Управата за јавни приходи информира дека по завршување на даночните биланси за 2025 година, анализата на обработените податоци покажува раст на даночната основа, на пресметаниот данок и повисок нето даночен ефект кај данокот на добивка.

Според податоците, даночен биланс за оданочување на добивка поднеле 25.506 компании, додека 50.465 компании поднеле даночен биланс за оданочување на вкупен приход. И кај двете даночни основи забележан е раст во однос на 2024 година.

Кај компаниите што плаќаат данок на добивка ( без оние кои согласно закон имаат право на даночни ослободувања -компании во технолошко индустриските развојни зони, заштитни друштва и казнено-поправни установи), даночната основа и пресметаниот данок бележат раст од 14 % во однос на 2024 година.

По пресметките, за доплата остануваат над 5,8 милијарди денари, додека нето-даночниот ефект е зголемен за 33%.

УЈП оценува дека резултатите се должат пред сè на повисоките добивки кај компаниите и на помалиот износ на користени даночни олеснувања во 2025 година.

Во поедноставениот даночен режим, кој најчесто го користат микро и малите компании, данок на вкупен приход пресметале 3.883 даночни обврзници, што е раст од 8,6% во однос на 2024 година.

Нето даночниот ефект кај овој вид оданочување изнесува 45,3 милиони денари и е понизок во однос на претходната година кога изнесуваше 53,5 милиони денари.

Кај трговците-поединци, занаетчиите, земјоделците и лицата што вршат самостојна дејност, даночната основа и пресметаниот данок се зголемени за 2 до 3% во споредба со 2024 година.

По пресметките за доплата кај нив остануваат 147,7 милиони денари, додека нето даночниот ефект е помал од 2024 година и се должи на поголемиот износ на аконтативно платен данок во текот на 2025 година што го надминува годишниот раст на нето-доходот, а воедно повисок раст имаат и користените даночни намалувања.

За 2025 година 247 здруженија и фондации поднеле даночен биланс и пресметале данок од 1% од остварениот приход од стопанска дејност. Иако бројот на обврзници е помал во однос на 2024 година кога ваков биланс поднеле 1.310 даночни обврзници, пресметаниот данок изнесува 21,7 милиони денари и е повисок од минатогодишниот износ од 19,4 милиони денари.

The post ЛАНИ КОМПАНИИТЕ ОСТВАРИЛЕ ПОВИСОКИ ДОБИВКИ Даночната основа и пресметаниот данок бележат раст од 14% appeared first on plusinfo.mk.

Нова транша од 176,6 милиони денари или приближно 2,9 милиони евра се трансферирани од централниот Буџет кон Развојната банка за поддршка на домашните компании.

Ова е втора транша во оваа година којашто се пласира кон Развојната банка, а оттаму кон комерцијалните банки преку кои се пласираат средствата кон крајните корисници, компаниите.

Досега вкупно се пласирани во домашната економија 14 милијарди денари или 227,3 милиони евра.

Владата ги обезбеди овие средства преку кредитна линија од Унгарската експорт-импорт банка со цел поддршка на домашната економија. Поддршката се состои од пласман на средства по поволни услови за компаниите во насока на реализација на приватните инвестиции, со што тие ќе обезбедат сопствен развој и поттикнување на економскиот раст.

Средствата се пласираат до крајните корисници преку деловните банки, каматната стапка е 1,95% годишно, рокот на отплата е до 15 години и грејс период до 3 години.

Вкупниот буџет за поддршка на домашните компании предвидени во Буџетот изнесува 250 милиони евра, а вредноста на инвестицискиот циклус се проценува на околу 300 милиони евра.

The post ИСПЛАТЕНА НОВА ТРАНША ОД 2,9 МИЛИОНИ ЕВРА ОД УНГАРСКИОТ КРЕДИТ ЗА КОМПАНИИТЕ Досега се пласирани повеќе од 227 милиони евра appeared first on plusinfo.mk.

„Алкалоид“ АД Скопје повторно ја доби довербата на јавноста и за 2025 година беше прогласен за најпосакуван работодавач во земјава, според анкетата на веб-порталот „Вработување.ком“. Ова е четврта година по ред компанијата да го добива ова признание.

Наградата е доделена во рамки на манифестација организирана од „Вработување.ком“, а се базира на национално истражување за перцепцијата и искуствата на граѓаните поврзани со работодавачите во Македонија.

Од „Алкалоид“ велат дека континуитетот на ова признание за нив има посебно значење, бидејќи, како што посочуваат, ја одразува доследноста во градењето на организациската култура.

– Континуитетот на ова признание за нас има особено значење. Тој зборува за доследноста во начинот на кој ја градиме нашата работна култура – отворена, стабилна и ориентирана спрема луѓето – велат од компанијата.

Оттаму додаваат дека силната организација се темели на вредности, етички стандарди и меѓусебна доверба.

– Во „Алкалоид“ веруваме дека силната организација започнува со здрави вредности, јасни професионални стандарди, високи етички норми и со заемна доверба затоа што успехот на компанијата произлегува од нејзините вработени – истакнаа од компанијата.

Според нив, вработените се клучниот двигател на развојот на „Алкалоид“.

– Луѓето се суштината на сè што правиме. Нивната експертиза, мотивираноста и одговорноста се темелот врз кој се развива нашата компанија, па затоа грижата за нивниот професионален и личен напредок останува еден од нашите клучни стратешки приоритети – велат од „Алкалоид“.

Компанијата најавува дека и во иднина ќе продолжи со вложување во создавање можности за младите кадри и развој на иновативна работна средина.

– Продолжуваме со јасна визија да создаваме можности, да поттикнуваме иновации и да обезбедуваме работна средина во која знаењето и талентот се препознаваат и се вреднуваат – порачуваат од „Алкалоид“.

The post „АЛКАЛОИД“ ПАК НА ВРВОТ Четврта година по ред најпосакуван работодавач во Македонија appeared first on plusinfo.mk.

Управата за јавни приходи соопшти дека интензивно работи на реализација на проектот е-Фактура и во моментов во тек е тестирањето на системот за електронско фактурирање, односно се тестираат сервисите за директна интеграција (API) со системот за е-Фактура.

УЈП ги повика  сите компании кои досега не се вклучиле, а кои развиваат и одржуваат системи за фактурирање, како и компаниите кои користат системи за фактурирање што може да ги надградуваат, веднаш да се вклучат во тестирањето.

„Вклучувањето во оваа фаза е од особено значење за навремена адаптација пред задолжителната имплементација на системот. Во овој период на тестирање на системот до УЈП пристигнуваат информации дека одредени субјекти нудат обуки и консултантски услуги поврзани со проектот е-Фактура. Укажуваме дека исклучиво УЈП дава официјални информации, насоки, известувања и организира обуки поврзани со проектот е-Фактура и нагласуваме дека тие субјекти не се дел од проектот. УЈП не презема одговорност за информациите и толкувањата изнесени од истите. Сите информации поврзани со проектот е-Фактура се објавуваат на официјалната веб-страница на УЈП, на специјализираната веб-страница на проектот  е-Фактура и на страниците на УЈП на социјалните мрежи“, се наведува во соопштението од УЈП.

За поддршка на компаниите во процесот на имплементирање на системот е-Фактура, исто така, назначени се и даночни агенти вработени во Управата и тие веќе контактираат со компаниите и даваат поддршка и совети за вклучување и понатамошно користење на системот е-Фактура.

„Апелираме сите заинтересирани страни за системот е-Фактура своите прашања и сугестии да ги упатуваат кон Kontakt.eFaktura@ujp.gov.mk. Најавуваме дека набргу ќе биде овозможено тестирање и на рачниот внес на фактури преку веб и клиентска апликација, кои се очекува да ги користат трговците кои издаваат и/или примаат мал број фактури, кои не користат системи за фактурирање или кои користат системи, но немаат можност за надградба“, се вели во  соопштението ан Управата за јавни проходи.

The post СЕ ТЕСТИРА СИСТЕМОТ Е-ФАКТУРА Даночната управа апелира да се користат само нејзините насоки appeared first on plusinfo.mk.

Компаниите не се откажуваат од враќање на парите уплатени за солидарниот данок, но има кои се откажаа од исплатата на зетезната камата, информира денеска министерката за финансии Гордана Димитриеска Кочоска.

– Голем број компании се откажаа од затезната камата, но не се откажуваат од главниот долг. Најголемиот дел од нив се согласија со исплата на долгот на два деа но има и такви кои понудија поинакво решение за исплатата – рече Димитриеска Кочоска.

Според неа, владата на следната седница ќе расправа за прашањето на начинот на враќање на парите од солидарниот данок кон компаниите.

– За ова прашање требаше владата да расправа на последната седница која требаше да биде затворена, бидејќи даноците се деловна тајна, но поради одредени причини, точката не се расправаше. На наредната седница на владата ќе се расправа за начинот на враќање на солидарниот данок по што ќе ја информираме јавноста за тоа – рече Димитриеска Кочоска.

Таа одби да каже имиња на компании кои понудиле поинаков модел на исплата на парите од солидарниот данок, повикувајќи се на одредбата за тајност.

The post КОМПАНИИТЕ НЕ СЕ ОТКАЖУВААТ ОД ВРАЌАЊЕ НА ПАРИТЕ УПЛАТЕНИ ЗА СОЛИДАРНИОТ ДАНОК Најголемиот број од нив ја простуваат затезната камата appeared first on plusinfo.mk.

Во последните осум месеци, десет македонски текстилни конфекции ставија клуч на врата, а сите се лоцирани во источниот дел на земјата, предупредува Ангел Димитров од Организацијата на работници. Причината за ваквиот колапс, како што посочува, е намалувањето на порачките од страна на странските партнери.

– Јас немам точен податок, но од она што ми го кажуваат колегите, околу десеттина конфекции ја затворија својата дејност. Дури и оние што продолжуваат со работа, ги намалуваат бројот на вработени, особено со заминувањето на постарите работници во пензија, без намера да ангажираат нови луѓе за одржување на производството на претходното ниво – изјави Димитров за МИА.

Тој додава дека македонскиот текстилен сектор во последните години преживеал три кризи, по што се намалија налозите од традиционалните германски партнери.

– Во моментов конфекциите работат на помали налози, бидејќи тие што доаѓаат од Бангладеш, нашите партнери не ги прифаќаат – додаде тој. Според проценките, во индустријата останаа да работат околу 25.000 лица.

– Од 2010 година наваму, производството на облека постојано опаѓа, со намалување на бројот на работници и на извозот. После корона-кризата, падот се засили, а дополнително влијаат и проблемите во германската економија, како нашиот најголем партнер. Војната во Украина и енергетската криза предизвикаа пад на побарувачката за текстилни производи, што директно го погоди работењето на нашите конфекции – објасни Димитров.

Тој додава дека во моментов седниците на Економско-социјалниот совет се во мирување. Последната седница беше во август, а се очекува тие да продолжат по локалните избори, кога работодавачите ќе ги презентираат своите барања.

The post ТЕКСТИЛНАТА ИНДУСТРИЈА Е ВО КРИЗА Десет конфекции ставија клуч на врата во осум месеци appeared first on plusinfo.mk.

Македонија е единствена земја која не е членка на Европската унија, а сепак потпиша Меморандум за соработка за развој на пазарите на капитал заедно со уште седум земји членки на ЕУ, кажа министерката за финансии Гордана Димитриеска-Кочоска во Дневникот на ТВ Сител.

– Тоа е еден од најзначајните исчекори на Министерството за финансии во последниот период, особено затоа што е насочен кон приватниот сектор. Зошто ова е важно? Кога зборуваме за пазар на капитал, обично се мисли само на берзата како место за купопродажба на акции. Но, суштината на овој Меморандум е многу поголема – тој овозможува формирање пазар на кој ќе може да се тргува и со новоиздадени хартии од вредност, не само со акции, туку и со обврзници. Тоа отвора огромна можност за македонските компании кои тешко обезбедуваат финансирање од банките – сега ќе имаат алтернатива да издадат сопствени обврзници или акции – кажа Димитриеска-Кочоска.

Како што појасни министерката во исто време се проширува и пазарот, осносно хартиите од вредност на македонските компании ќе можат да ги купуваат и граѓаните од другите седум земји членки на ЕУ, а нашите граѓани ќе имаат можност да инвестираат во нивните компании.

– На тој начин се создава интегриран пазар на капитал – нешто што одамна функционира во САД, но во Европа сè уште е ограничено. Оваа иницијатива, која ја покрена Министерството за финансии на Хрватска, е навистина голем чекор за сите осум земји. Следува процес на усогласување на законите и правилниците, а очекуваме за една до две години првите компании да започнат да издаваат хартии од вредност, а инвеститорите – и домашни и странски – да можат да инвестираат во нив – потенцираше Димитриеска-Кочоска и дополни дека е горда што што Македонија е дел од оваа иницијатива, бидејќи таа е пред сè насочена кон тоа да им помогне на компаниите полесно да дојдат до финансиски средства и да создадеме подинамичен пазар на капитал.

Министерката за финансии Гордана Димитриеска-Кочоска заедно со министрите за финансии и економија на Бугарија, Хрватска, Унгарија, Полска, Романија, Словачка и Словенија во понеделникот во Загреб го потпишаа Меморандумот за разбирање за соработка во развојот на пазарите на капитал.

The post СЕ ОТВОРА ГОЛЕМА МОЖНОСТ ЗА МАКЕДОНСКИТЕ КОМПАНИИ Државата потпиша клучен меморандум со 7 земји од ЕУ appeared first on plusinfo.mk.

Долгот на граѓаните и компаниите кон банките во  јули се искачи на 8,546 милијарди евра. Од нив 4,200 милијарди евра е долг на бизнисите, а  4,305 милијарди изнесува долгот на граѓаните. И овој месец пораснаа депозитите на граѓаните и бизнисите во банките. тие изнесуваат 10.058 милијрди евра.Депозитите на граѓаните изнесуваат 6,696 милијарди евра, а на компаниите 2,782 милијарди евра. Граѓаните чуваат 6,765 милијарди евра во банките, а остатокот е на бизнисите..

Ова го покажуваат податоците од последниот податоци на Народната банка, според кој во јули на годишно ниво и депозитите и кредитите пораснале за 13%, а на месечно ниво растот кај вкупните депозити изнесува 0,6%, колку што изнесува и растот кај вкупните кредити.

И овој месец граѓаните најмногу се задолжувале со потрошувачките и станбените кредити, кај кои е забележан месечен раст од 1,0%,додека на годишно ниво кај потрошувачките кредити зголемувањето е од  9,8%, а кај стенбените кредити од 15,3%.

Овој месец, автомобилските кредити се повисоки за 1,8% на месечна основа, а на годишна основа забележаа пад од 1,0%.

Кредитите одобрени на кредитните картички се непроменети на месечно ниво, додека на годишно ниво остварија пад за 7,4%.

Во јули, негативните салда на тековните сметки и кредитите одобрени врз други основи се намалени за 1,8% односно 0,7% во споредба со претходниот месец,  додека на годишна основа се пониски за 4,9% односно 9,2%.

The post РАСТАТ ДОЛГОВИТЕ НА ГРАЃАНИТЕ ВО БАНКИТЕ, АМА И ЧЕКМЕЏИЊАТА Граѓаните најмногу се задолжуваат за купување станови appeared first on plusinfo.mk.

Во услови на климатски промени и растечка еколошка свест, се зголемува бројот на потрошувачи, и индивидуални и корпоративни, кои бараат не само сигурно и економично, туку и одржливо снабдување со електрична енергија.

Компанијата ЕДС, како дел од најголемата европска енергетска групација во Југоисточна Европа, ја препознава оваа потреба и се наметнува како лидер во снабдувањето со т.н. „зелена енергија“, односно електрична енергија со потекло од обновливи извори.

– Повеќе не е доволно да нудите само стабилна испорака и поволна цена, потрошувачите сè повеќе прашуваат од каде доаѓа енергијата. Дали е тоа енергија што ја уништува природата или енергија што ја штити? – велат од ЕДС.

Секој клиент кој избира снабдување со „зелена енергија“ од ЕДС добива официјален Сертификат за потекло на енергијата, документ што докажува дека користената електрична енергија е произведена од обновливи извори, и тоа во согласност со европските стандарди.

– Овие сертификати имаат особено значење за извозно ориентираните компании, кои треба да ги исполнуваат „ESG“ критериумите (еколошки, социјални и управувачки). Со нив, компаниите покажуваат дека не само што ги следат глобалните трендови, туку ги водат – истакнуваат од ЕДС.

Компанијата активно работи со корпоративните клиенти на развивање на концептот „зелена потрошувачка“, при што голем дел од нив веќе се снабдуваат со 100% електрична енергија од обновливи извори.

– Изборот на зелен снабдувач испраќа порака, дека компаниите се еколошки свесни и дека сакаат да остават позитивен отпечаток врз животната средина – додаваат од компанијата.

Освен за фирмите, ваквиот избор станува сè поважен и за домаќинствата и јавните институции. Со зголемување на побарувачката за зелена енергија, се поттикнува и понатамошна изградба на капацитети за обновливи извори, што е клучен чекор во енергетската транзиција на земјата.

– Одржливиот развој не е спротивен на профитот, токму спротивното. Тоа е единствениот пат напред. Потрошувачите имаат моќ да влијаат на пазарот и да го направат поодржлив, со што придонесуваат за поздрава и почиста иднина – заклучуваат од ЕДС.

The post КОМПАНИИТЕ СÈ ПОВЕЌЕ БАРААТ ЗЕЛЕНА ЕНЕРГИЈА Струјата која ја нуди ЕДС е од 100% обновливо потекло и со европски сертификат appeared first on plusinfo.mk.

Велика Британија до 2030 година, ќе обучи повеќе од 7,5 милиони луѓе и работници да користат вештачка интелигенција и ќе ја зголеми компјутерската моќ на државата за дури 20 пати, објави денеска премиерот Кир Стармер на Лондонската недела на технологијата.

Иницијативата се реализира во партнерство со 11 компании и со целосна поддршка од британската влада.

– До крајот на мандатот ќе можеме да им кажеме на родителите низ цела Британија: „Погледнете што може да ви даде технологијата“ – изјави Стармер.

Според него, новиот пристап треба да донесе реална корист – подобри јавни услуги, отворање добри работни места и директна финансиска добивка за граѓаните.

Програмата ќе опфати и студенти, со цел технолошко описменување на сите генерации. Исто така, со инвестиција од 1 милијарда фунти, британската влада има амбиција да ја позиционира земјата како лидер во глобалната трка за доминација во сферата на вештачката интелигенција.

The post ВЕЛИКА БРИТАНИЈА ИМА ПЛАН ЗА КОМПЈУТЕРСКА НАДМОЌ Ќе обучи милиони работници да ракуваат со вештачка интелигенција appeared first on plusinfo.mk.