тони Котев, но фотографиите кои излегоа во јавноста го демаскираа. Венко Филипче во друштво на сопственикот на илегалната дрога. Венко Филипче и Тони Котев покрај себе. Владеење на правото и правдата мора да има. Секој кој го прекршил законот ќе одговара“, се наведува во соопштението.

The post ДАЛИ ИСКАЗОТ НА ГРУБИ ЌЕ ГИ ПОВЛЕЧЕ ОРТАЦИТЕ НА ФИЛИПЧЕ? Во СДСМ во паника вртеле по телефони, тврди ВМРО-ДПМНЕ appeared first on plusinfo.mk.

Адем Чучуљ, дипломиран правник и долгогодишен вработен во Антикорупциска, ќе биде предложен за нов претседател на Државната комисија за спречување на корупцијата (ДКСК), откако доби највисоки оценки од селекциската комисија.

Комисијата за прашања на изборите и именувањата едногласно одлучи до Собранието да го предложи Чучуљ за прв човек на Антикорупциска. Според информациите од законодавниот дом, гласањето за оваа предлог-одлука ќе се најде на пленарна седница на почетокот на декември.

Чучуљ, кој е дипломиран правник со положен правосуден испит, во моментот ја извршува функцијата генерален секретар на ДКСК и таму работи цели 19 години. На селекцијата за претседател на Антикорупциска доби убедливи 96,5 бодови, највисока оценка меѓу сите пријавени.

Според Комисијата за селекција, тој покажал „значајно практично искуство во спречување корупција и судир на интереси“, како и јасна визија за развојот на институцијата.

Огласот за нов претседател беше распишан уште летово, но процесот беше прекинат за време на локалните избори. На конкурсот се пријавија 13 кандидати, од кои 10 беа селектирани во потесен круг, а интервјуата започнаа во вторникот.

Нов претседател ќе биде избран по оставката на претходната претседателка Татјана Димитровска, која беше обвинета во случајот „Адитив“ за оддавање службена тајна и компјутерски фалсификат. Обвинението наведува дека Димитровска му давала информации од предмет на обвинето лице во истиот случај и дека за неа друг го полагал електронскиот испит за сертификат за државна тајна.

The post ЧУЧУЉ ЕДНОГЛАСНО ПРЕДЛОЖЕН ЗА ПРЕТСЕДАТЕЛ НА АНТИКОРУПЦИСКА По скандалот со Димитровска, доаѓа човек со повќе од декада искуство appeared first on plusinfo.mk.

The post Стејт департмент: Корупцијата во владините тендери во С. Македонија е проблем за инвеститорите appeared first on plusinfo.mk.