Синдикатите истакнуваат дека ова е најцрниот ден за работниците во државава и најавуваат дека жестоко ќе го бранат правото на 40 часовна работна недела.

„ССМ, КСС, КСОМ и УНАСМ како најголеми синдикални централи во Македонија, кои заеднички здружуваат повеќе од 150.000 работници во Македонија, најостро ги осудуваат одлуките на Владата, по итна постапка и со европско знаменце да воведат неевропски вредности во Македонија, без расправа и согласност на социјалните партнери. Со оваа одлука Владата не води грижа за животот и здравјето на работниците туку единствено ги гледа своите интереси и интересите на нејзините стратешки партнери, жртвувајќи ги работниците и нивните семејства“, се вели во соопштението.

Осуда за ваквите ставови и намери на Владата, стои во соопштението, беа доставени и од Европската конфедерација на синдикатите – ЕТУК, Светската конфедерација на синдикатите – ИТУК, Европската федерација за градежништво и дрвна индустрија и Светската организација за градежништво кои имаат повеќе од 300 милиони членови кои рамо до рамо застануваат со синдикатите од Македонија.

„Синдикатите ССМ, КСС, КСОМ и УНАСМ ќе ги преземат сите чекори да ги заштитат работниците и работничките права и жестоко ќе го бранат правото на 40 часовна работна недела, 8 часа работен ден, 8 часа одмор и 8 часа време со семејството и рекреација!. Функционери претеравте, работници обединете се!“, се наведува во соопштението.

The post СО ЕВРОПСКО ЗНАМЕНЦЕ ВОВЕДУВАТЕ НЕЕВРОПСКИ ПРАВИЛА Синдикатите единствени и жестоки против прекувремената работа на Коридорите 8 и 10д appeared first on plusinfo.mk.