Тврдењето дека Бугарија ја одложила модернизацијата на бугарскиот дел, министерството за БТА го оценува како медиумска шпекулација.

„Министерството за транспорт и врски со години прави напори за развој на Коридорот 8, кој го поврзува Јадранското Море со Црното Море преку Албанија, Република Северна Македонија и Бугарија. Од вкупно 1220 километри железница, повеќе од половина од нејзината должина – 747 километри, е на територијата на Република Бугарија. Од нив останува да се изградат само 2,5 километри железничка пруга – од Ѓуешево до Деве Баир (границата со Република Северна Македонија). Делот е финансиран во рамките на Програмата за транспортна поврзаност 2021 – 2027 година и ќе биде завршен согласно распоредот до 2029 година. За споредба, делницата што недостасува на територијата на РСМ е приближно 70 километри“, соопшти Министерството, пренесува БТА.

Според бугарското Министерство, железничката линија Радомир – Ѓуешево е во функција и по завршувањето на делницата од Ѓуешево до Деве Баир во должина од 2,5 километри, преку прекуграничен тунел ќе може да се приклучи на мрежата на операторот на Република Северна Македонија.

„На 15 јануари 2025 г. согласно утврдената процедура, Бугарија ѝ предаде на Република Северна Македонија нацрт-договор за прекуграничен железнички тунел со Република Северна Македонија, во кој се претпоставува дека страните имаат заедничка цел – изградба на прекуграничен железнички тунел меѓу Република Бугарија и Република Северна Македонија во граничната област, вклучително и преку спроведување на јавна набавка за изградба и надзор на изградбата на тунелот од страна на една од договорните страни и напорите за обезбедување грант помош за негова изградба, бидејќи изградениот објект треба да ги исполнува барањата на ЕУ и НАТО за ваков тип на инфраструктура. До денес нема официјален одговор од РСМ“, наведуваат во својот став од бугарското Министерство.

Министерот за транспорт и врски Александар Ниоловски, денеска одлуката на бугарската Влада средствата за реконструкција на делот од Софија до Перник и од Перник до Радомир да ги пренасочат за изградба на пруга од Софија до Бургас, ја оцени како политичка порака во однос на нивната посветеност, односно непосветеност, на изградбата на железничкиот Коридор 8.

„Испратени се писма до Европската делегација, до Европската транспортна заедница, но исто така и до двете банки Европската инвестициска банка и Европската банка за обнова и развој, откако вчера бугарската Влада информираше дека нема предвидено средства за железничката пруга, која треба да ги поврзи Софија-Скопје преку железничкиот Коридор 8“, изјави Николоски.

Нашата држава, рече тој, останува силно посветена на изградба на Железничкиот Коридор 8. Во овој момент активно се работи на втората секција, во должина од 34 километри, којашто оди од Бељаковце до градот Крива Паланка.

The post КОРИДОР 8 Е НАЦИОНАЛЕН ПРИОРИТЕТ ЗА БУГАРИЈА Изградбата на пругата не е одложена, вели бугарското Министерството за транспорт и врски appeared first on plusinfo.mk.

– Бев жртва на обид за поткуп. Нормално, тоа не оди јавно, на отворени емисии, ниту има документи кои се потпишуваат. Тоа беше преку канал за комуникација. Лично кажав дека за Коридорот 8, секција 3, за пругата кон Бугарија, имаше обид да ми биде понуден поткуп и дека нема да го потпишам тендерот кој истекува на 17 септември – рече на прес-конференција премиерот Мицкоски.

Премиерот беше запрашан од новинарите дали пријавил и кому пријавил.

– Пријавив во сите институции кои треба да постапат. Поткупот не оди транспарентно со докази. Тоа беше преку канали за комуникација, но доволно сум искусен да насетам дека целта на соговорникот е таа за која говорам. Вакви поткупи можеби имало во минатото, но јас додека сум премиер нема да потпишам. Беа известени и европските партнери, бидејќи станува збор за пари на европските даночни обврзници – одговори Мицкоски.

Тој најави дека натамошниот тек околу тендерот и изградбата на пругата кон Бугарија со бугарската страна продолжува во Брисел на многу повисоко ниво.

Според него, друга голема грижа е што проектот за пругата не е целосен.

– Очекуваме иста таква посветеност и загриженост како што ние ја манифестираме и од бугарска страна, односно другата половина од тунелот да биде завршена, но и оние 5-6 километри со кои ќе треба да се поврзе со веќе постоечката пруга од бугарска страна зашто нам ни треба целиот Коридор, а не да потрошиме половина милијарда евра овде, а тие да не направат ништо. Ќе ве потсетам на граничниот премин Клепало кога од македонска страна сѐ беше завршено и патот и граничниот премин, а од бугарска страна немаше ништо завршено. И ќе ве потсетам дека ние го привршуваме и ако сѐ биде како што треба, до крајот на годината ќе биде завршен експресниот пат кој ќе ја поврзе земјава со источниот сосед што ќе заврши некаде после Крива Паланка. Така што, ние посветено работиме на Коридорот 8 и ќе продолжиме, но очекуваме иста таква посветеност и ист таков жар од страна на нашиот источен сосед бидејќи овој Коридор е потребен цел како стратешки коридор – рече Мицкоски.

The post „БЕВ ЖРТВА НА ОБИД ЗА ПОТКУП“ Мицкоски нема да го потпише тендерот за пругата кон Бугарија appeared first on plusinfo.mk.

-Доколку има какви било сомневања или информации во однос на интегритетот на вработени, подизведувачи, субконтрактори, во овој најголем инфраструктурен  проект секој може тоа да го пријави согласно со нашите закони – рече Ковачевски на новинарско прашање „како може за надзор да се избере фирма на која еден од сопственците е обвинет за корупција“.

Договорот, како што рече, е со суверена гаранција, односно со одлука на Парламентот кој донесе Закон за стратешко партнерство во однос на изведувачот „Бехтел и Енка“, како и дека беше избран надзор во повторена постапка.

– Владата не врши евалуација, ниту прибирање на документи  по однос на компании, тоа го прави стручна комисија. Компанијата за надзор ќе работи заедно со американски „Бехтел“ и доколку има лица или подизведувачи за кои постои сомнение за нивниот интегритет од страна на кого било во државата тоа може да го пријави во Обвинителството, но обврска на компанијата која го има добиено тендерот за надзор на сите делници  без разлика кој е во нивниот конзорциум  е тоа да го направат навреме и со квалитетот којшто е договорен, заеднички во соработка со американски Бехтел – рече Ковачевски.

На 2 февруари во Владата беше потпишан потпишан договор со италијанската ИРД инжинеринг за надзор и правен трансакциски советник  за четирите автопатски делници во должина од над 120 километри на коридорот 8 и 10д што ќе ги гради  „Бехтел и Енка“.

Со потпишувањето на договорот стартуваа преговорите на надзорот во име на Управувачкиот комитет на Владата со „Бехтел и Енка“ за натамошниот тек на проектот, што според најавите треба да стартува годнава. Следна фаза треба да биде потпишување договор за изведба на работи на автопатските делници на Коридорот 8: Требеништа – Струга – Ќафасан (22,5 километри) Гостивар – Букојчани (30,1  километар), Тетово – Гостивар ( 27  километри)  и на делницата Прилеп – Битола (43,4 километри) од Коридорот 10- д.

ИРД инжинеринг во државава  е присутна со услуги над 20 години,  а директорот Паоло Орсини на потпишувањето на договорот вети дека ќе обезбедат највисоко ниво на надзорни услуги и оти навремено и квалитетно ќе бидат завршени работите.

Владата минатата година потпиша меморандум за соработка со „Бехтел и Енка”, а Собранието донесе Закон за утврдување јавен интерес и негово номинирање за стратешки партнер за овој проект.

The post СОМНЕВАЊАТА ЗА „ИРД ИНЖЕНЕРИНГ“ ДА СЕ ДОСТАВАТ ВО ОБВИНИТЕЛСТВО Ковачевски очекува компанијата да го испорача договореното за коридорот 8 appeared first on plusinfo.mk.

Активностите кон отпочнување со градба на најголемиот проект во железничката инфраструктура-изградба на пругата кон Бугарија, заедничкиот пристап на земјите од регионот како и потпишувањето на декларацијата на Северна Македонија, Бугарија, Албанија и Италија за модерно поврзување Исток – Запад беше препознаено од страна на Советот на министри за транспорт на Европската унија.

– Стратешките планови за изградба и модернизација на овој Коридор ги презентирав и во Европската Комисија во Брисел во рамки на 6-от Министерски совет на Транспортната заедница, чии домаќин беше комесарката за транспорт на ЕУ, Адина-Јоана Валеан. Благодарност за Чешкото претседателство, силната поддршка од страна на комесарката за транспорт Валеан, министрите за транспорт од регионот и директрот на Секретаријатот на транспортната заедница, Матеј Закоњшек кои дадоа сериозни аргументи за оваа многу значајна одлука – истакна министерот за транспорт и врски Благој Бочварски.

Со оваа одлука, како што е наведено во соопштението од Министерството за транспорт и врски, европскиот транспортен Коридор 8 како дел од Коридорот „Западен Балкан – Источен Медитеран” ќе даде дополнителна додадена вредност и можност за посилен економски раст на регионот на Западен Балкан и Европската Унија.

The post УШТЕ НЕ СТОКМЕН, ЛАПНА ПРИЗНАНИЕ Коридор 8 дел од мрежата на Европскиот коридор „Западен Балкан-Источен Медитеран” appeared first on plusinfo.mk.

Ова денеска го порача премиерот Димитар Ковачевски на продолжувањето на изградбата на пругата кон Бугарија, кај местото Шупли Камен во близина на Куманово, на која присуствуваа и премиерот на Бугарија Галаб Донев, првиот вицепремиер и министер за политички систем и односи меѓу заедниците Артан Груби, министерот за транспорт и врски Благој Бочварски, директорот на ЈП „ЖРСМ Инфраструктура” Хари Локвенец, амбасадорот на Делегацијата на ЕУ, Дејвид Гир и директорот на канцеларијата на Европската банка за обнова и развој (ЕБОР), Анди Аранитаси.

– Оваа инвестиција на Северна Македонија отвора нови европски рути за железнички превоз, воспоставува регионално поврзување со пристаништата Бургас и Варна во Бугарија и пристаништето Драч во Албанија, што е од исклучителна важност за нашата економија, но и генерално за соработката во регионот во целина, како и соработка на регионот со други региони во Европа. Оваа економска енергетска криза со која што се соочуваме, посочи премиерот, ни предочи многу јасно колку е важна регионалната соработка и поврзаност и секако добрососедството. Оваа долго очекувана пруга, рече тој, очекувам покрај забрзан економски развој и на земјата и на регионот да придонесе и кон подобрување токму на регионалното поврзување и регионалната соработка – рече премиерот Ковачевски.

Бугарскиот премиер Галaб Донев, на почетокот на изградбата на источниот дел од железничкиот Коридор 8, порача дека тој е важен за сите три земји, како за Бугарија, така и за Албанија и Северна Македонија и дека без сомнеж ќе придонесе за додадена вредност на развојот на целиот наш регион.

– Коридорот 8 беше желба на многу генерации од двете страни на границата како клучна врска меѓу граѓаните и бизнис секторот од трите земји Бугарија, Северна Македонија и Албанија – изјави Донев.

Изградбата на Коридорот 8, кој поврзува три земји сојузници на НАТО, посочи Донев, е од интерес и за заедничката регионална безбедност, но истовремено ќе придонесе и за зголемување на трговската и стокова размена меѓи земјите.

– Задоволство е што еден од овие проекти започнува сега, со помош на Европската Унија. Годината пред нас ќе биде исполнета со инфраструктурни работи, но и ќе ги подобри квалитетите на животот на луѓето – порача првиот вице-премиер и министер за политички систем и односи меѓу заедниците, Артан Груби.

Порача дека ќе има работа за сите и посака успешна работа и целосно завршување на железницата за кратко време.

Според министерот за транспорт и врски Благој Бочварски, ова претставува отворање на ново поглавје во изградбата на македонската инфраструктура и дека визијата за европска држава не е повеќе желба, бидејќи, како што рече, овој проект е дел од европската перспектива за развој и просперитет на државата.

– Успехот е заеднички, покажавме упорност, одлучност и ја започнуваме најголемата инвестиција во железничката инфрастукруа во независна Македонија од 1991 година до денес, во вредност од 200 милиони евра – вели Бочварски.

Додава дека се исправени пред голем предизвик за завршување на Коридорот 8 и оската Исток-запад како дел од пан-европските коридори.

– Изградбата на оваа железничка линија од Куманово до Крива Паланка и во следната фаза од К. Паланка до Бугарија е инвестиција од над 600 милиони евра и претставува сериозен чекор во развојот на регионалната железничка инфраструктура – вели министерот.

Евроамбасадор Дејвид Гир, порача дека ова е вистински стратешка иницијатива што ќе помогне да се промовира регионалната трговија, да се намали времето на патување и да се поттикне одржлив економски раст што ќе донесе голема корист за граѓаните и претпријатијата од регионот.

– Иницијативата практично ќе ги помогне и нашите напори за добрососедски односи и за остварување на климатските цели и загадувањето. ЕК и ЕБОР ќе инвестираат повеќе од милијарда евра во проширувањето на железничката линија од Северна Македонија до Бугарија и ова е убедливо најголемата инвестиција што ЕУ ја направила во оваа држава – изјави Гир.

Анди Аранитаси од Европската банка за обнова и развој, нагласи дека железницата е еден од врвните приоритети на ЕБОР на Западен Балкан ќе продолжат со слични инвестиции и во иднина.

– ЕБОР е најголем давател на финансии за Северна Македонија и досега се дадени повеќе од 1,1 милијарада евра, но железницата е во нашето срце и досега се дадени 250 милиони евра и ќе дадеме уште 100 милини за делот од Крива Паланка до границата со Бугарија, а ќе ја поддржиме и изградбата на западниот дел од Кичево – изјави Аранитаси.

Делницата Бељаковце – Крива Паланка се гради со финансиска помош на ЕУ обезбедена преку Инвестициската рамка за Западен Балкан (ВБИФ). Грантот финансиран од ЕУ-ВБИФ од 75 милиони евра, дополнет со национален придонес од 1 милион евра, е доделен за да се доближи овој железнички дел до современите стандарди. Работите ќе се изведуваат од октомври 2022 година до крајот на 2025 година и опфаќаат тунели во должина од 5,5 километри, железнички мостови, над и подвозници, железнички станици и стојалишта, како и нов систем за сигнализација и телекомуникација. Дополнителен грант финансиран од ЕУ од 210 милиони евра е во план за завршување на источниот крај на железничкиот Коридор 8 до границата со Бугарија, информираше Канцеларијата на ЕУ во Скопје во пресрет на денешните активности.

Изградбата на пругата кон Бугарија е почната во 1994 година, од кога се одвојувани пари од државните буџети до 2004 година, кога првпат се стопирани активностите. По речиси децениски застој на градежните работи, во март 2014 година почна обновата на изградените тунели и мостови и градба на новите делови согласно со проектот на првата делница. Со договорот со тогашниот изведувач – германски „Вибе”, беше предвидено пругата да се изгради до септември 2017 година, но поради проблеми при изведбата, претежно од имотно правен карактер беше потпишан анкес со рок за изградба до февруари 2020 година, по што во јуни 2020 година работите беа прекинати со реализирани 54 проценти, а државата најави арбитражна постапка. Во февруари лани ЈП МЖ Инфраструктура преку Европската банка за обнова и развој распиша нов тендер во кој ги спои првите две делници. Тендерската постапка се заокружи со изборот на новите изведувачи „Ѓулермак” и „Штрабаг” и потпишување договор во јули годинава.

The post КОРИДОРОТ 8 ОТВОРА НОВИ ЕВРОПСКИ РУТИ Ковачевски и Донев сметаат дека тој е од интерес и за заедничката регионална безбедност appeared first on plusinfo.mk.

Околу најавената средба со неговиот бугарски колега Николај Сабев вечерва во емисијата Вин-Вин на ТВ Телма, Бочварски потсети дека е потпишан трилатерален Меморандум за соработка, помеѓу Северна Македонија, Бугарија и Албанија во Софија, со којшто сите три страни се заложуваат да се забрза интензитетот на градење на Коридорот 8 којшто е исклучително важен за сите, не само за Бугарија, само за Албанија или важен само за Северна Македонија.

– Го повикав и бугарскиот министерот да биде присутен напролет овде за да започнеме со градба на оваа пруга и секако ги поканивме и премиерите доколку е возможно тоа да се заврши – истакна Бочварски.

Тој потенцираше дека најтешка ќе биде изградбата на третата делница, бидејќи е најголема инвестиција.

– Само тунелот, согласно проектната документација која што ја имаме е околу пет километри, 2,5 километри се на нашата страна, 2,5 километри е на страната на Бугарија. И сега една од темите е како да се реализира тој проект, дали ќе го реализираме посебно, дали едната од страните ќе го аплицира, ќе го инвестира преку европските фондови. И тоа се постапки во кои што ќе се вклучат повеќе институции. Само тој тунел чини некаде 70 милиони евра, согласно првичните проекти, коишто ги имаме ние во Министерството. Тој проект е изготвен, го имаме ние за целиот тунел, којшто е на наша и на нивната страна и останува уште една реконструкција на бугарска страна, остатокот од пругата со што, како што сум информиран тие работат на нов проект за брза пруга. Сакаат да го поврзат по овој Коридор 8 со нас, со нашата страна. Тоа се постапки коишто реално ќе траат – наведе Бочварски.

Третата делница, која што ќе чини преку 400 милиони евра од Крива Паланка до Деве Баир, според проектните документации и според динамичните планови треба да се гради околу четири години.

– Нашите очекувања се дека ќе започне наредната година, што значи дека до 2027 ние доколку се оди како што треба, можеме да ја градиме оваа трета делница, а првите две коишто ќе ги започнеме сега напролет ќе се завршат за три години. Ќе завршат до 2025 година. Но тоа е след на настаните коишто ги имаме од наша страна со конкретни рокови, тајминзи, со обезбедени средства целосно за првите две фази и 60 милиони евра за третата фаза, но се разговара веќе и за дополнителни 150 да се обезбедат за третата фаза од оваа железничка пруга – додаде министерот.

Тој истакна дека Министерството за финансии работи на тоа колку може да обезбеди повеќе грантови, бидејќи се работи за големи средства, а останатиот дел ќе оди со кредитирање.

– Важно е дека кога ќе земеме одреден грант од ЕУ или од било која друга институција, ние тој грант треба да го потрошиме бидејќи рокови треба да го реализираме, да изградиме нешто со тие пари, да се оправдаме бидејќи сме имале капацитет тоа да го направиме. И тоа е нашата задача сега да го правиме. Јас тоа го кажав и на министерот од Бугарија, но и на премиерот дека ние сме подготвени на таа пруга да изградиме 36 тунели, колку што има на таа пруга на нашата страна и преку 80 мостови. Дел се реконструкција, дел треба да се изградат комплетно нови. Тоа е крајно комплексен објект, инфраструктурен објект за конечно ние да покажеме не само на Бугарија или на нас, дека можеме да живееме подобро, дека можеме да работиме повеќе, можеме да соработуваме повеќе, можеме компаниите да ги доближиме повеќе, да дадеме шанса не само преку патничкиот превоз, нашите компании да соработуваат преку патниот транспорт, туку може и преку железничкиот којшто ќе биде и конкурентен и поевтин и еколошки исправен во тој период – потенцираше Бочварски.

The post БОЧВАРСКИ ЗА КОРИДОРОТ 8 Во завршна фаза е изборот на изведувач за првите две делници од пругата кон Бугарија appeared first on plusinfo.mk.

На состанокот се разговараше за реализација на инфраструктурните проекти што се работат со финансиска поддршка на ЕБОР, информираа од Министерството за странство.

Министерот Бочварски ги запознал претставниците на Банката за изградбата на железничката пруга на Коридорот 8, финансирана од ЕБОР, притоа потенцирајќи дека напролет започнуваат со изградба првата и втората фаза, односно делницата од Куманово до Крива Паланка.

На средбата се разговарало и за финализирање на финансиската конструкција за изградба на втората фаза од автопатот Скопје – Блаце.

– Од двете страни е изразено задоволство што проектите течат со предвиденото темпо и посочија дека соработката помеѓу ЕБОР и Министерството за транспорт и врски во наредниот период дополнително ќе се продлабочува. Министерството за транспорт и врски останува силно посветено во реализација на крупните капитали инвестиции со што се покажува намерата на Владата во изградбата на целокупната инфраструктура во земјата – се вели во соопштението.

The post БОЧВАРСКИ НА СОСТАНОК СО ЕБОР Коридорот 8 останува врвен приоритет на оваа Влада appeared first on plusinfo.mk.

Како што соопшти Министерството за финансии, дополнително беше потпишан и договор за заем од страна на директорот на Јавното претпријатие за државни патишта Ејуп Рустеми и директорот на канцеларијата на ЕБОР во Скопје, Анди Аранитаси.

Министерството информира дека вкупната инвестициска вредност на делницата Букојчани – Кичево изнесува околу 130 милиони евра, при што 110 милиони евра се заем од ЕБОР, а останатите 20 милиони евра се обезбедени од инвестициската рамка за Западен Балкан – ВБИФ како инвестициски грант.

– Коридорот 8 е еден од стратешките проекти за нашата инфраструктура, којшто ќе ја направи земјата поконкурентна. Со изградба на патната инфраструтура од Коридорот 8, во РС Македонија ќе се заокружи изградбата на Паневропскиот коридор значаен за подобра поврзаност на РС Македонија, Албанија и Бугарија со другите европски земји. Ова ќе отвори нови пазари за македонските компании, ќе ја подобри нивната конкурентност и ќе овозможи одржлив економски раст – истакна Бесими на потпишувањето на договорот.

Анди Аранитаси, шеф на Канцеларијата на ЕБОР во Северна Македонија, рече дека ЕБОР има клучна улога во поддршката на македонскиот патен сектор од 2001 година.

– Банката ја финансира изградбата и модернизацијата на регионалните, локалните и паневропските патишта, притоа организирајќи дијалог за водење политики со цел зајакнување на институциите во земјата. Со оваа нова инвестиција повторно ја потврдуваме нашата заложба за изградба на подобра транспортна инфраструктура во земјата во корист на нејзините граѓани и деловната активност. Проектот ќе придонесе кон зголемено учество на приватниот сектор во работењето и одржувањето преку објавување тендер за договор за изградба и одржување, вклучувајќи го и справувањето со ризици од климатски промени во текот на фазите на изградба, управување и одржување на проектот – рече шефот на Канцеларијата на ЕБОР.

Директорот на Јавното претпријатие за државни патишта Ејуп Рустеми истакна дека со изградбата на автопатската делница значително ќе се подобри мобилноста и трговската размена, безбедноста на патот, ќе се скрати времето на патување, a ќе се зголемат и можностите за социоекономскиот развој.

– Делницата на државниот пат А2 од Гостивар до Кичево проектирана е пред повеќе од 50 години и изградена како единечен коловоз со две сообраќајни ленти во двата правца, а наместа на планинските превои, има и трета лента за бавни возила. Сепак, поради зголемениот обем на сообраќај и недоволно добрите возно-динамички услови, неминовно е надградување на оваа делница на ниво на современо автопатско решение по кое ќе се одвива брз, безбеден и непречен меѓународен и домашен превоз на патници и стоки – потенцира Рустеми.

Дополнително, посочува Министерството во соопштението, за обезбедување финансиската рамка за патната инфраструктура од Коридорот 8, со Буџетот за 2022 година се обезбедуваат околу шест милијарди денари за изградба на делниците Ќафасан – Струга – Требениште и Тетово – Гостивар – Букојчани од Коридорот 8, како и за автопатската делница Прилеп – Битола од Коридорот 10.

– Склучувањето на договорите за проектот Патен коридор 8 – прва фаза на проектот, делница Букојчани – Кичево, е дел од соработката на Република Северна Македонија со Европската банка за обнова и развој – ЕБОР, којашто години наназад дава значајна поддршка на земјата во процесот на членство на земјата во Европската Унија преку доделување заеми под поволни услови, грантови и техничка помош за подготовка и реализација на значајни инфраструктурни проекти. Реализацијата на овој проект е еден од приоритетите на Владата во рамки на клучната област „Одржлива инфраструктура и транзиција кон зелена економија – соопшти Министерството за финансии.

The post ОБЕЗБЕДЕНИ СРЕДСТВА ЗА ДЕЛ ОД КОРИДОРОТ 8 Од ЕБОР 110 милиони евра за делницата Букокчани – Кичево appeared first on plusinfo.mk.