Русија одржува контакти со некои европски земји, но нивните лидери не предлагаат ништо ново и бараат овие разговори да останат доверливи, изјави денеска рускиот министер за надворешни работи, Сергеј Лавров.

– Тие ни се јавуваат и нè замолуваат да не ги објавуваме разговорите. Некои од нив имаат „тајни“ контакти, но ништо што ни го кажуваат во овие доверливи средби не е различно од она што го кажуваат јавно – рече Лавров за Раша тудеј по повод Денот на дипломатите.

Тој истакна дека европската страна продолжува со истите повици за завршување на војната во Украина, но се дистанцирала од повиците за стратешки пораз на Русија.

– Кога сфатија дека сето тоа се илузии, ја сменија својата реторика – додаде Лавров.

Шефот на руската дипломатија ги оцени како несериозни нејасните планови на францускиот претседател Емануел Макрон за неговите контакти со рускиот лидер Владимир Путин.

– Ова е лоша дипломатија. Ако сакате да разговарате за нешто сериозно, јавете се. Рускиот претседател секогаш ќе ги слушне сите предлози. А ако зборуваме за сериозни предлози, можам да ве уверам дека тие нема да останат без конкретен, практичен одговор – рече Лавров.

Француските медиуми вчера објавија дека дипломатскиот советник на Макрон, Емануел Бон, ја посетил Москва со цел да воспостави дијалог меѓу Макрон и Путин, но Кремљ и Елисејската палата ниту ја потврдија, ниту ја негираа информацијата.

На почетокот на јануари, Макрон изјави дека би можел да разговара со Путин во наредните недели, а претходно, во декември, истакна дека би било корисно за Европа да ги обнови контактите со рускиот лидер. Кремљ потврди дека Путин е подготвен за разговор, но тоа треба да биде обид за разбирање на меѓусебните позиции, а не предавање.

Путин и Макрон последен пат разговараа по телефон во јули 2025 година, нивниот прв контакт по три години.

The post ЕВРОПСКИТЕ ЛИДЕРИ НЕ НУДАТ НОВИ ПРЕДЛОЗИ Лавров ја критикува француската дипломатија appeared first on plusinfo.mk.

Портпаролката на руското Министерство за надворешни работи, Марија Захарова, изјави дека се обновуваат контактите меѓу Русија и САД, откако претходната година беа речиси целосно прекинати.

Според неа, иако тој процес не е лесен, тој се одвива во повеќе насоки, особено преку подобрување на работата на амбасадите и на дипломатските канали, пренесе Риа Новости.

– Контактите меѓу Русија и САД се обновуваат откако претходно беа целосно прекинати. Тоа, се разбира, не е едноставна задача, но се одвива во различни насоки – истакна Захарова.

Таа рече дека клучна улога во овој процес имале рускиот министер за надворешни работи, Сергеј Лавров, и американскиот државен секретар, Марко Рубио, кои отворија простор за консултации меѓу дипломатите.

Захарова, исто така, напомена дека контактите се одвиваат и на парламентарно ниво, со руски сенатори кои комуницираат со своите американски колеги.

– Постојат и конкретни резултати кои веќе се постигнати, вклучително и подобрувања во работата на нашите амбасади – додаде таа.

Говорејќи за улогата на САД во Украина, Захарова истакна дека би било попродуктивно да се зборува за обнова на билатералните контакти отколку за американската посредничка улога.

– Не треба толку да зборуваме за посредничката улога на САД во Украина, колку за обновување на контактите меѓу Москва и Вашингтон, кои претходната администрација намерно ги уништи – заклучи Захарова.

The post НЕ Е ВАЖНО ДАЛИ САД ЌЕ ПОСРЕДУВААТ МЕЃУ УКРАИНА И РУСИЈА Се обновуваат контактите меѓу Москва и Вашингтон, посочи Захарова appeared first on plusinfo.mk.

Тој нагласи дека преговорите биле детални и дека содржината на тие разговори нема да биде откриена, пренесуваат руските медиуми.

Песков додаде дека во моментов се анализира извештајот од средбата, по што ќе може да се зборува за можни постигнувања.

Контактите меѓу Русија и САД ќе продолжат, додаде тој, но се уште нема информации за дополнителни средби.

Исто така, во моментов не се разгледува можноста за преговори меѓу претставниците на Москва, Киев и Вашингтон.

Преговорите се водеа вчера во Ријад, а руската делегација ја предводеше шефот на Меѓународниот комитет на Советот на Федерацијата, Григориј Карасин и советникот на директорот на ФСБ, Сергеј Беседа.

Главна тема беше Црноморската иницијатива за која разговараа претседателите на Русија и на САД Владимир Путин и Доналд Трамп во последниот телефонски разговор.

Карасин рече дека преговорите со американската делегација биле тешки, но конструктивни.

The post НЕМА ДА СЕ ОТКРИЕ ШТО ЗБОРУВАЛЕ САД И РУСИЈА Песков тврди дека во Ријад се разговарало за технички преговори appeared first on plusinfo.mk.

Секогаш прибрана и студена, Меркел сега ги замоли Германците да се придржуваат до пропишаните мерки во емотивен настап, скоро на работ на солзи.

– Бројот на контакти е преголем, намалувањето на контактите не е доволно – рече Меркел во германскиот парламент.

– Извинете, навистина ми е жал од дното на моето срце, но ако цената што ја плаќаме е 590 смртни случаи на ден, тогаш според мене тоа е неприфатливо – рече таа, видливо вознемирена од пратениците и граѓаните.

Обраќајќи им се на пратениците, Меркел рече дека ограничувањата воведени на почетокот на ноември не се покажале ефикасни, бидејќи пред празниците се регистрирани голем број смртни случаи поврзани со коронавирусот и приемите во единиците за интензивна нега.

– Ако имаме премногу контакти пред Божиќ и на крајот тоа е последниот Божиќ со нашите баби и дедовци, тогаш ќе сториме нешто погрешно. Не треба да дозволиме тоа да се случи – рече таа.

Во меѓувреме, Германија забележа најголем број на дневни смртни случаи од ковид-19 – 590, според институтот Роберт Кох.

The post Меркел на работ на солзи! Ги молеше граѓаните да се придржуваат до мерките за ковид-19 (ВИДЕО) appeared first on plusinfo.mk.

Епидемиолошката состојба во Германија сè уште е многу сериозна, иако бројот на новозаразени со коронавирусот не расте премногу брзо, изјави денеска канцеларката Ангела Меркел, откако на вчерашната средба со лидерите на сојузните држави одлуката за воведување нови мерки беше одложена за 25 ноември.

– Бројот на новозаразени повеќе не расте експоненцијално, но сепак е голем. Затоа мора да ги намалиме контактите, да ги намалиме контактите, да ги намалиме контактите – рече Меркел на економски настан организиран од „Зидојче цајтунг“.

Таа повтори дека 30 до 40 проценти од населението припаѓа на ранливи групи.

The post Меркел: Мора да ги намалиме контактите, мора да ги намалиме контактите! appeared first on plusinfo.mk.

Објаснувајќи го процесот, таа кажа дека заразените ги кажуваат само членовите на најтесното семејство, не и пошироките контакти, кои во одредени случаи самите се пријавуваат.

– Свесно избегнуваат изолација и знаеме дека сите контакти на позитивното лице 14 дена треба да бидат во домашна изолација, тоа е тој период доволен лицето да биде изолирано да не се шири инфекцијата. Потенцирам дека сè помал број контакти се пријавуваат. Ако во првите месеци во март или април на еден позитивен имавме од 10 до 15 лица контакти, сега се помалку, така што на едно позитивно лице имаме по два-три контакти – рече епидемиологот.

Податоците, појасни таа, се обработуваат истиот ден, списокот се доставува до МВР,  до Државниот санитарен и здравствен инспекторат, во текот на 24 часа се подготвуваат решенија. Таа очекува и во наредните месеци неповолна епидемиолошка состојба. Во Центарот дневно се прават околу 25 тестирања, има пункт, Центарот има и екипи кои теренски земаат брисови, по претходно закажани термини од матичните лекари.

– Тој број се движеше до вчера околу 25 лица дневно, денеска имаме зголемен број на тестови на 33 – изјави д-р Стаменковска.

Проценката за земање брис ја прави матичниот лекар. Во Куманово се чека од четири до пет дена, во градот има 103 пријавни единици. Тестирање прави и болницата. Центарот за јавно здравје Куманово очекува околу 3.000 вакцини против сезонски грип кои преку Министерството за здравство ќе бидат бесплатни за дел од граѓаните, за лица во ризични групи, хронични заболувања, возрасни над 65 години, а ќе се набават и комерцијални. Бесплатните вакцини ќе одат преку „Мој термин“, а кога ќе започне вакцинацијата ќе бидат известени матичните лекари и населението.

– Куманово се справува во вонредна состојба со двајца епидемиолози и скромен тим во Центарот за јавно здравје – рече кумановскиот градоначалник Максим Димитриевски, кој им оддаде признание за пожртвуваноста на епидемиолошката служба за справување со состојбата во градот. Покрај кумановци, Центарот ги опслужува и жителите на Липково и Старо Нагоричане.

– Оваа институција која во минатото сите ја занемаруваме, и кога доаѓаа точките на совет поминуваат така, но сега сфативме што значи сериозна епидемиолошка служба и систем за превенција од заразни болести, се покажа како квалитетни луѓе внатре и со сериозно изграден систем со оглед на ресурсите, но пресудно беше човечкиот фактор и знаењето, два епидемиолози за Куманово, Липково и помалите општини во регионот во состојба на епидемија. Ви оддавам признание – рече Димитриевски.

Советниците побараа тестирањето и во државните и во притватните клиники да биде на товар на Фондот за здравствено осигурување.

The post Кумановци позитивни на ковид-19 ги кријат контактите appeared first on plusinfo.mk.

Ова го посочи денеска директорката на Државниот здравствен и санитарен инспекторат Ирина Бухова одговарајќи на новинарско прашање на прес-конференцијата на Инспекцискиот совет.

– Нема сива зона. Од 6-ти овој месец до 11 октомври ДСЗИ има изадад 3.924 решенија по основ на позитивни тестови и контакти, од 12 до 18 октомври издадени се вкупно 5.243 решенија по двете основи и од 19 до 25 издадени се 6.715 решенија за позитивни или лица кои биле во контакт. Системот што го воспоставивме и функционира од 6 октомври веднаш со внесување на позитивно лице информациите ги добиваат и Министерството за внатрешни работи и Царината. Лицата кои биле контакти ќе добијат со задоцнување решение по спроведена епидемиолошка анкета – рече Бухова.

Таа појасни дека секое лице законски е задолжено од времето на тестирањето до добивање на резултатот, без разлика каков ќе биде тој, да биде во самоизолација, а при појава на симптомите да го контактира матичниот лекар.

– Секоја температура и болка во грлото никако не мора да значи дека е инфекција на ковид-19. Секој пациент што ќе почувавува било кои од овие симптоми, ќе контактира со матичен доктор кој ќе отвори боледување не со дијагноза ковид-19. Од појава на првите симптоми се додека не утврдиме дека се однесуваат симтомите на инфекција на ковид-19 доколку треба боледување матичниот ја покрива со соодветна друга дијагноза. Од времето на тетирање до добивање резултат секое тестирано лице е законски задолжено без разлика каков ќе биде резултатот да биде во самоизолација. Со добивање на резултат, за позитивните со решение точно од денот од кога е позитивен матичниот лекар издава боледување, за контактите е доволно и се покрива со решението издадено по основ на контакт – појасни Бухова.

Таа на прашање за тоа дали се вршат контроли во приватните здавствени установи и лаборатории за третман на заболени од ковид-19 и за тестирања, рече дека од февруари ДСЗИ врши интензивно и секојдневно инспекциски надзор во јавни и приватни здравствени установи, каде се вклучени и лабораториите што вршат тестирања, но дека протоколите за лекувањето не ги контролира ДСЗИ, туку тоа се прави со иницирање вонреден стручен надзор кој го врши Министерството за здравство или Лекарската комора.

The post Бухова: Нема сива зона, сите позитивни и нивните контакти имаат решенија за изолација appeared first on plusinfo.mk.

– Од епидемиолошката анкета со министерот Спасовски, оценето е дека само за едно лице постои ризик од среден, односно од висок степен на загрозеност – изјави директорката на ДСЗИ Ирина Бухова Сотирова на прес-конференција во Владата.

The post Само едно лице e високо загрозено од контактите на министерот Спасовски appeared first on plusinfo.mk.

Како што објави Сител, епидемиолозите се жалат дека роднини не сакале да соработуваат, но и да ги кажат лицата кои биле на свадбената церемнонија. Дали има кластер и колкумина се во ризик да се заразат со вирусот најверојатно ќе дознаеме утре.

Од друга страна, уште синоќа Министерството за здравство излезе со соопштение по информациите дека починатиот Амди Бајрам има позитивен тест на корона, дека Центарот за јавно здравје ги презема сите мерки за заштита и спречување на ширење на инфекцијата.

The post Епидемиолозите ги бараат контактите на Амди Бајрам, роднините не сакаат да соработуваат appeared first on plusinfo.mk.

Турското Министерство за внатрешни работи испрати циркуларно писмо до окружните администрации на земјата со барање да се преземат активности согласно турскиот кривичен законик во случаи кога се дава лажна изјава или неточни податоци. Членот 206 од турскиот кривичен законик предвидува затвор од три месеци до две години или парична казна за оние кои поднесуваат лажна изјава до одговорните државни органи.

Во исто време, венсикот „Хуриет“ пишува дека поради зголемениот број случаи на ковид-19 во земјата, турската влада планира дополнително да ги заостри мерките за оние што ги кршат карантинските правила, повикувајќи се на друг член од кривичниот законик. Според член 195, секој што не ги почитува карантинските мерки може да биде осуден на казна затвор од два месеци до една година.

Засега, сепак, не се размислува за враќање на полицискиот час во Турција, додаде весникот

The post Две години затвор за заболените од ковид-19 кои ги кријат контактите во Турција appeared first on plusinfo.mk.