Вселенската агенција НАСА веќе две недели не добива сигнал од сондата МАВЕН која орбитира околу Марс. Портпаролката на агенцијата за германската новинска агенција ДПА изјавила дека течат напори за повторно воспоставување на контакт со леталото.

На 15 декември НАСА објавила дека добила „краток фрагмент од податоци за следење“ кој укажува дека сондата можеби „се врти на неочекуван начин“. Овој вид ротација може да го загрози стабилниот пренос на податоци и комуникацијата со Земјата.

МАВЕН (Mars Atmosphere and Volatile EvolutioN), лансиран кон крајот на 2013 година, орбитира околу Марс и обезбедува клучни податоци за атмосферските услови на планетата. Преку овие мерења научниците го следат губењето на гасовите од атмосферата и еволуцијата на Црвената планета во текот на милијарди години.

NASA Finds MAVEN Rotating Unusually During Last Contact

NASA has lost contact with the MAVEN spacecraft while it was orbiting Mars, and recovery efforts are ongoing after the signal went silent in early December. Engineers have not received normal spacecraft data since then and… pic.twitter.com/IcLGH5xZiG

— Space and Technology (@spaceandtech_) December 16, 2025

НАСА и понатаму има активни мисии на површината на Марс, меѓу кои орбитерите „Mars Odyssey“ и „Mars Reconnaissance Orbiter“, како и роверите „Curiosity“ и „Perseverance“.

Иако МАВЕН нема директна замена, научниците се надеваат дека контролата ќе биде повратена, барем делумно, во наредните денови. Според изворите, системите за комуникација и напојување на леталото се во „режим на заштита“ и реагираат на основни команди, што внесува доза оптимизам во контролната сала на НАСА.

The post ДВЕ НЕДЕЛИ НЕМА СИГНАЛ ОД ЛЕТАЛОТО НА НАСА НА МАРС „Сондата можеби се врти на неочекуван начин“ appeared first on plusinfo.mk.

Експериментален мозочен имплант може да ги чита мислите на луѓето, претворајќи ги нивните внатрешни мисли во текст, објави Јуроњуз.

Во рана фаза на тестирање, научници од Универзитетот „Станфорд“ користеле уред за интерфејс мозок-компјутер (BCI) за да дешифрираат реченици што биле само помислени, но не и изговорени. Имплантот бил точен до 74% од времето.

Што се уредите за интерфејс мозок-компјутер?

BCI уредите функционираат така што го поврзуваат нервниот систем на човекот со уреди кои можат да ја интерпретираат мозочната активност, овозможувајќи му да презема дејства – како, на пример, користење компјутер или движење протетичка рака, само со мисли.

Тие се појавија како можен начин за луѓето со попречености да вратат дел од својата независност.

Можеби најпознат е имплантот Неуралинк на милијардерот Илон Маск, експериментален уред кој е во рана фаза на испитувања за безбедност и функционалност кај луѓе со одредени медицински состојби кои ја ограничуваат нивната подвижност.

Луѓето што не можат да зборуваат ќе комуницираат подобро

Најновите наоди, објавени во списанието „Сел“, би можеле еден ден да го олеснат комуницирањето на луѓето кои не можат да зборуваат, велат истражувачите.

– Ова е првпат да успееме да разбереме како изгледа мозочната активност кога само размислувате за зборување – изјави една од авторите на студијата и истражувачка на Универзитетот „Стенфорд“ во САД, Ерин Кунц.

Како е направен овој интересен уред?

Работејќи со четворица учесници, тимот вградил микроелектроди, кои ги снимаат нервните сигнали, во моторниот кортекс, делот од мозокот одговорен за говор.

Истражувачите ги замолиле учесниците да се обидат да зборуваат или да замислат дека изговараат одредена низа зборови. И двете активности активирале преклопувачки делови од мозокот и предизвикале слични типови на мозочна активност, иако во различен степен.

Потоа тие тренирале модели на вештачка интелигенција за да интерпретираат зборови што учесниците ги мислеле, но не ги изговарале на глас. Во демонстрација, мозочниот чип можел да преведе замислени реченици со точност до 74%.

Во друг тест, истражувачите поставиле лозинка за да спречат BCI уредот да ја дешифрира внатрешната мисла, освен ако корисникот прво не ја помисли лозинката. Системот ја препознал лозинката со околу 99% точност.

Лозинката? „Chitty chitty bang bang“.

Што носи иднината?

Засега, мозочните чипови не можат да ја интерпретираат внатрешната мисла без значајни безбедносни механизми. Но, истражувачите велат дека понапредните модели во иднина би можеле да го постигнат тоа.

Френк Вилет, еден од авторите на студијата и вонреден професор по неврохирургија на Универзитетот „Станфорд“, изјави дека BCI уредите исто така би можеле да се обучат да ја игнорираат внатрешната мисла.

– Оваа работа дава вистинска надеж дека говорните BCI уреди еден ден ќе можат да ја вратат комуникацијата на ниво што е исто толку течно, природно и удобно како разговорниот говор – рече тој.

The post ВЕШТАЧКАТА ИНТЕЛИГЕНЦИЈА СЕГА МОЖЕ ДА ВИ ГИ ЧИТА МИСЛИТЕ Каква е оваа нова технологија? appeared first on plusinfo.mk.

Министерството за надворешни работи и надворешна трговија информира дека на 2 август 2025 година, до Амбасадата на Македонија во Прага, Чешка, била доставена информација за тешка сообраќајна незгода со мотор, управуван од лицето Д.Ч., државјанин на Македонија, кој во несреќата се здобил со тешки повреди и бил пренесен во болница на лекување.

По добиената информација, Амбасадата веднаш стапила во контакт со семејството.

На 3 август, од страна на фамилијата на лицето Д.Ч., Амбасадата била информирана дека тој им подлегнал на повредите.

„Дипломатско-конзуларното претставништво во Прага е во постојана комуникација со семејството на починатиот, со цел завршување на формалните постапки и организирање на пренесување на телото во Македонија“, информира МНР.

The post МНР Е ВО КОМУНИКАЦИЈА СО СЕМЕЈСТВОТО НА ЧИФЛИГАНЕЦ Се организира пренесување на телото во Македонија appeared first on plusinfo.mk.

Односите меѓу родителите и возрасните деца често се менуваат со текот на годините. Наместо секојдневна блискост и доверба, се повеќе се јавува тишина, недоразбирање или дури и целосен прекин во комуникацијата. Иако намерите на родителите често се добри, начинот на кој тие пристапуваат кон разговорот може дополнително да го прошири јазот. Наместо да го барате виновникот, покорисно е да се запрашате: што во моето однесување може несвесно да придонесува за ова дистанцирање – и што можам да сменам?

„Многу родители кои ми се обраќаат за помош ја чувствуваат болката од губењето на блискоста со своите возрасни деца. Тие веруваат дека постапувале со љубов и грижа, но се повеќе наидуваат на ѕид од тишина или напнатост. Наместо поврзување, нивните пораки и коментари предизвикуваат повлекување“, вели терапевтот и психолог Џефри Бернштајн.

Повеќе за ова на „Мајка и дете“.

The post ШТО МОЖЕМЕ ДА СМЕНИМЕ? Ако не сакате вашите возрасни деца да ве избегнуваат, престанете со овие навики appeared first on plusinfo.mk.

На прес-конференција претпладнево, таа соопшти дека утрово МОН формирали меѓуресорска група за поефикасно справување со ситуацијата откако во повеќе основни и средни училишта денеска имало дојави за поставени експлозивни направи.

– По дојавите за поставени експлозивни направи во основните и средните училишта низ државата, утрово во координација со повеќе институции формиравме меѓуресорска група за поефикасно справување со ситуацијата и преземање мерки за одржување на безбедноста во училишните објекти на соодветно ниво – изјави Јаневска, потенцирајќи дека досегашните проверки потврдиле оти сите дојави се лажни.

Се заблагодари на МВР за брзата реакција и истакна дека жали што некој „вака си поигрува со децата“. Ги повика раководствата на училиштата дојавите да ги пријавуваат во МВР и да ги следат протоколите на полицијата.

Апелираше до наставниците и директорите на училиштата за комуникација да ги користат исклучиво службените електронски адреси креирани од МОН.

Како што рече, според првични информации, дојавите не се добиени на службени, туку на приватни мејлови и затоа тие, рече, не треба да се користат.

Соопшти дека безбедноста е подигната на повисоко ниво со двојна автентикација при користење на службени мејлови.

НОВ БРАН ЛАЖНИ ДОЈАВИ ЗА БОМБИ ВО УЧИЛИШТАТА Полицијата откри детали од проверката и упати важна порака

На општините им препорача ако се во можност да имаат физичко обезбедување и видеонадзор во училиштата, а на училиштата да бидат попретпазливи „кој и како влегува во овој сензитивен период“.

– Жалам што некој се поигрува со нашите деца и ја вознемирува јавноста. Училиштата, во случај на идни дојави за експлозивни направи, веднаш треба да пријават во МВР и да ги следат упатствата и протоколите што ќе ги добијат од стручните лица од министерството – додаде Јаневска.

На прашање дали има сознанија кој ги праќа  дојавите, Јаневска одговори дека за тоа е надлежно МВР, но дека МОН е во постојана комуникација со полицијата.

Министерката апелираше, особено до родителите, да се чувствуваат безбедно бидејќи, рече, сите мерки се преземени.

The post „НЕКОЈ СИ ПОИГРУВА СО НАШИТЕ ДЕЦА“ Јаневска вели дека лажните дојави за бомби ги вознемирија учениците и родителите appeared first on plusinfo.mk.

Министерот за одбрана Владо Мисајловски во „Наткаст“ со Љупчо Цветановски на Курир, истакна дека бил незаконски следен, како и неговото семејство.

– Претходните агенции задача им било како нас да не следат, незаконски, преку институции што немаат таква законска надлежност. Немаме одговор зошто и прашањето е кога ќе се покрене обвинение за овие луѓе што работеле надвор од законот. Зошто тоа се правело, кој бил нарачател? Не може незаконски да следите лица, неговото семејство за свои партиски или политички цели. Јас сум еден од тие што биле следени со моето семејство, по оние информации кои ги добив – истакна Мисајловски.

Министерот посочи дека сепак надлежните институции треба да кажат дали ваквите информации се веродостојни.

– Ако е вистина, а убедени сме дека е така бидејќи имаме доста аргументи, тоа е погубно за државата. Тие институции се да обезбедат безбедност на секој еден граѓанин – потенцираше Мисајловски во „Наткаст“.

Претходно, повикувајќи се на извештај на Агенцијата за национална безбедност (АНБ), за кој рече дека е декласифициран за јавноста, и премиерот Христијан Мицкоски посочи дека тогашните безбедносни служби измислиле извор кој до нив доставил информација оти бил организатор, нарачател и финансиер на „параполициско воено вооружена формација на македонски радикални екстремни и националистички настроени елементи“.

– Конкретно таква информација доставил од објективни причини, нема да го кажам точниот датум, туку ќе кажам некаде од почетокот на 2020 година, што е чудно оти коинцидира со изборите коишто тогаш се случуваат, во којашто вели, внимавајте, параполициско воено вооружена формација составена од македонски радикални екстремни и националистички настроени државјани кои имаа за цел во предизборието да вршат заплашување и закани на македонски граѓани за да издејствуваат поддршка за ВМРО-ДПМНЕ. И ова е многу интересно, нарачател и финансиер на оваа параполициско воено вооружена формација на македонски радикални екстремни и националистички настроени елементи, е професор д-р Христијан Мицкоски – пренесе премиерот Мицкоски од собраниската говорница.

The post „ЈАС И МОЕТО СЕМЕЈСТВО БЕВМЕ СЛЕДЕНИ“ Мисајловски откри дека бил мета на тајните служби appeared first on plusinfo.mk.

Тој на брифингот со новинарите потврди дека веќе стигнуваат бројни интересни иницијативи за програмите поврзани со оваа титула, но предупреди дека година и пол без помош од Градот Скопје значително го одложила напредокот на подготовките.

Министерот сподели дека се наоѓа во постојана комуникација со амбасадорите и Европските комисии и активно бара поддршка од нив за успешното спроведување на културните и туристичките иницијативи. Тој нагласи дека треба да се одржи стабилна комуникација со Град Скопје за да не се доведе во прашање титулата.

– Се појавуваат некакви стравови дека можеби ќе ја загубиме титулата, што би било катастрофално, бидејќи никогаш во историјата на Европа не се случило да се одземе оваа титула од некој град – изјави Љутков.

Тој истакна дека важно е заедно со титулата да се обнови идентитетот на Скопје и да се креираат културни и туристички политики кои ќе донесат долгорочен бенефит за градот.

Најавени се бројни програми, а Љутков додаде дека веќе има иницијативи кои ќе ја поддржат титулата Европска престолнина на културата за 2028 година, кои ќе бидат внимателно разгледани и претставени на јавноста.

The post „ГОДИНА ДЕНА БЕЗ ПОДДРШКА ОД ГРАД СКОПЈЕ“ Љутков вели дека се прават напори да не се дозволи одземање на титулата Европска престолнина на културата appeared first on plusinfo.mk.

Во однос на прес-конференцијата на СДСМ, Движењето ЗНАМ ги обвинува социјалдемократите за продолжување на праксата на партизирање и корупција во јавните институции, со посебен фокус на Агенцијата за електронски комуникации (АЕК). Според Движењето, СДСМ со континуирано имплементирање на партиски кадри во важни државни институции создаде систем на фаворизирање на пријателите, на штета на стручноста и квалитетот на работата во институциите.

„СДСМ изнесува невистини и сака да ги прикрие неспособните и корумпирани поранешни кадри, како и бруталната партизација на институциите“, велат од Движењето ЗНАМ.

Според нив, изборот на Анкица Трпковска за член на Комисијата на АЕК е поткрепен со сите неопходни квалификации, вклучувајќи 20 години искуство во телекомуникации и правни науки.

„Трпковска ги исполнува сите услови од конкурсот, за што има доставено соодветна документација и има претходно искуство како консултант во телекомуникациски компании“, истакнуваат од Движењето.

Но, тие додаваат дека изборот на Трпковска е во контекст на „огромниот непотизам“ кој го спроведува СДСМ. Од Движењето ја обвини претходната владејачката партија за поставување на своите кадри и блиски соработници на водечки позиции во институции како АЕК.

„Во СДСМ владее невидена партизација, во која дури и членови на фамилиите на партиските функционери добиваат високи позиции. Пример за тоа е Тања Ковачев, која со своето партиско влијание успеа да ги вдоми својот сопруг, сестра и други блиски во јавни институции, и тоа без никакво искуство во телекомуникации“, изјави претставник на Движењето ЗНАМ.

Според нив, Ковачев како претседател на АЕК успева да си ги вдоми:

-Својот сопруг Дејан Ковачев во „Аеродроми на Македонија“, каде што е и претседател на Управниот одбор;

-Сестрата Катерина Хаџиевска-Јакимовска станува инспектор за игри на среќа во УЈП;

-Зетот од сестра на Ковачев, Бобан Јакимовски, е вработен во „Водовод и канализација“ – Скопје;

-Сестрата на сопругот на пратеничката, односно золвата на Тања Ковачев, Елеона Фунду, е поставена за претседател на Надзорниот одбор на АД „Аеродромски услуги – Аеродроми на Македонија“. За бројот на станови што ги стекнала Ковачев додека била на државни функции, ќе треба да се произнесе самата. Ние ќе го наведеме само оној до Сити мол во Карпош 3.

Движењето ЗНАМ исто така ја критикува партизацијата преку Владимир Станивуковиќ, член на АЕК и Претседател на Општинската организација на СДСМ Карпош, кој, според нив, се најде на високата позиција благодарение на својата партиска припадност и финансиската поддршка за партијата.

„СДСМ не само што ја користеше АЕК за партиски цели, туку и ја постави за место на наградување на партиските донатори и функционери, како што е примерот со Станивуковиќ“, истакнуваат од ЗНАМ.

Движењето ЗНАМ ја предупредува јавноста дека и покрај обвинувањата на СДСМ, актуелните проблеми со партизацијата на институциите не треба да бидат заборавени и дека одговорноста треба да биде земена.

„Покажуваме дека системот не е само нефункционален, туку и корумпиран. СДСМ треба да се соочи со реалноста дека тие не се можат да ги прикријат овие моменти на неуспех и неправда“, соопштија од ЗНАМ.

The post ТРПКОВСКА КАКО ПРОФЕСИОНАЛЕЦ Е ИЗБРАНА ВО АЕК Движењето ЗНАМ ги обвини СДСМ за партизацијата додека беа на власт appeared first on plusinfo.mk.

Министерот за надворешни работи, Тимчо Муцунски рече дека амбасадорот Љубомир Фрчковски не се појавил на консултациите во МНР бидејќи отворил боледување. Со другите тројца амбасадорите Весел Мемеди, Андреј Жерновски и Данчо Марковски се остварени консултации со тројца од овие амбасадори.

– Тоа не значи дека постапката се одоговлекува. Таму имаме сериозни индиции за финансиски злоупотреби на буџетски средства кои се на МНР и факт е дека ние во моментов спроведуваме ревизија на работењето на Постојаната мисија во Њујорк. Јас му посакувам побрзо оздравување, како и на секој човек што го познавам, но тоа не значи дека не следува процес на утврдување на одговорност за сериозни тенденции што ги имаме за злоупотреба на финансиски средства од страна на Мисијата, во времето додека ја раководи амбасадорот Фрчкоски – подвлече Муцунски.

Во врска со амбасадорот во Тирана, Марковски, министерот рече дека таму имале и се уште имаат сериозни грижи околу начинот на којшто се спровел пописот во соседна Албанија.

– За тоа се уште имаме комуникации и јас со мојот албански колега, и премиерот Мицкоски со премиерот Рама. Но, тоа што го утврдивме е дека всушност институционалните грешки што се случувале дури се спроведувал пописот, во голема мера биле од наша страна, односно непостапување од страна на институциите при јасен, народски кажано, кренат аларм и од нас, и од страна на нашата амбасада во Тирана. И тука не можам да ја најдам вината кај амбасадорот Маркоски, бидејќи тој соодветно укажувал дека има проблеми. Заедно и јас и тој констатиравме дека институциите и тоа не само МНР, но и низа други институции во тој период, не постапиле соодветно, не дале никакви инструкции на нашата амбасада во Тирана. И затоа одлучив амбасадорот Маркоски да го вратиме во Тирана. Тој го завршува неговиот мандат за неколку месеци – рече Муцунски.

За амбасадорот Мемеди, додаде тој, е јасна причината зошто е тој повикан на консултации, и во моментот спроведуваме постапка во рамките на МНР. Мемеди, имено, пред неколку месеци испрати допис од негова страна до италијанските власти дека не важат пасошите со старото уставно име за македонските граѓани, без соодветни инструкции од МНР во тоа време.

– Кај амбасадорот Жерновски има сериозни индиции за несоодветно постапување што е поврзано со формално-правниот аспект на неговото стапување на функцијата. Исто така, веќе тука отпочнуваме внатрешна процедура за да се утврди дали има или дали нема одговорност. Секако, за сите овие прашања сум во детална комуникација, и со претседателката, и со премиерот, и тие се информирани за што се случува. Но, тоа што јас можам да го кажам е дека од нашите амбасадори очекуваме професионализам и стручност во работењето – додаде Муцунски.

Министерот рече дека освен ситуацијата во Постојаната мисија на ОН во Њујорк, имаат индиции за финансиски злоупотреби уште во најмалку две дипломатско-конзуларни претставништва на државава во странство, без да прецизира за кои амбасади станува збор.

– За жал, јас имам идентификувано уште неколку други случаи на непрофесионално работење, Морам да констатирам, во последните неколку недели утврдивме и неколку дополнителни случаи на сериозни недоследности. Не би можел тука да кажам каде, пред се и заради почит кон државите каде што тие поединци се акредитирани, но имаме и други ситуации, како ситуацијата со Постојаната мисија во Њујорк, на финансиски злоупотреби од страна на нашите амбасадори. Ќе воспоставиме повисоки стандарди за работење на нашите амбасадори, на тој начин штитејќи го нашиот имот и буџет. Верувам во процедурите, имаме индиции и ќе им дадеме шанса да ги кажат и своите аргументи и тие да ги приложат нивните докази, но генерално кога се финансиските прашања во прашање тогаш најчесто се многу јасни работите, дури и ноторни, но ние мора да спроведеме внатрешна процедура и внатрешна ревизија бидејќи мора да ги имаме највисоките стандарди за нашите претставници надвор од државата – нагласи Муцунски.

The post ИЗВАДИЛ БОЛЕДУВАЊЕ И НЕ ДОШОЛ КАЈ МУЦУНСКИ Амбасадорот Фрчковски од оправдани причини не се појавил на консултации во МНР appeared first on plusinfo.mk.

Претседателот на македонската влада, Христијан Мицкоски во Лондон остварил средба со НВ Кралот на Обединетото Кралство, Чарлс III.

– Средбата се одржа во пријателска и конструктивна атмосфера, при што дискутиравме за повеќе важни прашања, вклучувајќи ги билатералните односи меѓу двете земји и можностите за натамошна соработка во различни области. Оваа средба претставува значајно признание за Македонија и е потврда за зајакнатата соработка и пријателство со Обединетото Кралство – истакна Мицкоски.

The post „ОВАА СРЕДБА Е ЗНАЧАЈНА ЗА МАКЕДОНИЈА“ Премиерот Мицкоски се сретна со британскиот крал Чарлс III appeared first on plusinfo.mk.