Овојпат, тој пристигнува со дури 50 врвни музичари, големите инструментални солисти на новосадскиот Биг бенд и оркестарот на операта на Српскиот народен театар од Нови Сад. Откако оваа ексклузивна концертна програма на Здравко Чолиќ со симфониски оркестар ги распродаде арените ширум регионот, конечно и македонската публика има можност да ужива во специјално избраниот репертоар и исклучителните аранжмани, зад кои се потпишува диригентот Федор Вртачник.

Чолиќ, чија огромна популарност трае веќе пет децении, ќе ги претстави големите хитови од сите фази на неговата кариера, изведени со поддршка од симфониски оркестар, што ќе донесе нова емоција и ново искуство на уживање во едни од најубавите и најголемите љубовни песни испеани на овие простори.

Здравко Чолиќ премиерно ќе настапи во Македонија во ваков состав, со кој претходно одржа рекордно распродадени концерти за паметење во Љубљана, Бања Лука, Пула, Ријека, Загреб, а за прв пат се најде дури и во програмата на рок фестивал во Србија.

„Моите пријатели и соработници со години ме убедуваа да направиме репертоар и концерт кој би бил во придружба на голем оркестар. На иницијатива на славниот диригент Федор Вртачник го покренавме целиот проект. Целосно препуштив од големиот опус на мои песни тој самиот да ги одбере оние кои ќе добијат ново руво и звук, соодветни за оваа ексклузивна музичка приказна“, вели музичкиот великан Чолиќ.

Поради форматот на овој концерт, арената „Борис Трајковски“ на 18 март ќе биде исполнета исклучиво со места за седење, поради што ќе биде намален максималниот капацитет.

The post ЗДРАВКО ЧОЛИЌ СО СИМФОНИСКИ ОРКЕСТАР ВО СКОПЈЕ Во март ќе ги пее познатите љубовни хитови appeared first on plusinfo.mk.

На стадионот на АРМ во Скопје синоќа настапи Грејс Џонс, приредувајќи спектакуларен настап и фасцинантно музичко шоу.

Една од најпрепознатливите фигури на американската музичка сцена, Грејс Џонс речиси четири децении ја дефинира музиката, модата и уметноста.

„Сакам ве сите Македонијо“, повторуваше таа, не криејќи дека е задоволна што публиката заедно со него во глас и ги пееше безвременските хитови.

На 76, оваа неверојатна пејачка родена во Јамајка, на синоќешниот концерт го даде најдоброто од себе со необични перформанси, неуморно пресоблекувајќи се неколкупати во авангардни креации.

Во текот на концертот кулминацијата ја достигна кога се појави во таканаречен костим за капење и пеејќи ја „Slave to the Rhythm“ играше и вртеше хулахоп 12 минути.

Важи за една од најреволуционерните уметнички појави на светот на сите времиња, а се уште сите напамет ги знаат нејзините хитови.

„Pull Up to the Bumper“ го испеа заедно со публиката, кога во еден момент се симна од сцената и им се доближи на присутните во првите редови, додека за бис ја остави култната „La vie en rose“ која ја испеа со публиката во еден глас.

Оваа авторка, пејачка, музичарка и модел на светот му подари опус почнувајќи од албумите „Warm Leatherette” и ”Nightclubbing” до сингловите како ”Private Life”, ”Pull Up to the Bumper”, ”I‘ve Seen That Face Before” и ”Slave to the Rhythm” со кои ги крена музичките стандарди.

VH1 ја стави на списокот од 100 најважни жени на ронекролот, додека „Billboard“ ја смести меѓу 40-те најголеми имиња на клупската култура.

Грејс Џонс и синоќа покажа дека нема конкуренција, затоа што е уникатно авангардна и никогаш не личела на никој.

The post НЕЗАБОРАВНО ШОУ НА ГРЕЈС ЏОНС ВО СКОПЈЕ На 76 години 12 минути вртеше хулахоп на концертот appeared first on plusinfo.mk.