Националната конвенција на Демократската партија на САД започнува денеска во Чикаго, Илиноис, каде што делегати и лидери на партијата ќе се соберат во спортската сала „Јунајтед Центар“, по неколку бурни недели во кои партијата го замени својот претседателски кандидат.

Џо Бајден одлучи да се повлече од кампањата, а на негово место брзо беше номинирана потпретседателката Камала Харис. Овие промени значително ја изменија предизборната битка против кандидатот на Републиканската партија и поранешен претседател Доналд Трамп.

Промените во кампањата наложуваат и измена на предизборната платформа, која демократите ќе ја усвојат пред почетокот на Националниот конгрес. Конгресот ќе трае до четврток, а секоја вечер ќе се пренесуваат говори и други настани на телевизија.

Иако комплетниот дневен ред не е објавен, се очекува Харис, кандидатката за потпретседател, гувернерот на Минесота Тим Волц, Бајден, поранешните претседатели Барак Обама и Бил Клинтон, како и Хилари Клинтон и поранешната прва дама Мишел Обама, да одржат говори кои ќе бидат емитувани во вечерните програми.

Заседанијата ќе се пренесуваат во живо преку повеќе онлајн платформи, меѓу кои и веб-страницата на партискиот конгрес, „Јутјуб“ и „Икс“. За првпат, ќе има истовремен пренос на „ТикТок“, „Инстаграм“ и „Јутјуб“, а ќе биде обезбеден и превод на шпански јазик, како и толкување на знаковен јазик.

Во Чикаго се очекуваат протести против поддршката на администрацијата на Бајден за Израел во војната со радикалната палестинска групација Хамас. Полицијата тврди дека е подготвена и дека многу од нив се обучени за деескалација на тензиите.

Очекува се Харис да ја прифати номинацијата в четврток навечер. Волц ден порано, а Бајден ќе зборува денеска, на отворањето на Конвенцијата.

На 10 септември, три недели по завршувањето на конгресот, Харис и Трамп ќе се соочат во дебата организирана од телевизијата Еј Би Си Њуз. Волц и неговиот републикански противкандидат Џеј Ди Ванс исто така ќе имаат телевизиска дебата на 1 октомври.

The post ПОЧНУВА НАЦИОНАЛНАТА КОНВЕНЦИЈА НА ДЕМОКРАТИТЕ Харис официјално станува кандидат за претседател на САД appeared first on plusinfo.mk.

Поранешниот американски претседател Доналд Трамп пристигна во Милвоки, каде што  денеска започнува четиридневната Националната конвенција на Републиканците на која официјално ќе биде прогласен за кандидат на партијата за Белата куќа. Медиумите објавија дека во Милвоки, Трамп ќе одржи говор само неколку блока подалеку од местото каде што во 1912 година беше извршен неуспешен атентат на вториот американски претседател Теодор Рузвелт.

Тој пристигна во Висконсин според планот, и покрај тоа што беше цел на обид за атентат на митингот во Пенсилванија.

По слетувањето на пистата на аеродромот во Милвоки, Трамп излегол од авионот придружуван од неговите советници и ја кренал тупаницата во воздух, исто како што направил веднаш по атентатот.

Пред тоа Трамп на неговата социјална мрежа „Truth Social“ напиша:

„Планирав да го одложам моето патување во Висконсин за републиканската национална конвенција за два дена, но решив дека не можам да дозволам „снајперист“ или можен атентатор да нè натера да го презакажуваме или нешто друго. Затоа заминувам во Милвоки како што беше планирано“.

Претставниците на тајните служби изјавија дека нема да има промени во безбедносните планови поврзани со собирот.

Мајкл Ватли, претседател на Републиканскиот национален комитет (РНЦ), изјави за Фокс њуз дека властите работат заедно за да го обезбедат местото на одржување на конвенцијата во Милвоки, каде  што партиските функционери со месеци вршат безбедносни подготовки.

Се очекува околу 50.000 луѓе да присуствуваат на четиридневниот настан на кој републиканците ќе им откријат на гласачите што нудат на претседателските избори во ноември.

На конвенцијата во четврток Трамп треба да го соопшти и името на кандидатот за потпретседател.

Медиумите објавија дека во Милвоки, Трамп ќе одржи говор само неколку блока подалеку од местото каде што во 1912 година беше извршен исто така неуспешен атентат на вториот американски претседател Теодор Рузвелт.

На местото на атентатот сега е изграден хотел во кој републиканците редовно престојуваат. Влезниот хол на хотелот „Hyatt Regency“ поранешен „Gilpatrick Hotel” служи како спомен на атентатот.

The post ТРАМП ПРИСТИГНА ВО МИЛВОКИ НА КОНВЕНЦИЈАТА НА РЕПУБЛИКАНЦИТЕ Ќе зборува неколку блока подалеку од местото на кое Рузвелт преживеа атентат appeared first on plusinfo.mk.

Тој е прогресивен претседател, верува во прогресивна Македонија и не се откажува од европската иднина, додаде Ковачевски.

-Кога беше време да се отворат преговорите со ЕУ во јули 2022, Стево и јас седевме заедно, сами. Стево рече вака: Знам дека од утре целиот притисок ќе биде врз тебе. Знам дека целиот овој процес ти ќе мора да го изодиш до крај. Знам дека од утре, сите популисти, сите националисти, сите противници на европската идеја за Македонија, сите оние кои се здружени со непријателите на Македонија, ќе застанат против тебе. И ќе поминуваш низ пекол. И затоа, нема да те оставам сам. Затоа, јас ќе стојам рамо до рамо до тебе. Ќе стојам рамо до рамо и со пратениците со кои заедно ќе ја водиш битката во парламентот. Затоа, јас прв ќе излезам на прес конференција и ќе кажам: ДА, Македонија треба го прифати европскиот предлог. Македонија треба да стане земја членка на ЕУ.  Тоа и го направи, тоа е лидерство.  Тоа е начинот на кој постапуваат вистинските лидери – рече Ковачевски.

Лидерот на СДСМ рече дека тоа му дало поттик да отиде заедно со пратениците и во парламентот да ја кажам идејата за Европска Македонија.

– Со вакви храбри луѓе, направени од ваков цврст материјал што ништо не може да го скрши, Македонија ќе стане земја членка на ЕУ. Европска Македонија ќе биде реалност! Нема откажување, како што јас и Стево не се откажавме, ни во тие најтешки наши моменти.  Тоа го направивме не затоа што е лесно, туку напротив, затоа што е тешко и затоа што знаевме дека нема кој друг да ја донесе таа одлука. Затоа што јас и тој требаше да ја донесеме одлуката. Ниту Стево ниту јас не се откажавме и никогаш нема да се откажеме – рече  Ковачевски вечерва на конвенцијата за претседател во Скопје.

The post СТЕВО МИ РЕЧЕ ДЕКА НЕМА ДА МЕ ОСТАВИ САМ Ковачевски стана емотивен на конвенцијата на Пендаровски appeared first on plusinfo.mk.

Движењето ЗНАМ – За наша Македонија денеска во Скопје одржа Конвенција на која беа претставени кандидатот за претседател на државата и носителите на пратеничките листи во шесте изборни единици за претстојните претседателски и парламентрни избори.

На Конвенциајата пред неколкуте илјади присутни граѓани, членови на партијата и симпатизери, се обрати претседателот на движењето и кандидат за претседател на државата, Максим Димитриевски.

– Движењето ЗНАМ – За наша Македонија е нов политички субјект, но има сила, визија и е субјектот што ја носи промената на политичката сцена на Македонија“, рече Димитриевски и додаде: „Време е почитувани црно-сивиот свет да исчезне од Македонија. Ги доведоа Македонците во сопствената држава да се чувствуваат како граѓани од втор ред, наметнувајќи наратив дека Македонија е биетничка држава, држава на две мнозинства и многу малцинства. Ги доведоа во прашање основните обележја на македонскиот народ – националниот идентитет, јазикот, културата, националната историја. Не доведоа во позиција во 21 век да се докажуваме кои сме и што сме. Направија и прават грабеж и распродажба на националното богатство.

И она што е најпоразително придонесоа граѓаните да не си ја сакаат државата и да заминуваат гледајќи ја иднината надвор од границите на Македонија- рече Димитриевски.

Димитриевски потенцира дека за нормалното функционирање на државата голема важност има и дефинирањето на соживотот во Македонија и да се гради реално мултиетничко, а не биетничко општество, како што некој се обидува тоа во континуитет да го наметне, а граѓаните мора да се интегрираат во општеството, да се разбираат и да живеат во слога и заедништво.

– За нас како Движење ЗНАМ – За наша Македонија и за мене како кандидат за претседател на државата, принципите на кои е поставена Македонија се црвените линии, нешто за кое нема разговори и преговори и секое отстапување ќе значи изневерување на жртвите што се вградиле во основата на истата – рече тој и нагласи дека секој човек, без разлика кој е, што е, од кое потекло е, какви политички, верски или други убедувања има, заслужува да биде третиран со почит и дека никому не треба да му се нарушува достоинството.

Ќе бидам претседател на Македонија, којшто суштински ќе постапува согласно уставните надлежности и ќе биде независен во своето постапување и нема да должи никому, освен на граѓаните. Тука, пред сите вас, велам – ЗНАМ, сигурен сум, дека никогаш нема да потпишам закон или друг документ што ќе и наштети на Македонија или којшто ќе им штети на интересите на граѓаните. Секогаш на прво место ќе ми биде јавниот интерес, граѓаните и интересот на државата. Мојата цел е да бидам претседател на Македонија, кој што ќе биде столб и гарант на уставноста на државата. Граѓаните заслужуваат нов профил на претседател, којшто достоинствено ќе ги претставува, како на домашен, уште повеќе на меѓународен план“, нагласи Димитриевски и додаде дека цел е Македонија да биде земја во која ќе владее правото, ќе има правда за сите и еднакви можности за секој граѓанин.

„За жал Македонија сега е земја во која владеат корупцијата, неправдата. Со децении оние што практикуваат власт ветуваат едно, а остваруваат само придобивки за себе и за своите фамилии. Се создаде, најблаго речено, приватна држава, во која економијата, правдата, соживотот функционираат одлично, но само за нив, за одредена политичка елита и нивните пулени. Власта, од која било боја, со своето недомаќинско и криминално однесување не само што Македонија не ја приближи до развиените држави во економска и општествена смисла, туку ја оддалечи од развиениот свет, од Европската Унија“, рече Димитриевски и продолжи:

– Ние заедно со вас, граѓание, ќе ја направиме Македонија држава со функционални институции и професионалци кои ќе бидат на услуга на граѓаните, а не во функција на политичките елити, поединци и фамилии. Само така може да се сузбијат корупцијата, криминалот и неказнивоста. Нашата цел е Македонија да стане самоодржлива држава со силна економија, а притоа да се зачуваат природните ресурси и капацитети. Мораме да обезбедиме енергетска независност што ќе го постигнеме со изградба на електроенергетски објекти кои ќе бидат во сопственост на Македонија. Втората важна компонента за самоодржлива држава е производството на храна. Во наредиот период ќе одиме кон планиран развој на земјоделието и загарантирани цени на основните земјоделски производи, со цел тоа да стане водечка сила во економијата. Со правилна распределба на буџетот за производство на храна, со поволни кредити со ниски камата за земјоделците, со субвенции за земјоделците, на вистинските земјоделци, може да се зголеми производство на здрава храна, со помалкау пестициди, но и на високо квалитетна стока, а водата нема да е на продажба како наше национално богатство – потенцира Димитриевски.

Тој рече дека интеграцијата во Европската унија е стратешка цел на Македонија.

– Но ние мораме да си ја сработиме домашната задача, односно да имаме држава со силна економија, институции од доверба, владеење на правото, почитување на човековите права. Само така ќе ја имаме потребната почит и нема да има никаков простор да бидеме условувани и уценувани – рече тој и додаде:

– ЗНАМ дека со мудра политика ќе создададам услови за да ги одржуваме добрите односи и пријателствата со нашите стратешки партнери, но и со останатите држави со кои ќе имаме заеднички интереси и блискост во политичките ставови за важните меѓународни политички и економски прашања. Само така ќе можеме да одиме со крената глава и неразнишано достоинство.

Сакам да се заблагодарам што сите вие сте тука и ја давате својата поддршка на визијата што ја имам за Македонија како земја со силна економија, правда и среќни луѓе. Сакам да ве уверам дека за мене зборот е збор во вистинската смисла. Нема добро, нема чесност, морал доколку едно мислите, друго зборувате и трето правите.

Животот со такви принципи е тежок, но е возможен. И исполнува. ЗНАМ дека на овие избори Македонија е на раскрсница. ЗНАМ дека граѓаните ќе ја препознаат различноста и ќе гласаат ЗА, а не против. ЗНАМ дека победуваме“, рече кандидатот за претседател, Максим Димитриевски во обраќањето пред присутните на Конвенцијата на Движењето ЗНАМ- За наша Македонија.

На Конвенцијата се обратија и носителите на пратеничките листи.

Бобан Карапејовски носител на листата од ИЕ 1 нагласи:

– Нашиот народ одамна рекол: „Испружи ги нозете, колку што ти е долго чергичето.“ И, не оти чергичето ни е толку мало колку што доаѓа до народот! Туку, апетитите на политичарите се толку големи што го трошат и го јадат тој економски капацитет, корупцијата царува, а буџетот се распределува криминално за да ќарат оние што го изготвиле, наместо граѓаните. И тоа ни се случува во континуитет речиси 20 години наназад. Тоа се мотивите зошто јас лично решив да се вклучам во ЗНАМ, да застанам тука пред вас и да ја побарам вашата доверба. За да запре сето ова.

Даниел Стојчевски, носител на листата во ИЕ 2 нагласи дека:

– Ние на овие избори го бараме гласот од сите граѓани. Но, пред сè, ние сме партија на левиот центар и секогаш во фокусот ни е работникот, пензионерот, таканаречаната средна класа, која секојдневно ја снемува пред нашите очи во Македонија. Не може оние што ја граделе оваа држава да останат на нејзините маргини и заборавени. Минималната пензија мора да се усогласи со минималната плата, а тринаесетта пензија да добијат сите оние што земаат пензии до 30.000 денари“.

Во ИЕ 3 носител на пратеничката листа е генералот во пензија и доктор по историски науки, Павле Арсоски:

– Граѓаните имаат моќ состојбите да ги свртат во позитивна насока, а ние имаме должност да ги мобилизираме, омасовиме и организираме. Со масовна поддршка да докажеме дека ние во Македонија сме способни во државата повторно да воспоставиме ред, работа и поредок, да воспоставиме праведен систем каде сите наши луѓе ќе се чувствуваат свои на своето, каде што ќе имаат работа, ќе имаат пристојен и добар живот, младите ќе имаат европско образование.

– ЗНАМ дека со нас ќе победат сите они кои сакаат правда, со нас ќе победат работливите, со нас ќе победат чесните, со нас ќе победат оние кои ја сакаат Македонија, рече Миле Цеков, носител на листата во ИЕ 4. Тој додаде дека:

– Ние од ЗНАМ ќе се бориме ПРОТИВ рудниците во југоисточниот регион. Во овој реон каде припага и мојата Струмица треба да се искористи потенцијалот што ни го дала природата, сами да произведуваме храна, Македонија повторно да стане конкурента земја извозник на храна а не 90 % да јадиме увезена храна.

Носителот на листата во ИЕ5 Весна Бендевска рече дека „пред нас се избори кои ќе одлучуваат за иднината на Македонија! Иднина без минато, едноставно нема. Како што не мода постои Македонија без македонци, без македонски јазик, македонска историја и национален идентитет.

Ова се избори кои ќе одлучуваат дали сме достојни на борбата и саможртва на македонските херои. Ние мора да го зачуваме темелот на државотворноста што го граделе тие.”

– Не смее Тетово да е рекордер по искористување на фондови за решавање на водоснабдувањето, но се уште да постојат рестрикции и прекини во водоснабдувањето, а слично е и во Теарце, Ратае и другите рурални средини, како во Подгор, така и во Поселието. Ова се дел од проблемите – рече Небојша Захариевски носител на пратеничката листа од ИЕ 6.

„Само со транспарентност, отчетност и одговорно работење, може да постигнеме добро владеење кое и те како насушно и е потребно на Македонија, затоа главата горе доброто владеење допрва доаѓа – рече тој.

The post ШЕСТЕМИНА ОД ЗНАМ ЌЕ ПОКАЖАТ ШТО ЗНААТ Претставени носителите на листи и претседателскиот кандидат appeared first on plusinfo.mk.

Од 448 делегати кои гласале, 444 гласале за кандидатурата на Силјановска-Давкова. Друг кандидат немаше.

Силјановска Давкова се заблагодари за довербата и порача дека нема да ги разочара, дека ќе гради сојузи и ќе нема поделби.

– Најпрво не очекував толку голем резултат, навистина многу ми значи довербата, од срце ви благодарам  – рече Гордана Силјановска Давкова.

– Јас ве уверувам дека нема да ве засрамам. Јас ве уверувам дека ќе ги мерам зборовите. Ве уверувам дека ќе градам сојузи и сојузништва, дека ќе интегрирам, а нема да дезинтегрирам зашто поделбите ја доведоа  оваа држава да личи на гладијаторска арена. Нам ни треба пристојна, нормална па дури и досадна држава. Не егзотика. Доста бевме егзотични билки за светот и за Европската Унија. Во ЕУ треба да одиме со компатибилен политички систем, а него го нема без владеење на правото – рече кандидатката за претседател  на конвенцијата насловена „Важно е! Лидерство што носи промени”.

Гордана Јанкулоска преку статус на Фејсбук ја поддржа нејзината кандидатура, а на Конвенцијата присуствуваа Јане Ченто и Горан Ангелов, двајцата осудени за 27 април.

The post ОГРОМНО МНОЗИНСТВО ЈА ПОДДРЖА СИЛЈАНОВСКА ДАВКОВА Беше единствен кандидат за претседател appeared first on plusinfo.mk.

Таа во текот на своето обраќање посочи дека некој го разубавува Уставот, некој се обидува да го севернизира Уставот, но ќе остане доказ за тоа кој е во право, а кој не.

-Ве предупредувам дека во Уставот има еден член кој што е гласен сведок на нашата историја, а химната се чинам дека како никој друг прегнантно не ја содржи во себе тешката историја. Член 36 вели Република Македонија им гарантира посебни социјални права на борците од антифашистичката војна и од сите ослободителни војни за Македонија на воените инвалиди, на прогонуваните и затвораните за идеите на самобитноста на македонскиот народ и неговата државност како и на членовите на нивните семејства кои немаат можност за материјална и социјална егзистенција. Посебните права ќе се редат со закон. Инициравме ваков закон. На тоа беше одговорено дека ќе биде атакуван со илјадници амадмани. Колку некој да го разубавува уставот, колку некој да го севернизира уставот, но ќе остане некој доказ за тоа кој е во право, а кој не – рече таа.

Силјановска Давкова истакна дека во Уставот пишува дека ние нема да се мешаме во внатрешните работи, а нас цело време ни се мешаат соседите.

-Исто така нешто што не постои во ниту еден Устав на планетата, а не во европските држави го содржи нашиот Устав. Во него пишува дека нема да се мешаме во внатрешните работи на другите држави, а замислете цело време соседите ни се мешаат – вели Силјановска Давкова.

Таа истакна дека е среќна што повторно е среќна што е на конвенција на ВМРО-ДПМНЕ за избор на кандидат за претседател на Македонија затоа што инспирацијата и доаѓа од една претседателка на земја со слично минато како нашето, Мери Робинсон, интелектуалка која не беше членка на политичка партија.

Силјановска Давкова посочи дека претседателот треба да се однесува натпартиски, да едуцира, да обединува, да биде проактивен и да почитува соработка и мирно решавање на споровите.

– Кај нас претседателите имаат силен изборен легитимитет, речиси најсилен во компаративното право, не сум за силни надлежности и силни претседатели затоа што во отсуство на демократска традиција може да се појави опасност од некој фолклорен лик односно од некој балкански Бонапарта. Претседателката, претседателот мора да обединува, да биде проактивен а не реактивен, да се води од Копенхагенските критериуми, да ги претставува сите без оглед на етнос, вера, пол, род, статус, да биде почитуван и да почитува, да едуцира, да биде горд, да почитува соработка, мирно решавање на споровите, да има чувство, да биде емпатичен, да има регионален преглед, затоа што ако не ги брани соседите тогаш нема да го бранат ниту него. Нам ни треба скандинавизација во однесувањето – нагласи Силјановска Давкова.

Силјановска Давкова запраша за тоа кој ја креира сликата на Македонија во меѓународните односи, односно кои се амбасадорите и конзулите?

– Сте се запрашале ли кој ја креира сликата на Македонија надвор во меѓународните односи? Кои се амбасадорите, конзулите? Не се чудам тогаш зошто вака се однесуваат кон нас зошто нивната слика е сликата за нас ама нашата слика не е нивната слика затоа се тие понизни кон меѓународната заедница зошто го зборуваат тоа што тие понекогаш сакаат да го чујат наместо рамноправно да дискутираат и да бараат разбирање. Македонија јас ја доживувам како една преумна, храбра, образована, културна жена. Затоа мислам дека овој пример овде треба да го следи претседателката, но никогаш да не заборави на стручноста и на компетентноста – истакна таа.

The post 📷 НЕ СУМ ЗА СИЛНИ НАДЛЕЖНОСТИ, СТРАВУВАМ ОД БАЛКАНСКИ БОНАПАРТА Силјановска Давкова се обрати на изборната Конвенција на ВМРО-ДПМНЕ за претседател appeared first on plusinfo.mk.

„Кандидатот кој ќе биде претходно пријавен и ќе ги исполни пропишаните услови ќе биде одбран на Конвенција која ќе се одржи на 2 март во Скопје, согласно одлуката на ИК на ВМРО-ДПМНЕ.

Заинтересираните кандидати за учество на Конвенцијата треба да ги исполнуваат уставно предвидените обврски и услови содржани во членот 80 за кандидирање за кандидат за претседател на државата и кои се согласуваат и ги поддржуваат политиките на ВМРО-ДПМНЕ.

Сите оние поединци, кои сметаат дека се потенцијален кандидат, треба да добијат поддршка од најмалку 30 делегати кои се претходно изгласани од Централниот Комитет на партијата и објавени на веб страната на ВМРО-ДПМНЕ.

Кандидатите треба да поднесат програма и план за работа кои ќе бидат разгледани од страна на работните тела на Конвенцијата на ВМРО-ДПМНЕ за избор на кандидат за претседател на Република Македонија, и тоа најдоцна до 21.02.2024 година до 17:00 часот, во просториите на централното седиште на ВМРО-ДПМНЕ, плоштад ВМРО-ДПМНЕ, Палата др. Христо Татарчев (плоштад ВМРО бр.1) во Скопје.

ВМРО-ДПМНЕ ќе го одбере најмотивираниот кандидат за претседател на Република Македонија кој заедно со граѓаните ќе победи на претстојните претседателски избори 2024 година.

ВМРО-ДПМНЕ со идниот кандидат кој ќе го одбере за кандидат за претседател на Република Македонија, ќе ја порази оваа власт.

Македонија заслужува да има претседател кој активно ќе ги штити државните и национални интереси на сите граѓани и ќе ја претставува достоинствено државата пред Европа и светот“ – се вели во соопштението на ВМРО-ДПМНЕ.

The post МОРА ДА ИМА ПОДДРШКА ОД 30 ДЕЛЕГАТИ, ПРОГРАМА И ПЛАН ЗА РАБОТА Кандидатот за шеф на државата ВМРО-ДПМНЕ го бира со јавен повик appeared first on plusinfo.mk.

„Тајната коалиција на СДС и Данела конечно стана јавна, Зечевиќ ѝ купи партија на Арсовска и гордо во прв ред се радуваше на својот не толку фамозен изум“ – се вели во реакцијата на ВМРО-ДПМНЕ.

„ОД ПОЛИТИЧКА КУЛТУРА, А НЕ ЗА КОАЛИЦИРАЊЕ“ Цаци објасни зошто Зечевиќ бил на промоцијата на Данела

The post ЗЕЧЕВИЌ „КУЛТУРНО“ Ѝ КУПИ ПАРТИЈА НА ДАНЕЛА Каде му е политичката култура на Ковачевски да дојде на наш настан во МНТ, прашува ВМРО-ДПМНЕ appeared first on plusinfo.mk.

Конвенцијата, според најавата, ќе се одржи во хотелот „Континентал“ со почеток во 18 часот.

– Имаме чест да ве поканиме на конвенција за промоција на новиот претседател на политичката партија Нова Алтернатива Данела Арсовска. Конвенцијата ќе се одржи утре 17.01.2024 (среда) во 18 часот, во Кристална сала, хотел „Континентал“, стои во поканата за конвенцијата од партијата.

Арсовска претходно во телевизиско интервју информираше дека се подготвува да формира политичка партија, но не одговори директно дали може да се очекува учество на оваа партија на претстојните парламентарни избори закажани за мај годинава.

ДАНЕЛА ЈА ПРЕЗЕМА ПАРТИЈАТА НА ОРОВЧАНЕЦ? Скопската градоначалничка засега не ги открива своите планови

The post ДАНЕЛА АРСОВСКА НОВ ПРЕТСЕДАТЕЛ НА НОВА АЛЕРНАТИВА Утре ќе биде промовирана на конвенција appeared first on plusinfo.mk.

– Ние во минатото како политичка партија се покажавме дека имаме навистина широки погледи за тоа кои ќе бидат претседателските кандидати. ВМРО-ДПМНЕ има една сериозна внатрешна процедура, преку организирање на изборна конвенција, која што е статутарна одредба. Делегатите кои што произлегуваат од членството ќе го дадат своето мислење. Очекувам да има кандидати кои ќе бидат и мажи и жени, па делегатите на конвенцијата нека го изберат најдоброто решение за Македонија, пред сè, а потоа и за ВМРО-ДПМНЕ – рече Мицкоски.

The post ВМРО-ДПМНЕ ЌЕ ОРГАНИЗИРА ИЗБОРНА КОНВЕНЦИЈА Кандидатот за претседател ќе го изберат делегатите appeared first on plusinfo.mk.