По упорните неколкудневни прозивки од ВМРО-ДПМНЕ дека нема демант на овие шпекулации кои потекнаа од извори во работната група за подготовка на уставните промени, денеска се огласи и премиерот Димитар Ковачевски.

– Тоа е уште една од низата небулози и замајување на јавноста од страна на опозицијата. Истата опозиција зборуваше и дека во државата ќе има не знам колку милиони мигранти, дека државата ќе се кантонизира, дека со гласањето на францускиот предлог ќе сме станеле бугаризирани и асимилирани и дека ќе сме го изгубеле македонскиот јазик, но ништо од тоа не се случи. Ова е најновата во низата лаги. Се работи за шпекулација и за зборување нешто од немајкаде. Кога сите факти ќе ве побијат, не ви останува ништо друго освен измислување нови небулози кои ќе шират хистерија и страв кај народот, а нема да направат ништо добро – рече Ковачевски.

Се работи за шпекулација и за зборување нешто од немајкаде. Кога сите факти ќе ве побијат, не ви останува ништо друго освен измислување нови небулози кои ќе шират хистерија и страв кај народот, а нема да направат ништо добро.

Димитар Ковачевски премиер

Трик за да се прифати „помалото зло“?

Извори на Плусинфо сепак тврдат дека ќе има обиди на членови на работната група за уставни промени, во координација со политички промени, албанскиот народ да добие потполно еднаков и симетричен статус со македонскиот во уставната Преамбулата. Што се однесува до албанскиот јазик, чија службена употреба сега е поврзана со формулата „20 отсто“, веќе и јавно постои предлог за негово официјализирање како службен јазик еднаков со македонскиот независно од процентуалната застапеност на Албанците.

Во врска со дилемите околу двонационалноста како можен уставен концепт, Плусинфо консултираше неколку аналитичари. Се чини дека е општо уверувањето дека една ваква промена би донела повеќе проблеми отколку решенија. Професорот Мерсел Биљали е категоричен:

– Јас сум за целосно граѓански концепт. Република Северна Македонија е држава на сите нејзини граѓани и – точка!

Биљали сепак потенцира дека е нужно да се има механизми за одржување на меѓуетничката кохезија и рамнотежа во институциите, во смисла на координативни, а по потреба и консоцијални механизми. Тој додава:

– Но, првенствено мора да се подигне мерит системот на сите нивоа, освен во врвните политички структури, кои се резултат на изборите. И ова треба да биде императив. При тоа, оставката мора да се предвиди како задолжителна како резултат од објективната одговорност – немање резултати, скандали, слаба функционалност на институциите и слично.

Ова може да биде „игра“ на ескалација и деескалација, за етничките Македонци да го прифатат „помалото зло“ – Бугарите во Уставот.

Сашо Клекоски Член на раководството на ВМРО-ДПМНЕ

Идејата во Преамбулата на Уставот да се вметне формулата „македонскиот и албанскиот народ“ и потоа останатите етнички заедници, вклучувајќи ги и Бугарите, не е чекор за конструктивно решение, туку дел од сценариото на закани за „мрачната иднина“ доколку нема уставни измени, кое го најавија специјални емисари, а го прифатија како наратив министри во Владата, смета Сашо Клековски, член на Извршниот комитет на ВМРИО-ДПМНЕ.

– Во услови на силно спротивставување (9 од 10 етнички Македонци) на уставните измени за вклучување на Бугарите во Уставот, создавање на перцепција на нова закана за нарушување на постигнатиот баланс меѓу етничките Македонци и етничките Албанци, отвара пат за раст на меѓуетнички тензии. Ова може да биде „игра“ на ескалација и деескалација, за етничките Македонци да го прифатат „помалото зло“ – Бугарите во Уставот. Истовремено со тоа ќе се дефокусира јавноста од неспособноста и криминалот на Владата на ДУИ и СДСМ – вели тој.

Вовед во безбедносна криза?

Зоран Димитровски од Демократскиот сојуз вели дека почитувањето на решенијата од Рамковниот договор за уредување на односите меѓу етничките заедници е услов за натамошна мирна коегзистенција на сите етникуми во Македонија.

– Рамковниот договор е мировен договор, неговите решенија се вградени во Уставот и какво било негово менување мора да биде со консензус на сите етнички заедници, пред сѐ на Македонците и на Албанците, или со нов договор кој може да се случи по евентуална нова безбедносна или сериозна меѓуетничка политичка криза. Како што можете да посведочите, непочитувањето на мировните договори во Босна и Херцеговина и на Косово, без оглед што овие држави за разлика од Македонија сѐ уште се полупротекторати, го доведува во прашање нивното постоење во формата каква што ја дизајнираа Дејтонскиот мировен договор за БиХ, како и Кумановскиот мировен договор и подоцнежните договори од Брисел за Косово – вели тој.

Менувањето на Уставот заради промена на конститутивната положба на која било етничка заедница во Македонија не може да биде на штета на другите помали етнички заедници. Со Рамковниот договор е направен каков-таков компромис, со тоа што Македонците, иако де јуре ја изгубија ексклузивната конститутивност во Македонија, сепак се запишани како „македонски народ“ а сите други етнички заедници во Преамбулата како „делови од народи“. Таа синтагма „делови од народи“ е еуфемизам за меѓународно усвоениот термин малцинства, но не е навредлива и ги изедначува сите етникуми кои се рамноправни во државата по сите основи, ако се има предвид и нормативниот дел од Уставот, анализира Димитровски и заклучува:

ДУИ и СДСМ со планот за уставни промени ја загрозуваат безбедноста на државата.

Зоран Димитровски Член на раководството на Демократски сојуз

– Со издвојување на два народа, македонскиот и албанскиот, би се направило де јуре рангирање на народи и малцинства, што е спротивно на решенијата од Рамковниот договор и тoa битно би го нарушило статусот на помалите етнички заедници. Од друга страна, потенцирањето на два народа како конститутивни во државата, е иницијална каписла за барање територијални решенија за какви било идни политички барања, со чие решение политичките елити на Албанците не би биле задоволни. А Рамковниот договор токму тоа го поставува како услов – дека во иднина не смее да има територијални решенија за политички барања! Се плашам дека последните закани што доаѓаат од власта, дека доколку не влезат Бугарите во Уставот сега и веднаш, може да ни се случи безбедносна криза, токму тоа и го навестуваат. Затоа сметам дека ДУИ и СДСМ со планот за уставни промени ја загрозуваат безбедноста на државата.

Станавме сектаријанска држава

Колку што погрешна беше идејата преку хрватскиот модел на Устав да се минимизира позицијата на Албанците во Уставот, така овој пат, со цел да се изигра една презадоцнета итроштина со вметнувањето на Бугарите, се прави обид да се направат етникуми од прва лига и етникуми од втора лига, вели аналитичарот Ивор Мицковски.

– Една вистински мултиетничка држава не би требало да се сведува на биетничка, односно, грешката што при осамостојувањето не се дефиниравме како национална држава на македонскиот народ, сега да ја исправаме со бетонирање на бинационален карактер. Toa e нешто што на долги патеки може да го загрози унитарниот карактер на државата, да прерасне во федерализација или во идни територијални претензии. Или ќе се вратиме на оригиналниот граѓански дух на Уставот или ќе се дефинираме како македонска нација составена од македонски народ и потоа сите останати заедници, но мислам дека е предоцна веќе за оваа опција и дека таа е политички неизводлива – смета тој.

Ова последното во суштина е хрватскиот модел и мислам дека тој е неприфатлив за Албанците. Но, вистинскиот проблем е што ние етнички се делиме преку нашите во суштина етнички партии, односно, проблемот е партизираноста на државата која го деформира Уставот, го прави подложен на политички дилови, како впрочем и секоја друга сфера од нашиот политичко-општествен живот, смета Мицковски.

– Видовме дека мајоризацијата од доминација на мнозинството врз малцинството, може да се претвори во доминација на малцинството врз мнозинството. И ќе се сoгласиме дека и двете се опасни тенденции, но второво е далеку поопасно. Тоа се проблеми кои нема да се решат со никаква, макар и виртуозна уставна промена, туку со промена на практичното однесување и владеење на партиите, кои од позиција на моќ, ги погазуваат и изборните резултати и уставните норми. Станавме сектаријанска држава, каде секоја етничка партија наместо да се грижи за целовитоста и унитарноста на државата, се занимава строго со своите етнички, политички, територијални и финансиски интереси. Унитарноста се сведе на излитена церемонијалност и фолклористика – вели тој.

The post БИНАЦИОНАЛНОСТА МОЖЕ ДА ДОВЕДЕ САМО ДО КОНФЛИКТ Некој шири хистерија или ова е трик да се прифати „помалото зло“? appeared first on plusinfo.mk.

Ова се вели во соопштението од седницата на Владата, на која таа го усвои Концептот за дигитална трансформација на општеството. Овој документ минатиот месец беше усвоен од Националниот совет за дигитална трансформација на општеството.

Во соопштението се посочува дека Концептот за дигитална трансформација на општеството цели кон темелни промени во начинот на функционирање на институциите и подобрување на нивната ефикасност како сервис на граѓаните.

Покрај подобрувањето на слободниот пристап до јавните информации, една од клучните измени кои ги носи овој Концепт, како што информираат од Владата, е давањето предност на дигиталната верзија на записите и електронските потписи. Податоците што се еднаш внесени во јавен регистар, нема повторно да се бараат од физичките и правните лица, а дигиталниот потпис создаден со лична карта е еквивалентен со своерачен потпис.

Имплементацијата на Концептот ја обврзува Владата да воведе електронска лична карта и да спроведе мерки за поддршка за поврзување на сите домаќинства на широкопојасни услуги во следните пет години.

Содржината на Концептот за дигитална трансформација на општеството е резултат од проектот за унапредување на дигитализацијата во земјава, со финансиска поддршка од САД и Естонија и експертска поддршка од Естонскиот центар за меѓународен развој.

The post АЈ ЧЕСТИТО АГЕНЦИЈА ЗА ДИГИТАЛИЗАЦИЈА Секој ќе има електронски потпис и електронска лична карта appeared first on plusinfo.mk.

И, иако работите не одеа најдобро во САД за фабриката со седиште во поранешна Југославија, автомобилот сепак успеа да добие статус на познат автомобил и „преку барата“.

Македонскиот дизајнер Дејан Христов, инспириран од култниот статус на возилото, замисли нова верзија на овој едноставен градски автомобил со електричен погон. Со оглед на тоа што тој сѐ уште може да се види на патиштата, современата изведба треба да сподели и нешто повеќе од својот претходник.

Дејан ги користи препознатливите стилски мотиви, како што се закривена хауба, хоризонтална линија на знаците и карактеристичната задна страна. Спортскиот изглед, пак, се постигнува со повеќе испакнати и продолжени браници, црни А-столбови и потенки ЛЕД-светла. Притоа, тој избрал и добро познати споменици низ поранешна Југославија, пред коишто виртуелно го поставил својот „автомобил на иднината“.

Доколку оваа дигитална замисла стане реалност, конкуренцијата би била во „Пежо e-208“, „Опел корса“, „Рено 5“ и Хонда Е“, а цената би била блиску до онаа на „Дачија спринг“.

„Југо“ се произведуваше меѓу 1980 и 2008 година во Крагуевац, Србија, и беа произведени вкупно 794.428 единици. Заснован е на „Фиат 128“, со погон на предните тркала и мотори со четири цилиндри. Во САД, претприемачот Малком Бриклин продаде вкупно 141.651 автомобил од 1985 до 1992 година, но и покрај одличниот почеток поради ниските цени, прашањата за квалитетот и сигурноста сериозно го нарушија угледот на југословенскиот автомобил. Во 1987 година беа продадени 48.812 возила, а веќе во 1992 година се продадени само 1.412 примероци.

Дејан Христов замислува нова ера за „Југото“ и има намера да го испрати својот проект до српската Влада. Тој, исто така, посочува дека и хрватски „Римац автомобили“ би можеле да учествуваат во проектот, додека производството може да оди во фабриката на „Стелантис“ во Крагуевац, или некоја кинеска компанија. Притоа, литиумот за батерии од тукашни извори ќе ја намали и цената на батериите.

Сепак, засега, сѐ останува на овие занимливи виртуелни скици.

The post ДАЛИ БИ ГО ВОЗЕЛЕ? Македонец со идеја за ново, електрично „Југо“ appeared first on plusinfo.mk.

Ова го истакна министерката за образование и наука Мила Царовска во денешното гостување во емисијата „Само интервју“ на Канал 5 телевизија.

Царовска рече дека се доцни со реформите.

– Ние не брзаме со креирањето на реформата, туку напротив доцниме. Концепцијата е предвидена во Законот за основно образование и веќе втора година доцниме со имплементацијата и тоа е фактична состојба – рече Царовска.

Таа рече дека  нема да има бришење на ниту еден предмет или содржини и дека и понатаму ќе се изучуваат историја, физика, хемија, географија, но научните дисциплини ќе бидат поставени модуларно.

The post Царовска: Министер не пишува концепција за образование, туку експерти врз основа на анализи appeared first on plusinfo.mk.

„Ученици немаат елементарни услови за следење на настава, бојкот на матуранти, протести на студенти, руинирани училишта, а Царовска се посвети на ПР со поставување на пластични паравани.
Деновиве гледаме дека над 70% од матурантите ја бојкотираат наставата и бараат од министерката за се и сешто, Мила Царовска да ги разгледа и прифати нивните барања, но тие добија само закани и уцени од страна на министерката, директорите и професорите “ се вели во реакцијата.

Од партијата додаваат дека концептот за основно образование, Царовска сѐ уште се обидува да го протуркаат на сила, вклучувајќи и академици со ПР текстови кои по нарачка се пуштаат преку министерството за образование за да ја убедат јавноста колку е добра нивната концепција, а бегаат од јавни расправи и дебати во Собранието за овој проблем со кој сакаат да се укине предметот историја.

„Веќе 4 месеци откако е почната учебната година, а се уште владата и министерството за образование не успеаја да обезбедат услови за над 20 илјади ученици обезбедувајќи компјутери за да можат нормално да ја следат наставата.Според Царовска, финскиот модел во образованието значи импровизирана наставна програма, руинирани училишта, без дигитализација на образованието.
Царовска, исто како и нејзиниот ментор Зоран Заев нема слух за проблемите со кои се соочуваат како учениците, така и студентите и професорите. Со ваков лошо менаџирање во образованието Македонија ќе има уште многу загубени генерации“ ,стои во реакцијата на ВМРО-ДПМНЕ.

The post ВМРО-ДПМНЕ: Царовска и Заев го доведоа образованието во целосен колапс appeared first on plusinfo.mk.

Според нив, за нацртот требало да се организира јавна дебата, а не, како што рекоа, на најподмолен начин се пробува да протурка нешто што нема да биде модерна реформа.

– Со слевањето на предметите едни во други, ќе настане тотална деструкција на многу научни предмети, а пред се, на нешто што е државотворно за нас, Македонците, а тоа е македонската историја. Целиот универзитет „Св. Кирил и Методиј, целата Македонска академија на науките и уметностите, сите релевантни и меродавни институции се изјаснија против овој нов концепт. Уште кој треба да им даде до знаење дека треба да запрат? Ние не замолуваме, туку бараме итно да се повлече новиот концепт на Министерството за образование и наука – истакнаа учесниците на протестот.

Денеска е и последниот ден за праќање по електронска пошта до МОН коментари, предлози и сугестии за Нацрт-концепцијата за основното образование која е поставена на веб-страницата на Министерството за образование и наука.

Министерката Мила Царовска во петокот соопшти дека и откако ќе заврши рокот за коментари по мејл (20 јануари), ќе продолжат усните дебати со сите засегнати во процесот за, како што рече, „да се расчистат дилемите кои намерно или ненамерно беа наметнати во јавноста“.

– МОН и работната група што ја направи концепцијата ќе ги земе предвид конструктивните коментари и во наредниот период ќе треба заеднички да ја донесеме новата концепција и да почнеме во наредната училишна година – изјави Царовскa.

The post Студенти со протест бараат повлекување на нацрт-концепцијата за основно образование appeared first on plusinfo.mk.

Во писмото се наведува дека со новиот концепт, наместо да се оди во насока на зајакнување на условите за реализација на воведените информатички содржини, се оди неколку чекори наназад и се брише се она што досега постигнато.

– Дури и земјите од нашето опкружување изминативе неколку години, дел и според нашиот урнек започнаа со воведување на информатичките теми во нивните наставни планови, а само ние ќе одиме наназад. Насловот на предметот „Техника, технологија и информатика“ спојува многу различни, во делови и несродни области. Можеби кога се употребува технологија,
комисијата мисли на информатичко-комуникациската технологија, но тоа во општа
смисла не е така. Уште повеќе, таквиот предмет се става во таканаречена „Група Б“
задолжителни предмети, во која покрај тој предмет, се предметите од уметностите и
физичкото образование – се вели во писмото од ЗИМ.

Според ЗИМ, треба да се препознае потребата на учениците и да им се даде добра основа уште од најмала возраст за тие да бидат способни да ја изберат информатиката како идна професија.

– Тоа овозможува земјата да има голем и профитабилен информатички сектор, кој не само што згрижува значаен дел од работната сила, туку за нив обезбедува високи примања, за државата овозможува раст и зголемен извоз, како и висок приход во пензискиот систем – велат од ЗИМ.

Реагираат на укинувањето на претходно воведените теми од информатиката во раната возраст и апелираат да не се оди, како што велат, со избрзани решенија.

– Апелираме да се направат напори информатиката да се изучува во континуитет од трето до деветто одделение, со особена промоција на името на предметот, како би се дал фокус и би се заинтересирале што повеќе ученици да ја изберат информатиката како нивна идна професија.
Апелираме да не се класифицира информатиката во таканаречена „група Б“ задолжителни предмети кога е јасно дека е подмножество од STEM – се вели во реакцијата од ЗИМ.

The post Информатичарите реагираaт на новиот концепт за основно образование appeared first on plusinfo.mk.

Ова го истакна министерката за образование и наука Мила Царовска на седницата за пратенички прашања, посочувајќи дека за реформи во образованието се зборува 15 години, но не се прават чекори, и дека сите домашни и меѓунарпдни анализи покажуваат дека нашето образивание не ги дава поребните ефекти и учениците не поседуваат знаења за да се снаоѓаат во одредени ситуации, да донесуваат одлуки врз основа на аргументи.

Поразителни се фактите според кои сме на дното на листите на меѓунарпдни анализи, рече Царовска, како пример посочувајќи дека само 40 отсто од нашите второодделенци читаат со разбирање или решаваат математички задачи со текстуален дел. Таа најави дека во 2021 ќе има пилот-национално тестирање за да добиеме и своја анализа.

Нацрт-концепцијата е подготвена од работна група која предложила, како што рече министерката, многу современ, македонски концепт на образивание, кој првпат почнува од национални стандарди за образование зашто нашата држава никогаш не подготвила кои се резултатите од улење што секој ученик мора да ги има по завршување на деветтото одделение.

– Оваа концепција сега, усогласена со препоралите од Советот на Европа и ОЕЦД, предвидува осум резултати по завршување на деветто одделение – резултати во јазична писменост, користење друг јазик, математика, природни науки, технологија, дигитална писменост, личен и социјален развој, демојратска култура и граѓанско претприемништво, уметничко изразување, култура и мултикултура – рече Царовска, нагласувајќи дека пред се треба да се смени системот на фактографско учење зашто никаде во светот учениците не се насочуваат да учат факти од книгите, зашто се веќе лесно достапни, туку да истражуваат и анализираат.

Покрај ова, концепцијата, предвидува, рече таа, и инклузивност, родова рамноправност и мултикултурализам и други воспитни вредности кои досега биле запоставени.

Според неа, концепцијата им овозможува и на наставниците поголема автономија и можност да одлучуваат, да ја дополнуваат и креативно да ја подобруваат наставната прорама, согласно со културата на живеење на нивните ученици.

Во истражување на нивното мислење, како што рече Царовска, 4.160 наставници кажале дека сакаат да имаат многу поголема автономија. Таа повтори дека со концепцијата не само што нема да биде отпуштен ниту еден наставник, туку ќе имаат и дополнителни часови поради изборни предмети и воннаставни содржини кои ќе ги предаваат во училиштето. Нагласи дека покрај во учениците, се инвестира и во наставниците, зашто тие се, рече, срцето на образованието.

– Да не заборавиме, наставниците беа држени постојано на кратко ланче од претходната власт – на десет часа, пет часа, три часа, десет школи по еден час, се со цел да бидат присилени на следните избори да гласаат. Ние тоа го менуваме. Наставниците мора да имаат стабилна работа, да се чувствуваат сигурно и да имаат кариерен развој – рече Царовска и во тој контекст соопшти дека Владата вчера на седница донела одлука за распределба на наставници ментори и утврдила буџет. Огласот ќе биде распишан во јануари и секоја општина ќе добие наставник ментор.

Нејзиното излагање беше одговор на прашање на пратеникот од СДСМ, Јован Митревски, кој порача дека реформите се потребни итно – „не утре, туку вчера“ и дека образованието треба да се гледа како систем, а не како проект.

– Затоа што мислиме на нешто што треба да продолжи во наредните десет, 15, 20 години, ако имаме заедничка и иста цел дека треба да создадеме квалитетен кадар. И  странските инвесторири да не доаѓаат заради најевтина, туку за најквалитетна работна сила – рече Митревски. 

The post Царовска: Итно се потребни реформите, концепцијата е современ систем на образование appeared first on plusinfo.mk.

Ова вечерва го истакна Марија Митева од ВМРО-ДПМНЕ додавајќи дека стаавот на фелата е едногласен, реформите се потребни, но „Не“ за, како што вели, вакви квази концепции.

– Предложениот концепт треба веднаш да се повлече и да се пристапи кон креирање на нов. Потребно е да се напушти концептот на интегрирање на предмети особено историја и географија. Недостасува истражувачки период, стручни мислења и јавна дебата за учеството на стручната, но и на пошироката јавност. Прашањето е дали имате желба вистински да ги подобрите состојбите во образованието? После неуспешни платформи, сега и неуспешни концепции? Потенцираме, ВМРО-ДПМНЕ бара градење на национален став на темата “Реформи во образованието”. Охрабрете се и формирајте работна група од сите релевантни чинители во образовниот систем, вклучувајќи ги и стручните тела на политичките партии. Треба да се обезбедат голем број на услови пред започнување на реформата – рече Митева.

The post Митева: Веднаш да се повлече предложениот концепт за реформи на образованието и да се направи нов appeared first on plusinfo.mk.

Воведувањето на наставниот предмет општествени науки, велат од МОН, не значи дека се укинува наставниот предмет историја, туку содржините од него стануваат задолжителен дел од интегрираната наставна програма.

Преку интегрирање содржини од историја, граѓанско образование и географија, наставниците по овие предмети ќе продолжат да работат во училиштето, но сега заеднички ќе ја планираат наставата. Концепцијата за основно образование, како што вчера појаснија од МОН, ја дава „рамката“ според која се планира основното образование и документот не ги брише содржините од наставните предмети, ниту пак предвидува менување на содржините од предметот историја.

Изработката на поединечните наставни програми ќе следува по развојот и прифаќањето на концепцијата. Наставните програми ќе бидат изработени од наставници, универзитетски професори и советници од Бирото за развој на образованието.

Според МОН, интегрираните наставни програми позитивно влијаат на постигнувањата на учениците и им овозможуваат да го користат наученото и надвор од определен предмет, да го користат своето знаење креативно и да развијат критичка мисла и ефективни стратегии за учење.

Тие уверуваат дека концепцијата за основно образование не го одредува бројот на наставници. Направените анализи, според нив, укажуваат дека сите наставници остануваат на работа, бидејќи севкупниот број на часови во наставниот план не е намален.

Со предвидените слободни изборни предмети, наставниците имаат слобода и можност да ја искористат својата креативност во изработка на наставни програми за изборните предмети, според интересите и барањата на учениците.

– Во подготовката на новата Концепција, МОН се водеше од истражување, спроведено во ноември 2020 на 4168 наставници, кои ги идентификуваа потребите од образовна реформа и аспектите на кои таа треба да се базира. Исто така, земени се предвид анализите од меѓународни релевантни организации и институции кои укажуваат дека се потребни итни и неодложни реформи на образованието – информира вчера МОН во соопштението придружено со презентација.

Намерата на Владата, како што вчера нагласи премиерот Зоран Заев, не е да ги укине предметите историја, географија, физика или биологија во образованието.

– Фузирањето значи ефикасност, намалување на наставните содржини кои се вишок и не им се потребни на учесниците со цел да добијат дополнително можност за општествени и социјални дејности во рамки на времето кое го поминуваат во училиште – истакна премиерот Зоран Заев, појаснувајќи го новиот концепт..

Тој нагласи дека нема да се брза со оваа реформа, иако, како што рече, таа е важна и треба час поскоро да се започне.

Со став околу новите реформи во образованието вчера излезе и Македонската академија на науките и уметностите (МАНУ) според кои реформите треба да обезбедат систематско и посебно изучување на македонскиот јазик и македонската историја, укажувајќи на научниот факт дека македонскиот народ зборува на македонски јазик веќе со векови, на територијата на нашата држава и надвор од неа.

Посочуваат дека реформите треба да обезбедат и динамична рамнотежа меѓу математиката, природните и техничките науки, од една страна, и општествените и хуманистичките науки, вклучувајќи ги етиката и моралните вредности, од друга страна; како и континуиран (на подолг период и без прекин) инклузивен и одржлив економски раст на земјава.

The post МОН уверува дека не се бришат содржините од наставните предмети appeared first on plusinfo.mk.