Целокупната трговија која транзитира низ Македонија од први јуни се одвива преку Новиот компјутеризиран транзитен систем Фаза 6, со што нашата држава целосно се усогласува со стандардите што се применуваат во Царинската унија на ЕУ, соопштија од Царинската управа.

Овој систем, како што наведуваат од Царината, го применуваат 80% од земјите членки на Конвенцијата за заеднички транзит, вклучувајќи ги Германија и Грција.

 Во следниот период ќе работи и на дополнителна надградба на системот, што ќе ја ќе се вброи земјава меѓу земјите кои ќе воведат систем којшто овозможува поднесување на една единствена транзитна декларација, заедно со безбедносните најави.

-Имплементацијата на овој систем претставува клучен исчекор во модернизацијата на царинското работење, кој преку олеснување на трговијата и воведување на безбедносни проверки пред пристигнување на стоката на граница, носи директни придобивки за бизнис заедницата и за економскиот раст на државата – вели директорот на Царинска управа, Бобан Николовски.

Царинската управа продолжува со засилена имплементација на Реформската агенда и Планот за раст.

The post ВО ФУНКЦИЈА НОВИОТ ДИГИТАЛЕН ТРАНЗИТЕН СИСТЕМ НА ЦАРИНАТА Наскоро ќе се поднесува и единствена транзитна декларација appeared first on plusinfo.mk.

Одделението за внатрешни работи во Кочани поднело кривична пријава против двајца граѓани осомничени за технолошки и класични кражби.

Според информациите од полицијата, првопријавениот, 42-годишниот О.С.А. од Штип, на 4 октомври 2024 година неовластено влегол во простории на Центарот за дијализа во Кочани и од шкаф на две вработени лица одзел паричник со пари, две банкарски картички и лични документи.

Истиот ден, неговиот соработник, 39-годишниот Д.Т. од Кочани, му помогнал во делот на дигиталниот дел од злосторството — употребувајќи ги украдените платежни картички подигнал пари во вкупен износ од 40.300 денари, односно околу 650 евра.

Двајцата се сомничат за повеќе кривични дела: „кражба“, „оштетување и неовластено навлегување во компјутерски систем“, како и „помагање во оштетување на компјутерски систем“.

Полицијата ги документирала доказите и ги доставила материјалите до надлежното обвинителство.

The post ОД ШКАФЧЕ ДО БАНКОМАТ, УКРАДЕНИ 650 ЕВРА ВО КОЧАНИ Некој провалил во Центарот за дијализа appeared first on plusinfo.mk.