При контрола во угостителски објект во Свети Николе, затекнати биле 26 малолетници после полноќ, а 14 од нив биле под дејство на алкохол, соопшти полицијата.

На 30.11.2025 во 00.10 часот, полициски службеници од СВР Штип – ОВР Свети Николе, во содејство со инспектори од Дирекција за заштита и спасување, Државен пазарен инспекторат, Управа за јавни приходи, Државен трудов инспекторат и Центар за социјални работи, извршиле контрола во угостителски објект во Свети Николе.

При контролата, во угостителскиот објект биле затекнати 26 малолетни лица после 24:00 часот, од кои 14 биле под дејство на алкохол.

По целосно расчистување и документирање на случајот, ќе следуваат соодветни пријави против одговорните лица. Од другите ангажирани инспекциски служби утврдени се низа прекршоци за кои ќе бидат поднесени соодветни поднесоци.

The post 26 МАЛОЛЕТНИЦИ СЕ ЖУРКАЛЕ И ПОСЛЕ ПОЛНОЌ ВО СВЕТИ НИКОЛЕ Од нив 14 биле пијани appeared first on plusinfo.mk.