САД испратија дополнителни 2.500 маринци и 2.500 морнари на Блискиот Исток, со што вкупниот број на американски војници во регионот достигна повеќе од 50.000, околу 10.000 повеќе од вообичаеното. Зголемувањето на бројот на војници доаѓа во време кога претседателот Трамп ги разгледува следните чекори во едномесечната војна со Иран, објави „Њујорк тајмс“.

Иако сè уште не е јасно со што ќе бидат задолжени маринците од 31-та експедициска сила, американските претставници велат дека претседателот размислува за поголема офанзива, како што е заземањето на островот Харг или друга територија, во обид да се отвори Ормускиот теснец.

Тесниот премин, низ кој поминува околу 20 проценти од светската нафта, во голема мера е затворен од иранските сили како одмазда за војните на САД и Израел против нивната земја.

Регионот, кој вклучува бази и бродови во Саудиска Арабија, Бахреин, Ирак, Сирија, Јордан, Катар, Обединетите Арапски Емирати и Кувајт, вообичаено има околу 40.000 американски војници. Но, со ескалацијата на војната во Иран, тој број се зголеми на повеќе од 50.000, според американски воен претставник.

Оваа бројка не го вклучува екипажот од 4.500 војници на носачот на авиони „УСС Џералд Р. Форд“, кој беше погоден од низа незгоди, вклучително и пожар. „Форд“ го напушти регионот на 23 март и отплови за Крит, пристигнувајќи во Хрватска во петок. Неговата следна дестинација останува непозната.

The post САД ИМА ВКУПНО 50.000 ВОЈНИЦИ НА БЛИСКИОТ ИСТОК Трамп сѐ уште не донел одлука за копнена офанзива appeared first on plusinfo.mk.

Земјите од Персискиот Залив сериозно размислуваат за директно вклучување во конфликтот со Иран, по серијата напади што ја загрозија нивната енергетска инфраструктура и економија, објавува „Волстрит журнал“.

Иако засега не испраќаат свои копнени сили, заливските држави веќе преземаат чекори што ја поддржуваат американско-израелската офанзива од логистичка помош до економски притисок врз Техеран.

Саудиска Арабија, која претходно се дистанцираше од конфликтот, сега го менува пристапот. По серијата ирански напади со ракети и дронови врз енергетски објекти и главниот град Ријад, кралството дозволи користење на своја воздушна база од страна на американските сили.

Извори наведуваат дека престолонаследникот Мохамед бин Салман е сè поблиску до одлука за директно вклучување, со цел да се врати одвраќачката моќ на државата.

– Трпението на Саудиска Арабија не е неограничено – изјави министерот за надворешни работи Фејсал бин Фархан, алудирајќи на можен поостар одговор.

Во меѓувреме, Обединетите Арапски Емирати преземаат финансиски мерки против Иран, затворајќи институции поврзани со режимот и заканувајќи се со замрзнување на милијарди долари ирански средства. Овие чекори имаат потенцијал сериозно да го ограничат пристапот на Техеран до странски валути и глобални пазари.

Паралелно, се разгледува и можноста за испраќање војска, додека Емиратите лобираат против прекин на огнот што би оставил дел од иранските воени капацитети недопрени.

Иако официјално тврдат дека не учествуваат директно во нападите, постојат индикации дека одредени операции веќе се одвиваат од територии во регионот, што укажува на постепено вклучување во конфликтот.

Паралелно како што наведува медиумот, Заливските монархии се наоѓаат во сложена позиција од една страна се под притисок да одговорат на иранските напади, а од друга стравуваат дека може да бидат оставени сами ако САД ненадејно се повлечат од конфликтот.

Дополнителен притисок претставува и најавата од Техеран дека сака да воспостави контрола врз Ормускиот Теснец и дури да наплатува премин, што директно ги загрозува глобалните енергетски текови.

Аналитичарите оценуваат дека токму овие закани ја туркаат регијата кон подлабока ескалација, со ризик од проширување на војната на повеќе фронтови.

The post ЗЕМЈИТЕ ОД ЗАЛИВОТ ПОДИРЕКТНО ЌЕ СЕ ВКЛУЧАТ ВО ВОЈНАТА ПРОТИВ ИРАН? Ги разгледуваат можностите да се ангажираат во евентуална копнена операција предводена од САД appeared first on plusinfo.mk.

Американскиот весник „Њузвик“ објави дека операциите на израелските командоси во јужниот дел на Либан против Хезболах е дел од подготовките за евентуална копнена инвазија, што може да се случи во текот на неделата.

Неименуван израелски претставник за британскиот весник „Телеграф“ потврди дека елитните трупи се фокусирани на инфраструктурата на Хезболах, вклучително локациите со оружје и командните и контролните центри.

Министерот за одбрана на Израел, Јоав Галант, се чини дека навести дека Израел има намера да изврши копнена инвазија на Либан, откако им рече на војниците во северниот дел на земјата дека „ќе ги искористиме сите наши способности – вклучително и вас“, напиша „Гардијан“.

Заменик шефот на Хезболах, Наим Касем, во своето прво обраќање откако израелската армија минатата недела го елиминира лидерот Хасан Насрала, изјави дека движењето е подготвено да се спротивстави на израелската копнена инвазија врз Либан.

– Израел нема да ги реализира своите цели. Ќе се соочиме со која било можност и подготвени сме ако Израелците одлучат да влезат (во Либан) по копнен пат, а силите на отпорот се подготвени за борба на копно – посочи Касем.

Израелската армија соопшти дека мобилизирала уште три баталјони резервисти, а две бригади веќе се испратени во северен Израел како подготовка за можната копнена операција.

Додека „Волстрит џурнал“  објави дека израелски специјални сили ја преминале границата со Либан и испраќаат трупи во тунелите на Хезболах. И американскиот весник тврди дека тоа претходи на евентуална голема копнена офанзива.

Израелските медиуми јавија дека нападите врз Либан не само што ќе продолжат туку ИДФ се подготвува и за копнена операција. Неименуван безбедносен извор изјави дека иако сè уште не е донесена политичка одлука, ИДФ привршува „значајни операции“ како подготовка за копнена инвазија врз јужен Либан.

– Целта на копнените маневри е да се уништат целите, но и да се проектира моќта на Израел и ИДФ на Блиски Исток, особено врз Хезболах – истакна тој.

Според процена на Израел мрежата на тунели на Хезболах долга е неколку стотина километри. Се претпоставува дека Хезболах ги користи тунелите за влез во Израел, иако дел од нив се уништени во 2019 година од страна на израелската армија.

Во меѓувреме, либанскиот технички премиер Наџиб Микати изјави дека либанската влада е подготвена целосно да ја спроведе резолуцијата на Обединетите нации (ОН) со цел да се стави крај на вооруженото присуство на Хезболах јужно од реката Литани, како дел од договорот за прекин на огнот со Израел.

Микати рече дека Либан е подготвен целосно да ја спроведе резолуцијата 1701 на Советот за безбедност на ОН и да распореди војници јужно од реката Литани, која е на околу 30 километри од јужната граница на Либан, пренесуваат британските медиуми.

The post СÈ ПОИЗВЕСНА Е КОПНЕНА ИНВАЗИЈА НА ЛИБАН? Спремни сме, вели Хезболах appeared first on plusinfo.mk.

Најновите жртви се 28-годишен мајор и 21-годишен наредник од специјалните сили. Тие беа убиени во северниот дел на Појасот Газа, јавија израелски медиуми.

Борците на Хамас убија околу 1.200 луѓе и заробија повеќе од 200 луѓе во Појасот Газа. Досега само четворица од заложниците се ослободени.

Во израелските напади во Појасот Газа од 7 октомври загинаа повеќе од 11.000 луѓе, меѓу кои и повеќе од 4.500 деца, според палестинските власти под контрола на Хамас.

The post ИЗРАЕЛСКАТА АРМИЈА ИЗГУБИЛА 44 ВОЈНИЦИ Хамас и покрај големите загуби не ги ослободува заложниците appeared first on plusinfo.mk.

Началникот на Генералштабот на Израелските одбранбени сили (ИДФ),  генерал-полковник Херзи Халеви, денеска изјави дека неговите сили оствариле нов напредок во спроведувањето на фазите од војната против Хамас во Појасот Газа, пренесе „Тајмс од Израел“.

– Постигнавме напредок во уште една значајна фаза од војната. Нашите сили се во срцето на северна Газа, оперираат во градот Газа, го опкружуваат и ја продлабочуваат копнената офанзива и достигнувањата. ИДФ се борат во густа и сложена урбана област, за која е потребна професионална борба и храброст – изјави генералот Халеви во базата на воздухопловните сили.

Генералот кажа дека војниците се вклучени и во блиска борба.

– Копнените сили имаат точни разузнавачки информации, и се поддржани со оган од воздух и море. Оваа соработка ја прави борбата многу поефикасна – рече началникот на ГШ на ИДФ.

Халеви, сепак, призна дека во оваа војна се плаќа „болна и тешка цена“, со 18 досега убиени војници во копнената операција.

– Го изгубивме најдобрите наши синови во војната, ги прегрнуваме нивните семејства… ќе продолжиме да победуваме – истакна Халеви.

Првиот човек на ИДФ исто така рече дека израелската војска има „обврска“ да ги врати дома сите заложници што ги држи Хамас и другите терористички групи во Појасот Газа.

The post ИЗРАЕЛСКИТЕ СИЛИ ЈА ОПКОЛИЛЕ ГАЗА Копнената офанзива влегува во нова фаза appeared first on plusinfo.mk.

Тие додадоа дека воздухопловните сили ги напаѓаат точките каде што се собираат палестинските милитанти во пресрет на инвазијата.

Палестинската група Хамас вчера објави дека нејзините борци се судриле со оклопните сили кои се инфилтрирале во јужниот дел на Газа, уништувајќи дел од израелската воена опрема. Израел не зборуваше за загуби.

The post ЗАПОЧНА ЛИ ГОЛЕМАТА ПРЕСМЕТКА? Израелската војска изврши ограничен упад во Газа appeared first on plusinfo.mk.

Воена копнена офанзива на Израелските одбранбени сили (ИДФ) во Појасот Газа би траела со години и би вклучила ужасни борби, изјави за Политико, Дејвид Петреус, пензиониран генерал на американската армија кој служел во Ирак и Авганистан и поранешен шеф на ЦИА.

Говорејќи по бруталните напади на милитантите на Хамас врз Израел и одговорот од другата страна, поранешниот директор на ЦИА предупреди дека континуираната кампања за копнена инвазија на ИДФ многу брзо може да стане „Могадишу на стероиди“.

Наведувајќи го инцидентот од 1993 година во кој беа соборени три американски хеликоптери Black Hawk во сомалиската престолнина, предизвикувајќи крвави урбани борби во кои загинаа 18 американски војници, Петреус рече дека ИДФ ќе се соочи со слична ситуација на територијата на непријателот доколку изврши копнена инвазија.

– Ако Хамас е креативен во одбраната како што беше во тој ужасен, варварски напад, тогаш ќе видите бомбаши самоубијци, ќе видите импровизирани експлозивни направи, ќе има заседи, мини и урбаната средина ќе биде предизвик за војската – предупреди поранешниот шеф на ЦИА.

Петреус рече дека неговото искуство во водење на војската за време на бруталните контрабунтовнички кампањи треба да послужи како предупредување за ИДФ ако продолжи со копнена инвазија.

– Тешко ми е да замислам потешка опкружување од ова сега, а јас сум командувал со силите во голем број големи урбани операции – рече Петреус.

Пензионираниот американски генерал предупреди и дека ваквите конфликти не завршуваат за ден или два туку, траат со децении.

– Не можете да победите во контрабунтовничките операции за една или две години. Тие обично траат една деценија или повеќе, како што видовме во Ирак и во Авганистан – вели поранешниот шеф на ЦИА.

The post АКО ИЗРАЕЛ ПОЧНЕ КОПНЕНА ИНВАЗИЈА, ГАЗА ЌЕ СТАНЕ МОГАДИШУ НА СТЕРОИДИ Поранешен шеф на ЦИА најавува опасност од долга, крвава војна  appeared first on plusinfo.mk.

Русија го предупреди Израел да не презема копнена офанзива против исламистичката група Хамас во Појасот Газа, јави ДПА.

Портпаролот на Кремљ, Дмитриј Песков, во својот коментар, објавен во руските државни медиуми, денеска истакна дека постои закана од ескалација на конфликтот на Блискиот Исток со „страшни последици за целиот регион“ и уште поголема хуманитарна катастрофа.

Песков ова го кажа во Пекинг, каде претседателот Владимир Путин е во дводневна посета.

Кремљ соопшти дека Путин има намера на маргините на форумот „Појас и пат“, за ситуацијата на Блискиот Исток да разговара и со кинескиот партиски и државен лидер Си Џинпинг.

Путин вчера телефонски разговараше со неколку лидери од Блискиот Исток, меѓу кои и со израелскиот премиер Бенјамин Нетанјаху и со палестинскиот претседател Махмуд Абас.

Рускиот претседател повика на прекин на огнот за заштита на цивилното население.

Песков уште еднаш потврди дека се очекува Абас да ја посети Москва, иако не е утврден датумот на посетата.

Русија се залага за создавање независна палестинска држава, истовремено поддржувајќи ги безбедносните гаранции на Израел.

– Народот на Израел мора да живее во мир – нагласи Песков, но истакна дека најважна задача сега е да се стави крај на војната на Блискиот Исток.

The post ИЗРАЕЛ ДА НЕ ПРЕЗЕМА КОПНЕНА ОФАНЗИВА ВО ГАЗА! Русија повикува на итен прекин на огнот appeared first on plusinfo.mk.

Американскиот претседател Џо Бајден, утре ќе го посети Израел. Но, посетата на американскиот претседател нема да ја одложи израелската копнена офанзива во Газа.

Портпаролот на израелските одбранбени сили (ИДФ) изјави дека војската не очекува утрешната посета на Израел на американскиот претседател Џо Бајден да ја одложи или комплицира копнената операција во Газа.

– Мислам дека претседателот исто така рече дека „Хамас треба да биде уништен“, а тоа е токму нашата воена цел – изјави за Си-Ен-Ен, потполковник Џонатан Конрикус.

Бајден ќе оствари утре посета на Израел што се толкува како демонстрација на огромната поддршка на Вашингтон за Ерусалим по нападот на Хамас на 7 октомври.

Тој ќе биде првиот шеф на држава што ќе го посети Израел од почетокот на конфликтот.

The post БАЈДЕН ВО ИЗРАЕЛ ВО ЕКОТ НА ОФАНЗИВАТА НА ГАЗА Посетата на американскиот претседател нема да ги одложи плановите appeared first on plusinfo.mk.

Рускиот претседател Владимир Путин денеска изјави дека очекуваната израелска копнена офанзива на Појасот Газа ќе доведе до „неподносливи“ цивилни жртви.

– Употребата на тешка машинерија во станбени области е сложена работа полна со сериозни последици и што е најважно, цивилните жртви ќе бидат апсолутно неподносливи – рече Путин во телевизиското обраќање.

Тој оцени дека сега е најважно да се запре крвопролевањето и додаде дека неговата земја е „подготвена да соработува со конструктивни партнери“, пренесе АФП.

Во меѓувреме, американскиот државен секретар за одбрана Лојд Остин изрази поддршка за Израел истакнувајќи дека на многу начини „терористичката организација Хамас е полоша од Исламската држава (ИД)“.

– Ние сме тука со вас премиере и како што рече претседателот Џозеф Бајден, „ви чуваме грб“ – рече Остин на средбата со израелскиот премиер Бенјамин Нетанјаху во Тел Авив.

Тој денеска пристигна во Тел Авив за да се сретне со високи израелски владини претставници и од прва рака да го види оружјето и безбедносната помош што САД брзо му ја доставија на Израел во првата недела од последната војна против Хамас.

– Ова е ужасна недела, одвратни се потезите на таа терористичка група.Како што знаете, јас бев тој што првично ја организираше кампањата на ИД, а знам многу за Исламската држава, но ова е полошо од она што го видов со ИД – рече високиот американски претставник.

Тој е вториот висок функционер по американскиот државен секретар Ентони Блинкен кој го посети Израел во изминатите два дена.

The post САД МУ „ЧУВА ГРБ“ НА ИЗРАЕЛ, ПУТИН ПРЕДУПРЕДУВА Израелска копнена офанзива на Газа ќе донесе неподносливо многу цивилни жртви appeared first on plusinfo.mk.