Тој ја даде изјавата пред почетокот на конференцијата во Берлин, каде се разговара за повоената обнова на Украина, собир во организација на Европската Комисија и Германија, која во моментов претседава со групата Г7.

– Многу е важно да се сфати дека поради фактот што војната трае сè уште, првичното закрепнување треба да почне веднаш, нагласи украинскиот министер.

Како што додаде Чернишов, потребно е да се подготви системот на комунални услуги, на енергија, на домување за зимата што доаѓа, што е многу скоро и тоа „сега е предизвик”.

Министерот истакна дека речиси 300 руски проектили и дронови ја погодија Украина изминатите две седмици. Во нападите беа погодени и уништени електрани и секојдневно имаше прекини на струја.

– Ние треба да поставиме соодветна инфраструктура за да се справиме со овие предизвици – подвлече Чернишов.

The post УКРАИНА БАРА ОБНОВАТА ДА ПОЧНЕ УШТЕ СЕГА Германија и ЕК организираат конференција за помош на земјата по војната appeared first on plusinfo.mk.