Водоводна мрежа и атмосферска канализација почна да се гради во селото Ласкарце во општина Сарај.

– Правиме пресврт во начинот на кој ја третираме состојбата на терен. Целта е трајно да ги решиме инфраструктурните проблеми – изјави министерот за животна средина и просторно планирање, Муамет Хоџа, денеска присуствуваше на почетокот на изградбата.

Инвестицијата во Ласкарце за изградба на водоводната мрежа и на атмосферската канализација изнесува 85 милиони денари, обезбедени од Министерството за животна средина и просторно планирање. Таа е дел од поширок пакет проекти со кои систематски се решаваат долгогодишните проблеми на граѓаните во општина Сарај.

Наскоро ќе започне и уредувањето на Сува Река, со што ќе се обезбеди трајно решение за намалување на ризикот од поплави во населените места на оваа општина.

The post ЛАСКАРЦИ ЌЕ ДОБИЕ ВОДОВОДНА МРЕЖА И АТМОСФЕРСКА КАНАЛИЗАЦИЈА Ќе се уредува и коритото на Сува Река appeared first on plusinfo.mk.

Возач починал на самото место откако излетал со својот „фолскваген голф“ на патот меѓу гостиварско Чегране и Корито, информира Министерството за внатрешни работи. Се работи за 26-годишниот Л.М. од гостиварското село Форино. Неговата смрт ја констатирал лекар од Итната медицинска помош.

Увидната екипа на ОВР Гостивар извршила детална истрага на местото на несреќата, во присуство на јавен обвинител. Телото на починатиот, по наредба на обвинителот, е дадено на обдукција за утврдување на причините за смртта.

The post ИЗЛЕТАЛ СО „ГОЛФ“, ПОЧИНАЛ НА САМОТО МЕСТО Млад возач загина кај гостиварско Чегране appeared first on plusinfo.mk.

На територијата на Општина Липково, во селата Липково, Отља, Оризаре и Слупчане во 18.15 часот почна да врне дожд, проследен со ветар и има паднато многу град.

ЦУК известува дека има оштетено земјоделски садници и дека има оштетено автомобили од паднатиот град.

Зголемено е нивото на водостојот на реката во Слупчане и постои ризик за излевање.

The post 📽️ РЕКАТА ВЕЧЕРВА НАДОЈДЕ ВО СЛУПЧАНЕ Жителите стравуваат дека ќе се излее од коритото appeared first on plusinfo.mk.

Телото било забележано на металната решетка во каналот што се наоѓа во кругот на Територијалната противпожарна единица во Кочани. Притоа е констатирано дека се работи за маж на околу 65-годишна возраст.

За настанот веднаш била известена Полициската станица во Кочани, по што екипа од Одделението за внатрешни работи и јавен обвинител вршат увид на теренот.

Засега не е познат идентитетот на лицето и дали станува збор за несреќен случај.

The post Пронајден машки труп во каналот од хидросистемот „Брегалница“ appeared first on plusinfo.mk.

Благодарение на престанокот на врнежите во текот на ноќта, приливот на вода во Треска се зголеми но не доволно таа и да се излее од своето корито, велат од Регионалниот центар за управување со кризи Македонски Брод, каде секојдневно се мери нивото на Треска.

– За разлика од пред две седмици кога на мерната станица кај Македонски Брод на Треска беа измерени 160 сантиметри, што беше за 50 сантиметри повисоко од критичната кота за излевање на реката, денеска на истото мерно место на мостот кај Македонски Брод се измерени 100 сантиметри, што е за 10 сантиметри под критичната точка и тоа е причината зошто нема излевање на реката од нејзиното корито – вели Миле Стојкоски од РЦУК Македонски Брод.

Тој додава дека покрај врнежите од дожд, за зголеменото ниво на реките во западниот дел од земјава придонесува и топењето на снегот од повисоките планини, поради натпросечно високоите температури. Бидејќи во најава е натамошно зголемување на температурите, тоа ќе придонесе топењето на снегот да се интензивира, а речните корита да бидат полноводни и пред доаѓањето на пролетта.

The post Коритото на реката Треска се полни, уште 10 сантиметри пред излевање appeared first on plusinfo.mk.

– Со ова се исполнија неопходните предуслови за продолжување на редовното производство во САСА, за што компанијата доби соодветно одобрение од надлежните институции. За време на прекинот на производството, сите вработени во САСА ги задржаа своите работни места. Во наредниот период, стручните тимови на рудникот САСА, зајакнати со надворешни експерти, ќе вршат постојани, детални проверки на функционирањето на хидро-јаловиштето за да се осигура дека оваа постројка функционира согласно најдобрите стандарди – информираа од рудник САСА.

Паралелно, како што дополнуваат, компанијата работи на чистење на коритото на Каменичка река.

– Досега е завршено чистењето на речното коритото во приоритетните зони, посочени од страна на надлежниот инспекторат. Дополнително, рудникот САСА ангажираше меѓународни и домашни експерти кои подготвија детален план за темелно чистење и на останатиот дел од речното корито во должина од 14 километри. Направени се и неопходните теренски подготовки, при што согласно препораките на експертите, по должината на реката поставени се специјални таложни прегради кои овозможуваат наталожување на остатоците од истекувањето кои потоа соодветно ќе бидат собрани и вратени во јаловиштето – велат од рудник САСА.

Согласно законската процедура, како што додаваат во своето соопштение, реализација на овој план за чистење ќе започне веднаш откако надлежните институции издадат соодветно одобрение.

– Целата операција на чистење ќе се одвива во соработка и координација со општината Македонска Каменица и претставниците на месните заедници. Инаку, рудникот САСА врши континуирано испитување на водата во реката. Резултатите од земените примероци по целата должина на реката покажуваат дека квалитетот на водата сега е во согласност со отчитувањата пред инцидентот од 14 септември 2020 година – се вели во соопштението од рудник САСА.

Со цел да ги слушне мислењата и потребите на локалните жители, рудникот САСА повторно ја отвора канцеларијата за комуникација со локалната заедница која е сместена во зградата на општината. Канцеларијата како што информираат ќе функционира секој петок, од 8 до 16 часот, со почитување на сите превентивни мерки и протоколи за заштита од ковид-19.

The post По хаваријата, САСА ја поправи оштетената брана и го чисти коритото на Каменичка река appeared first on plusinfo.mk.