Полека завршува најдолгиот месец во годината, последната недела од него ќе остане забележана како недела на промени во стратешките цели на Комората, како и недела која ќе отвори нови перспективи во Република Северна Македонија.

Прецизно, јасно и кратко!

Во четврток доаѓаат сите претседатели на коморите од регионот да расправаат за инфраструктурата во функција на развој на бизнисот. Наредниот ден, Комората ќе обзнани неколку институции кои ќе бидат основа за унапредување на извозот.

Тоа значи дека преминуваме од зборови на конкретни дела. Национален совет за извоз, Институт за извоз и Клубот на извозниците ќе бидат централните алатки за поддршка на компаниите.

Во оваа прилика сакам да се заблагодарам на сите кои учествуваа во овие операции, а пред сè на професорот Дарко Лазаров кој упорно ме убедуваше да ги забрзаме овие процеси. Денес, Клубот на извозници има веќе 200 членови, Институтот започнува со работа, а Советот во 2024 година одржа 3 седници.

Нема да бидат помалку интересни и наредните неколку дена. Конечно, очекуваме почеток на операцијата за користење на средствата од унгарскиот кредит и засилена законодавна иницијатива.

Исто така, во фокусот ќе биде и прашањето за борбата со корупцијата и сивата економија, како круцијални прашања во приоритетите на Комората. Минатата недела имавме и гости од Америка кои нè информираа за почетокот на иницијативата „Трите мориња“ со којашто конечно економија е пред политиката, што е наша заедничка цел. Се создава зона на бизнисот кој треба да го подигне нивото на животен стандард и профитабилноста на компаниите од Балтичкото, до Црното и Јадранското Mоре.

Но, пред нас се исправаат и други предизвици. Тоа се: продолжување на научната конференција за нови технологија чија прва сесија беше во 2018 година, имплементацијата на анализата која се однесува на додадената вредност, зголемување на продуктивноста и иновативноста на македонските компании, формирањето на Совет за соработка со дијаспората, улогата на компаниите во заштитата и промоцијата на природното, културното и историското наследство на Македонија. Да сумирам, мора да продолжиме со уште пожестоко темпо во имплементација на нашите активности.

П.С. Поткастот на СКСМ и Трето уво продолжува со својата мисија, а таа е да афирмира млади бизнис лидери кои ќе го понесат товарот и ризикот на македонската економија во наредните години. Ви препорачувам внимателно да ги погледнете гостувањата на Глигор Цветанов од Макпрогрес – Виница и Виктор Мизо од Костал – Охрид, двајца докажани бизнис-лидери од внатрешноста.

The post Сопствен кадар и верба во себе appeared first on plusinfo.mk.

Позитивни коментари од бизнис заедницата откако вчера се донесе Буџетот за 2025 година, во кој вкупните приходи се планирани на ниво од 358,8 милијарди, а расходите на ниво од 400,2 милијарди денари. Буџетскиот дефицит е проектиран во апсолутен износ од 41.350 милиони денари, односно на 4 проценти од БДП, а планираниот раст на економијата е 3,7 проценти.

Имено, претседателот на Стопански комори Бранко Азески во вчерашното гостување во емисијата Отворено студио на МТВ на која учествуваа и претседателот на Владата Христијан Мицкоски, министерката за финансии Гордана Димитриеска Кочоска, како и претставниците од останатите стопански комори, рече дека буџетот кој го проектираше Владата е развоен и значи борба за подобра иднина за граѓаните и бизнисот.

– Конечно одиме кон таа работа, развоен буџет. Јас претставувам тука компании кои се моќни и финансиски консолидирани и они имаат потреба од раст, они се заинтересирани за нови инвестициони циклуси, а тоа со овој буџет го насетуваат дека ќе се случи. Второ, ние сите треба да бидеме максимално определени, и владата и бизнисот и сите чинители, дека отворање на нов инвестициски циклус значи и подобар живот за граѓаните, фирмите, за државата – објасни Азески.

Според Азески дуплирана е ставката за економски политики, додавајќи дека минатата година истата била 40, а сега е 8 милиони, како и дека 250 милиони одат во локалната самоуправа, а 250 милиони евра одат во бизнисот, што според него конечно се креира развоен наместо социјален буџет.

– Дуплирана е ставката за економски политики преку министерството за економија којашто минатата година беше 40, а оваа година е 80 милиони низ разни програми. 250 милиони евра одат во локалната самоуправа, 250 милиони евра ќе дојдат во бизнисот итн. Ова сето зборува дека конечно е свртена страницата и е трасиран патот за формирање на развоен, на местото на социјален буџет којшто 30 години го негувавме и не ни донесе раст поголем од 1,8% – дополни Азески.

Азески нагласи дека доколку Владата е доследна и ги испочитува сите ставки во делот на отворање на нов инвестициски циклус тогаш ќе се поттикне растот на градежништвото, за коешто рече дека е моторна сила за раст на економијата.

– Ако Владата е доследна и ги испочитува сите ставки во делот на отворање на нов инвестициски циклус, ќе остане само едно прашање, а тоа е ветувањето дека 51% од градежните работи на големите проекти ќе бидат наши компании, со што ќе се поттикне растот на градежништвото коешто е моторна сила за растот на економијата и тоа ќе придонесе да влеземе во еден оптимизам кој досега го немавме – заклучи Азески.

За разлика од опозициската СДСМ која изминатиот период го критикуваше земениот унгарски креди и обвинуваше за недомаќинско работење, бизнис заедницата ја поздрави одлуката на Владата за понудените 250 милиони евра од унгарскиот заем на бизнисот со поволни услови и истакна дека толку евтин кредит под вакви услови не се случил 30 години.

Имено, претседателот на Сојуз на Стопански комори Трајан Ангелковски во вчерашното интервју во Отворено студио истакна дека тој е втора генерација во бизнис секторот во неговото семејство, не се памети да се случило да плати толку ниска камата, потенцирајќи дека кредитот според овие параметри е повеќе од поволен.

– Јас сум втора генерација во бизнис секторот кај мене во семејството. Татко ми ја основа компанијата и ние во триесет и нешто години корпоративно ниеднаш немаме користено кредит за нашата фирма со рочност од 15 години. 1,95 до сега не ни се има случено да платиме толку ниска камата. Дефинитивно кредитот според овие параметри е повеќе од поволен – истакна Ангеловски.

Тој исто така сподели и лично искуство од неговата компанија која имала готов проект, но истиот стоеше во фиока, но ваквиот поволен кредит ги охрабрува да продолжат со плановите и да инвестираат.

– Сега ќе кажам ситуација во нашата компанија. Ние имаме спремна градежна дозвола, спремен проект. Две или три години поради нашата субјективна процена дека може да не е вистинско време да се инвестира проектот стоеше во фиока. Овој кредит не охрабрува да ние влеземе во инвестиција неколку милионска којашто, знаете секоја инвестиција носи со себе вработувања, инвестиции, нови машини, нова опрема, нови извозни аранжмани итн. Така да секоја поддршка на стопанството ние апсолутно ја поддржуваме и сметаме дека секој денар којшто ќе биде вложен во македонското стопанство ќе се врати повеќекратно – потенцираше Ангеловски.

И претседателот на Стопанската комора на Северозападна Македонија Менди Ќура исто така го поздрави ваквиот потег на Владата додавајќи дека само најавата дека ќе има 250 милиони евра за бизнисот и 250 милиони евра за општините го регулира банкарскиот пазар на каматите кои после ковид кризата беа високи.

– Само најавата дека ќе има 250 милиони евра за бизнис заедницата и 250 милиони за општините се стабилизира банкарскиот пазар во делот на каматите, затоа што после ковид кризата имавме високи стапки на каматните стапки од 5,6,7% и беа огромна тежина за бизнисот. Ова е за поздравување – вели Ќура.

Инаку, минатиот месец Владата и банкарскиот сектор се договорија за каматата за парите од унгарскиот кредит наменет за бизнисот.

– Договорена е каматна стапка од 1,95 проценти, до три години грејс период и до 15 години рок на отплата во зависност од потребите на компаниите. Ценам дека е ова историски договор со историска најниска каматна стапка – изјави тогаш премиерот Мицкоски.

The post ПОДОБРА ИДНИНА ЗА БИЗНИСОТ И РАСТ НА ЕКОНОМИЈАТА Бизнис секторот со пофалба за Буџетот за 2025 година appeared first on plusinfo.mk.

Според она што го изјави на последната прес-конференција министерот за економија Крешник Бектеши, се  очекува мислење за списокот да дадат Организацијата на потрошувачи како и други заинтересирани лица, по што ќе се знае дали списокот ќе се намали или прошири.

Списокот содржи повеќе 2.500 земјоделски и прехранбени производи. Во него се опфатени живи домашни животни и живина, сите видови риба, морски плодови и производи од риба и месо од риба, сите видови месо и месни преработки од сите категории, млеко, производи од живина, јајца, млечни производи, мед, други прехранбени производи, овошје, зеленчук и нивни преработки, потоа кафе чај, зачински растенија, жита и преработки од нив, производи од мелничката индустрија, масла и маслодајни семиња, шеќер и производи од шеќер, какао и производи од какао.

Меѓу производите кои ќе бидат влезени во утврдувањето на нефер трговски практики се и различни видови сув зеленчук и овошје од сите видови, замрзнато овошје и зеленчук и сокови од сите видови овошје, други различни видови производи за исхрана, пијалаци, алкохол и оцет, минерална вода, пиво, повеќе видови  вино, вина од заштитени географски подрачја…

Интересно е и тоа што на списокот се најдоа и жестоки пијалаци, виски, вотка, ликери како и тутун и производи од тутун, производи со или без содржина на никотин, наменети за вдишување без согорување и други производи со содржина на никотин.

Дел од овој список се и живи дрвја и растенија, цвеќе, украсни растенија, како и остатоци од производство наменети за прехрана на животни, органски хемиски производи, етерични масла и разни производи од хемиската индустрија, плута и производи од плута, хартија, влакна од лен и коноп и јута и слично.

Коморите и организацијата на потрошувачи веќе го разгледуваат списокот и до дадениот рок ќе ги дадат своите забелешки.

– Сè уште го разгледуваме списокот што го објави Министерството за економија на 15 март. Конечно мислење ќе дадеме следната недела – вели Татјана Тасевска од Организацијата на потрошувачи.

Исти одговори даваат и од коморите во кои се формирани тимови кои го разгледуваат детално предложениот список.

Законот за забрана не нефер трговски практики беше едногласно донесен од страна на пратениците на почетокот на месецов.

Првите ефекти од ова законско решение ќе се почувствуваат дури наесен, бидејќи ќе следи период до 6 месеци на усогласување на договорите меѓu производителите и трговците, но и усогласување на актите на Комисијата за заштита на конкуренција со законите.

Според очекувањата на владините претставници со примената на законот ќе се намалат голем број од цените на прехранбените производи. Подготвувачот на законот, Министерството за економија, тврди дека доколку цените почнат без причина да се зголемуваат ќе следат казни и нови владини мерки со кои ќе се заузда тој процес.

Земјоделците, пак, се  убедени дека ефектите од намалувањето на цените со ова законско решениe ќе ги почувствуваат токму тие, бидејќи нивните цени ќе претрпат намалување.

The post СПИСОКОТ ЗА НЕФЕР ПРАКТИКИ 5 ДЕНА НА ЈАВЕН УВИД Следната недела ќе биде објавена конечна верзија appeared first on plusinfo.mk.

Иако правниот принцип не дозволува законите да важат ретроактивно, Законот за солидарен данок е донесен и ќе се применува, освен ако Уставниот суд не одлучи поинаку.

Законодавниот дом го донесе деновиве законот кој во собраниските кулоари се шеташе повеќе од една година. Бизнис заедницата се изјасни против законот и најави дека ќе го обжали пред Уставниот суд.

Законот предвидува компаниите кои оствариле промет над 615 милиони денари (10 милиони евра), а добивката била зголемена за 20% во однос на просекот од последните три години, да платат еднократен данок од 30% и е поврзан со последиците на кризните 2020 и 2022 година, кога Владата мораше од државниот буџет да издвои пари за справување со кризите.

Владата очекува со ова оданочување во државната каса да се слеат 76,4 милиони евра, кои ќе бидат потрошени за справување со кризата.

Неколку илјади компании ќе бидат на удар на законот

– Средствата кои по овој основ ќе се слеат во буџетот ќе бидат планирани во посебната програмата за справување со кризата и наменети за антикризни мерки за поддршка на компаниите и на граѓаните. Основната карактеристика на овој закон, кој претставува и препорака на Европската комисија, е солидарноста на дело, а ќе има и позитивно влијание врз одржување на нивото на јавниот долг – смета Владата.

Засега не се кажува бројката на компании кои ќе подлежат на овој данок, но претходно беше речено дека неколку илјади ќе бидат опфатени со него. Она што е важно е тоа дека 30% данок ќе се плаќа на разликата во добивката во однос на претходните три години.

„Даночната основа за данокот за солидарност се пресметува на начин што од износот на даночната основа по намалување утврдена во даночниот биланс за оданочување на добивката за 2022 година, се одзема просечниот износ на даночна основа по намалување утврдена во даночните биланси за оданочување на добивка за претходните периоди, зголемен за 20 отсто. Доколку е поповолно за даночниот обврзник, даночната основа за данокот за солидарност може да се пресметува на начин што од просечниот износ на даночната основа по намалување утврдена во даночниот биланс за оданочување на добивката за 2021 и за 2022 година, се одзема просечниот износ на даночна основа по намалување утврден во даночните биланси за оданочување на добивка за претходните периоди, зголемен за 20 отсто. Претходни периоди се периодите од 2018, 2019 и 2021 година“, пишува во законот.

Вицепремиерот Фатмир Битиќи низ пример претходно појасни како ќе изгледа тоа оданочување.

– Ако некоја фирма имала профит од 1,2 милиони евра, а во меѓувреме тој се зголемил на 2 милиони евра – разликата од 800.000 евра ќе подлежи на 30 отсто данок на добивка, само за оваа година. Тоа се дополнителни 240.000 евра кои ќе бидат платени на име на данок на добивка – рече Битиќи.

Правните експерти едногласни – вака не може!

Спротивно на владата, бизнис заедницата и експертската јавност се изјаснија дека се против ова решение, бидејќи тоа се однесува ретроактивно и е селективно.

– Правно не е можно закон да има ретроактивно дејство, освен во одделни случаи на кривична материја каде што се предвидуваат поблаги казни. Ова важи само за кривични дела за кои постапките во судовите не се завршени – појаснува експерт по право.

Тој додава дека не се знае како Уставниот суд ќе реагира на оваа инцијатива и каква одлука ќе донесе, бидејќи, како што вели, и таму се гласа, па не може однапред да се знае исходот.

Ист став има и Институтот за економски истражувања и политики „Фајнанс тинк“, кој уште во јуни годинава наведе две причини кои со примената на законот можат да направат општествена штета.

– Законот ќе има ретроактивно дејство, што – надвор од правниот момент – не е добра пракса и оневозможува предвидливост и можност за соодветно планирање. За предвидливост и планирање, дискусијата денес може да се однесува за евентуална интервенција кај кој било данок почнувајќи од 2024 година па натаму – наведуваат од институтот.

Сите во ист кош

За експертите на овој институт е проблематично и тоа што во ист кош ќе се стават компании кои профитирале од состојбата и оние кои поради вложувањето во минатиот период оствариле повисок профит во текот на кризната година.

– Од една страна, зафатени ќе бидат и фирми кои оствариле вонреден профит како резултат на свои специфични фактори (претходни вложувања, освоени нови пазари, подобрена продуктивност и ефикасност итн), а од друга страна, ќе бидат изоставени фирми, па дури и цели сектори, кои во континуитет имаат високи профити вклучително и поради пазарната структура, но кои нема да потпаднат под овој данок бидејќи нема да го исполнат условот за пораст на профитот за најмалку 20% над просекот од претходните години – велат оттаму.

Економистот и поранешен пратеник Маријанчо Николов вели дека најверојатно законодавецот знаел дека ретроактивно нема да може да се примени законот, но ги имал предвид околностите според кои процената дека поповолните околности одат на сметка на солидарноста.

– Не сум го видел конечниот текст на законот, но ако се гледа Уставот, тогаш законот не може ретроактивно да се применува, но притоа треба да се има предвид дали е поповолно за граѓаните тој данок да се плати или не. Фирмите овој данок, меѓутоа, го доживуваат како казна. Најверојатно законодавецот имал друго решение за пресметката од 3 години наназад. Сепак, мислам дека Уставниот суд треба да одлучи дали ќе може да заживее овој закон – вели Николов.

Коморите на нога – законот не е ни праведен, ни европски!

Бизнис заедниците во текот на изминатиот период, но и вчера остро реагираа. Стопанската комора најави и иницијатива пред Уставниот суд.

– Пред поведување на Иницијативата, согласно член 75, став 2 од Уставот, ќе побараме од претседателот на државата да не го потпише указот за прогласување на Законот за данок на солидарност, зашто тој е очигледно во спротивност со член 52 од Уставот, но без очекување дека барањето на бизнис секторот ќе биде прифатено – велат од Стопанската комора.

Од оваа комора забележуваат дека донесувањето на овој закон не претставува усогласување со европските закони, но и дека тој е селективен во однос на компаниите.

– Укажавме на селективен пристап затоа што се опфатени само поголемите компании, укажавме дека се врши оданочување на сите компании, независно дали добивката што ја оствариле се должи на пазарните услови (остварена екстра-добивка поради движења на пазарите на енергенси или други причини кои довеле до конјунктурни поместувања на пазарот) или се должи на раст на добивката на компаниите како резултат на нивното работење, односно како резултат на зголемени вложувања, подобрена продуктивност, освојување на нови пазари и слично, укажавме и на дестимулирање на успешните компании кои се инвестициски ориентирани. Со предложениот концепт на оданочување, кој претпоставува споредба на остварениот просек на добивките во претходните четири години и добивката во 2022 година, во неповолна положба се доведуваат компании кои инвестирале во претходните години, а остварувале помала добивка, во споредба со потенцијално зголемената добивка во 2022 година, која би ја оствариле како резултат на вложувања – велат од оваа комора.

Од Сојузот на стопански комори наведоа дека се казнуваат компаниите кои најмногу плаќаат данок.

– Законот, пред сè, се коси со начелата на бизнисот, со правата на инвеститорите и со исплатата на дивиденда. Трошоците за Данокот на „солидарност“ излегуваат надвор од деловните годишни планови, по затворање на фискалната година, распределбата на дивиденда, отсуствуваат од годишните инвестициски и развојни стратегии. Оној што малку се разбира во деловно и финансиско работење, знае колку погрешни се овие мерки и колку погубни резултати ќе има врз бизнисот. Не постои пример во светот каде се носи закон за ретроактивен период, закон кој условува, кој демотивира и дестимулира – реагираа од Сојузот.

The post ЗАКОНОТ ЗА СОЛИДАРЕН ДАНОК ЌЕ БИДЕ КАЗНА ЗА УСПЕШНИТЕ Ретроактивното оданочување мора да падне на Уставен суд appeared first on plusinfo.mk.

Со документот се утврдуваат начелата за взаемни активности во различни области на соработката. Меморандумот за соработка го потпишаа м-р Кристинка Радевски, Претседател на Комората на овластени архитекти и овластени инженери и м-р Никола Рибароски, Претседател на Комората на трговски друштва за геодетски работи.

На потпишувањето на меморандумот м-р Радевски истакна дека цврстото позиционирање на инженерот во нашето општеството и неговата улога како рамноправен и релевантен чинител во меѓународниот инженерски свет е можно само преку широка и отворена соработка со сите сродни и релeвантни ентитети кои ги делат истите вредности и заложби.

– Имајќи го предвид значењето на геодезијата во секојдневието во врска со градбата и управувањето на недвижностите, неминовно е да се каже дека со геодетските работи започнува и завршува секоја градба. Ние сите заедно сме дел од едно цело и само со заеднички сили можеме да го прогресираме инженерството – област која што како ни една друга е одговорна да обезбеди здрава животна средина, растечка економија и подобра иднина за нашите млади генерации. Комората на трговци поединци овластени геодети и трговски друштва за геодетски работи е субјект која во рамки на своето работење регулира значителна област од градежната индустрија. Задоволство е што досегашната наша комуникација ја подигнавме до ова ниво – истакна м-р Радевски.

Тој рече дека со потпишување на овој меморандум со Комората на овластени архитекти и овластени инженери, предвидена е соработка, размена на искуства и взаемна поддршка во неколку сегменти кои се однесуваат на делови од Законот за градење, Законот за Катастар на недвижности, како и законот за Геодетска дејност, кој допрва треба да биде усогласен со останатите закони и донесен за прв пат во историја на нашата држава.

Комората на овластени архитекти и овластени инженери е независна, непрофитна, професионална организација што ги обединува сите инженерски професии во Македонија. Таа е единствената овластена институција која што издава јавни овластувања на архитектите и сите инженери во смисла на нивните професионални компетенции за работа на пазарот на трудот во областа на градежништвото. Комората има повеќе од 3.550 активни членови и е полноправна членка на Европскиот Совет на Инженерски Комори (ECEC) и дел од Светската Федерација на Инженерски Организации (WFEO).

The post АРХИТЕКТИТЕ И ИНЖЕНЕРИТЕ МОРА ДА ГО ДОБИЈАТ ЗАСЛУЖЕНОТО МЕСТО ВО СИСТЕМОТ Коморите најавуваат низа активности во тој правец appeared first on plusinfo.mk.

Според Стопанската комора на Северозападна Македонија (СКСЗМ), не може да се надмине кризата ако фалат капитални инвестиции кои треба да ја заживуваат економијата, ниту може да се надмине кризата без адекватни фискални и даночни политики и олеснувања, без соодветно да се помогне бизнисот како најголем работодавач во земјата, а притоа имаме преоптоварена јавна администрација која троши многу и е непродуктивна.

И Сојузот на стопански комори (ССК) оценува дека наместо капиталните инвестиции кои се кратат за 100.000 милиони евра, треба да се оди кон намалување на трошоците во јавната администрација.

Стопанската комора на Северна Македонија, пак, во ребалансот не гледа ништо друго, освен намалување на непродуктивните трошоци, задржување на економската активност и на работните места. Сепак, порачува дека Владата треба максимално одговорно да се однесува и да им помогне на компаниите.

– Ребалансот требаше да се случи, бидејќи навистина економскиот аспект на реализација на тие средства од буџетот, особено капиталните инвестиции се на многу ниско ниво, имајќи предвид дека заклучно со април сме на 17 отсто што е многу ниско. Ќе имаме дополнително задолжување од 900 милиони евра од кои 200 милиони се за стари долгови, што значи дека буџетскиот дефицит рекордно ќе се зголеми, а од друга страна, бизнисот е со врзани раце што значи дека ќе има намалена економска активност што ќе претставува дополнителен проблем за враќање на тие средства – вели извршниот директор на СКСЗМ, Дриљон Исени.

И покрај минималната реализација, додава Исени, капиталните инвестиции ќе се кратат за дури 80 милиони евра.

– Ваквиот пристап не е економски, па дури со овие минимални средства пристапот не е ниту социјален. Ова го велиме бидејќи се предвидени 76 милиони евра за граѓаните и стопанството кои, имајќи ја предвид ситуацијата и околностите, за бизнисот и за граѓаните овие средства не се доволни. Сето ова покажува дека Владата нема конкретен одговор за кризата што ја опфати и нашата земја – напоменува Исени.

Претседателот на ССК Трајан Ангелоски истакнува дека финансиите средства со кои се располага, мора да се инвестираат таму каде што ќе се оплодат и каде што ќе создадат додадена вредност.

– Ова е економско правило кое треба да важи и за ребалансот на државниот буџет. За поддршка на економијата и создавање подобар живот за сите граѓани буџетот треба да биде насочен кон изградба на инфраструктурни објекти – патишта, железници, кон инвестиции во енергетскиот сектор, бидејќи тоа се продуктивни трошоци кои придонесуваат за економски раст, развој и благосостојба. Ова треба да биде појдовна точка кога се прави ребаланс на буџетот. Затоа, наместо капиталните инвестиции кои се кратат за 100.000 милиони евра, треба да се оди кон намалување на трошоците во јавната администрација – вели Ангелоски.

Според него, исто така, многу е важно да се забрза процесот на дигитализација „кој ќе ги олесни бирократските процедури и ќе го намали коруптивното однесување“.

– Неопходно е стратешки да поставиме цели кои навистина ќе го подобрат животот во нашата држава и потоа сите заеднички во континуитет да работиме на нивно остварување. Секој друг пристап не е одржливо решение – нагласува претседателот на ССК.

Претседателот на Стопанската комора Бранко Азески неодамна оцени дека во ваква ситуација да се донесе ребаланс на Буџетот, значи прилагодување на ситуацијата.

– Во тоа не гледам ништо друго освен намалување на непродуктивните трошоци, задржување на економската активност и на работните места. Ние однапред кажавме дека ситуацијата е тешка, па не знам кој би можел и нешто друго да изведе – истакна Азески.

Комората, додаде Азески, чека да види што ќе се случи со ребалансот, па да седне со Владата и да разговара.

– Мерките што ќе ги предлагаме ќе бидат во насока да се задржи постојното ниво на економска активност и на работните места. Не загрижува проблемот со скапите суровини и нивната набавка, но и цената на струјата. Треба да се подигне степенот на домашно производство и рационално да се троши енергијата. Понудивме и други решенија како јавно-приватно партнерство во електропроизводството, а имаме и предлози како да се менаџираат јавните набавки. До крајот на годината не треба да се носат нови даночни задолжувања, треба да има и предвидливост – потенцира Азески.

Со ребалансот на Буџетот кој е веќе доставен во Собранието, растот е проектиран на 3,2 отсто, инфлацијата на 7,2 процента, а дефицитот на 5,3 отсто од БДП. Вкупните приходи се планирани на ниво од 245,8 милијарди денари и се за околу 6,9 милијарди денари или 2,9 проценти повисоки во однос на иницијалните проекции. Планираното ниво на даночните приходи е за пет проценти повисоко во однос на Буџетот, а износот на вкупните планирани расходи е 288,5 милијарди денари или 16,1 милијарда денари (5,9 проценти) повеќе во однос на иницијалните проекции со планот за 2022 година.

– Овој ребаланс е соодветен и навремен финансиски план на политики кои би се преземале за годинава да го завршиме циклусот на заздравување на економијата и стандардот на граѓаните – рече министерот за финансии Фатмир Бесими, образложувајќи ги проекциите откако беа усвоени на владина седница.

The post БИЗНИСОТ НЕЗАДОВОЛЕН ОД РЕБАЛАНСОТ НА БУЏЕТОТ Се кратат капитални инвестиции, наместо трошоците за администрацијата appeared first on plusinfo.mk.

– Секторот за туризам во текот на денов ќе го достави до стопанските комори за да ги дадат и последните коментари. Откако за два до три дена ќе ги добиеме ќе го објавиме – рече Бектеши како одговор на новинарско прашање по промоцијата на платформата safetravels.gov.mk за имплементација на „Знак за безбеден туризам“.

The post Бектеши: Оваа недела ќе биде објавен огласот за ваучерите за домашен туризам appeared first on plusinfo.mk.

Од НУК се револтирани што не биле поканети на состанокот на кој се договарала вакцинацијата на угостителите.

„Ги прашуваме јавно министерот Венко Филипче и претседателите на овие комори зошто угостителите и Независната угостителска комора, која најмногу допринесе во остварување на правата на угостителите во изминатиот период, повторно се игнорираат и деградираат“, стои во реакцијата.

Од НУК бараат Министерството за здравство во најкус рок да ги објави начините планирани за вакцинирање што се договорени на состанокот со коморите.

The post НУК: Да се вакцинираат сите угостители, а не само од привилегираните членки на коморите appeared first on plusinfo.mk.

Ова на средба со претставници на коморите и здруженија од повеќе сектори го најави министерот за финансии Фатмир Бесими.

За компаниите кои бараат поголема извесност во поглед на промените на даночниот систем, даночниот календар ќе обезбеди попредвидлива деловна клима, како и намалување на сивата економија, отстранување на недоследностите од законите за извршување и за холдинг друштва.

На средбите се дискутирало за даночната реформа и за акцискиот план за годинава во однос на Стратегијата за реформа на даночниот систем за периодот 2021-2025 година.

– Реформите на даночниот систем се во насока на воспоставување современ, транспарентен, ефикасен даночен систем што се заснова на јасни правила и принципи и ќе се темели на современи дигитални технологиии и иновации во оданочувањето, во функција на постигнување на забрзан, инклузивен и одржлив економски раст – изјави Бесими.

На состанокот се дискутирало и за приоритетите на Стратегијата за реформа на даночниот систем коишто се во насока на поголема праведност во оданочувањето, поголема ефикасност и ефективност на даночниот систем за подобра наплата на приходите, намалување на неформалната економија, поголема даночна транспарентност, подобар квалитет на услугите и воведување еколошко (зелено) оданочување.

На состаноците присуствуваа претседателите на стопанските комори: Бранко Азески – на Стопанската комора на Македонија, Неби Хоџа – на Комората на Северозападна Македонија, Штефан Петер – на Советот на странски инвеститори, Виктор Мизо – на Асоцијацијата на компании со технолошки напредно производство, Ајдован Адемоски – на МАТТО, Патрик Мартенс – на Делегацијата на германско стопанство, Анета Антова Пешева – на МАСИТ, Нина Ангеловска – на Асоцијацијата за е-трговија и Драган Митковски – потпретседател на Сојузот на стопански комори.

The post Компаниите во понеделник ќе го добијат даночниот календар за промените на даночниот систем appeared first on plusinfo.mk.

Како што соопштија од ПКС од оваа средба, бизнисмените од Западен Балкан упатија заеднички апел до своите влади и политичките структури во регионот да направат сè за економијата да функционира на наједноставен можен начин и да се свртат кон иднината и заедничката регионална соработка.

Дајте им на граѓаните на регионот иднина, а не минато, е заедничката порака на сите претседатели на стопанските комори на Западен Балкан до нивните влади.

Бизнисмените бараат итно отстранување на сите деловни и економски бариери во регионот, особено оние што произлегуваат од лошите политички односи меѓу Белград, Приштина и Сараево. Од владите во Сараево и Приштина беше побарано да ги укинат визите и сите други ограничувања на слободата на движење. Побарано е признавање на регистарските таблички и осигурување на возилата, што спречува целосна слобода на движењето и на деловното работење, што доведува до непотребни трошоци во работењето на економијата.

Стопанските комори на Западен Балкан исто така испратија јасна порака до Европската унија дека е недопуштена натамошна блокада за воведување визна либерализација за жителите на Косово. Спречувањето на слободно патување на граѓаните и економијата е во директен судир со основните човекови и европски права. Стопанските комори на регионот го потсетуваат Брисел дека визната либерализација беше пресвртницата и најголемиот поттик за економскиот развој на сите земји од Западен Балкан.

Заеднички беше оценето дека иницијативата за укинување на ПЦР-тестот за граѓаните да патуваат во земјите од регионот, што беше усвоен на иницијатива на стопанските комори, имаше голем ефект врз деловната активност на компаниите.

The post Kоморите од Западен Балкан до ЕК: Дајте ни иднина, укинете ги визите appeared first on plusinfo.mk.