Канадските власти денеска соопштија за олеснување на проверките и правилата воведени поради ковид-19 за патниците кои пристигнуваат на нејзините граници, а исто така нема повеќе да се бараат ПЦР тестови.

– Објавувам денеска дека ги олеснуваме нашите гранични мерки – изјави канадскиот министер за здравство Жан Ив Дукло на прес-конференција.

Според него, „овие промени се можни не само затоа што го поминавме врвот на сојот омикрон, туку затоа што Канаѓаните низ целата земја ја слушаат науката и експертите, ги почитуваат мерките за јавно здравје и преземаат чекори за да се заштитат себеси, нивните семејства и нивните заедници“.

The post КАНАДА ГИ ОЛЕСНУВА ГРАНИЧНИТЕ МЕРКИ Од владата најавија промени на правилата за влез во земјата appeared first on plusinfo.mk.

Протестот што пред десетина дена го започнаа камионџиите кои се противат на задолжителното вакцинирање против ковид-19, го принуди градоначалникот на канадската престолнина Џим Вотсон да прогласи вонредна состојба. Тој изјави дека на улиците има повеќе демонстранти од полицајци.

Градоначалникот додаде дека протестот претставува закана за жителите, а имало и извештаи за расистички напади.

Центарот на Отава е парализиран од минатиот викенд, бидејќи камиони и возила ги блокираат улиците.

„Конвојот на слободата“ беше поттикнат од правилото донесено минатиот месец, според кое камионџиите кои ја преминуваат американско-канадската граница мора да бидат вакцинирани против ковид-19. Протестот се претвори во општо незадоволство против коронамерките и политиките на владата на премиерот Џастин Трудо.

„Демонстрантите го интензивираа своето однесување, со тоа што постојано прават бучава, фрлаат пиротехника и си прават забави. Тие се побројни и ние ја губиме битката. Ова мора да го свртиме на наша страна и да си го повратиме градот“, кажа Вотсон.

Премиерот Трудо претходно демантираше дека ќе ја повика војската за да ја расчисти ситуацијата. Вотсон не кажа кои мерки би можел да воведе, но вонредна состојба ќе му даде дополнителни овластувања на традот, како пристап до опремата што ја користат итните служби.

Полицијата вчера кажа дека спроведува 60-ина криминални истраги, поврзани со кражби, оштетување имот и злосторства од омраза.

The post ПРОТЕСТОТ ВО ОТАВА Е ВОН КОНТРОЛА Градоначалникот прогласи вонредна состојба appeared first on plusinfo.mk.