Го разбираме стравот на Венко Филипче дека постои опасност да биде променет во неговата партија, тоа е страв кој е последица на фрагментираноста на СДСМ, соопшти ВМРО-ДПМНЕ.

Не можејќи да се соочи со сопствените грешки и пропусти, тој за обидите за негова смена ја обвинува ВМРО-ДПМНЕ, која нема никаква врска со фракциите кои бараат негова смена, додаде партијата.

„Напротив, зошто би сакале смена на Филипче, некој кој редовно губи на избори и е копија и пиун на најомразениот политичар Зоран Заев? Тој не може да излезе од неговата сенка и затоа СДСМ е таму каде што е. Венко Филипче е потрупан со коруптивни скандали, провизии за набавка на кинески „Стабри“ вакцини, сомнителни имоти, блиски веледрогерии, запалена модуларна болница. Најдобро решение за ВМРО-ДПМНЕ е Филипче да продолжи да ја води СДСМ“, се вели во соопштението.

Венко Филипче и СДСМ продолжуваат да ја градат својата политика единствено врз принципот да бидат против ставовите на власта, без јасна визија и конкретна понуда за граѓаните.

„Таквата политика, наместо консолидација и создавање сериозна опозициска алтернатива, на СДСМ му донесе дополнителни поделби, раздор и партиски дебакл. На очиглед на целата јавност се случуваат јавни меѓусебни пресметки и навреди, борба за превласт, истакнување и позиционирање на политичката сцена на разните фракции во СДСМ. Наместо да се обединат во една опозициска опција, за каква што има потреба Македонија, со јасни и аргументирани ставови, со предлози и издржани критики, секој во СДСМ си гледа за себе, а најмногу Филипче. Што се однесува до нас, стоиме на нашиот став дека тоа се внатрешни работи на една политичка партија, но како одговорна владејачка партија, сметаме дека слабеењето на опозицијата не е добро за демократскиот процес и за државата. На Македонија ѝ треба силна, консолидирана и согласна опозиција, која ќе биде коректив на власта“, соопшти ВМРО-ДПМНЕ.

The post ФИЛИПЧЕ РЕДОВНО ГУБИ НА ИЗБОРИ, ЗОШТО БИ САКАЛЕ НЕГОВА СМЕНА Тој е пиун на омразениот Заев appeared first on plusinfo.mk.