41-годишен жител на скопското село Кондово пријавил дека бил нападнат и повреден со кундак од пиштол пред својот дом, откако се обидел да ја заштити својата малолетна ќерка.

Според информациите од полицијата, инцидентот се случил во неделата вечер околу 21:30 часот. Н.Ш. пријавил дека 18-годишниот Б.И. физички го нападнал и му нанел повреда удирајќи го со кундак од пиштол.

Како што навел во пријавата, претходно во текот на денот неговата малолетна ќерка имала расправија со друга малолетничка.

Кога вечерта забележал дека Б.И. и уште едно лице ја држат неговата ќерка за врат пред куќата, се обидел да интервенира и да ги оттурне, по што бил нападнат.

Од МВР информираат дека се преземаат мерки за целосно расчистување на случајот.

The post САКАЛ ДА ЈА СПАСИ ЌЕРКАТА, ПА ДОБИЛ УДАР СО КУНДАК Малолетничка држена за врат, таткото претепан appeared first on plusinfo.mk.

Тешка сообраќајна несреќа се случи вчера попладне на локалниот пат меѓу скопските села Кондово и Долно Свиларе, кога автомобил „фолксваген голф“ управуван од 15-годишно момче од Скопје се судрил со „фолксваген пасат“, зад чиј управувач била 27-годишната А.М. од Долно Свиларе.

Од сударот тешко се повредиле малолетниот возач и неговиот 14-годишен сопатник од Скопје. Телесни повреди добиле и уште двајца млади – 15-годишник од Кондово и 17-годишник од Скопје, кои исто така биле во „голфот“.

Во второто возило, „пасатот“, полесни повреди добиле 27-годишната возачка А.М. и нејзиното двегодишно девојче.

Повредените биле пренесени во Градската општа болница „8 Септември“ и во Комплексот клиники „Мајка Тереза“, каде им биле констатирани повредите.

На местото на несреќата увид извршила екипа од СВР Скопје, а се утврдуваат причините поради кои дошло до сударот.

The post 15-ГОДИШНИК СО „ГОЛФ“ НАПРАВИЛ ТЕШКА СООБРАЌАЈКА Шестмина повредени кај Кондово appeared first on plusinfo.mk.

Маж од скопско е уапсен поради палење возило и одреден му е притвор, соопшти полицијата.

„На 20.9.2025 година полициски службеници од СВР Скопје го лишија од слобода А.Г.(35) од с. Кондово, скопско, затоа што истиот ден околу 9 часот во Кондово, со употреба на бензин, го запалил патничкото возило „мерцедес”, со скопски регистарски ознаки, сопственост на Ш.Ѓ.(51) од с. Кондово. СВР Скопје против А.Г. поднесе кривична пријава за сторено кривично дело Предизвикување општа опасност, по член 288 од Кривичниот законик“, соопшти полоцијата.

Од страна на судија на претходна постапка при Основен кривичен суд Скопје, одредена му е мерка притвор во траење од 8 дена, се додава во соопштението.

The post ГО ПОЛИЛ СО БЕНЗИН И ГО ЗАПАЛИЛ „МЕРЦЕДЕСОТ“ НА СОСЕЛАНИНОТ Во притвор заврши 35-годишен маж од Кондово appeared first on plusinfo.mk.

Одлуката на Уставниот суд за поништување на лажната акредитација на Медресата „Иса Беу“ во Кондово е удар за сите оние кои беа измамени од празните ветувања на ДУИ и соработничкиот молк на Исламската верска заедница, соопшти Коалицијата Вреди.

„Ова е личен пораз на Али Ахмети и неговата клика, кои секогаш си играа со верските чувства на Албанците, само за теснопартиски политички интереси. Денес вистината излезе на виделина – Медресата никогаш не била акредитирано на законит начин. ДУИ ја користеше во предизборни кампањи, исто како што ги користи сите симболи, чувства и потреби на Албанците – за да ги изманипулира“, соопшти Вреди.

Истата шема на измама се повтори и со фабриката за електрични автомобили, која никогаш не беше изградена, се додава во соопштението.

„Се повтори со коридорите 8 и 10Д, кои останаа само на хартија, со патот Скопје-Блаце, кој беше ветуван десетици пати, но никогаш реализиран, со One stop shop со Косово, што остана во фиоките на нивната пропаганда. ДУИ секогаш функционирала со пропаганда, слики, лажни ветувања и манипулации. Одлуката конечно потврдува дека ДУИ нема решено ниту едно албанско прашање преку закон и Устав, туку само лажела и манипулирала за гласови. 22 години на власт ги искористија за да ги средат трговските центри и имотите на своите семејства и внуци, додека на Медресата „Иса Беу“ не му обезбедија ниту статус“, се вели во соопштението на Вреди.

• УСТАВНИОТ СУД ЈА УКИНА МЕДРЕСАТА ВО КОНДОВО Владата го прекршила Уставот со дозволата ИВЗ да отвори гимназија

Медресата „Иса Беу“ повеќе нема да се користи за валкани политички игри и лажни кампањи, додава Вреди.

„Ние работиме на решение, преку кое ова прашање конечно ќе биде затворено – далеку од манипулациите на минатото и блиску до правдата што ја заслужуваат Албанците“, соопшти владејачката коалиција.

По ова со соопштение се јави и Демократската унија за интеграција, со остра осуда на, како што вели, на политичката и антиуставна одлука на Уставниот суд.

„Со оваа одлука ѝ се забранува на Исламската верска заедница да организира средно образование, право кое го има од 1984 година, со што им се ускратува на илјадници млади правото на образование и изградба на иднината според нивните уверувања и идентитет. Оваа одлука претставува директен напад врз верската слобода, врз достоинството на муслиманската заедница и врз едно право што беше добиено како исправка на историска неправда за време на претходна влада“, соопшти опозициската партија.

Ова не е само правно прашање, се додава во соопштението, ова е битка за колективното достоинство.

„Но, она што е уште потешко од самата одлука е срамната тишина на албанските претставници во оваа влада. Наместо да протестираат тие молчат. Наместо да поднесат оставка, тие се правдаат. Наместо да ги штитат граѓаните, тие ги штитат фотелјите и наредбодавците. Тие не се претставници, тие се послушни вазали на власт која повторно го активира проектот за еднонационална држава, без место за другите. Не смееме да молчиме пред ова понижување“, се вели во реакцијата на ДУИ.

Ние смееме да дозволиме клучни придобивки да бидат избришани од тие што денес се продаваат за една фотеља, за привилегија, се додава.

„Ние ќе бидеме гласот на секој ученик што денес се чувствува исклучен, на секој родител што ја гледа загрозена иднината на своето дете и на секој граѓанин што не прифаќа повеќе да биде понижуван во тишина. Ги повикуваме домашната и меѓународната јавност, верските заедници, граѓанското општество и секој човек со совест да реагира. Зашто молкот денес значи соучесништво со неправдата“, соопшти ДУИ.

Уставниот суд вчера ја укина одлуката со која е одобрено основањето на Приватното средно училиште „Медресеја Иса Беу“ во скопското село Кондово, која е донесена од претходната влада на 26 март 2024 година.

Судот оцени дека владината одлука е незаконита и неуставна, бидејќи Владата дала согласност, односно дозволила Исламската верска заедница (ИВЗ) да биде основач на средно училиште, гимназија.

The post ВРЕДИ ЌЕ БАРА НАЧИН ЗА ЛЕГАЛИЗАЦИЈА НА МЕДРЕСАТА ВО КОНДОВО За ДУИ укинувањето на верското училиште е напад врз верската слобода appeared first on plusinfo.mk.

Уставниот суд ја укина одлуката со која е одобрено основањето на Приватното средно училиште „Медресеја Иса Беу“ во скопското село Кондово, која е донесена од Владата на 26 март 2024 година.

Судот оцени дека владината одлука е незаконита и неуставна, бидејќи Владата дала согласност, односно дозволила Исламската верска заедница (ИВЗ) да биде основач на средно училиште,  гимназија.

– Ова е во спротивност со членот 7 од Законот за средно образование, кој забранува верско организирање и дејствување и истакнување на верски симболи во средните училишта. Исто така содржината на Одлуката не е во согласност со Амандманот 7 од Уставот, според кој верските заедници можат да основаат само верски училишта во кои се предава веронаука, односно се проповеда и изучува конкретна религија – се наведува во соопштението од Уставниот суд.

Според судијата-известител Ана Павловска-Данева, Уставниот суд со својата одлука донесена со мнозинство гласови и овој пат, како и во повеќе наврати претходно со своите одлуки донесени во различни судиски состави, застана на браникот на секуларноста на државата.

– Уставниот суд ја укина Одлуката на Владата на РСМ донесена на 26 март 2024 година со која е одибрено основање на Приватно средно училиште „Медреса Иса Беј“ со образложение дека согласно амандманот 7 точка 2 од Уставот е утврдено дека МПЦ, ИВЗ, Католичката црква, Евангелско-методистичката црква, Еврејската заедница и другите верски заедници и религиозни групи се слободни во основање верски училишта и социјални и добротворни установи во постапка предвидена со закон. Ниту Уставот, ниту пак кој било закон во државата не допушта и не предвидува постапка за основање на приватно средно училиште со граѓанско образование од страна на верска заедница или религиозна група. Оттука, Уставниот суд одлучи дека Владата во март 2024 година донела противзаконска и неуставна одлука и истата ја укина – посочува во писмена изјава судијката Павловска-Данева.

Судот ги прифати како основани наводите во иницијативата дека со донесувањето на оспорената одлука Владата ја повредила уставната одредба за одвоеност на државата од верските прашања.

The post УСТАВНИОТ СУД ЈА УКИНА МЕДРЕСАТА ВО КОНДОВО Владата го прекршила Уставот со дозволата ИВЗ да отвори гимназија appeared first on plusinfo.mk.

При претресот кај Г.Б., била затекната и А.Ѓ., а пронајдени се три рачни бомби, еден рачен ракетен фрлач -зоља, еден пиштол, еден дел од пиштол, четири рамки од автоматска пушка, 164 куршуми различен калибар и шест ловни патрони. Лицата се лишени од слобода и задржани во полициска станица и против нив, во консултација со јавен обвинител, по документирање на случајот ќе биде поднесена кривична пријава по брза постапка.

The post МУ НАШЛЕ ЗОЉА, БОМБИ, КАЛАШНИКОВ, ПИШТОЛИ, МУНИЦИЈА! Косовец сместен во Кондово дома имал цел арсенал appeared first on plusinfo.mk.

Пријавениот, во текот на 2022 година, на катастарска парцела на место викано „Ветерник” во с.Кондово, скопско, узурпирал плодно земјиште во сопственост на Република Северна Македонија и, со намера да го стави во свое владение, го употребил за изградба на објект од тврда градба без да поседува одобрение за градење, издадено од надлежен орган согласно чл.56 ст.1 од Законот за градење.

Притоа, тој извршил и нелегално сечење на дрвна маса околу узурпираниот простор на површина од 500 метри квадратни, со што неповратно ги уништил природните својства на простор – се вели во соопштението на МВР.

The post ГИ ИСЕКОЛ ДРВЈАТА И СИ ПОДИГНАЛ ДИВОГРАДБА Кривична пријава за злоупотреба на државно земјиште appeared first on plusinfo.mk.

Во сообраќајката учествувале 3 автомобили.

Според информациите, повредени се двајца ученици кои се движеле по тротоарот и  веќе се на лекување во болницата.

The post АВТОМОБИЛ ПРЕГАЗИЛ ДВАЈЦА УЧЕНИЦИ ВО КОНДОВО Децата се во болница appeared first on plusinfo.mk.

Претходно, како што соопшти МВР, на 19 ноември 2020 во полициска станица бил повикан А.А. (24) од село Љубин.

„По преземените мерки и активности, расчистена е тешка кражба извршена на 19 ноември 2020 во маркет во Ѓорче Петров, од каде биле одземени пари. Против лицата ќе биде поднесена соодветна пријава до надлежното обвинителство“, наведуваат од МВР.

The post Полицијата врши претреси во Кондово, приведени се крадци appeared first on plusinfo.mk.

Министерката за труд и социјална политика Јагода Шахпска на отворањето соопшти дека за овој објект од буџетот на МТСП се вложени околу 22 милиони денари во градежни активности и во опрема што ги задоволува европските стандарди.

– Како Влада и како Министерство сериозно вложуваме во сместување на најмладите во претшколски  установи. Претшколското образование, воспитувањето и вистинскот правилен психосоцијален развој на децата претставуваат предуслов за изградба на квалитетни личности коишто ќе ја градат нашата иднина – истакна министерката Шахпаска.

Таа посочи дека до крајот на годината ќе бидат завршени и отворени уште шест нови градинки, со што опфатот на деца ќе се зголеми за дополнителни 455.

Градоначалникот на Сарај Блерим Беџети, како што информира МТСП,  изрази особено  задоволство што Кондово ја добива својата прва градинка, а втора на ниво на општина, и ја истакна одличната соработка со Министерството за труд и социјална политика и очекување таа и натаму да продолжи.

The post Отворена првата градинка во Кондово со капацитет за 80 деца appeared first on plusinfo.mk.