Поврзувачката порта од челик и стакло меѓу Бит-пазар и Старата чаршија е дивоградба и треба да се урне бидејќи се наоѓа во зона со прв степен од заштита, велат од Конзерваторскиот центар Скопје.

Стручен тим од Конзерваторскиот центар извршил увид на локацијата и констатирал дека станува збор за бесправна градба, која никако не може да биде легализирана и за која треба да се преземат сите законски мерки за итно отстранување и кривично санкционирање на одговорните лица за бесправно градење.

Според Геодетскиот елаборат, поголемиот дел од градбата во должина од околу 9,50 (9,15) метри се наоѓа во границите на Споменичката целина – Стара скопска чаршија, а помалиот дел од градбата во должина од околу 6,90 (5,90) метри се наоѓа во границите на Контактната зона „Дуќанџик“.

„За делот кој се наоѓа во границите на Споменичката целина – Стара скопска чаршија се применува режим на заштита од прв степен, кој подразбира забрана за поставување градби на јавни простори и за нарушување на чаршискиот амбиент и интегритетот на заштитената целина. Важечкиот Детален урбанистички план (ДУП) Стара чаршија, Општина Центар, Скопје, донесен во 1999 година со Одлука на Советот на Општина Центар (бр. 07-600 од 29.09.1999 година), не предвидува никаква градба на предметната локација. За делот кој се наоѓа во границите на Контактната зона Дуќанџик се применува режим на заштита од трет степен, кој исто така подразбира забрана за поставување градби на јавни простори и за нарушување на интегритетот на заштитената целина. Според важечкиот ДУП Мавровка, Општина Чаир, Скопје, донесен во 2006 година со Одлука на Советот на Општина Чаир (бр.07-938/4 од 23.08.2006 год.), предметната локација е дел од јавна површина – сквер и не се предвидени никакви градби“, се наведува во извештајот на Конзерватроскиот центар Скопје.

Оттаму нагласуваат дека не станува збор за настрешница поставена како урбана опрема.

„Во урбаната опрема, според Законот за градење, генерално спаѓаат и настрешници кои се поставуваат на јавна површина. За да имаат статус на урбана опрема, треба да исполнат одредени услови определени со Одлуката за утврдување на стандарди за поставување на времени објекти и урбана опрема на подрачјето на градот Скопје. Според Одлуката, настрешница е монтажно-демонтажна направа за заштита од сонце и атмосферски влијанија, со два или повеќе носачи и подвижен покрив од меки материјали (гумирано платно и слично) која е слободностоечка и не смее да биде прицврстена на јавната површина. Од изгледот, конструкцијата, употребените материјали и начинот на изведба, јасно е дека Поврзувачката порта меѓу Бит-пазар и Старата чаршија не може да биде урбана опрема“, додаваат од Конзерваторски центар Скопје.

ОД БИТ ПАЗАР КОН СТАРА ЧАРШИЈА НИЗ СТАКЛЕНА ПОРТА Градоначалникот на Чаир се пофали со новиот конструкциски објект

The post КОНЗЕРВАТОРСКИОТ ЦЕНТАР БАРА ДА СЕ УРНЕ СТАКЛЕНАТА ПОРТА НА БИТ-ПАЗАР Тоа е дивоградба и не е урбана опрема, велат стручњаците appeared first on plusinfo.mk.

Едната ќе биде Стручен соработник за конзервација на дрвена и камена пластика, другата ќе работи како Стручен соработник за ѕидно сликарство.

Конечно нов кадар што ќе води грижа за нашето културно и уметничко наследство!

Одлуките се донесени на 29 јануари 2021 година, врз основа на Оглас за вработување бр. 02/2020. Во нив се цитираат соодветни членови од Статутот на Јавната установа и од Законот за културата. Потписникот, директорот Коле Чапкановски, се повикал и на Годишната програма за вработување. Освен тоа, двете дами освоиле максимум бодови.

На прв поглед, навистина сѐ е според Законот и според Статутот. Освен, можеби, една мала ситница…

Образложувајќи ги своите одлуки, директорот Чапкановски напишал дека етничката припадност на Александра и на Ангелина „соодветствува со припадноста на етничките заедници утврдени во Балансерот на МИОА…“ И сходно на тоа, двете дами се вработени без никаков проблем.

Зашто, верувале или не – и двете се Албанки по етничка припадност!

Можеби некој во тоа не верува, ама така пишува во двете одлуки. И двете носат деловоден број 04-56/3. Плусинфо ги поседува, но сигурни сме дека министерот за борба против корупцијата, Љупчо Николовски, може и самиот да ги обезбеди по службен пат.

Во случајов, или Александра и Ангелина, двете со презимиња на „ски“, навистина се Албанки по етничка припадност (што лесно може да се утврди, врз основа на познавање на албанскиот јазик, на пример), или станува збор за суптилно изигрување на Статутот на Јавна установа, на Законот и на институцијата со смешно име, Балансер.

Како и да е, на јавниот оглас се јавиле и други лица, кои биле одбиени, затоа што веројатно не освоиле максимален број бодови, а и по етничка припадност не биле „Албанци“. Како Александра и Ангелина…

И тие сега се прашуваат – до кога оваа власт ќе нѐ прави будали?

Тие очекуваат министерот и вицепремиер Љупчо Николовски да се заинтересира за случајот, бидејќи самиот вети бескомпромисна борба против корупцијата и другите злоупотреби. Еве му малку работа…

The post Најпосле грижа и за културното наследство: Александра и Ангелина, две етнички Албанки, вработени во скопскиот Конзерваторски центар! appeared first on plusinfo.mk.