Премиерот Христијан Мицкоски денеска изјави дека Владата планира ученички стипендии за наредната година, а во однос на новинарското прашање за најавата на Владата за помош на студентите за набавка на електронски уреди, изјави:

– 250 евра за електронски уреди. Тие пари се предвидени во буџетот. Процедурата во рамките на Владата, односно Генералниот секретаријат е отпочната. Се дефинираат критериумите и нормално е дека чекаме да отпочне новата студентска година затоа што еден од критериумите е студентите да имаат заверен семестар. И ги чекаме овие бруцоши коишто сега ќе се запишат за да го заверат семестарот и да може да ги добијат тие 250 евра помош од државата за купување на електронски уреди. Така што веќе во септември месец, јас сум сигурен дека тоа ќе се случи. Така што еве, сите оние коишто, политички партии коишто во паузата од некрофилија, рефлектираат и ваков тип на дилеми во јавноста, еве ја користам оваа прилика да ги разубедам и да им кажам да бидат спокојни. Тоа што ВМРО-ДПМНЕ и оваа Влада ветуваат, во којашто се политичките партии Вреди, коалицијата Вреди, политичката партија ЗНАМ и нашата коалиција, тоа што ние го ветуваме, тоа го испорачуваме, но се разбира во зависност од приоритетите, бидејќи многу приоритети има, мора многу дупки и многу лоши работи од минатото да се санираат коишто ги наследивме. Така што еве, за овие година дена мислам дека успеавме многу од тие лоши работи, еден од тие е и овој објект, да ги санираме. Мислам дека последната бројка е на приватните и државните универзитети, некаде околу 55.000 студенти, со заверка на семестар ќе може да ги користат овие 250 евра за набавка на електронски уреди од септември – рече премиерот Мицкоски.

The post СЕКОЈ СТУДЕНТ ЌЕ ДОБИЕ 250 ЕВРА ЗА ДА СИ КУПИ ЛАПТОП Услов е да биде заверен семестарот appeared first on plusinfo.mk.

Во соработка со AITONIX, авторизиран дистрибутер на Dell во Македонија, Dell продолжува да го поставува стандардот за AI-потпомогнато компјутерство, со новата серија елегантни лаптопи, моќни работни станици и разновидни десктоп компјутери, создадени за лична и професионална употреба.

Dell го претстави новото AI PC портфолио, кое вклучува уреди создадени за професионалци кои бараат моќна локална AI обработка преку вградени NPU-и. Тие нудат напредни функции како Recall и Cocreator, подолг век на батерија и подобрена безбедност, идеални за продуктивност и креативност на највисоко ниво.

Претставувајќи ја оваа иновативна серија, Саша Ристеска, продукт менаџер за Dell во AITONIX, изјави:

– Dell секогаш е посветен на создавање уреди кои не само што го подобруваат искуството на корисниците, туку и ја подобруваат продуктивноста на професионалците. Нашето ново AI PC портфолио обезбедува брзина, безбедност и врвни перформанси, што овозможува незабележлива интеграција на технологијата во секојдневната работа.

Со поедноставена понуда, сега е полесно од кога било да се избере вистинскиот AI PC благодарение на трите категории: Dell – дизајниран за забава, учење и работа; Dell Pro – фокусиран на професионална продуктивност и Dell Pro Max – за максимални, бескомпромисни перформанси.

Dell Pro: постојана бизнис моќ

Серијата Dell Pro носи врвни деловни лаптопи и десктопи со процесори Intel Core Ultra (Series 2, V и U SKUs) и AMD Ryzen, кои нудат подобрени AI способности, продолжен век на батеријата и напредна безбедност. Овие уреди се дизајнирани за професионалци кои бараат мобилност, издржливост и непречена продуктивност во канцеларија, дома или во движење.

Dell Pro 13/14 Premium – Ултра-лесни лаптопи со тежина од само 1. 070 грама, до 21.2 часа траење на батеријата и 51% подолг век на траење во споредба со претходните модели. Нудат 36% побрзи перформанси и 3.5 пати побрз AI од претходната генерација. Опремени со 8MP HDR камера за напредна соработка и нов двоен вентилаторски систем за тивко работење, овие лаптопи ги поставуваат новите стандарди во мобилната продуктивност.

Dell Pro 13/14/16 Plus – Најскалабилниот лаптоп за деловна употреба, достапен во повеќе конфигурации и форми (стандард и 2-во-1), со големини од 13, 14 и 16 инчи. Нуди 50% рециклиран алуминиум и поддршка за USB, HDMI, Thunderbolt, 5G и Wi-Fi 7 за максимална поврзаност. Опремен е со просторен 16:10 дисплеј за поголема продуктивност и мултитаскинг, како и MIL-STD тестирање за издржливост во најразлични работни средини.

Dell Pro 14/16 – Основниот модел во Dell Pro серијата, дизајниран за секојдневна продуктивност со ниска потрошувачка на енергија и долготрајна батерија. Достапен со металик финиш во сребрена и магнетит (темно сива) боја, со опција за енергетски ефикасен дисплеј што го продолжува времетраењето на батеријата.

Dell Pro десктопи – Достапни во микро, тенок и tower дизајн, овие десктопи користат Intel Core Ultra (Series 2, U SKUs) и AMD Ryzen процесори, овозможувајќи подобра енергетска ефикасност и AI-оптимизирани перформанси. Со можност за професионални графички картички и напредни можности за поврзување, тие се совршени за канцелариски и креативни работни опкружувања.

Dell Pro Max: За интензивни работни задачи кои го бараат само најдоброто

Dell Pro Max е создаден за најсложените апликации, со напредни процесори и професионални графички решенија за AI задачи и дизајн. Оптимизиран за инженери, архитекти и аналитичари на податоци, овие уреди овозможуваат непречена работа со комплексни софтверски апликации и машинско учење.

Dell Pro Max 14/16 – Лесен и модерен дизајн со поддршка за NVIDIA RTX 2000 Ada Generation Laptop GPU. Новиот 16-инчен модел нуди QHD+ резолуција, 16:10 аспект со опционален екран на допир, овозможувајќи врвна визуели за дизајнери и инженери.

Dell Pro Max десктопи – Овие прилагодливи десктоп компјутери поддржуваат различни индустриски апликации, како што се архитектура, дизајн, графика, анализа на податоци и овозможуваат полесни AI задачи. Достапни во микро, тенок и tower дизајн, овие десктопи нудат професионална графика NVIDIA RTX и AMD опции за моќни и сложени работни процеси.

Одржливост и лесно управување

Dell продолжува да ја потврдува својата посветеност на одржливиот развој преку низа иновативни иницијативи. Модуларниот USB-C порт е до четири пати поиздржлив и полесен за поправка, што значително ја намалува потребата од сервисирање. Модуларната главна плоча и I/O плочи ја подобруваат одржливоста на сервисирање и придонесуваат за намалување на електронскиот отпад. Новите батерии, кои содржат 80% помалку кобалт, се поеколошки и поодржливи за иднината.

Дополнително, користењето на 50% рециклиран алуминиум, рециклиран челик и био-базирана пластика помага во намалување на емисијата на јаглерод и минимизирање на влијанието врз животната средина.

Dell PC 2-in-1: Совршени за мултитаскери

Dell нуди и уреди за корисници надвор од деловното опкружување. Новите Dell 14 Plus 2-in-1 & 16 Plus 2-in-1 лаптопи нудат балансирана продуктивност и флексибилност, со AI-поддршка и 39% подолг век на батеријата. Овие уреди се за 14% потенки и нудат напредни можности за мобилна работа. Опремени со Copilot+ PC технологии, тие го подобруваат начинот на работа со AI-асистирани функции за побрзо завршување на задачите.

Иднината на Dell AI PC

Dell наскоро ќе го прошири своето портфолио со повеќе AMD и Snapdragon X Series процесори, како и нови уреди во основниот и премиум сегмент. Со подобрен дизајн, нови технологија и врвна продуктивност, Dell AI PC платформите поставуваат нови стандарди за модерното работно опкружување.

АИТОНИКС АД е авторизиран дистрибутер на Dell Technologies во Македонија за сториџи, сервери, back up решенија како и за commercial сегментот за бизнис производи (лаптопи, десктопи, монитори итн). Компанијата е со докажана експертиза и 25-годишно искуство во дистрибуцијата на ИТ производи и изработката на софтверски решенија.

The post АИТОНИКС ГО ПРЕТСТАВИ НОВОТО AI PC ПОРТФОЛИО НА DELL Беспрекорна продуктивност при лична и при професионална употреба appeared first on plusinfo.mk.

„Претходната власт, особено партијата на црната листа ДУИ, исто така го злоупотреби процесот на попис на населението. И во овој сложен процес ДУИ не остави без злоупотреби и преку овој процес се обиде да ги збогати своите функционери. Тие мислеа само на џебот, а не на фер процес и олеснување на процедурите за граѓаните каде што ќе им овозможат на сите да се попишат. Потсетуваме, во овој период директор на Државната агенција за статистика беше Апостол Симовски, додека заменик директор беше Илми Селами од редовите на ДУИ, но во овој случај во процесот на регистрација тие имаа обврзан потпис. За процесот на регистрацијата обезбедени се буџетски средства во износ од 7,9 милиони евра, од кои 49% од трошоците се наменети за техничка опрема, поточно за набавка на лаптопи. За потребите за регистрацијата, на јавниот тендер се побарани 5.650 лаптопи со вкупна вредност од 3,9 милиони евра, под услов веднаш да се испорачаат. На вчерашната прес-конференција обелоденивме шокантни детали за тоа како ДУИ го спроведе процесот на регистрација, но партијата нон грата продолжува да молчи. Ваквиот начин на спроведување на постапката за јавна набавка, со приложување анекси кон основниот договор со кои се менуваат условите и роковите за реализација на договорот и времето на плаќање предвидено во тендерската документација, без професионално и соодветно прифаќање на лаптопите, не обезбедува целосна транспарентност на постапката и не овозможува фер конкуренција на сите оператори. Во овој случај имаме работа со прекршување на законот. Како што потврди Државната ревизија, во овој случај имаме повреда на постапките за јавни тендери“, се вели во соопштението.

Прашуваме како се дрзнале да примат/испорачаат 5.650 лаптопи знаејќи дека немаат соодветна експертиза, велат од Вреди.

„Коалицијата Вреди ќе ги демаскира пред јавноста и ќе ги открие нивните вистински лица. Додека ДУИ заедно со своите следбеници ќе остане само лоша приказна за Албанците. Партија нон грата ДУИ освен во конкуренција за криминал во ништо друго не може да конкурира за првото место. Коалицијата Вреди најави дека нема да има компромис со оние кои се вмешани во корупција и 20 години по ред им нанесуваат штета на Албанците, затоа го повикуваме Обвинителството да ги истражи овие злоупотреби при процесот на регистрација, кои се забележани и во извештајот на Државниот завод за ревизија. Лагите, манипулациите и тајните зделки, мораат да излезат на виделина“, се вели во соопштението.

The post ДУИ ГО ЗЛОУПОТРЕБИ ПОПИСОТ НА НАСЕЛЕНИЕТО Вреди ќе ги изнесува лагите и тајните зделки на виделина appeared first on plusinfo.mk.

Обуката под наслов „Користење компјутери за безбедно учење на далечина“ ја посетуваа 27 штитеници на детскиот дом. Овие млади луѓе, покрај стекнатите знаења и вештини за безбедно користење компјутери за учење на далечина, добија и по еден компјутер или лаптоп коиво иднина ќе им служат за натамошно учење и подготовка за самостоен живот.

По завршување на обуката, учесниците ќе продолжат со едногодишно изучување на англискиот јазик, кое ќе се одвива на далечина под водство на искусни наставници. Овој проект се реализира со поддршка на Sparkasse и амбасадорите на фондацијата Ѓорѓи Марјановиќ.

Компјутерите и лаптопите кои ги добија децата се обезбедени како донација од неколку компании и физички лица за што изразуваме голема благодарност.

„Пресреќни сме што постојат луѓе како Александар кои искрено се грижат за децата без родители и го прават на дело она што зборуваат. Денес нашите штитенци добија многу повеќе од компјутери– тие добија одлична шанса за подобра иднина!“ – изјави по завршување на настанот Розетка Влаховиќ, в.д. директор на детскиот дом „11 Октомври“.

„Денешниот настан е доказ дека меѓу нас постојат голем број хумани луѓе и организации кои помогнаа една идеја да претвориме во реалност. Со нивна помош ја започнуваме трансформацијата на Македонија во пристојно место за живеење, почнувајќи од децата без родители на кои ќе им обезбедуваме компјутери, обуки и ментори“, изјави Александар Марјановиќ, извршен директор на Фондацијата Ѓорѓи Марјановиќ.

The post ФОНДАЦИЈАТА НА ЃОРЃИ МАРЈАНОВИЌ ИМ ГО МЕНУВА ЖИВОТОТ НА ДЕЦАТА Успешна обука и компјутери за штитениците од 11 Октомври appeared first on plusinfo.mk.

Компанијата претходно соопшти дека проблемот се должи на „ажурирање од софтверска платформа од трета страна“ – што сега е потврдено како „Краудстрајк“.

Експертите за сајбер-безбедност предупредуваат дека, иако сега постои софтверска поправка, ќе биде потребна огромна работа за да се вратат и да работат компјутерите.

Лошиот софтвер на „Краудстрајк“ „син екран“ кај системите кои паѓаат, што значи дека не можат да се рестартираат за да го добијат доброто ажурирање на нивните компјутери.

– Бидејќи погодените системи веќе не се стартуваат, ќе треба да се стартуваат во „Безбеден режим“ за да се отстрани неисправното ажурирање. Ова одзема многу време и на организациите ќе им требаат денови за да го изведат во соодветен обем. Во суштина, ова е еден од светските инциденти со најголемо влијание на ИТ предизвикани од продавач на сајбер-безбедност – вели истражувачот Кевин Бомонт.

(ВО ЖИВО) ЦЕЛ СВЕТ Е ВО ХАОС ПОРАДИ КОМПЈУТЕРСКИ ДЕФЕКТ Засегнати се аеродромите, возовите, банките, британските медиуми, а погоденa е и берзата

The post КОГА ПРОДАВАЧ НА САЈБЕР-БЕЗБЕДНОСТ ПРЕДИЗВИКА СВЕТСКИ ИТ-ИНЦИДЕНТ… Дефектот е решен, но ќе требаат денови за да се среди сѐ, вели Мајкрософт appeared first on plusinfo.mk.

Јутјуберите, иако често се мета на критики и предрасуди, не се откажуваат од своите соништа, но и не кријат дека добро заработуваат.

Прв кој ја започнал ерата на овој тип на професија во Србија бил Богдан Илиќ, попознат како Бака Прасе, а Лука Бојовиќ за српски Мондо зборува за бизнисот што тој официјално го започнал. Станува збор за игротека во Белград, во која се инвестирани дури 300.000 евра.

Лука, познат како Лукс, дошол од Црна Гора во Белград пред повеќе од 5 години, не ни помислувајќи дека ќе постигне голем успех. Само еден компјутер му вреди 15.000 евра, а евидентно е дека за „гејмерите“ и за своите гости го избрал само најдоброто.

– Сакав, не можам да кажам дека не сакав. Дали тогаш ми изгледаше реално? Можеби, но за околу 10-15 години. Животот ми се промени во изминатите 2-3 години со ненормална брзина и јас сум му многу благодарен на Бога за секоја можност и за секоја шанса што ја добивам, работата и дисциплината се многу важни и тоа ме доведе до ова денес – објасни тој.

Лукс инвестирал 30.000 евра само во 2 компјутера.

– Инвестирани се 300.000 евра, точно е. Околу 30.000 евра се инвестирани само во 2 компјутера. Навистина не сакавме да заштедиме пари, сакаме луѓето, кои навистина немаат можност да играат на премногу моќни компјутери, тука да добијат шанса за помалку пари – објасни Лукс.

 

View this post on Instagram

 

A post shared by Luka Bojović (@lukabojovic23)

The post 📷 ОВАА ИГРАЧНИЦА Е СОН ЗА СЕКОЈ ГЕЈМЕР Српскиот јутјубер Лукс инвестираше 300.000 евра во својот нов бизнис appeared first on plusinfo.mk.

Предметот е оформен по пријава од непознат подносител од 7.08.2023 година.

– Во однос на утврдување на проценетата вредност на постапката и вредност на доделен договор за јавна набавка и истражување на пазарот утврдено е дека не е испочитуван членот 76 од Законот за јавни набавки според кој договорниот орган може по донесување на одлуката за јавна набавка, а пред објавување на огласот за јавна набавка договорниот орган да спроведе технички дијалог со економските оператори – изјави претседателката на ДКСК Билјана Ивановска.

Од извршената анализа на податоците коишто се јавно достапни на ЕСЈН системот, констатирано е дека Генералниот секретаријат нема спроведена претходна проверка на пазарот за потребите на оваа набавка, односно не објавил оглас за спроведување на технички дијалог со цел да се обезбеди конкуренција и соодветен квалитет на предметот на набавката во однос на неговата намена и вредност.

– Дополнително, ДКСК се обрати до институциите на кои им биле распределени лиценците и од добиените договори констатиравме дека во некои институции има доделено помалку лиценци од потребните, во некои институции има доделено повеќе од потребните, некои институции не биле консултирани за потребата, а некои одговорија дека техничката спецификација во фазата на подготовка, односно пред објавување на тендерот ја доставиле до Генералниот секретаријат и фирмата која всушност го добила тендерот – појасни Ивановска.

Оттука, нагласи таа, заклучокот е дека нецелосно и непотврдено преземање на активности за проценка на вредноста на набавката и истражување на пазарот влијае да не се почитува во целост начелото на економичност, ефикасност и ефективност на користењето на јавните средства во постапките за јавни набавки, кое е утврдено во членот 4 од Законот за јавни набавки. – Непочитувањето на ова начело создава ризик дека проценетата вредност на постапката за јавна набавка не е усогласена со пазарните услови и цени што, пак, понатаму има влијание на рационалното користење на буџетските средства – заклучи Ивановска.

Таа рече дека фирмата која победила на тендерот самата учествувала во подготовка на тендерската спецификација, што е строго забрането со членот 36 од Законот за јавни набавки.

– Поради тоа, не е испочитувано начелото на еднаков третман и недискриминација на економските оператори, предвидено со членот 7 од Законот за јавни набавки – нагласи Ивановска.

ДКСК не наведе за која фирма – добитник на набавката станува збор, за колку набавени софтверски лиценци се работи, за колкав износ е оштетен буџетот, ниту пак наведува во кој период е извршена набавката.

The post „НА ЌОРО“ СЕ КУПУВАЛЕ СОФТВЕРСКИ ЛИЦЕНЦИ ЗА 22 ИНСТИТУЦИИ Антикорупциска открива скандалозна јавна набавка на Владата appeared first on plusinfo.mk.

Истражувачите ширум светот нуркаат длабоко во мистиката на „печуркастите компјутери“. Инспирирани од еластичната и приспособлива природа на габите, тие гледаат свет на можности во мицелиумот, подземната мрежа од структури слични на нишки кои ги поврзуваат печурките со нивната околина.

Во мај годинава, истражувачите од Универзитетот Јоханес Кеплер користеле габи за да создадат интегрирани кола пронајдени во сите електронски уреди. Тие го нарекоа производствениот процес „MycelloTronics“. Тие се фокусираа на габата Ganoderma lucidum, печурката Lingzhi или Reishi. Потоа, истражувачите открија начин да ја претворат во кожа во која се наоѓаат мали електронски компоненти. Претходно, во февруари, во лабораторија во Бристол во Западна Англија беше направена матична плоча со чипови од печурки.

Сами се поправаат!

Чиповите направени од габи, одгледувани од мицелиум, нудат неколку предности во однос на традиционалните чипови базирани на силикон. Тие не само што се биоразградливи, туку и многу енергетски ефикасни, обезбедувајќи позелена алтернатива на нашите постојано жедни машини. Понатаму, тие покажуваат извонреден капацитет за самопоправка, потенцијално намалувајќи ја потребата за скапо и одзема време одржување.

Имаат чудна врска со средината

Нивната биоразградливост ја покажа студијата спроведена од Ања Рој и нејзините колеги во 2019 година на Универзитетот во Екотехника. Во друга студија, предводена од Евгенија Горгиева и нејзиниот истражувачки тим во 2020 година на Универзитетот ГринТек, тие ги искористија габите за да ја подобрат животната средина. Покажаа дека тоа што самите габи се чувствителни на средината може да се искористи за точно да се следи загадувањето.

Децентрализирана свест за био-компјутери

Еден од најинтригантните аспекти на оваа „габична револуција“ се нејзините потенцијални импликации за вештачката интелигенција и свесните машини. Габите долго низ историјата, па и денес ги поврзуваме со изменети состојби на свеста и психоделични искуства. Од античките ритуали на домородните народи до движењата на контракултурата од 1960-тите, печурките играа улога во проширувањето на човечката перцепција и, некои би рекле, на нашето разбирање на свеста.

Научниците сега истражуваат дали мицелиумот може да го има клучот за создавање био-технолошки компјутер со ниво на свест. Габите работат на децентрализиран, меѓусебно поврзан начин, слично како невроните во нашиот мозок.

Дали оваа децентрализирана структура може да биде план за нова ера на компјутери, каде што машините не само што обработуваат информации, туку и ги разбираат? Можноста за свесни машини покренува мноштво етички и филозофски прашања. Што значи машината да биде свесна? Како да ја дефинираме и мериме оваа свест? И ако успееме да создадеме свесни машини, какви одговорности имаме кон нив?

The post КОМПЈУТЕРИ КОИ РАБОТАТ НА „ПСИХОДЕЛИЧНИ“ ПЕЧУРКИ Ем побрзо до свесна машина, ем поеколошки чипови! appeared first on plusinfo.mk.

Министерството за внатрешни работи денеска соопшти дека приведен е С.М. како и А.А. кај кого бил пронајден еден лаптоп за кој постои сомнение дека го купил од С.М.

„Станува збор за С.М., на возраст од 37 години од Кавадарци и А.А., исто така на 37-годишна возраст, од Неготино. При претрес во домот на С.М., извршен со судска наредба, биле пронајдени и одземени шест лап-топ компјутери, делови за компјутер и друга компјутерска опрема, за што постои сомнение дека потекнуваат од кривично дело „тешка кражба“ сторено на 28 август во Здружение на граѓани на улицата Браќа Хаџи Тефови“ во Кавадарци, се појаснува во соопштението од Министерството за внатрешни работи.

Кај А.А. бил пронајден еден лап-топ компјутер за кој, исто така, постои сомнение дека потекнува од истото кривично дело и дека го купил од С.М..

Од МВР информираат дека се што е пронајдено ќе биде вратено кај сопственикот, а по целосно документирање на случајот, против двете лица ќе биде поднесена соодветна пријава.

И основачот на „Донирај компјутер“, Борче Стаменов на Фејсбук објави дека крадецот е фатен и дека компјутерите ќе си ги земат в понеделник.

The post ФАТЕНИ СЕ КРАДЦИТЕ НА КОМПЈУТЕРИ Ќе им се вратат на социјално загрозените деца appeared first on plusinfo.mk.

За тоа, каква е навистина оваа донација, се огласи координаторката на советничката група на СДСМ во Град Скопје, Љубица Јанчева.

– Со одлука на Советот на Град Скопје, од Владата се примија 1955 преносни компјутери, кои пропорционално се доделени на средните училишта на Град Скопје. Да се знае кој е кој, во приказнава – вели Јанчева.

Случајно или не, Арсовска во својата објава го нема споделено овој факт, односно дека компјутерите на Град Скопје му биле доделени од Владата, кои потоа Градот ги распределува, па останува впечатокот дека градоначалничката самата се фали со туѓа донација.

The post ДАНЕЛА СЕ КИТИ СО ТУЃИ ПЕРЈА Скопје доби компјутери од Владата, Арсовска ги дели како донација од Градот appeared first on plusinfo.mk.