Израел ги суспендираше нападите врз Иран на барање на американскиот претседател Доналд Трамп, изјави висок израелски функционер, додека иранското раководство најави дека ќе ги прекине своите операции доколку не продолжат нападите врз Либан.

Според израелските медиуми, Трамп лично побарал од премиерот Бенјамин Нетанјаху да не одговара веднаш на иранските ракетни напади и да се избегне ново ширење на конфликтот.

Информацијата доаѓа откако утринава Иран и Израел разменија огран во најголемата ескалација од априлското примирје досега.

Трамп побарал воздржаност

Израелскиот Канал 12 објави дека Тел Авив ги стопира нападите врз Иран по интервенција од Белата куќа.

Во меѓувреме, „Њујорк тајмс“ објави дека Нетанјаху ѝ наредил на израелската армија да ги прекине подготовките за нов напад врз Иран.

Израелски претставници потврдуваат дека засега е донесена одлука за намалување на тензиите, иако конечната одлука за понатамошните чекори сè уште не е официјално соопштена.

• ТРАМП БАРА „ДА ЗАПРЕ ПУКАЊЕТО“, НО ТОА СЕ ЗАСИЛУВА! Израел и Иран се толчат, конфликтот се шири, на повидок блокада и на Црвеното Море!?

Иран најави прекин на операциите

Иран ги прекинува нападите врз Израел, соопшти денеска иранската војска на националното радио, пренесе ДПА.

„Исламската Република му даде болен одговор на Израел за нападите врз Либан. Во овој контекст, со ова се објавува суспендирање на операциите на вооружените сили“, се додава во соопштението на иранското воено раководство, пренесено од ДПА.

Врховната воена команда на Иран исто така предупреди дека секоја нова израелска акција ќе биде проследена со уште посилен одговор.

Иранскиот претседател Масуд Пезешкијан порача дека Техеран нема да се повлече пред заканите, но дека останува отворен и дипломатскиот канал.

„Не ги напуштивме ниту бојното поле ниту преговарачката маса“, напиша Пезешкијан на платформата Икс.

Нови закани и покрај примирјето

И покрај тоа што Израел и Иран соопштија дека ги суспендираат нападите на барање на американскиот претседател Доналд Трамп, двете страни се заканија со пожестоки напади во случај да не се почитува најновото примирје.

– Секој напад (од Хезболах) врз северната заедница ќе доведе до напад врз Дахија – наведе премиерот за одбрана на Израел Бени Кац, алудирајќи на упориштето на Хезболах во јужните предградија на Бејрут.

Во меѓувреме иранскиот Совет за национална безбедност ги предупреди САД и Израел дека ако направат уште една грешка регионот ќе се претвори во „пекол“ за нив.

– Четириесет и седум години и 100 дена отпор – од бојното поле до градските плоштади, од градските плоштади до арената на политиката и дипломатијата – го променија светскиот безбедносен поредок. Доколку сатанската ционистичко-американска коалиција направи уште една грешка, регионот ќе стане пекол за нив – ја пренесе пораката секретарот на Советот, Мохамед Багер Золгхадр.

Размената на удари ја крена тревогата

Според Израелските одбранбени сили, Иран синоќа лансирал повеќе од 20 балистички ракети кон Израел како одговор на израелските напади врз цели на Хезболах.

Израел потоа возврати со напади врз воени цели во западен и централен Иран.

Иранските служби соопштија дека во последните израелски напади се повредени 15 лица, но нема загинати.

Паралелно со тензиите меѓу Израел и Иран, Хезболах испука три ракети кон израелски позиции во јужен Либан.

The post НА БАРАЊЕ НА ТРАМП Израел ги прекина нападите, Иран најави воздржаност appeared first on plusinfo.mk.

Американскиот претседател Доналд Трамп упати јавен повик до Израел и Иран веднаш да ги прекинат меѓусебните напади, по најновата ескалација на тензиите на Блискиот Исток.
Во објава на својата социјална мрежа „Трут соушал“, Трамп порача дека двете земји мора без одложување да престанат со размената на оган.

„Иран и Израел мора веднаш да престанат да пукаат“, напиша Трамп во кратката порака објавена на неговиот профил.

Неговата реакција доаѓа по новиот бран напади меѓу Израел и Иран, кои повторно ги зголемија стравувањата од поширока регионална ескалација и дополнително влошување на безбедносната состојба на Блискиот Исток.

Засега, Трамп не изнесе дополнителни детали за евентуални американски дипломатски активности ниту, пак, прецизираше дали Вашингтон е директно вклучен во напорите за намалување на тензиите меѓу двете земји.

Техеран: Израел не напаѓа без согласност од САД

Техеран денеска го обвини Вашингтон дека е директно одговорен за продолжувањето на конфликтот на Блискиот Исток откако претходно Иран и Израел разменија оган, првпат од прекинот на огнот на 8 април, а проиранските Хути повторно го нападнаа Израел по неколку недели.

– Никој не верува дека ционистичкиот режим (Израел) би презел какви било чекори без претходна координација и соработка со САД, изјави портпаролот на иранското Министерство за надворешни работи, Есмаил Багеи, нагласувајќи ја „одговорноста на САД“.

– Дејствата на ционистичкиот режим во регионот не можат да се одвојат од американската политика – додаде тој на прес-конференција во Техеран.

Израел и Иран од утрово започнаа меѓусебни напади откако Исламската Република истрела ракети кон израелска територија.

Хутите напаѓаат од Јемен: Ќе го затвориме Црвеното Море

Проиранските Хути во Јемен утрово објавија дека лансирале неколку балистички ракети кон Израел, што е нивен прв напад врз земјата по неколку недели, јави ДПА.

Израелската армија рано утрово објави дека од Јемен е лансирана балистичка ракета кон Израел.

Портпаролот на војската на Хутите, Јаја Сари, исто така, најави „целосна блокада“ на бродовите во Црвеното Море кои пловат кон Израел или имаат врски со Израел.

Во Ирак под закана американските бази

По израелските напади врз Иран проиранската милиција во Ирак, Катаиб Хезболах, се закани со свои напади врз американските бази во регионот.

Групата во текот на ноќта соопшти дека ќе започне напади доколку САД се приклучат на израелската офанзива што започна како одговор на новите ирански напади врз Израел доцна синоќа.

Неколку моќни вооружени групи дејствуваат во Ирак и добиваат различна поддршка од соседниот Иран.

Од почетокот на војната меѓу САД и Израел против Иран во февруари, милициите ја презедоа одговорноста за стотици напади на Блискиот Исток, вклучувајќи напади врз американски објекти и цели поврзани со курдски групи.

Курдите претставуваат една од најважните опозициски групи во Иран, а некои од курдските групи се сојузници на САД. Некои милиции во Ирак се согласија да го стават своето оружје под државна контрола по притисокот од Вашингтон.

Израел најавува „подолготрајни борби“

Израелската армија соопшти дека очекува борбите со Иран да продолжат најмалку уште неколку дена, нагласувајќи дека е подготвена и за подолготраен конфликт доколку дојде до понатамошна ескалација.

Според проценките на Израелските одбранбени сили (ИДФ), актуелните судири нема да завршат во краток рок, а војската останува во состојба на висока готовност.

Од ИДФ информираа дека Иран од синоќа кон Израел лансирал најмалку 20 балистички проектили. Според израелската армија, дел од нив биле пресретнати од противвоздушната одбрана, додека останатите паднале на ненаселени подрачја.

Како одговор на нападите, Израел досега извел два бранови воздушни операции на територијата на Иран. Во текот на ноќта, десетици борбени авиони на израелските воздухопловни сили нападнале девет системи за противвоздушна одбрана во западниот и централниот дел на Иран. Дополнително, утрово биле погодени и три фабрики во петрохемиски комплекс во југозападниот дел на земјата.

Фото: EPA/PAVEL WOLBERG

Од ИДФ наведуваат дека нападите ги изведува исклучиво Израел, но истакнуваат дека постои целосна координација со Централната команда на САД (Цент-ком). Американските сили, според израелската страна, учествувале и во пресретнувањето на дел од проектилите истрелани од Иран.

Светот загрижен, Кина бара почитување на примирјето

Последните случувања дополнително ги зголемија стравувањата од поширока ескалација на конфликтот на Блискиот Исток. Меѓународната заедница во изминатите денови упати повеќе повици за воздржаност и враќање на дипломатските канали, со цел да се спречи натамошно ширење на конфликтот во регионот.

Меѓу првите реакции беше изјавата на портпаролот на кинеското Министерство за надворешни работи Лин Џијан. На утрински брифинг со новинарите тој изјави дека Кина е „длабоко загрижена“ поради новата ескалација на конфликтот меѓу Израел и Иран.

– Се надеваме дека сите засегнати страни ќе се придржуваат до својата обврска за почитување на прекинот на огнот, ќе го зачуваат моментумот на преговорите, ќе продолжат да ги решаваат разликите преку политички и дипломатски средства и ќе постигнат сеопфатен и траен прекин на огнот што е можно поскоро – изјави тој.

Кина увезува големи количества сурова нафта и природен гас од Блискиот Исток и редовно повикува на запирање на воените дејствија во регионот.

The post ТРАМП БАРА „ДА ЗАПРЕ ПУКАЊЕТО“, НО ТОА СЕ ЗАСИЛУВА! Израел и Иран се толчат, конфликтот се шири, на повидок блокада и на Црвеното Море!? appeared first on plusinfo.mk.

Растот на светската економија и на глобалната трговија се очекува значително да забави оваа година поради нарушувањата во Ормускиот теснец, кои во изминатите речиси 100 дена влијаат врз снабдувањето со нафта, природен гас и ѓубрива по почетокот на американско-израелскиот конфликт со Иран на 28 февруари, пишува Анадолија.

Воениот конфликт на Блискиот Исток предизвика сериозни предизвици за светската економија, покрај големите човечки загуби.

Иран во голема мера го запре комерцијалниот поморски сообраќај низ Ормускиот теснец како одговор на превентивните напади на САД и на Израел врз земјата.

Поради нарушувањата се погодени околу 20% од светската трговија со нафта и течен природен гас (ЛНГ), 30% од трговијата со ѓубрива, околу 40% од светските резерви на уреа, 50% од резервите на сулфур и 30% од резервите на фосфати.

Според податоците на Меѓународната агенција за енергија, светската дневна потрошувачка на нафта во април достигнала 104 милиони барели, додека понудата изнесувала 95,1 милион барели дневно. Дневниот недостиг во однос на предвоеното ниво достигнал 14,4 милиони барели, а протокот низ Ормускиот теснец бил прекинат.

Цената на суровата нафта Брент моментно е за околу 30% повисока од предвоеното ниво, додека европските цени на природниот гас пораснале за 50% поради ограниченото снабдување.

Трошоците за гориво за бродовите во меѓувреме се зголемиле за 59%, според податоците на Светскиот поморски совет.

Прекините во глобалната транспортна мрежа и растот на трошоците за гориво создаваат дополнителен притисок врз синџирите на снабдување, што доведува до повисоки инфлациски очекувања и намалување на проценките за економскиот раст.

Организацијата за економска соработка и развој во својот најнов извештај за економските перспективи наведува дека времетраењето на војната ќе биде клучен фактор за глобалниот раст. Организацијата разгледува сценарија на „ограничено нарушување“ и „продолжено нарушување“.

Според ОЕЦД, доколку конфликтот биде краткотраен, глобалниот раст би можел да се намали од 3,4% во 2025 година на 2,8% во 2026 година, а потоа да се зголеми на 3,1% во 2027 година.

Забавувањето од 0,6 процентни поени би значело потенцијална загуба од најмалку 700 милијарди долари за светската економија, која моментно се проценува на околу 118 билиони долари.

Доколку војната и нарушувањата во трговските текови продолжат, глобалниот економски раст би можел да ослабне на само 2,1% оваа година и на 1,8% во 2027 година.

Во меѓувреме, рејтинг-агенцијата „Фич“ (Fitch Ratings) ја намали прогнозата за глобалниот економски раст во 2026 година за 0,2 процентни поени, на 2,4 %, наведувајќи ја нафтената криза како главна причина.

Од позитивна страна, дел од негативните последици се ублажени од посилните од очекуваните инвестиции во технологии поврзани со вештачката интелигенција, што придонесува за раст на трговијата и на извозот во азиските земји.

ОЕЦД проценува дека растот на светската трговија ќе се намали од 5% во 2025 година на 3,1% во 2026 година и на 2,9% во 2027 година.

Светската трговска организација очекува глобалната трговија да забави на 1,9% оваа година, по растот од 4,6 проценти во 2025 година, додека во 2027 година би достигнала 2,6%.

Според Конференцијата на ОН за трговија и развој, светската економија се движи кон покревок период, а растот во 2026 година би можел да изнесува 2,6%.

Организацијата предупредува дека меѓу 75-те најранливи држави погодени од кризата, околу 65 се нето-увозници на нафта, со вкупно околу една милијарда жители. Повеќе од 30% од тоа население живее со помалку од три долари дневно.

Порастот на цените на нафтата би можел да додаде повеќе од 20 милијарди долари годишно на увозните трошоци на овие економии кои во голема мера зависат од увоз на енергенси.

The post СВЕТСКАТА ЕКОНОМИЈА МОЖЕ ДА ЗАГУБИ 700 МИЛИЈАРДИ ДОЛАРИ ПОРАДИ КОНФЛИКТОТ НА БЛИСКИОТ ИСТОК Глобалниот раст ќе се намали на 2,8% appeared first on plusinfo.mk.

Цените на нафтата на берзите утрово паднаа за околу 1% по три последователни сесии на добивка, бидејќи инвеститорите ги оценија како неповолни ескалирачките тензии меѓу САД и Иран, кои продолжуваат да ги намалуваат изгледите за мировен договор и нормализација на енергетските текови на Блискиот Исток.

Фјучерсите на суровата нафта Брент паднаа под 97 долари за барел, додека пак цената на суровата нафта WTI падна на 95 долари.

Промените се случија по американскиот напад врз празен танкер за нафта што се упати кон Иран пред два дена, Иран започна напади врз американските поморски бази во Бахреин и Кувајт, како и врз комерцијални бродови.

Превозот низ Ормускиот теснец, клучен пат за приближно една петтина од глобалните резерви на нафта и течен природен гас (LNG), остана речиси затворен од почетокот на конфликтот.

Сепак, извештаите сугерираат дека сообраќајот низ водниот пат се зголемил во текот на изминатите две недели, при што некои бродови работат во координација со американската војска, иако обемот останува далеку под нивоата пред конфликтот.

Во меѓувреме, податоците од американската Агенцијата за енергија покажаа дека залихите на сурова нафта во САД се намалија шеста недела по ред, приближувајќи се до минималните оперативни нивоа.

The post ЦЕНАТА НА НАФТАТА ПАДНА ПОД 97 ДОЛАРИ ЗА БАРЕЛ Новата ескалација на конфликтот на Блискиот Исток ги намали изгледите за мир appeared first on plusinfo.mk.

И покрај најавеното примирје меѓу Иран и Соединетите Американски Држави, во текот на ноќта и утринава се пријавени нови напади во повеќе земји на Блискиот Исток.

Американски медиуми, повикувајќи се на израелски официјален претставник, наведуваат дека Израел продолжил со напади врз Иран уште од утринските часови, објави Би-Би-Си. Ова доаѓа и покрај потврдите од Белата куќа и од Пакистан, кој посредувал во договорот, дека е постигнат прекин на огнот.

Експлозии биле пријавени и во Ерусалим, каде новинарите на BBC известиле дека „слушнале и почувствувале повеќе детонации“, по што биле издадени предупредувања до населението.

Во меѓувреме, сирени за тревога се огласиле и во Бахреин, а Министерството за внатрешни работи ги повикало граѓаните да се упатат кон засолништа.

Министерството за одбрана на Катар соопштило дека се пресретнати ракети насочени кон цели во земјата.

Истовремено, властите во Обединети Арапски Емирати информирале за ракетни напади и беспилотни летала што доаѓале од правец на Иран.

Во Саудиска Арабија, службите за цивилна заштита издале најмалку две предупредувања во рок од два часа. Според локалните извештаи од Ријад, по првото предупредување било соопштено дека ситуацијата е под контрола.

The post НОВА ЕСКАЛАЦИЈА И ПОКРАЈ ДОГОВОРОТ Ракети и сирени во повеќе земји appeared first on plusinfo.mk.

Припадници на племето Бахтијари во иранската покраина Хузестан се вооружиле и се упатиле кон планинските области во потрага по исчезнат пилот на американски борбен авион F-15 Eagle. Снимка што се прошири на социјалните мрежи прикажува група мажи со пушки како тргнуваат во потрага, објави IRIB News.

Во пораката објавена заедно со видеото, тие изразиле уверување дека ќе го пронајдат пилотот, порачувајќи: „Не грижете се, ќе го пронајдеме“.

Bakhtiari tribes in Khuzestan headed into the mountains, rifles in hand, searching for the missing American F-15 jet pilot — saying:

“Don’t worry, we’ll find him.” pic.twitter.com/bzeqHrGGr4

— IRIB (Islamic Republic of Iran Broadcasting) (@iribnews_irib) April 3, 2026

Во меѓувреме, државната телевизија во покраината Кохгилује и Бојер-Ахмад ги повика граѓаните да се вклучат во потрагата, наведувајќи дека оној што ќе го фати пилотот жив и ќе го предаде на властите ќе добие парична награда. Според извештаите, првично се појавиле и повици пилотот да биде убиен, но тие пораки подоцна биле повлечени и официјално било побарано негово апсење.

Информациите засега не се независно потврдени, а САД не се огласиле официјално.

Соборувањето на Ф-15

Според извештаи на меѓународни медиуми, над Иран бил соборен американски Ф-15, што би бил прв потврден случај иранските сили да урнат американско летало од почетокот на конфликтот. Во тек е операција за пребарување и спасување, а според дел од наводите, еден член од екипажот е пронајден, но без официјална потврда.

Непотврдени тврдења за Ф-35

Дополнително, иранската агенција Tasnim објави непотврдени тврдења дека силите на Корпус на чуварите на исламската револуција собориле и американски F-35 Lightning II над централниот дел на Иран. Според тие наводи, пилотот се катапултирал и можеби бил заробен, но информациите не се потврдени од независни извори.

Пукотници кон спасувачки хеликоптери

Insane footage of Iranian police officers wielding automatic rifles opening firing on U.S. Air Force HH-60G “Pave Hawk” Combat Search and Rescue (CSAR) Helicopters flying low earlier today over Southern Iran, during the search for the crewmembers of an American F-15E Strike Eagle… pic.twitter.com/LKIFdM5nQJ

— OSINTdefender (@sentdefender) April 3, 2026

На социјалните мрежи се појавија и снимки за кои се тврди дека прикажуваат ирански полицајци како пукаат кон американски спасувачки хеликоптери HH-60G Pave Hawk за време на операција за пребарување и спасување на југот на Иран. Овие хеликоптери се користат за извлекување на екипажи во борбени услови.

Засега сите информации доаѓаат од медиумски и социјални извори и не се официјално потврдени.

ДРАМА НА НЕБОТО НАД ИРАН „Блек хоук“ можеби погоден при спасувачка мисија

СОБОРЕН АМЕРИКАНСКИ АВИОН ВО ИРАН Двајцата пилоти ги бараат и Иранците и Американците

The post 📽️ ЛОВ НА ПИЛОТОТ НА СОБОРЕНИОТ Ф-15 Вооружени Иранци тргнаа во планините appeared first on plusinfo.mk.

„Тајмс од Израел“ објави дека Иран, непосредно пред почетокот на еврејскиот празник Пасха, го започнал својот најголем ракетен напад врз Израел од почетокот на актуелниот конфликт на Блискиот Исток.

Според весникот, околу десет балистички ракети биле истрелани кон централниот дел на Израел. Поголемиот број биле пресретнати од системите за воздушна одбрана, додека дел од проектилите паднале во ненаселени области.

По нападот, израелските воздухопловни сили соопштија дека започнале „бран опсежни напади“ врз иранската престолнина Техеран.

Во соопштението се наведува дека цел на нападите била инфраструктура поврзана со иранската влада во „срцето“ на главниот град.

Ескалацијата доаѓа во период на зголемени тензии во регионот, додека меѓународната заедница повикува на воздржаност и избегнување на поширок конфликт.

The post ИРАН СО НАЈГОЛЕМ РАКЕТЕН НАПАД Израел возврати со удари врз Техеран appeared first on plusinfo.mk.

Германскиот канцелар Фридрих Мерц предупреди дека воената кампања на САД и Израел против Иран би можела да има посилно влијание врз Европа отколку пандемијата на ковид-19.

На заедничка прес-конференција во Берлин со сирискиот претседател Ахмед ал-Шар, Мерц повика на брз крај на конфликтот и истакна дека ескалацијата може да предизвика сериозни економски последици за Германија и пошироко за Европската Унија.

– Доколку оваа војна се прошири во голем регионален конфликт, таа би можела да ги оптовари Германија и Европа уште повеќе отколку што доживеавме за време на пандемијата на ковид-19 или на почетокот на војната во Украина во февруари 2022 година – рече Мерц.

Канцеларот додаде дека разговарал со сирискиот претседател за последните случувања на Блискиот Исток и за опасностите од продолжен конфликт.

– Претседателот ал-Шара го дели нашиот скептицизам во врска со стратешките цели на оваа војна. Се надеваме дека ќе најдеме начини да разговараме со владите на САД и Израел за што поскоро да ја завршиме оваа војна. Следните денови и недели ќе покажат колку тоа е можно – додаде Мерц.

Германскиот канцелар повтори дека долгогодишниот спор околу нуклеарната програма на Иран и дестабилизирачките активности на Техеран не може да се реши само со воени средства, нагласувајќи дека дијалогот и дипломатијата се неопходни за да се спречат сериозни последици по регионалната и глобалната економија.

The post ВОЈНАТА СО ИРАН ЌЕ ЈА ПОГОДИ ЕВРОПА ПОСИЛНО ОД КОВИД Мерц предупредува на економски катастрофални последици appeared first on plusinfo.mk.

Граѓаните на Босна и Херцеговина располагаат со повеќе од 370.000 легално регистрирани парчиња оружје, додека бројот на нелегалното оружје, според проценките, надминува еден милион, што според експертите укажува на тоа дека населението е „вооружено до заби“.

Според претходните истражувања, бројот на нелегално оружје се движел меѓу 750.000 и 800.000 парчиња, а некои понови анализи покажуваат дека тој број веќе надминува 800.000. Координативниот одбор за контрола на мало и лесно оружје во БиХ во текот на 2025 година прибирал статистички податоци за легално регистрираното оружје, во услови кога во земјата се применуваат дури 12 различни закони во оваа област.

Утврдено е дека во Федерацијата БиХ минатата година имало 236.844 легални парчиња оружје, во Република Српска 130.380, а во дистриктот Брчко 4.919. За споредба, во 2020 година во Федерацијата биле регистрирани 182.338, во Република Српска 94.653, а во Брчко 3.828 парчиња. Овие податоци покажуваат дека за пет години бројот на легално оружје во БиХ пораснал од 280.819 на 372.143 парчиња.

Според официјалните статистики, 365.679 парчиња оружје се регистрирани на мажи, а 6.464 на жени. Експертот за безбедност Сафет Мушиќ оцени дека комбинацијата од голем број легално и нелегално оружје укажува на исклучително висока достапност на огненото оружје.

„Овие бројки се загрижувачки бидејќи ја зголемуваат веројатностa секојдневните конфликти да ескалираат во насилство со смртоносни последици. Ова се однесува на различни форми на криминал – од меѓукриминални пресметки, преку вооружени грабежи и шверц, па сè до семејно насилство“, изјави Мушиќ. Тој нагласи дека контролата и намалувањето на нелегалното оружје мора да бидат стратешки приоритет.

Социологот Владимир Васиќ оцени дека БиХ како постконфликтно општество не изградило систематски пристап кон ова прашање. „Со оглед на зголемениот број кривични дела извршени со огнено оружје, време е да се заострат законските регулативи“, заклучи Васиќ.

The post БОСНА И ХЕРЦЕГОВИНА ВРИЕ ОД НЕЛАГАЛНО ОРУЖЈЕ Се проценува дека има над еден милион парчиња appeared first on plusinfo.mk.

Рускиот претседател Владимир Путин денеска телефонски разговараше со претседателот на Обединетите Арапски Емирати, Мохамед бин Зајед Ал Нахјан, за ескалацијата на конфликтот на Блискиот Исток и неговите последици врз регионалната и глобалната безбедност. Двајцата лидери повикале на итен прекин на огнот и враќање кон дијалог и политичко решение, пренесе државната новинска агенција Емиратис њуз ејџенси (ВАМ).

Од Кремљ соопштија дека во разговорот биле разгледани „трагичните настани без преседан“ во контекст на американско-израелските напади врз Иран и одмаздничките акции на Техеран. Путин нагласил дека Русија вложила значајни напори за мирно решавање на прашањето за иранската нуклеарна програма, при што изразил благодарност за поддршката и грижата кон руските граѓани во Емиратите.

Во одделен телефонски разговор, Путин се слушнал и со емирот на Катар, Тамим бин Хамад Ал Тани. Двајцата изразиле сериозна загриженост поради можноста конфликтот да се прошири и да зафати трети земји, како и надеж дека одмаздничките мерки нема да доведат до нови цивилни жртви и дополнително уништување на цивилна инфраструктура.

Лидерите се согласиле да останат во постојан контакт во период кога тензиите на Блискиот Исток продолжуваат да растат по меѓусебните напади меѓу САД, Израел и Иран.

The post ПУТИН ВО ЛИЧНА ПОСРЕДНИЧКА МИСИЈА Телефонски разговараше со првите луѓе на Емиратите и на Катар appeared first on plusinfo.mk.