Компанијата dm drogerie markt, во соработка со Здружението на граѓани за промоција и поддршка на здравјето „Матрона“, организира бесплатна едукативна и интерактивна обука на тема „Правилна исхрана кај деца во најрана возраст и важноста на оралната хигиена кај трудници и деца“.

Настанот ќе се одржи на 17 јуни, во периодот од 17.30 до 19.30 часот, во „Јавна соба“, на ул. 50 Дивизија 22 во Скопје. Местата се ограничени, а сите заинтересирани треба да се пријават на електронската адреса info@matrona.org.

Предавањето ќе го одржат прим. д-р Марина Поп Лазарова, неонатолог, и спец. д-р Бојан Ангеловски, стоматолог, кои преку стручни насоки и практични совети ќе се осврнат на две важни теми поврзани со здравиот развој на детето уште од најрана возраст. Учесниците ќе имаат можност да добијат релевантни информации за правилната исхрана кај децата, навиките што се формираат во првите години од животот, како и за значењето на оралната хигиена кај трудниците и децата. Како дополнителна поддршка, учесниците ќе добијат и специјален ваучер за 15% попуст за купување на babylove производите во dm продавниците.

Темите се од особена важност за идните родители, мајките и семејствата, бидејќи навремената едукација и пристапот до проверени информации можат да придонесат за подобра грижа, поголема сигурност и создавање здрави навики уште од најраната возраст. Преку интерактивниот формат на обуката, присутните ќе имаат можност за директна комуникација со стручните лица и за одговори на прашања поврзани со секојдневната грижа за здравјето на мајката и детето.

Оваа едукативна средба е дел од „Караванот на мајчинство“, иницијатива што dm и „Матрона“ ја реализираат втора година по ред, со цел да обезбедат поддршка, едукација и охрабрување за мајките, идните родители и семејствата. Годинешното издание на караванот започна со онлајн обука, одржана на 25 февруари, на тема „Првиот оброк: Правилни чекори за безбедна и здрава дохрана на вашето бебе“, продолжи со обуката „Мирни ноќи за целото семејство: спиење, навики и транзиции кај децата“, одржана на 23 март, како и со обуката „Ран моторен развој кај децата: практични совети од ортопед“, одржана на 22 април.

Како дел од годинешната програма, на 20 мај во Битола беше одржана и бесплатна едукативна средба на тема „Од бременост до мајчинство: пренатална едукација и грижа за новороденчето“, со што „Караванот на мајчинство“ по втор пат годинава се реализира во живо. Настанот во Скопје претставува продолжување на оваа практика и овозможува директна едукативна средба со стручни лица, посветена на теми што се важни за секојдневието на современите семејства.

Од dm посочуваат дека целта на оваа иницијатива е да им овозможи на семејствата пристап до релевантни информации, проверени стручни лица и практична поддршка во различни фази од родителството, преку теми што се значајни за здравјето, развојот и секојдневната грижа за најмладите.

dm drogerie markt и „Матрона“ и понатаму ќе продолжат со активности насочени кон едукација и поддршка на родителите, со фокус на проверени стручни информации, превенција и унапредување на здравјето на мајките и децата.

The post ПРАВИЛНА ИСХРАНА КАЈ ДЕЦА И ОРАЛНА ХИГИЕНА КАЈ ТРУДНИЦИ И ДЕЦА dm и „Матрона“ организираат бесплатна обука во Скопје appeared first on plusinfo.mk.

Компанијата dm drogerie markt ја доби наградата за општествена одговорност за платформата „Иднина која инспирира“ на свечениот настан организиран од магазинот „Убавина и здравје“, по повод одбележувањето на 18 години од неговото постоење.

На настанот, на кој присуствуваа повеќе од 400 гости, беа доделени награди за компании, поединци и иницијативи што со своето делување придонесуваат кон создавање подобро и поодговорно општество.

Во оваа категорија, dm беше препознаена за „Иднина која инспирира“, создадена со цел да ги поврзе луѓето, нивните идеи и конкретните потреби на заедницата.

Платформата претставува простор преку кој поединци можат да споделуваат лични приказни за својот општествен ангажман и на тој начин да инспирираат и други да се вклучат. Истовремено, здруженија, организации и институции имаат можност да пријавуваат проекти што обединуваат волонтери или отвораат простор за граѓанско учество.

– Во свет каде секоја минута значи, ние во dm веруваме дека највредниот ресурс што можеме да го дадеме е нашето време и енергија онаму каде што навистина е потребно затоа што само на тој начин можеме да создадеме подобра иднина. Токму од таа идеја произлезе и нашата општествено одговорна платформа „Иднина која инспирира“. Оваа награда е уште еден показател дека заедно можеме повеќе. Им благодарам на „Убавина и здравје“ што ја препознаа и ја поддржаа оваа идеја, како и на сите вас што заедно со нас ја градите иднината која инспирира. Затоа што вистинската промена започнува со храброста да се направи чекор напред и да се претворат идеите во дела – објаснува Сандра Атанацковиќ Ѓурѓев, дел од маркетинг тимот на dm drogerie markt во Македонија.

Пријавувањето на лични приказни и проекти ќе трае до 31 јули 2026 година, а проектите што ќе добијат поддршка за нивна реализација од dm ќе бидат објавени од септември 2026 година. Поединци можат да споделуваат своите приказни за општествен ангажман на следниот линк и со тоа да инспирираат и други на вклучување, додека здруженија, организации и институции имаат можност да пријавуваат проекти на овој линк , што обединуваат волонтери или отвораат простор за граѓанско учество.

Како дел од настанот, dm беше присутен и со #скрозјас катче, каде што присутните имаа можност да се фотографираат и да добијат подароци, во духот на автентичноста, самодовербата и индивидуалноста што оваа иницијатива ги промовира.

Со признанието од „Убавина и здравје“, dm уште еднаш испрати јасна порака дека иднината не е нешто што се чека, туку нешто што се создава – низ мали, одговорни и искрени чекори, кои кога се прават заедно, добиваат вистинска сила.

The post КОМПАНИЈАТА ДМ ДРОГЕРИЕ МАРКТ ДОБИ НАГРАДА НА НАСТАНОТ НА „УБАВИНА И ЗДРАВЈЕ“ Платформата „Иднина која инспирира“  ѝ донесе признание за општествена одговорност appeared first on plusinfo.mk.

Компанијата dm drogerie markt, во соработка со Здружението на граѓани за промоција и поддршка на здравјето „Матрона“, организира бесплатна едукативна средба на тема „Од бременост до мајчинство: пренатална едукација и грижа за новороденчето“, наменета за идни родители и за сите заинтересирани.

Настанот ќе се одржи на 20 мај, во периодот од 17.30 до 19.30 часот, во хотелот „Милениум Палас“ на Широк Сокак 4б во Битола. Местата се ограничени, а сите заинтересирани можат да се пријават на е-mail адресата info@matrona.org.mk

Предавањето ќе го одржат прим. д-р Марина Поп Лазарова, неонатолог, и дипломираната акушерка Гордана Палашовска, кои преку оваа едукативна интерактивна средба ќе споделат стручни насоки и практични совети поврзани со периодот на бременост, подготовката за породување и првите денови од грижата за новороденчето. Учесниците ќе имаат можност да добијат корисни информации за најважните аспекти на пренаталната едукација, потребите на мајката и бебето по породувањето, како и за грижата, адаптацијата и поддршката во најраниот период од родителството.

Темата е особено значајна за идните родители, бидејќи навремената едукација и пристапот до проверени информации можат да придонесат за поголема сигурност, подобра подготовка и полесно справување со промените што ги носи доаѓањето на новиот член во семејството.

Оваа едукативна средба е дел од „Караванот на мајчинство“, иницијатива што dm и „Матрона“ ја реализираат втора година по ред, со цел да обезбедат поддршка, едукација и охрабрување за мајките и идните родители.

По успешната измината година, во која беа реализирани 11 онлајн обуки, караванот продолжува да создава простор за размена на знаења, искуства и корисни информации, како и средина во која родителите се чувствуваат разбрани и поддржани.

Годинешното издание на „Караванот на мајчинство“ започна со онлајн обука, одржана на 25 февруари, на тема „Првиот оброк: Правилни чекори за безбедна и здрава дохрана на вашето бебе“, продолжи со обуката „Мирни ноќи за целото семејство: спиење, навики и транзиции кај децата“, одржана на 23 март, како и со обуката „Ран моторен развој кај децата: практични совети од ортопед“, одржана на 22 април. Со новиот настан во Битола, иницијативата излегува од онлајн форматот и овозможува директна едукативна средба со стручни лица, посветена на теми што се важни за секојдневието на современите семејства.

Од dm посочуваат дека целта на оваа иницијатива е да им овозможи на мајките, идните родители и семејствата пристап до релевантни информации, проверени стручни лица и практична поддршка во различни фази од родителството.

The post ИДНИ РОДИТЕЛИ, ПРИЈАВЕТЕ СЕ! dm и „Матрона“ организираат бесплатен едукативен и интерактивен настан во Битола appeared first on plusinfo.mk.

Кога една идеја се раѓа од вистинска грижа за другите, таа има моќ да остави многу поголема трага од еден ден или една ситуација – може да допре до цела заедница. Токму затоа, dm drogerie markt ги повикува здруженијата, организациите и другите непрофитни институции кои секојдневно вложуваат време, знаење и посветеност за подобро утре, да ги пријават своите проекти на платформата „Иднина која инспирира“.

Со овој повик, dm сака да им даде простор и поддршка на иницијативите што носат вистинска вредност за луѓето, ја поттикнуваат солидарноста и отвораат можности за активно вклучување на заедницата.

Што треба да знаат здруженијата, установите и институциите?

„Иднина која инспирира“ е создадена токму за оние што веќе препознаваат потреби во општеството и работат на конкретни решенија. Затоа, право на учество имаат регистрирани непрофитни правни лица, меѓу кои здруженија, организации, институции, установи, училишта и единици на локална самоуправа. Проектите што се пријавуваат треба да носат јасна вредност за заедницата и да бидат насочени кон три области: солидарност и меѓусебна поддршка, развој и напредок преку еднаквост, инклузија и образование, како и грижа за животната средина и дејствување во согласност со природата.

Особено важно е секој проект да подразбира волонтерски ангажман или да нуди можност за вклучување на волонтери. Секој подносител може да пријави и неколку проекти, а за секој од нив е потребно да се пополни посебен онлајн формулар. За избраните проекти, dm ќе обезбеди поддршка преку: финансирање на производи од dm асортиманот; финансирање на услуги и/или набавка на потребни материјали и опрема за реализација на проекти; директни уплати на сметката или комбинација од претходните ставки.

Instagram

Како да се пријавите?

Пријавувањето се одвива преку платформата „Иднина која инспирира“, на следниот линк, каде што подносителите треба да достават детално разработен проект со временски план, буџет, тековна состојба од Централен регистар, а доколку е потребно и соодветни дозволи или одобренија од надлежни органи. По желба, може да се приложат и фотографии од проектот. За dm, важно е секоја пријава да биде јасна, целосна и внимателно подготвена, затоа што токму така добрите идеи добиваат можност да бидат препознаени и поддржани.

Рокот за пријавување е отворен до 31 јули 2026 година, а избраните проекти ќе бидат објавени од септември 2026 година.

Преглед на пријавените проекти

Сите навремено пристигнати и комплетни пријави ќе ги разгледува комисија составена од претставници на организаторот и надворешни експерти. Притоа, ќе се оценуваат корисноста на проектот за заедницата, неговата одржливост, квалитетот и оригиналноста, јасно поставените чекори за реализација, финансиската транспарентност, како и придонесот што го дава во насока на општествено одговорно и активно делување. Преку „Иднина која инспирира“, dm сака да ги охрабри токму организациите и институциите што веќе вложуваат енергија, грижа и посветеност во подобрување на секојдневието на луѓето, да го направат следниот чекор и своите иницијативи да ги развијат со дополнителна поддршка. Затоа, овој повик е наменет за сите што веруваат дека промените почнуваат таму каде што некој ќе одлучи да се вклучи, да помогне и да создаде нешто добро за другите.

Покрај организациите и институциите, платформата отвора простор и за поединци кои со својот личен ангажман веќе придонесуваат за подобра иднина. Доколку сте личност која своето слободно време, енергија и посветеност ги вложува таму каде што е најпотребно, dm ве повикува да ја споделите вашата приказна на следниот линк. По нивното разгледување, овие приказни ќе бидат објавени на платформата, со што ќе добијат поголема видливост и можност да допрат до поширока јавност, а воедно и да инспирираат што повеќе луѓе да се вклучат, да помогнат и да станат дел од заедница што се гради преку солидарност, грижа и заедничко дејствување.

Преку „Иднина која инспирира“, dm уште еднаш ја потврдува својата посветеност на општествено одговорното дејствување и поддршката на иницијативи што носат вистинска вредност за заедницата. Верувајќи дека секој позитивен чекор има моќ да поттикне поширока промена, dm продолжува да создава простор за идеи, луѓе и проекти што придонесуваат за похумана, поинклузивна и поодржлива иднина.

The post ИДНИНА КОЈА ИНСПИРИРА dm ги повикува здруженијата, организациите и институциите да пријават проекти што ја движат заедницата напред appeared first on plusinfo.mk.