Во текот на идната недела во Србија ќе се состане Работната група за следење на ситуацијата со Ковид-19, најавија српските здравствени власти откако во државата е регистриран зголемен број заболени од тој вирус.

Во изјава за РТС, лекарката Снежана Јовановиќ од лабораторијата „Ватрено око“ нагласи дека во изминатите две недели има зголемен број на тестирања за коронавирусот на дневно ниво.Според неа загрижува податокот дека околу 20% од примероците се позитивни.
Српскиот Институт за онкологија и радиологија од петокот забрани посети во таа установа поради зголемен број на заболени од коронавирусот, јавија белградските медиуми.

The post РАСТЕ БРОЈОТ НА ЗАБОЛЕНИ ОД КОВИД-19 ВО СРБИЈА Здравствените власти преземаат заштитни мерки appeared first on plusinfo.mk.

Веста за приштинските медиуми ја потврдија извори од Владата на Косово, наведувајќи дека премиерот денеска се појавил на работа во својата канцеларија.

На почетокот на месецов Хоти објави дека имал позитивен тест на коронавирус и најави дека ќе се самоизолира и работните обврски ќе ги извршува од неговиот дом.

The post Косовскиот премиер Хоти го победи коронавирусот appeared first on plusinfo.mk.

При посетата на аердоромот Роаси, во Париз, францускиот премиер Жан Кастекс најави дека тестовите за коронавирус ќе бидат задолжителни за сите патници кои доаѓаат од ризичните земји, вкупно шеснаесет, јави дописникот  на МИА.

Одлуката за заострување на мерките за влез на француска територија е донесена на последниот Совет за одбрана, што беше посветен на ширењето на епидемијата на коронавирусот во светот, а предизвика засилување на контролите на границите.

Оваа општа мерка за тестирање на патниците при пристигнувањето на аеродромите премиерот Кастсекс ја најави поради тешкотиите да се направат тестови во одредени земји. Оваа мерка се однесува на патниците кои доаѓаат од 16 земји ставени на „црвената листа“, Северна Македнија не е на оваа листа, но тука се соседна Србија, Црна Гора и Турција, меѓу другите.

За француските државјани кои живеат во овие земји и кои исто така имаат главно живеалиште во Франција, исто така, ќе бидат задолжителни тестовите.

Шефот на француската влада, исто така, ги посоветува сограѓаните да не патуваат во Каталонија.

The post Франција ќе бара корона-тест за патници од 16 земји, не и за оние од Македонија appeared first on plusinfo.mk.

Граѓаните на Скопје можат да се тестираат во четирите пункта во: Поликлиниките Јане Сандански, Ченто, Чаир и Млин Балкан. Со ова, двојно е зголемен капацитетот за тестирање во Скопје.

Од минатата недела во функција се и пунктовите во градовите: Штип, Тетово, Струмица, Прилеп, Охрид, Куманово, Кочани, Битола, Велес, Кавадарци, Гевгелија и Струга.

Граѓаните одат во пункт за тестирање само во точниот термин, закажан преку нивниот матичен лекар, а не директно во пунктот.

Граѓаните кои имаат симптоми на ковид-19, но и тие без симптоми треба да се јават кај својот матичен лекар и точно и вистинито да одговорат на епидемиолошката анкета. Согласно ова, матичниот лекар врз база на евалуација на здравствената состојба и податоците го спроведува тестирањето, односно укажува на тоа дали кај пациентот е потребно тестирање. Во овој процес, вклучени се близу 1.200 матични лекари кои освен за детекција се задолжени и за следење на пациентите.

До крајот на неделата почнуваат со работа и други пунктови ширум државата во здравствените домови согласно големината на градот, што всушност значи трикратно зголемување, како што информираше на вчерашната прес-конференција министерот за здравство доц. д-р Венко Филипче.

Министерството за здравство апелира до граѓаните да даваат веродостојни и точни информации во епидемиолошката анкета за нивната здравствена состојба, како и да ги почитуваат мерките од надлежните институции за заштита од коронавирусот.

The post Кога се јавувате за тест за корона, немојте да лажете! appeared first on plusinfo.mk.