– Во конфекциите не работат само луѓе од Штип, туку од цела Источна Македонија. Повеќе од два месеци апелираме да се обрне посебно внимание на конфекциите, како и претпријатијата од кожарската индустрија. Во овие капацитети нема услови производството да се реорганизира согласно мерките за заштита од ковид-19, како и поради непочитување на мерките за транспорт на вработените. Затоа, нашиот предлог останува ист – наместо во август, сега да им се даде колективен одмор на вработените во секој производствен капацитет каде нема услови да се почитуваат постојните мерки за заштита. Всушност и првиот државен празник што досега конфекциите го искористиле како неработен е Духовден, поради мерката што им ја наложи  градоначалникот Бочварски и таа е за поздравување. Но, тоа не треба тука да застане, потребни се итни мерки – рече Колев и потенцираше дека апелот не е со цел да се саботира власта или ГДУ да собира политички поени, туку од безбедносни причини.

Според Колев, предлозите на ГДУ се во насока да се изгради заеднички став на сите партии, независно дали се на власт или во опозиција за справување со заразата која не дискриминира според партиска припадност. Опасноста по здравјето на граѓаните постои за сите подеднакво и не треба партиите да се обидуваат да ќарат симпатии преку политички популизам.

– Ако бројките во Штип продолжат да раснат, ќе има и огромни реперкусии и врз економијата во овој регион. Мерката треба да ја наложи Владата, за подоцна и овие компании да добијат помош од државата – рече Колев и дополни дека разбира оти трпат загуби и ќе трпат, но на сопствениците треба да им се објасни дека мерката е за нивна безбедност.

– А, зошто досега тоа не го сторија? Одговорот е едноставен, голем број од конфекциите се спонзори на СДСМ и ВМРО – ДПМНЕ. И ние сега бегаме од вистината зошто затаи контролата и мониторингот. Каде беше Трудовата инспекција, УЈП, Санитарна – здравствена инспекција? Каде беше локалниот штаб за да провери дали се почитуваат тие мерки? Дали си земаа нови кошулчиња и костумчиња и заборавија дека треба да одат во контрола во конфекциите. Или треба да има избори и чекаме нови донации од нив. Што е поважно – капиталот и бизнис интересот на стотина луѓе во овој регион или здравјето на десетици илјади работници во тие компании? – рече Колев.

За очекувањата од претстојните парламентарни избори и најавите на ДУИ дека на изборите одат за да го дадат првиот албански премиер, Колев одговори дека тоа е одлука на граѓаните на Македонија. Позицијата на ГДУ е јасна и категорична дека нема да поддржат Влада во коалиција со ДУИ.

– ГДУ има десетина приоритети пред себе. Прво е намалување на бројот на пратеници на 60 и да запре исплатата на патни трошоци, намалување на бројот на министри на 15, како и намалување на бројот на советници и слични редукции во администрацијата. Промена на изборен модел, односно Македонија да биде една изборна единица. И Влада без ДУИ, затоа што ДУИ се покажа како неконструктивен партнер вовлечен во многу криминални зделки во последниве 20 години. Ако зависи од ГДУ, а верувам дека така ќе биде, ГДУ нема да поддржи Влада во чиј состав ќе биде ДУИ. Се надевам дека и нашите сограѓани Албанци разбираат што сака да предизвика Ахмети. На секои избори некој ја пали етничката карта. Од едната страна се ВМРО-ДПМНЕ, а од другата страна се ДУИ. Истата комбинација која 11 години направи пепел во државата. Камен врз камен не остана, освен стиропор што го однесе ветерот. Милиони евра, а можеби и милијарди исчезнаа и на крајот ниту еден висок функционер на ДУИ или на ВМРО-ДПМНЕ не заврши во затвор – рече Колев и потенцираше дека граѓаните кои сакаат ДУИ да биде во власта нека гласаат за СДСМ или ВМРО-ДПМНЕ, а ако гласаат за ГДУ, тогаш ДУИ нема да биде во власт.

Колев зборуваше и за проблемите со кои се соочуваат земјоделците во Источниот регион, особено во однос на водоснабдување, како и за потребите за чистењето на каналите за водоснабдување.

The post Колев: Владата итно да наложи 30-дневен колективен одмор за конфекциите appeared first on plusinfo.mk.

– Како градоначалник досега во рамки на нашите ингеренции превземав серија на мерки за колективна заштита, дезифицирафме улици и плоштади, паркови и детски игралишта, простори пред маркети и аптеки, па дури и станбени влезови. Направивме пунктови за дезинфекција на возила, формиравме мобилни тимови преку кои помогнавме на преку 280 стари и изнемоштени лица. Обезбедивме 23 илјади заштитни маски и беа делени пред конфекции на пазари, на институции, а поделивме и над 1200 пакети за социјално загрозени семејства – рече градоначалникот.

Тој додаде дека веднаш по објавувањето на одлуката на владата дека Штип е град во кој се воведува забрана за движење од четврток до понеделник до Општински кризен штаб пристигнале гласови дека одреден број текстилни фабрики и покрај забраната за движење ќе продолжат со работа и во овие денови, користејќи ја можноста преку инспекторатите да пријават работа за време на викенд.

– Во моменти на целосено затварање на градот и забрана за движење во претстојниот продолжен викенд за сите граѓани, недозволиво е во оваа индустрија да се работи, токму таму каде што во моментот имаме поголем број случи на заразени граѓани. Сметам дека во овој момент треба сите да бидеме на ниво на задачата која ни ја носи ова време вклучувајќи ги институциите, граѓаните и стопанствениците со цел да спречиме состојбата со ковид-19 да излезе од контрола. Кога велам на ниво на задачата мислам над личните и партиски интереси, над интересите на стопанствениците. Во овој момент секој, ама буквално секој треба да се откаже од нешто за интересот на сите – рече Бочварски.

Градоначалникот информира дека побарал од Главниот кризен штаб во владата да донесе акт со кој во наведениот период целосно ќе го забрани работењето на сите фабрики од текстилната индустрија (каде што има голема концентрација на луѓе) во Штип и воедно ќе забрани издавање на секакви дозволи за работа со кои се изигруваат воведените мерки.

– Пред малку го добив овој акт кој гласи: Главниот штаб при владата го прифати барањето за забрана за работа доставено од Општина Штип, а со ова се забранува издавање на дозволи за време на викенд за фабриките од текстилната и кожарската индустрија на подрачје на Општина Штип, односно сите да останат затворени. Со ова веќе официјално се забранува работа во текот на овој викенд за сите текстилните фабрики. За оваа одлука веќе се информирани инспекторатите, најстрого ќе бидат казнети сите кои ќе ги повикаат луѓето на работа. Апел доколку има ваков случај веднаш да биде пријавен. Наредните три дена единствено до текстилните фабрики ќе бидат транспортирани лица за кои е креиран упат од доктор за тестирање и веднаш потоа ќе бидат вратени дома. Утре ќе бидат тестирани 200 вработени, а сабота и недела уште 230 – рече градоначалникот.

The post Бочварски: Владата забрани работа на конфекциите во време на карантин appeared first on plusinfo.mk.

– Работењето за време на полицискиот час,  во денови кога најмногу прогресира бројот на заболени во земјава од почетокот на пандемијата, е крајно неодговорна одлука која директно ги загрозува здравјето и животот на текстилните работнички. Оваа одлука доаѓа во време кога е потребна најголема општествена одговорност и солидарност од работодавачите, институциите и работниците. Недозволиво е во град, кој ќе биде под 80 часовен карантин како резултат на зголемувањето на бројот на заразени со вирусот, од кои најголем број доаѓаат од текстилната индустрија, да се дозволи работа на текстилните фабрики. Особено е загрижувачки што најголемите прекршувања на превентивните мерки за заштита и спречување на ширењето на вирусот во Штип се случуваа при превоз на текстилните работнички за време на полициски час, во несоодветни автобуси, со непочитување на одредбата за смалување на капацитетот за превоз на 50 отсто од Уредбата за јавен превоз на патници и неможноста да се одржува препорачаната дистанца, соопштија невладините.

Од таму додаваат дека за да се заштити здравјето и животот на текстилните работнички, а во насока на превенција и справување со ширењето за вирусот, бараме од владата да воведе целосна забрана за работа на текстилните фабрики во Штип за време на полицискиот час. Очекуваат Државниот инспекторат за труд и Државниот санитарен и здравствен инспекторат и понатаму будно да ја следат состојбата на терен и да ги санкционираат сите работодавачи кои нема да се придржуваат до мерките.

The post Хелсиншки и Гласен текстилец бараат забрана за работа на конфекциите во полициски час appeared first on plusinfo.mk.

–   Од утре започнува пошироко тестирање за ковид-19 на вработените од овие 5 конфекции. Задолжително вработените од овие 5 конфекции треба да останат во самоизолација и да ги почитуваат мерките за заштита на сопственото и на здравјето на останатите граѓани. Општинскиот штаб за заштита и спасување е против карантин за Штип но  ќе ја следи ситуацијата во наредните неколку денови и доколку бројката на заболени лица се зголемува ќе биде предложено до Централниот кризен штаб, за затворање на градот и воведување на полициски час, соопшти Општинскиот штаб за заштита и спасување ги донесе следните одлуки.

Од таму апелираат за најсериозно почитување на мерките и насоките од владата и институциите, посебен апел до оние граѓани кои шират лажни вести дека вирусот не постои и е измислица, а всушност се работи за вирус којшто е сеуште присутен овде и борбата со истиот треба да ја водиме сите заедно.

На состанокот на Општински штаб за заштита и спасување присуствувале претставници од ЦЈЗ Штип, ДСЗИ Штип, СВР Штип, ЈЗУ Здравствен дом „Панче Караѓозов“ Штип, ТППЕ Штип, Дирекција за заштита и спасување и АРМ, а дополнително на овој состанок присуствуваше и државниот секретар во Министерство за здравство, Владимир Милошев.

The post Од утре клуч на пет конфекции во Штип, ќе се тестираат вработените appeared first on plusinfo.mk.