Нема докази дека новата форма на вирусот е посмртоносна, но се покажа дека е 70% попренослива, јави Би-Би-Си.

Истражувањето на професорот Рави Гупта од Универзитетот Кембриџ сугерира дека, кога станува збор за оваа мутација, антителата во крвта на оние кои имале ковид-19 се помалку ефикасни во одбраната на организмот.

Истата загриженост ја изрази и Тревор Бедфорд, биолог и експерт за генетика во Центарот за истражување на рак Фред Хачинсон во Сиетл.

„Сега видовме појава и ширење на неколку варијанти на вирусот, а некои покажуваат отпорност на третман со антитела“, забележа тој.

Дали ова значи дека оние кои неодамна се заразиле со ковид 19 сега можат повторно да се заразат со новиот вирус? Дали долгоочекуваните вакцини сега се спорни?

„Веројатно не“, изјави Скот Готлиб, поранешен комесар на американската Администрација за храна и лекови.

„Според она што во моментов го знаеме, дури и по разговорите спроведени од експерти од ЕУ, новиот вид на корона нема никакво влијание врз вакцините што остануваат ефикасни“, рече германскиот министер за здравство Јенс Спан.

Развиените вакцини за ковид-19 даваат широки реакции на имунитетот и дека антителата што ги произведуваат ќе можат да му одолеат на мутираниот вирус. Сепак, тие не ја исклучуваат можноста дека ќе треба да се прилагодат во иднина.

„Можноста новите соеви да бидат отпорни на постојните вакцини е мала, но не и непостоечка“, изјави за Си-ен-ен д-р Монсеф Слауи, главен научен советник за дистрибуција на вакцини на американската влада.

The post Антителата послаби борци против новиот британски мутант?! appeared first on plusinfo.mk.

Станува збор за ензимот PLpro, кој го овозможува размножувањето на вирусот и го сузбива создавањето на интерферонот тип 1, со што ја слабее имунитетната одбрана на организмот. Тимот на Ѓикиќ го идентификувал ензимот PLpro како слаба точка на вирусот. Инхибирањето на тој ензим го спречува ширењето на вирусот и го засилува антивирусниот имунитет.

– Користевме нековалентен инхибитор на ензимот PLpro (GRL-0617) и многу детално го опишавме начинот на неговото делување. Заклучивме дека инхибирањето на ензимот PLpro е мошне ветувачка двојна стратегија во сузбивањето на ковид-19. Натамошниот развој на терапевтските супстанци кои го инхибираат ензимот PLpro се клучен предизвик во клиничкото лечење на ковид-19 – вели професорот Ѓикиќ.

Повеќе за ова во истражувањето што го објави списанието Nature.

The post Тимот на Ѓикиќ ја откри најслабата точка на коронавирусот – ќе биде ли таа клучна за пронаоѓање лек за чумата? appeared first on plusinfo.mk.

На фотографијата е забава во ноќен клуб во Прилеп. Но, се тврди дека вакви забави се одржуваат и во Кавадарци, Пробиштип и во други градови во земјата.

Никој не сака пак да се воведе полициски час, но се поставува прашањето има ли јунак во земјава да ги спречи ваквите масовни забави, на кои никој не носи маска? Насекаде во Европа масовните собири се сметаат за главен извор на заразата. Се чини дека само кај нас никој тука не гледа проблем. Па после се чудиме зошто сме европски црни рекордери и зошто секој ден соборуваме нови рекорди.

(Фото: Фејсбук)

The post Корона журки насекаде во Македонија, ќе стави ли некој крај на овој башибозук? (ФОТО) appeared first on plusinfo.mk.