– Нејзиното присуство на територијата на Русија е невозможно после тоа што се случи – изјави портпаролката на руското Министерство за надворешни работи Марија Захарова.

Норвешкиот амбасадор во Москва денеска бил повикан во руското МНР каде му е упатен „жесток“ протест поради неприфатливото однесување на Елингсен која си дозволила да упати русофобни и навредливи изјави. Норвешкото МНР потврди дека нивнот амбасадор во Москва бил повикан на разговор и дека е укината визата на Еленгсен.

– На состанокот амбасадорот ги повторил извинувањата на Осло и истакнал дека зборовите на соработничката не ги одразуваат норвешката политика и ставовите на Осло кон Русија и Русите“, изјави портпаролката на норвешкото МНР. Таа додаде дека норвешката конзулка во моментов не е во Русија, без да посочи други детали.

Скандалот беше обелоденет минатата седмица кога на социјалните мрежи се прошири снимка од надзорна камера на хотел во Мурманск каде Елизабет Елингсен ја вршеше конзуларната функција. Таа на рецепцијата на хотелот вели „ги мразам Русите…само дајте ми соба…навикната сум на чисти соби, јас доаѓам од Скандинавија“.

The post МОСКВА ПРОТЕРА НОРВЕШКА ДИПЛОМАТКА Нема место за тие што се фалат колку ги мразат Русите appeared first on plusinfo.mk.